香港18區媽媽會 今日: 0 | 主題: 156992

積分: 255

21^#

發表於 08-10-30 00:15 |只看該作者

Teresa,

普通話及英文每星期都會有兩節課，每節為半小時，以小組形式上課，由外籍老師教授，另外由高班開始，每逢星期六早上都會有週末英語遊戲小組，我大女現在都有參加，靈恩另外一個我覺得比其他人優越的地方，係學校同其他小學聯系好好，而且有很多區內活動都有份參與，雖然學校已經有四十幾年歷史(上年是45屆畢業典禮)，但設備我本人都覺得齊全，而且我大女今年讀第三年，雖然無家長教師會，但家校合作都做得好好。有什麼問題可以send e-mail 俾我。

Annie

原文章由 Teresa 於 08-10-29 11:28 發表

charleneng,

咁佢地一星期有幾多堂上putonghua & eng?

私人傳訊

積分: 35965

畀面勳章

22^#

發表於 08-10-30 08:53 |只看該作者

tibeeleung,

真係你唔講我都唔知呀! 好彩有bk, 可以上黎收下料咋.

Annie,

你講得好清楚喇, 唔該哂. 我細仔而家都係8個月, 仲有成年幾至可以入到靈恩N1, 希望到時會更好啦.

私人傳訊

tibeeleung

積分: 30

23^#

發表於 08-10-30 21:36 |只看該作者

回覆 #1 Teresa 的文章

唔駛客氣，大家傾吓講吓，都係為小朋友好，好學d，唔洗憂心佢大個後的出路。

私人傳訊

肥朱朱

積分: 341

24^#

發表於 08-10-30 21:44 |只看該作者

我個女以前讀靈恩時,已經有位男嘅英文老師,好似係美藉華人,識講小小中文的,而教普通話嘅叫戴老師.

私人傳訊

eugene媽

積分: 19

25^#

發表於 08-10-31 01:23 |只看該作者

hello, Teresa, 本人將於12月搬到朝光街，我仔仔依家得11個月，多謝你回應呢間學校，令我提前search周圍D幼稚園，經地產介紹咗幾間附近街坊都中意的kg，用咗2日查佢哋D料，竟然有重要發現，由教育局嗰網站查到以下資料兼去site visit﹕

聖安多尼 : $14208/y (我跟住問下佢街口間聖安多尼小學，竟然話完全冇關係，只喺同名，咁都得!)
聖保羅堂 : $17800/y
靈恩 : $19580/y
禮賢會 : $20290/y
凌月仙 : $23100/y
救恩 : $24000/y
(唔會考慮聖心，因為驚我嗰仔第時俾人笑)

請問Teresa，禮賢會只比靈恩加入710/y，靈恩就叫做平民KG，咁聖保羅堂咪仲平民？

其實回應者，應該喺用家，先至俾到D最準確嘅意見，但你比人嘅感覺似追擊靈恩多過俾意見，我都知你喺禮賢會嘅忠實粉絲，但你唔喺用家又胡亂抨擊靈恩。就算Charleneng及tibeeleung講嘅你都質疑佢。另外，我覺得你最好唔好俾嗰細仔去佢間KG讀，你去人度讀1年N1，以你對禮賢會咁忠心，如果靈恩收咗你嗰仔讀N1，你必定不斷挑佢嘅唔好嘢，1年後就明正言順返禮賢會，咁又何苦呢!你會好辛苦。

今日我沿途上靈恩，救恩同禮賢會site visit，周圍問吓D舖頭，竟然嚇親我，去到報紙檔，佢話佢D仔女都喺靈恩畢業，生果舖又話嗰孫女又喺讀靈恩，仲話曾經介紹人由救恩轉去讀靈恩，五金舖又話D仔女喺靈恩畢業、條街好多舖頭D細佬都喺讀靈恩。我問佢多唔多人讀禮賢會及救恩，佢答得好好笑，佢話D教徒就讀嗰2間，佢又話第三街喺分水嶺，住喺高街以上多數讀嗰2間，第三街以下就會讀靈恩，都唔知真唔真？

不過今日site visit竟然見到有家長揸(新款)BENZ接放學，又有人有車又有菲傭接放學，門口又勁多工人等接放學，都唔明點解Teresa話靈恩喺平民KG，其實呢間俾人話所謂喺平民KG都好啱我，我老公又唔喺大公司CEO，揾份大約$23K嘅工，我2公婆都喺平民，啱哂!

私人傳訊

積分: 35965

畀面勳章

26^#

發表於 08-10-31 09:40 |只看該作者

原文章由 eugene媽 於 08-10-31 01:23 發表
hello, Teresa, 本人將於12月搬到朝光街，我仔仔依家得11個月，多謝你回應呢間學校，令我提前search周圍D幼稚園，經地產介紹咗幾間附近街坊都中意的kg，用咗2日查佢哋D料，竟然有重要發現，由教育局嗰網站查到以下資料兼去site vis ...

你對我既留言反應好大下喎!

我唔係睇唔起靈恩, 只係我對呢間幼稚園既印象係, 佢比起禮賢會, 係冇人地咁大既校園, 冇人地成個教會backup. 而因為我大仔以前係禮賢會畢業, 我對禮賢會既認識一定比靈恩多. 你唔可以話我係禮賢既"忠實fans", 絕對唔係. 只係我計劃細仔入學時要考慮既野同大仔o個時已經有唔同, 我又唔係一定我細仔讀禮賢會. 所以我會留意其他幼稚園, 靈恩/凌月仙/聖心/禮賢都係我既考慮之列. 只係樓主開左個topic, 咪留言問下, 冇其他意圖.

如果你唔鐘意我用"平民"呢2個字, 用"地區名幼稚園"會唔會感覺好一d? 我完全唔係對任何幼稚園有"偏見", 我個好朋友細個都係讀靈恩既. 我又住o係附近, 日日都見靈恩既學生. 但係就得個"見"字, 靈恩實際既課程/師資/活動, 我一無所知架. 唔"問", 我點會知?

我諗你真係誤會左我既意思喇, 我又冇o係其他topic幫禮賢會講過咩好說話, 而且我大仔都小四喇, 而家就會睇到當年佢讀禮賢會時既課程同佢小學上既銜接既不足/優點. 呢d對於我同細仔佈署讀幼稚園又有新既睇法.

希望你明白我既原意啦, 他朝如果我真係比細仔讀靈恩, 我可能會同你做埋朋友呢!

私人傳訊

eugene媽

積分: 19

27^#

發表於 08-10-31 14:13 |只看該作者

Teresa I'm so sorry誤會咗你，希望你可以原諒我咁直接講我對你回應嘅意見啦! 不過真心講真喺好多謝你令我早D揾料。我個仔喺細仔，人肥不過月份細，我D舊同學教我遲一年先俾佢讀書，就會變大仔而又不會超齡，讀書會容易D；唔知其他媽咪有冇好建議？我今朝打電俾靈恩想話參觀吓!佢哋好有禮貌同好好語氣咁拒絕我，叫我明年10月先打俾佢哋間幼稚園約時間見老師，我問佢哋點解想參觀都安排唔到，佢哋解釋嘅理由我又覺得幾啱，佢哋話如果佢哋俾人隨時入學校參觀，除咗安全同衞生問題外，最重要喺會影響佢D學生嘅學習情緒，令佢哋分心上堂。佢哋又講得啱嘅，記得以前我自己讀書時候，如果有人參觀我都會掛住望D參觀者，點會專心上堂。等1年都要等啦!

私人傳訊

tibeeleung

積分: 30

28^#

發表於 08-10-31 15:13 |只看該作者

佢哋真係好嚴架，囡囡K1面試個時都已經係咁，我聽d舊家長講，佢地以前冇禁嚴，不果係「沙士」之後就禁左好多，因為怕被陌生人四周圍行，弄到校內地方不清潔，影響d小朋友健康，由「沙士」開始要小朋友回到校內要換校內鞋先，然後入洗手間洗手，才入課室上課。我覺得咁做都係為左d小朋友好。

私人傳訊

積分: 255

29^#

發表於 08-10-31 16:02 |只看該作者

hi eugene 媽，

原來你住係朝光街，我地住得好近，我住係水街，其實我曾經聽過有個朋友用徙置區嚟形容靈恩，點解佢會咁講呢，因為佢話靈恩校舍舊，d課室都係間出來，又無一個好大的操場及遊戲室，所以我個朋友話靈恩似徙置區。

我覺得幾好笑，你話平民咩，咁事實上我地都只不過係平民，但係靈恩的學費一d都唔平，我大女的契媽係跑馬地某一間幼稚園做，佢都同我講靈恩的學費比佢間學校仲貴。我三年前都無諗過會俾個女係靈恩讀，甚至連呢間學校我諗都無諗過，因為我首選係救恩，但係當我睇完呢兩間學校之後，我第一時0間諗，有一個大操場係唔係真係咁緊要呢？

其實唔係，兩間學校俾我的印象係救恩的老師好cool，同小朋友無咩溝通，靈恩的老師好nice,就算靈恩無一個好大的操場，小朋友俾我的答案係佢鍾意靈恩，好彩我大女讀咗呢三年，佢行為話咗俾我聽我無揀錯。其實我諗，點解咁多家長揀幼稚園嗰時會覺得聖保羅堂，救恩同埋禮賢會呢，最大原因係有宗教background同埋一個大操場(唔好意思我唔知禮賢會有無)，不過始終每個父母都係緊張自己仔，所以收集多d意見都好。

Annie

原文章由 eugene媽 於 08-10-31 01:23 發表
hello, Teresa, 本人將於12月搬到朝光街，我仔仔依家得11個月，多謝你回應呢間學校，令我提前search周圍D幼稚園，經地產介紹咗幾間附近街坊都中意的kg，用咗2日查佢哋D料，竟然有重要發現，由教育局嗰網站查到以下資料兼去site vis ...

私人傳訊

肥朱朱

積分: 341

30^#

發表於 08-10-31 16:10 |只看該作者

原文章由 tibeeleung 於 08-10-31 15:13 發表
佢哋真係好嚴架，囡囡K1面試個時都已經係咁，我聽d舊家長講，佢地以前冇禁嚴，不果係「沙士」之後就禁左好多，因為怕被陌生人四周圍行，弄到校內地方不清潔，影響d小朋友健康，由「沙士」開始要小朋友回到校內要換校內鞋先，然後入洗手 ...

我個女以前讀都吾準家長參觀嫁啦! 好嚴嫁!

私人傳訊

積分: 35965

畀面勳章

31^#

發表於 08-10-31 16:41 |只看該作者

原文章由 charleneng 於 08-10-31 16:02 發表
hi eugene 媽，

原來你住係朝光街，我地住得好近，我住係水街，其實我曾經聽過有個朋友用徙置區嚟形容靈恩，點解佢會咁講呢，因為佢話靈恩校舍舊，d課室都係間出來，又無一個好大的操場及遊戲室，所以我個朋友話靈恩似徙置區。

我覺 ...

Eugene媽,

唔好介意, 我係"問題家長", 所以乜都希望知多d先. 你咁早入黎收料都岩架, 我都係! 慢慢觀察同比較至會有岩既決定.

你仔仔如果遲一年入學, 咁樣報小一時咪冇左"適齡"個分囉? 加埋佢又係家中老二, 咁仲麻煩, 你真係要諗諗佢, 一係就索性straight in讀埋老大讀既小學.

charleneng,

你講既正係我心聲. 我唔係睇唔起靈恩, 而係當初大仔報幼稚園既時候, 有好多"聲音"會話比你知.. 入甲幼稚園就容易d入xx小學, 入乙幼稚園好多都可以派到第一志願.... 呢d講法. 咁o係乜都唔知既情況下, 就會好自然去左d"有多d backup"既幼稚園啦, 同埋, 當年我真係諗過比個仔入一間有宗教既幼稚園, 相信基督徒既老師"應該"係會有愛心d既.

我唔係話當年大仔讀既幼稚園唔好, 不過, 而家知既野多左, 想法又唔同左. 間間幼稚園都有佢地既優勝地方同不足既地方啦, 只係睇下父母點樣比重認為咩係重要d.

所以, 我入黎見你地既留言, 對靈恩開始有d認識, 睇黎都幾岩我細仔呀. 加上佢又有n1班, 我又可以比佢讀下先, 如果我地覺得ok既, 咪比佢直上k1, o個時就仲唔使煩啦.

私人傳訊

積分: 255

32^#

發表於 08-10-31 16:55 |只看該作者

Teresa,

正如我之前所講，天下間的父母個個都緊張自己的小朋友，況且你小朋友都仲係細，或者到時每間學校的？情況會有所轉變呢，到時再聽多d意見，再慢慢選擇，而且你都有過經驗，難唔到你！

Annie

原文章由 Teresa 於 08-10-31 16:41 發表

Eugene媽,

唔好介意, 我係"問題家長", 所以乜都希望知多d先. 你咁早入黎收料都岩架, 我都係! 慢慢觀察同比較至會有岩既決定.

你仔仔如果遲一年入學, 咁樣報小一時咪冇左"適齡"個分囉? 加埋佢又係家中老二, 咁 ...

私人傳訊

eugene媽

積分: 19

33^#

發表於 08-10-31 17:24 |只看該作者

Teresa,

謝謝您俾D料，不過我只得一個仔，我只是話佢算喺細仔，因為佢要到11月6號先至1歲。

Charleneng,

我要大概12月中先搬過嚟，舊業主要11月18號先交吉，又要裝修，我老公話應該可以搬完先做冬。

其實我老公會同埋我明天下午帶埋阿仔去靈恩睇吓環境，喺門口睇吓都好，睇完再講俾您聽呢!因為聽電話嗰個話如果未同老師約，就只有在大堂睇吓。

原文章由 Teresa 於 08-10-31 16:41 發表

Eugene媽,

唔好介意, 我係"問題家長", 所以乜都希望知多d先. 你咁早入黎收料都岩架, 我都係! 慢慢觀察同比較至會有岩既決定.

你仔仔如果遲一年入學, 咁樣報小一時咪冇左"適齡"個分囉? 加埋佢又係家中老二, 咁 ...

私人傳訊

積分: 35965

畀面勳章

34^#

發表於 08-10-31 21:56 |只看該作者

原文章由 eugene媽 於 08-10-31 17:24 發表
Teresa,

謝謝您俾D料，不過我只得一個仔，我只是話佢算喺細仔，因為佢要到11月6號先至1歲。

IC IC.

咁你真係要好好考慮下喇, 報小一時個個都坐底有既"適齡"分, 如果你仔仔冇, 咁就唯有靠第二輪"抽獎"喇.

其實你都可以比佢跟返同一年, 即係佢未夠2歲9個月讀K1先. 小朋友未必真係如你認為既"差一截", 有唔少都跟得上進度. 而且又可以問下老師既意見先啦. 老師對咁多小朋友, 可以觀察同比較, 佢既意見就係最好架喇.

私人傳訊

積分: 255

35^#

發表於 08-10-31 22:19 |只看該作者

Eugene 媽，

原來你地十二月至搬嚟西環，朝光街邊到？我住係水街口，
opposite 酒店, 靈恩呢兩個月的星期六都係新生面試日。 keep
contact 呀。

Annie(Charleneng)

原文章由 eugene媽 於 08-10-31 17:24 發表
Teresa,

謝謝您俾D料，不過我只得一個仔，我只是話佢算喺細仔，因為佢要到11月6號先至1歲。

Charleneng,

我要大概12月中先搬過嚟，舊業主要11月18號先交吉，又要裝修，我老公話應該可以搬完先做冬。

其實我老公會同埋我明天 ...

私人傳訊

SK-2

別墅

積分: 555

36^#

發表於 08-10-31 23:32 |只看該作者

so this school is no religion, right?

原文章由 charleneng 於 08-10-31 22:19 發表
Eugene 媽，

原來你地十二月至搬嚟西環，朝光街邊到？我住係水街口，
opposite 酒店, 靈恩呢兩個月的星期六都係新生面試日。 keep
contact 呀。

Annie(Charleneng)

...

私人傳訊

tibeeleung