回覆樓主:
要講美國最低工資，附帶要留意好細節，唔係只睇工資同福利，其實每個城市或州分嘅最低工資都有出入，我住呢度已經過15美金一個鐘，係好事嗎？未必，小商戶工資負擔大，唔可能請太多人，人手不足，服務質素受影響，客人冇回頭，一樣要執。pt唔一定有福利，如果工時唔超過一星期18個鐘係唔駛俾福利，所以好多老闆都識得點請人，咁又家家有求，有學生只要一份工幫補下開支，唔係等開飯，有媽媽仔女返晒學，但唔可以全職，咁喺附近揾份做幾個鐘嘅工好過揾唔到，仲有黑市工低過最低工資一半都有，又係果句，有工好過冇工。美國近年經濟差，但商戶開支大，又環保又垃圾又好多稅項，所以售價已大幅轉去俾銷費者，市中心一個飯盒都要10蚊有多，街頭餐車賣嘅都要呢個價錢，但係唔係冇平嘢正嘢，又唔係喎，一樣有下午2點後半價a la carte做招徠，m記唔駛10蚊，唔食餐，唔要汽水，有低價item可以兩三蚊有交易，6蚊20塊麥樂雞分兩餐，朝早早晨全餐6蚊一餐食唔晒，留番部份做午餐，再慳d唔大食，唐人餐館七蚊八蚊飯盒分兩餐，再慳d自己帶午餐。
美國有州稅有聯邦稅，仲有醫療保險，如果退休金公積金供到盡，一個月人工5000,袋入袋可以只有一半，咁當然可以供少d退休或保險，正常最多可以去到七八成，但平時銷售稅都差不多10%(有部份城市冇) 加貼士10-15%...不過呢度揾呢度駛，starbucks呢度一杯細咖啡兩蚊唔駛，一樣有年薪唔到5萬養一家大細，亦有年薪幾十萬話冇錢剩，睇你要邊種生活啫。
花旗太太生活在花旗國，留意時差，你問我未必即時答到。
發表於 
返回列表
