自由講場 今日: 205 | 主題: 1349714

積分: 4573

22^#

發表於 16-10-7 22:31 |只看該作者

amypekkle 發表於 16-10-7 22:27
「每次我一煮晚飯就開始要吃餅，要吃蛋糕，要吃糖⋯不停講不停講」～

樓主，你意思是，你剛開始煮晚飯（未 ...

佢返全日，3點半吃完茶點，返屋企會吃一小包餅乾，平時6點半開始煮飯

私人傳訊

ckat

積分: 20016

23^#

發表於 16-10-7 22:32 |只看該作者

回覆樓主:

唔好叫佢bb, 叫佢名

3歲好細啫，俾d耐性

私人傳訊

Bu-bie

男爵府

積分: 6641

24^#

發表於 16-10-7 22:33 |只看該作者

檸檬茶葉發表於 16-10-7 22:09
可能真係遺傳我，我今次由得佢喊係想佢知道我絕不會妥協，(因為已經好多次咁樣扭）其實我都唔知啱唔啱:bas ...

我唔識評論啱唔啱，但BB願意表達自己意願我覺得都好重要，
自己做左咁多年人，試問可以任性撒嬌

的日子又有幾多？
我會試下同BB講，「好啦，媽咪幫你搬一次，下次你自己搬得唔得先？你應承媽咪就幫你搬一次啦

」，咁咪大家都好落台，你又唔洗勞氣。
但當然我唔係你，感受唔到你有幾炆，但趕出門真係太過火，慢慢教囉

私人傳訊

333s

象牙宮

積分: 231834

25^#

發表於 16-10-7 22:33 |只看該作者

檸檬茶葉發表於 16-10-7 21:14
今晚開飯，只有我同囝囝（就快3歲）吃，平時開飯都係佢自己搬張凳琴上自己張吃飯凳，今晚佢掛住玩玩具叫我 ...

可能他真的很累。

小孩/ 大人一樣, 有D人, 天生身上似長了刺。硬頸… 當遇上外來挫折感次數多了,
很自然身上刺被磨平了。生存之道。

想不開、就別想. 得不到、就不要. 失去了、繼續笑. 擁有了、要珍惜。
快乐不是拥有的多，而是计较的少。

生悶氣，發脾氣，煩躁，焦慮，失眠. 是指因生气（生闷气、怒气、着急上火生成的火气、思虑生成的郁气）。
理性討論交流者。

私人傳訊

木土土

琥珀宮

積分: 165598

26^#

發表於 16-10-7 22:33 |只看該作者

引用：Quote:Bu-bie+發表於+16-10-7+21:35+Sorry

原帖由 檸檬茶葉 於 16-10-07 發表
可能真係遺傳我，我今次由得佢喊係想佢知道我絕不會妥協，(因為已經好多次咁樣扭）其實我都唔知啱唔啱:bas ...

其實你可以試下唔好次次企硬，有時佢扭計，佢可以在佢一開始扭就順佢意，等佢知道媽媽不是always say no。
但若你短時間內決定唔順佢意（例如set 5-15分鐘），你就一定要堅持到底，無論佢喊幾耐，一定要比佢知道不停扭計係唔可以達到目的。

私人傳訊

LLL1124

積分: 4190

27^#

發表於 16-10-7 22:33 |只看該作者

我個就來4歲，如碰正眼瞓（貪玩又唔願瞓），少少事都可引發佢發癲大叫大喊的，但通常几分鐘就會平靜番。
有時食飯食到一半唔想再食，又會話好攰、好眼瞓、扮反胃等等。
如你囝囝都願食飯而只係扭搬櫈，或試試同佢一齊搬，待佢平靜後再同佢講講道理吧。不過很明白你一個人跟他困獸鬥那種苦況

私人傳訊

艾森

子爵府

積分: 11164

28^#

發表於 16-10-7 22:38 |只看該作者

我覺得未夠三歲既小朋友間中撒下嬌啫

同小朋友扭抱差唔多，想媽媽呵護下
不過唔好趕小朋友出門口，咁樣好傷害小朋友弱小心靈

私人傳訊

方麗娟

珍珠宮

積分: 40343

好媽媽勳章醒目開學勳章陪月勳章

29^#

發表於 16-10-7 22:43 |只看該作者

ckat 發表於 16-10-7 22:32
唔好叫佢bb, 叫佢名

3歲好細啫，俾d耐性

仲叫bb，佢咪覺得自己仲好細個要大人遷就

私人傳訊

nintendo

積分: 24316

2018復活節勳章

30^#

發表於 16-10-7 22:43 |只看該作者

檸檬茶葉發表於 16-10-7 21:14
今晚開飯，只有我同囝囝（就快3歲）吃，平時開飯都係佢自己搬張凳琴上自己張吃飯凳，今晚佢掛住玩玩具叫我 ...

你都硬頸。
搬凳好少事，冇乜大不了？
即使大事，都唔洗企到咁硬，有乜事慢慢講。
推佢出門更不適當。
小朋友喊，先要佢 calm down，再解釋比佢聽是與非。
做父母要識收放，唔係企硬就一定 work。
我仔女一個 18 一個 21，我從來唔會同佢地死撐，佢地 ok 喎，反叛期平安渡過。

私人傳訊

aidan08

積分: 20946

31^#

發表於 16-10-7 22:59 |只看該作者

我覺得教小朋友要分輕重，例如佢只係撒吓嬌想你幫佢搬櫈，佢只得三歲，我會同佢講數︰[好，媽媽幫你搬一次咁多，但你要馬上停止玩玩具過來食飯喎！]，開個條件，等佢知道順佢意佢都係有原因。無謂因為咁小事攪到要趕出門口咁大件事。因為如果你事無大小都咁做，佢唔識分你幾時係好嬲，幾時係普通嬲，件事係嚴重定濕碎。

不過，一旦你選擇咗唔妥協，好似今次咁，你就唔可以輸，一定要佢屈服，否則佢只會愈來愈鍾意扭計。

所以，處理小朋友嘅問題，最好睇吓件事嚴唔嚴重先，關乎價值觀，好明顯對錯嘅，必要企硬，鬧大都係咁話。但如果只係小事，父母應該要諗吓計仔，唔想鬧大就唔好選擇同佢鬥，以柔制剛。我覺得個個小朋友都會經歷試父母底線嘅年紀，所以個個都有硬頸時，父母要鬥智鬥力，一過六歲其實你就會知道自己教得好唔好，小朋友聽唔聽你話，本身硬頸其實都可以教化，如果愈來愈嚴重其實顯示你教嘅方法唔啱。六歲前你處理每一件事都最好諗吓先，日積月累會睇到效果。

我講個例子，我有個朋友，同我講佢仔好硬頸，所以只係我唔明佢個仔唔可以用硬功，佢舉個例話自己試過嬲到趕佢個仔出門口，個仔都唔妥協。我仔細問吓佢當時情形，佢話佢已經好惡，趕佢出門口，佢個仔喺門口大吵大鬧拍門dum地發晒顛。我再問︰咁最後點？佢答我因為驚比隔離鄰舍投訴，所以放返佢入屋。我聽完佢講，完全明白佢個仔點解會愈來愈硬頸，愈來愈臭脾氣，因為佢發顛發到最勁時，佢就會得逞，咁佢咪覺得發顛好有用。呢個例子，好反映到父母真係喺決定同小朋友鬥時，自己要衡量是否可以鬥到底，我同我朋友講，如果你驚嘈親鄰居，根本就點都唔應該趕佢出門口，因為你會輸。輸咗好麻煩，個細路只會每次愈來愈顛。

私人傳訊

積分: 4573

32^#

發表於 16-10-7 23:02 |只看該作者

nintendo 發表於 16-10-7 22:43
你都硬頸。
搬凳好少事，冇乜大不了？
即使大事，都唔洗企到咁硬，有乜事慢慢講。

其實有好多事我已經唔執着了，好似要佢自己筆飯食咁，由兩歲開始訓練佢自己筆飯食，軟又試過硬又試過，收碗又試過，堅持坐足三個鐘頭一啖唔筆又試過，最後我放棄，到依家（今個月三歲）餐餐要餵，佢一啖都唔會自己筆（飯），其實我都唔想同佢硬鬥硬，但有時候會有疑惑：經常當小事咁妥協咗佢會唔會以後自己想點就要點，我好困擾

私人傳訊

積分: 4573

33^#

發表於 16-10-7 23:07 |只看該作者

aidan08 發表於 16-10-7 22:59
我覺得教小朋友要分輕重，例如佢只係撒吓嬌想你幫佢搬櫈，佢只得三歲，我會同佢講數︰[好，媽媽幫你搬一次 ...

好多謝你寫咁長舉埋例子回覆我，我會好好諗下應該點做

私人傳訊

nintendo

積分: 24316

2018復活節勳章

34^#

發表於 16-10-7 23:26 |只看該作者

檸檬茶葉發表於 16-10-7 23:02
其實有好多事我已經唔執着了，好似要佢自己筆飯食咁，由兩歲開始訓練佢自己筆飯食，軟又試過硬又試過，收 ...

我唔係專家，但我自己 2 個，我大哥 2 個，姑仔 2 個，個個唔同性格。
小朋友小脾氣一定有，越細越不能同佢撐，
更麻煩的小朋友我也見過，如果同仔女死撐，真係會傷感情。
返 K1 未？返咗學會好好多

私人傳訊

aidan08

積分: 20946

35^#

發表於 16-10-7 23:31 |只看該作者

檸檬茶葉發表於 16-10-7 23:02
其實有好多事我已經唔執着了，好似要佢自己筆飯食咁，由兩歲開始訓練佢自己筆飯食，軟又試過硬又試過，收 ...

如果佢有食飯問題，唔鍾意食正餐，我覺得你唔好再逼佢自己食，先攪好佢胃口問題先。

要小朋友乖乖食飯，我覺得應該從點樣吸引佢食嘢著手。仲有就係製造食飯時嘅愉快氣氛，唔好將飯枱變戰場，唔好令佢一諗起食飯就覺得係件唔開心的事。
比D心機鑽研吓佢鍾意食D咩，吸引佢食，佢鍾意食嘅嘢，不妨經常煮，唔好擔心夠唔夠多樣化，一步一步嚟，首先令佢唔抗拒埋飯枱食飯先。唔好諗嗰樣嘢係咪夠健康，係要諗佢鍾唔鍾意，好唔好食，現代小朋友總之肯食嘢唔會咁易營養不良的。好多家長成日整D淡而無味，一D都唔吸引的餸菜比小朋友，話要夠清淡夠健康，小朋友肯食係好，唔肯食根本只係令小朋友抗拒咗食嘢。
佢唔肯食，你由得佢，但你同其他家人要食得好滋味，好開心，不停讚好食。佢唔食幾餐，餓吓佢無問題的。食飯係人基本生存會做嘅事，佢最後點都會食的。首先令佢欣賞食物，鍾意食嘢先啦。唔鍾意食嘢，根本唔會自己食飯。

我個仔人人見到佢食嘢都開心，佢真心鍾意食嘢，咩都會試，我從佢好細個已經好有心機跟佢口味煮嘢，佢細個都有胃口差嘅時候，我從來未試過逼佢食一口飯，佢唔食我叫佢抖吓，想食先話我知，我煮D佢想食嘅嘢佢食。大個咗，鍾意咗食嘢先慢慢教佢其他價值觀同禮貌，例如唔好浪費食物，去人地屋企唔鍾意食嘅嘢最多食少D，唔可以話唔好食等等，教小朋友一步一步嚟，全部嘢都要一次過教，要佢守晒D規矩，佢都消化唔到啦。

私人傳訊

積分: 4573

36^#

發表於 16-10-7 23:35 |只看該作者

nintendo 發表於 16-10-7 23:26
我唔係專家，但我自己 2 個，我大哥 2 個，姑仔 2 個，個個唔同性格。
小朋友小脾氣一定有，越細越不能同 ...

九月開始返k1

私人傳訊