Ericmo 發表於 16-7-1 18:24 
我知我out，現在才看步步驚心!
現在只看了十幾集，不理解為什麼若曦要跟八爺分手，明明她也是喜歡八爺的。
...
張曉返到清朝，最初都係現代人思想，當時佢唔會為愛情去到不能同生但願共死，知道八爺嘅結局，若曦未夠愛到可以同佢一齊死，相比八福晉愛八爺，若蘭愛青山果種，若曦愛八爺只係少女懷春遇到翩翩公子，充滿夢幻，草原上只有兩人，卿卿我我冇旁人打擾，但回歸京城後，一切都係現實，愛八爺要同妒嫉出名嘅八福晉爭寵，只要八爺寵愛，即使與世無爭嘅若蘭，八福晉都時加留難，以若曦性格，一不能忍跟其他人分享丈夫，二不能忍受八福晉，三對若蘭亦有愧疚之心，日後八爺府難免會日日雞犬不寧，到時幾愛都係假，八爺一定會為家事鬧心，兩人嘅愛情都會消磨淨盡，與其知道以後日子係咁樣而自己都不能忍受，加上奪位路上最終八爺係死路一條。當時若曦權衡利㢢，以後愛情生活不會如意，八爺亦不能善終，佢又何苦去混？總括係佢地愛得唔夠，八爺又何嘗想過會為若曦去放棄權力！
至於對四爺，若曦最初只為投其所好，明知佢將來會係王帝，唔好得罪佢之餘，收買下人心只為將來可以安穩渡日，佢冇想過自己會愛上四爺，亦冇想過四爺會誤會而愛上佢，及至太子求婚，若曦投靠四爺都係諗住樹大好遮蔭，最終四爺會成為皇帝，即係結局都唔差，起碼唔駛死，點知自己之前想保護八爺提醒佢小心四爺會推動歷史，改變咗十三爺四爺嘅命運，因為咁，最初唔敢揶揄皇位嘅四爺變成一定要得到皇位，而若曦因為日久生情，最後自己亦跌入歷史洪流之中，因為想保護由細到大一起成長嘅朋友親人，若曦消磨咗佢同四爺嘅愛情，最後令自己同四爺都抱憾。
花旗太太生活在花旗國，留意時差，你問我未必即時答到。
發表於 
返回列表
