吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 你哋身邊有冇有咗或生咗成日曬命嘅朋友？ ...

想生BB 今日: 0|主題: 109543

收藏本版

發帖

返回列表

跳至頁

樓主: myhappylife

123 4

積分: 40237

21^#

發表於 16-5-3 17:35 |只看該作者

回覆樓主:

其實唔明有咗/或者已經生左bb有咩好曬，其他人未有/未生總有原因嘛

私人傳訊

白色小野豬

複式洋房

積分: 280

22^#

發表於 16-5-3 18:19 |只看該作者

回覆：Emannuel1109 的帖子

係，我都係咁唸，如果成功咗，我都要小心講嘢

私人傳訊

cutiemapa

侯爵府

積分: 24199

2018復活節勳章畀面勳章

23^#

發表於 16-5-3 18:30 |只看該作者

絕對有！

不過好難怪，佢地太易有喇，絕對唔會明白其實想要個B係可以幾咁難！
永遠唔會明！

所以爲咗唔好令自己俾佢地影響度太唔開心，
我選擇少D出席聚會，unfollow佢地fb （好多日日都post大肚阿B相）,
whatsapp就無計喇，我又未去到退group

私人傳訊

茶靡

大宅

積分: 1119

24^#

發表於 16-5-4 10:24 |只看該作者

myhappylife 發表於 16-5-3 00:12
純粹想呻下，不喜勿插。因為我有個一向鍾意炫耀嘅朋友，已經生咗，而家陀第二胎，成日周圍叫人快啲生，包括 ...

我依家先知, 以前既自己係好乞人憎,未結婚前, 我成日會追問結左婚既人幾時生,
到左自己結完婚, 成日俾人催,
再加上自己一直未有, 個種感覺成日好難受

依家, 成日係group, fb見到人地post相,
真係好想扮見唔到, 但咁做又好小家
雖然人地唔係有心曬, 但自己無, 真係好痛苦
仲要D人成日同我講, 好快有架啦,
好易啫, 你都快D生啦, 我真心覺得討厭
你地咁易有, 唔明白我恨有而無既心情

私人傳訊

teresayan07

珍珠宮

積分: 33522

25^#

發表於 16-5-4 10:32 |只看該作者

本帖最後由 teresayan07 於 16-5-4 10:33 編輯

cutiemapa 發表於 16-5-3 18:30
絕對有！

不過好難怪，佢地太易有喇，絕對唔會明白其實想要個B係可以幾咁難！

whatsapp group 可以 mute 左佢... 唔彈 notification 出來...

私人傳訊

Gi-leung

伯爵府

積分: 18393

26^#

發表於 16-5-4 10:41 |只看該作者

有我有group朋友兩個大肚中
平時講其他野無咩回應
一講陀仔就廿幾三十個msg
我自己就不斷努力但又不斷失敗中⋯
可唔可以顧下人感受要講陀仔好心私下講啦

私人傳訊

minigaga

男爵府

積分: 9337

BB防敏心得分享勳章 Xmas吸收勳章認識瑞士牛牛第一回

27^#

發表於 16-5-4 14:25 |只看該作者

我覺得講者無心，聽者有意。
生仔同拍拖結婚都係一樣，唔見你地話啲人咩炫耀拍拖，問你幾時拍拖結婚咁。因為你地個個都有，就算有人唔知你拍拖或結左婚，人地問你，你都唔覺得人地炫耀或者黑人憎。
個情況同生仔一樣，有人post, 有人講，有人問都唔代表人地炫耀緊。只係講者冇心，聽者有意。但無論點都好，鄧人開心都冇乜問題，最重要係果啲人有冇真係騷擾到自己，因為啲無謂人自己唔開心就唔值啦。

私人傳訊

km1705

別墅

積分: 652

28^#

發表於 16-5-4 20:37 |只看該作者

回覆樓主:

真係言者無心，聽者有意啫
我個姑姐知道我地努力左好耐，佢同我講表弟老婆有咗，話想鼓勵我，我真係唔想聽，但無謂同佢坦白，其實佢已經高齡同舊年小x兩次，所以佢都唔好得我好多

另一對朋友，我喺佢地第一胎時已好想要，到佢計劃有第二胎，試左一次就得，仲同我講易到好可怕，我地再試年幾都仲無，佢老公上次黎我屋企同人
傾偈，講有個同事高齡失婚，一拍拖就有左，另一個同事有好幾個，又快生得.......

把口生喺人地度，都無可能阻止人地而分享開心事，不過我地聽到唔舒服，惟有喺度同d同路人呻下囉

私人傳訊

elmobeebee

男爵府

積分: 5441

29^#

發表於 16-5-4 20:58 |只看該作者

茶靡發表於 16-5-4 10:24
我依家先知, 以前既自己係好乞人憎,未結婚前, 我成日會追問結左婚既人幾時生,
到左自己結完婚, 成日俾人催, ...

朋友想鼓勵你，先講呢D說話。
曬命同關心有好明顯分別。
加油!

私人傳訊

elmobeebee

男爵府

積分: 5441

30^#

發表於 16-5-4 21:02 |只看該作者

白色小野豬發表於 16-5-3 15:41
我都有吖，成日教我點點點，可能佢無心嘅，但我聽到，好5開心囉。
由其當佢有咗之後，又同另外個人講，你快 ...

太過熱心，會令人好難受。
我會等朋友問先分享。
真係要顧及人感受，人地主動講先傾。

私人傳訊

茶靡

大宅

積分: 1119

31^#

發表於 16-5-4 22:39 |只看該作者

elmobeebee 發表於 16-5-4 20:58
朋友想鼓勵你，先講呢D說話。
曬命同關心有好明顯分別。
加油!

過多既關心係會令人困擾，
每次見都問都講，真係好想黑面，
但又要扮無事，其實個心好想喊

私人傳訊

戀晴

大宅

積分: 1347

BK Milk勳章畀面勳章

32^#

發表於 16-5-4 22:40 |只看該作者

我身邊有朋友成日講，不過我估佢地只不過覺得自己太幸福先成日提住......有啲人本來就係唔識睇人眉頭眼額

私人傳訊

elmobeebee

男爵府

積分: 5441

33^#

發表於 16-5-4 22:54 |只看該作者

茶靡發表於 16-5-4 22:39
過多既關心係會令人困擾，
每次見都問都講，真係好想黑面，
但又要扮無事，其實個心好想喊

朋友唔敏感，係好難受。
如果係好fd, 我會直接同佢講唔想傾呢個話題，因為會唔開心。

私人傳訊

藍藍mami

大宅

積分: 4467

34^#

發表於 16-5-4 22:57 |只看該作者

回覆：你哋身邊有冇有咗或生咗成日曬命嘅朋友？

如果唔知我努力中都同我講, 咁我唔會放在心上, 有小朋友係開心事
但如果明知我都備孕中未有聲氣, 會有d燥

私人傳訊

cuckoandlulu

洋房

積分: 98

35^#

發表於 16-5-4 22:59 |只看該作者

吃不到的葡萄是酸的！
拍拖結婚、生兒育女～～全部都係喜事、
發生向任何人身上、都會自然將喜悅分享！
人哋亦可以數臭你炫耀其它野略！
差別在於：言者無心、聽者有意！

除非人哋當面單打說話、就另計啫！

我小產過幾次、努力懷孕生B！
身邊有孕婦、媽媽～成日叫唔好做乜、教我點樣做先好！
唔會介意囉、因為人哋想你可以一齊開心、為自己好啫！
而且仲會摸多D孕婦個肚、痴多D胎氣、希望快D到自己！

子女緣嘅野、上天自有安排！
妒忌唔開心、都唔可以批評孕婦同媽媽！
為胎兒積福、希望感動胎神祕佑！

私人傳訊

meko2win

男爵府

積分: 5607

36^#

發表於 16-5-4 23:06 |只看該作者

myhappylife 發表於 16-5-3 00:12
純粹想呻下，不喜勿插。因為我有個一向鍾意炫耀嘅朋友，已經生咗，而家陀第二胎，成日周圍叫人快啲生，包括 ...

本帖最後由 meko2win 於 16-5-4 23:09 編輯

我以前都有個幾好嘅朋友，响我失戀嘅時候，同我曬佢自己結左婚，點同老公一擊即中生龍b，果排每次出來食飯就曬曬曬

係咁講自己生龍b喎! 龍b喎！（佢每次都有再三強調《龍b 喎》呢3個字）
搞到我差點以為佢中左六合彩

一係就曬自己老公一個月俾6千家用佢，但所有燈油火焟佢都唔使出！
奶奶連衫都幫佢熨埋，屋企傢私全部男家送等。
又同我講我識投資好重要，話自己今日炒窩輪先賺左$70 等

利申：我冇眼紅過佢

私人傳訊

manandyin

大宅

積分: 1469

37^#

發表於 16-5-4 23:11 |只看該作者

回覆：你哋身邊有冇有咗或生咗成日曬命嘅朋友？

成日有人介紹中醫俾我，問心果句我知佢地為我好，不過緣份未到有乜計，而家我差唔多絕跡朋友聚會，廢事唔啱咀形，自己又唔開心

私人傳訊

Gi-leung

伯爵府

積分: 18393

38^#

發表於 16-5-4 23:16 |只看該作者

meko2win 發表於 16-5-4 23:06
本帖最後由 meko2win 於 16-5-4 23:09 編輯

我以前都有個幾好嘅朋友，响我失戀嘅時候，同我曬佢自己結 ...

你朋友覺得6000家用好多？
夠比水電煤差餉管理費已經無太多剩
咁都好曬

私人傳訊

叫我做super

大宅

積分: 1390

39^#

發表於 16-5-5 00:00 |只看該作者

我明啊！我都係過來人，同老公等左四年, 由初時日日check排卵，每個月都失望，跟住中醫針灸私家ivf乜都做齊，洗左好多錢都係唔得，後期真係一諗起dodo就好反感，有一段時間（大約2年左右）簡直連最好既朋友都唔想見，因為個個輪流生b，生完一個又一個都未到我，真係眼淚在心裡流，我果時係好坦白咁同我最好既朋友講我出來食飯好唔開心所以唔想出去，好彩佢地都好諒解我。。以前成日聽人講放鬆心情會易中d，我就諗「我夠想放鬆啦，控制唔到嘛！」，好燥！但係我相信大部分人都唔係想係人傷口洒鹽既，真係唔洗咁介意人地講既野。
跟住我同老公真心放棄左生b呢件事，見朋友同佢地bb 時都好鄧佢地開心，我覺得如果係朋友既話佢地會明白，過左就無事，而我最後係因為政府公家ivf排左幾年到我就諗住試多次，最後呢次我地完全無抱任何希望，反而就中左（絕無囇命成份），所以心情真係好重要架！