夫婦情感 今日: 0 | 主題: 42740

積分: 2333

22^#

發表於 08-11-29 17:41 |只看該作者

我都好認同你o既講法.
如果調番轉頭你老公話你亞媽o既不是,你都會好反感!
我陀住亞囡時,我奶奶都無探過我,只有我大住個肚去佢屋企探佢,
仲要係無飯食(因為我奶奶唔煮飯)
到我生完o係醫院都係探過我一次,又係無煮野比我食....
而家囡囡已經1歲,我都會每星期一次湊去佢屋企比佢玩一陣,就算佢屋企好多狗毛都無辦法.....唔通唔比佢見咩?!
不過好在我奶奶係不問世事o個隻....
而且我老公不嬲都唔係成日返去探佢,反而我出現後佢就多左見到個仔,所以我地關係都ok~~
今年我生日,奶奶仲送左個gucci袋比我tim!!連我老公都呷醋,話佢咁大個仔都未收過亞媽咁厚禮....
我相信只要你對人好,人地一定feel到!!只係時間問題~~
以後盡量唔好同老公告枕頭狀啦,如果佢亞媽成日同佢個仔講你點衰點衰.你都唔鍾意啦~~
而且要你老公夾o係你地中間,佢真係會好辛苦!!

原文章由 mrsdoh 於 08-11-29 14:48 發表

你犯左大忌啦, 做太太0既唔可以同老公講99的不是, 因為果個係佢阿媽, 除左關乎到阿B安危的才可告狀, 因為阿B係你同C6共同擁有.
果個係佢阿媽, 如果你C6講你阿媽的不是, 你都會唔高興. 要呻的話同返自己阿媽呻99的 ...

私人傳訊

hugomum

複式洋房

積分: 229

23^#

發表於 08-11-29 21:20 |只看該作者

我同樓主個case一樣,不過我已經決定唔會番去食飯住,因為大家(99 &me)都知未落到淡氣,我明白樓主你苦況,因為我都比c6係佢屋企同我地大家都認識ge人當中,比c6講到我不似人咁,我仲邊有面見人呀,就算有呀,我都希望我個c6明白佢講錯d乜,不過佢到e家都唔覺得有問題,
其實最仲要係好似比最親愛ge人出賣果種感覺,如果無人試過真係唔明??

願我的喜樂感染你

私人傳訊

jumpy

子爵府

積分: 12728

2024年龍年勳章熱血金章

24^#

發表於 08-11-30 01:58 |只看該作者

又係婆媳關係，真係唔分年代，一個永恆的topic，我都係受害者，99絕對是極品中的極品，我只可以簡單說，她集"貪錢，野蠻，小家，挑剔，撩是鬥非，應說無中生有.............."數之不盡，總之，諗起99就會想起一個字"煩",我老公都知我對99很反感(註:致命點是99曾經比說話我mum聽),99會私底下數我的不是，老公坦白承認99的所為，他都覺得99性格是有問題，知道是一回事，但老公是不會出聲的，因為99真是一個super trouble woman!

但我都會比face個老公，每星期番去食飯，過時過節，99話食幾時就幾時，從無say no。

當然，99過份時，我同老公回到家時，我就會呻，老公只會唔出聲，呻完就要停，唔好再講，如果唔係，明係啱都變錯，因為佢地會覺得煩，同埋講到尾，個果始終係佢亞媽，唔啱極都唔想聽人說她的不是。試想，老公說外母，我地都會唔鐘意啦!更何況，老母得一個，老婆再揾過，我地邊夠皇母娘娘鬥ga!

不過,有樣一定要提，就是各位已婚男女，在嘈交時無論火有幾盛，千萬不能說"離婚"。別用這方式去表達你/妳對對方的不滿，別希望這令對方會明白你/妳會有多憤怒，只怕一方沉不住氣便弄假成真!

私人傳訊

木土土

琥珀宮

積分: 165959

25^#

發表於 08-11-30 12:19 |只看該作者

樓主的99有問題, c6都有問題, 但樓主因他們的表現而作出的反應也有問題.

要知道改變他人好困難, 不如試吓改變自己的想法(不要比較c6對邊個好d,緊邊個多d), 自然可作出在他人眼中更得體的表現, 這樣做不是為了其他人, 是為了你自己可擁有一個幸福的家來做, 信我啦, 咁樣做你無蝕底, 最後計數一定賺!

私人傳訊

積分: 6154

2025勳章 2025勳章蛇年勳章

26^#

發表於 08-12-1 10:22 |只看該作者

多謝樓上各位太太~~
你哋叫我用另外一方面諗，我有的，我絶對有的~~若果無我就不會提議番99度或者買啲乜嘢比佢，但我個c6就唔識做人或處事吧~~佢認為我既然唔鐘意佢阿媽仲去食飯同買嘢比佢做乜?所以我一話上佢度食飯或者買嘢比佢佢都反對，而且佢話99會唔鐘意依樣嘢?無錯~~佢係佢個仔，當然要信佢啦~~99啲喜好佢應該最清楚吧~~佢叫你唔好買因為佢唔鐘意依樣嘢咁你哋認為會點呢?我會揀過第樣..但C6仍然係SAY 'NO'~~有時買咗，比99講一大輪嘢我都無出聲嫁~~我可以話我喺99面前係一個好乖的新抱~~不過佢有乜嘢對我不滿的，我就不得而知~~
另外，因為阿女仲細，我已經將所有時間放喺佢度，我亦試過湊女湊到一星期都無打電話比我阿媽佢哋，要佢哋打嚟搵我~~咁更何況係佢呀?樓上有位媽咪話我自我，我有時會認嫁~~但我會故人感受或睇場面先嚟講...但對C6..我想佢明白我啲感受，同我個C6講不要咁直接間直係廢話，我己經不是第一次講，佢只會對佢阿媽乜都講，但對我就乜都封口，好似佢話99成日問我點解唔番去食飯佢知我唔鐘意99所以連提都無提過比我知，我只係掛住個女咋佢有提下我都會番...奈何無人講當然就唔番啦~~既然知道自己唔鐘意99啲行為又何必要見咁多，當然自然咁少見(我奶奶係要我哋日日番去食飯)，，一來唔洗同老公呻咁多，二來自己又唔洗咁激氣，依樣應該不會錯晒掛~~我承認我咁耐無番去係有問題，但我完全有我的理有，實在太多，不能喺依度講晒~~
無錯我C6都有講我阿媽啲嘢~~但我無完全唔高興，因為有啲真係阿媽佢錯，所以我都會同阿媽講佢咁做係咪有問題!但之前已經不只一次係多次，佢阿媽見得我阿媽同阿嫲幾次，但佢都可以喺我面前話佢哋好多次~~作為你哋的親人，乜你會鐘意咩?依啲嘢你可以同你阿媽呻話'99話你肥斯大隻喎'，又或者話︰阿99話'你買啲燕窩都唔好食，無喊無味'，依啲我只有同我啲朋友呻，無同老公呻，呻的只有自己嘢~~

我要補充一句︰C6的朋友、師傅見到99有時講嗰啲死要面啲嘢都汗顏，佢哋都有同我講不要理其他嘢，比心機湊大個女就得。我當然認為係啱~~但有時不能控制C6只向99吧~~

[ 本文章最後由 junetam 於 08-12-1 10:45 編輯 ]

私人傳訊

冬蝶

複式洋房

積分: 486

27^#

發表於 08-12-1 13:33 |只看該作者

睇完樓主所講既所有野~ 我覺得有一樣野係事實: 做仔女既始終最親既係自己父母, 記住, 父母由細養到佢地大, 感情通常都會好(忤逆仔女例外), 你話你老公咩事都同佢亞媽講, 呢樣野我老公都曾犯同一錯誤, 其實佢唔係想打小報告, 而係佢無諗咁多, 佢亞媽問佢一樣佢真係老實回答, 當我知道後果陣真係覺得佢好笨, 即刻同佢分析事情既嚴重性, 佢到果刻先明白佢咁樣祇會影響左兩個女人既關係, 因為好似我奶奶咁, 仔女係佢既一切, 成日驚我對佢個仔唔好, 所以成日會問東問西, 但現在我老公學精左, 好多野佢知唔可以俾佢亞媽知, 當然, 有時我都會特別提番佢, 唔好講番俾奶奶知喎(我奶奶唔鍾意我地返大陸, 有時有事返去唔想佢知), 有時我都覺得我老公最錫既都係我奶奶, 但我唔會呷醋, 因為如果連自己父母都唔錫既人, 將來會錫我都會有限.
我同我奶奶關係好好, 可能我以前睇電視時成日見入面的婆媳關係唔好, 個男人好難做, 所以我自己結左婚後, 好多事都會企在三個人既立場去諗一諗, 當然好多事第一時間忍左先, 因為有的野未必係你所想, 現在我老公都成日話, 佢好開心, 唔需要面對婆媳關係~
每個人既性格都唔同, 同人地相處一定係互相忍讓, 我奶奶同樣要忍受我的臭脾氣, 當然佢既做法我未必完全同意, 但會退一步諗囉, 好似佢成日將的垃圾週圍扔, 我咪執番佢,勤力d抺下地囉(我地一齊住的), 做多少少唔會死, 無咩所謂既~做人就係咁啦, 最緊要和和氣氣, 一家人齊齊整整~
做人唔好計較, 放開d啦

私人傳訊

chowkarman

積分: 3623

28^#

發表於 08-12-1 14:17 |只看該作者

我明白樓主o既感覺, 因我都有一個好煩好煩o既......老爺!! haha, 我 99 反而冇咩嘢, 似小朋友, 好貪玩, 但我老爺就又小氣, 又老土, 成日黑面, 比說話人聽, 全個家族都知, 有一次入去食飯, 佢又比 d 好難聽o既說話我聽, 到走嗰時, 喺巴士我一路都冇出聲, 我老公知我唔開心 ( 嗰時未係我老公 ), 但佢有出聲, 我忍唔住喊 ( 望住個窗, 默默咁流眼淚!!

), 我老公好緊張, 跟住佢問我咩事, 我話冇嘢, 佢問我係咪因為佢老豆, 我話係, 我話佢有時講嘢真係令人好難受, 我老公好心痛呀, 所以後嚟我哋都少咗返去!! 直至結婚都冇咩嘢 ( 因為少見嘛 ), 後嚟生完阿 b, 關係就好差, 因為佢做咗太多不可理喻o既嘢, 每一次我都唔會直接向老公投訴, 只係交代件事, 我要我老公親自睇問題喺邊度, 由佢自己出聲, 有時我會話 : 嗱, 而家就咁咁咁, 你覺得點呢?? 所以我哋都算未真正為過佢哋嘈, 當然, 每個人性格都唔同, 老實講, 我覺得你老公好老土, 第一, 佢真係唔應該直接同 99 講 ( 雖然係真相 ), 第二, 我好唔認同佢郁吓就話離婚, 呢樣嘢唔可以立亂講出口, 有時係會收唔返!!

樓主, 我唔係教你耍手段, 而係有 d 人同佢硬碰係冇用, 一件事有好多表達方法, 其實我當初都唔係有心用苦肉計, 而係我真係覺得好委屈, 所以忍唔住喊出嚟, 估唔到效果唔錯

, 所以選擇一個合適o既方法同你老公溝通, 同佢講佢下下講離婚會令你好難受, 唔好太強 d 男人會容易接受 d!!

99 嗰方面, 我一向都主張, 啱傾就見多 d, 唔啱傾就見少 d, 少 d 見少 d 磨擦, 我哋已經好好喇, 唔駛一齊住!! 我而家 keep 住頂多一個月見一次到啦!! 完全唔過去又唔得o既!! 加油呀, 支持你!!

私人傳訊

積分: 6154

2025勳章 2025勳章蛇年勳章

29^#

發表於 08-12-1 15:47 |只看該作者

冬蝶、chowkarman,

謝謝你們~~

如果不是我老公不識點做人的話，我諗都會解決好多問題...我都係想有句安慰說話啫~~點解咁吝嗇比我?例如︰嗰陣結咗婚晚晚番咗99度食飯，我只是想c6大概每星期陪我番娘家食飯，有時99打到嚟搵佢問佢番唔番去食飯，佢只有話唔番~出街食，嗰刻我會諗...點解唔比得99知我哋番我阿媽度食飯呀?次次都係咁，好似我番外家食飯要偷偷摸摸，我問過佢，佢話我哋真係出街食喎..你會點諗呢??同佢講，只會係牛皮燈籠...
有時同佢呻一啲99嘢..佢無話點諗，只有3個反應，第一唔出聲，第二就一聲'唉~'，第三就係走咗去...

老實講比啲反應都好掛，就算唔同我點話佢阿媽，表示聽到我條氣都無咁'興'

就算知道偷偷咁喊都唔會問你啲乜嘢~~有次佢就講咗出嚟，話知我喊都無問..若然個老公了解你同做出嚟o既嘢係真的表示到佢愛你的話，就算咁樣的99都無所謂，但係..就係唔係...其實我對住99係笑笑口嫁，不是黑面，只係一出咗門口背住佢就會一大堆嘢呻出嚟之嘛...若果不是這樣..我諗患咗精神病都似..

[ 本文章最後由 junetam 於 08-12-1 15:49 編輯 ]

私人傳訊

chowkarman

積分: 3623

30^#

發表於 08-12-1 17:07 |只看該作者

原文章由 junetam 於 08-12-1 15:47 發表
冬蝶、chowkarman,

謝謝你們~~

如果不是我老公不識點做人的話，我諗都會解決好多問題...我都係想有句安慰說話啫~~點解咁吝嗇比我?例如︰嗰陣結咗婚晚晚番咗99度食飯，我只是想c6大概每星期陪我番娘家食飯，有時99打到嚟搵 ...

junetam, 我都好明白你, 聽你講, 你已經做咗好多嘢, 有個咁唔體貼o既老公的確係好令人氣餒, 有 d 人就係咁, 你唔出聲當冇事, 通常自己又會忍唔住要比佢知你有嘢, 搞搞吓就變咗好以嗌交咁!! 而且我都話我覺得你老公咁就講離婚係好唔啱, 而家咩事要搞到咁大件事, 你個 bb 咁細, 講真吖, 生完因為要適應做媽咪o既身份, 唔多唔少有 d 壓力, 如果呢個時候個老公唔體諒真係好唔開心, 我唔係唔安慰你, 而係我擔心如果真係為咗 99 搞到你哋感情唔好, 係好唔值得!! 佢係一個照顧你老公前半生o既人, 而同佢過後半生嗰個係你呀!! 所以正如我之前講, 你要加油!! 我相信我哋大家都係支持你架!!

私人傳訊

mk~bb

禁止訪問

積分: 2154

31^#

發表於 08-12-1 17:42 |只看該作者

提示: 作者被禁止或刪除內容自動屏蔽

私人傳訊

ringoivy

翡翠宮

積分: 76971

32^#

發表於 08-12-1 17:54 |只看該作者

你5鍾意聽我都要講架啦

佢係你99即係你長輩

咁你去尊敬佢又有何不妥呢

老實講照字面睇我都覺得你5啱在先, 你未生之前大住個肚好辛苦咩

嘔仔

發仔瘟

作小產

如果有以上病徵你5去探佢/5去佢到食飯我5怪你囉

但如果一樣都無時, 你確實係5識做人新抱同老婆喎

仲有咩理由掉返轉你生完後要過99黎睇你呀

你憑咩去要求呀

你自己根本一開波都無放人在眼裡在先, 咁試問一個長輩點會去卑躬屈膝黎你屋企睇你呀

有時好多野係相向架, 倘若你既功夫做到足就可以理直氣壯咁去評論人地既不是

但相反你都無好好咁盡過自己做媳婦既責任時何解會有要求呢

好好咁自我反醒一下先啦

如果我對你有咩誤解請恕小妹愚昧無知多多包涵

原文章由 junetam 於 08-11-29 11:10 發表
我不嬲唔妥99，琴日一朝早竟然撞到佢，其實應該話C6探測到佢阿媽...我喺佢後面叫佢99佢都無理我，過咗一段時間先話佢見唔到我，見到個孫又撩佢，嗰刻我仲話︰BB~~嫲嫲呀~~
跟住夜晚講住乜餸時，提起C6成日食完飯番99屋企睇佢(我哋 ...

[ 本文章最後由 ringoivy 於 08-12-1 17:56 編輯 ]

私人傳訊

lovemacy

複式洋房

積分: 225

33^#

發表於 08-12-1 19:45 |只看該作者

樓主~
見到你既case，我都諗起初初同我個c6一齊果陣~
我個99都差唔多~不過我好彩過你~
我老公一定會企係我果面，因為c6都知佢阿媽好麻煩~
我仲係一齊住tim呀~
我而家多數都會係bedroom~
唔會出現係99面前~
有野就叫個仔去講~
少0的見就唔洗煩~

係c6既然鍾意返99度咪又佢囉~
係不得意既時候~
你自己都可以返阿媽度架ma~
(呢個係我慣用方法

~個c6激親我~我就會做~

)
但我覺得你地真係要傾下囉~
如果唔係~問題一直係度~
講咩都冇用~

@__@ 華華豬媽 ^__^

私人傳訊

PCCW2319

水晶宮

積分: 67993

34^#

發表於 08-12-1 21:51 |只看該作者

原文章由 ringoivy 於 08-12-1 17:54 發表
你5鍾意聽我都要講架啦佢係你99即係你長輩咁你去尊敬佢又有何不妥呢老實講照字面睇我都覺得你5啱在先, 你未生之前大住個肚好辛苦咩嘔仔發仔瘟作小 ...

天空之城, 快樂之地

私人傳訊

積分: 6154

2025勳章 2025勳章蛇年勳章

35^#

發表於 08-12-2 12:15 |只看該作者

RINGOIVY,

我諗你真係誤解得好離譜...我開始唔番去食飯係我生咗之後，我啱啱有咗嗰陣就算嘔到9彩我都係隔日番去的，包括星期六日。就算佢屋企無裝抽油煙機攪到我仲辛苦我都一粒聲都無出，最多出去走廊吸下氣同嘔...所以請你不要話我不尊重佢，我其實係好尊重佢，就算見到啲勁污糟勁過份的事我都無出過一粒聲。試過幾次食到佢啲嘢腸胃炎，因為佢有啲餸放喺雪櫃成個禮拜，有啲味...不過我都照食呀~~無講啲乜嘢喎~~只係生咗之後見到佢啲行為同說話唔關心我同個女，先費時番去，專比湊我個女...你話我唔尊重佢?佢唔尊重我哋就真，喺我面前話過我阿媽同阿嫲，有次仲用粗口(係句句都啲'助語詞')鬧我阿媽?你話佢年紀大長輩要尊重，咁我阿嫲仲大過佢，佢係咪都要尊重番我阿嫲呢?但話我屋企人嗰刻我都一粒無出嫁~~由佢話，剩番得我同老公兩個我先講話佢阿媽有無攪錯咋~~有啲太太認為我唔應該同C6講佢阿媽啲不是，若果咁的情況，我睇怕只可以同朋友呻了，當然我亦有同朋友呻，如果唔係人都癲~~

老實講，你講得咁有'骨'真係有啲唔高興...可能你有個錫你的99同老公...又或者其中一個了解你...又或者你係舊思想主義︰出嫁從夫、三從四德嗰啲人嚟...但我諗依嗰時代啲女性無乜好似啲粵語'殘'片嗰啲新抱咁...

[ 本文章最後由 junetam 於 08-12-2 12:34 編輯 ]

私人傳訊

christy0604

禁止發言

積分: 3097

36^#

發表於 08-12-2 13:02 |只看該作者

提示: 作者被禁止或刪除內容自動屏蔽

私人傳訊

NicoleTszChing

積分: 2333

37^#

發表於 08-12-2 14:05 |只看該作者

其實你講到你奶奶咁衰,而你老公又咁差....
不如離婚啦!!!
你一日唔離婚,一日都要對住佢地~~
如果真係為亞囡著想,
咁你就要忍氣吞聲啦~~
佢屋企污糟咪唔睇,淨係睇乾淨o個邊;
佢講野難聽咪左耳入右耳出lo~

私人傳訊

積分: 6154

2025勳章 2025勳章蛇年勳章

38^#

發表於 08-12-2 14:09 |只看該作者

原文章由 lovemacy 於 08-12-1 19:45 發表
樓主~
見到你既case，我都諗起初初同我個c6一齊果陣~
我個99都差唔多~不過我好彩過你~
我老公一定會企係我果面，因為c6都知佢阿媽好麻煩~
我仲係一齊住tim呀~
我而家多數都會係bedroom~
唔會出現係99面前~
有野就叫個仔 ...

無錯呀~~你講得啱~~有問題就應該大家坐埋嚟傾，最敝我個c6同佢阿媽一樣'橫棒棒'佢認為係啱就係啱，一係就話︰到時再算，遲啲再算之類的說話...佢可以講道理咩都唔難攪..最敝佢唔係..

私人傳訊