本帖最後由 rose-mag 於 16-12-15 23:03 編輯
HoneyDewDew 發表於 16-12-15 20:27 
想請教你見到amazon 同一item 會有幾個價錢，正常實選至平嗰個，其實中間有乜分別？
另外，我好驚買到假貨 ...
喺Amazon係會有機會買到假貨次貨，3種情況：
1）如果賣家同運送唔係Amazon，最好就唔好買，因為保障最低，有人試過收唔到貨，聯絡賣家，唔覆，投訴未必有用，因為A呢個情況只係一個買賣平台，但如果收到太多投訴，Amazon係會封鎖賣家，唔俾再喺Amazon賣嘢。
2）如果賣家唔係Amazon，而Amazon只係代運，運輸呢一欄係會有保障，如果送遲咗唔見咗，Amazon都會補償俾客人，我試過幫一個朋友買咗個煲送香港，朋友趕住送禮，於是俾咗好貴運費指定時間送到，但過咗兩日都未到，聯絡Amazon，俾晒tracking number同local速遞公司聯絡人同方法，我朋友自己打去問，Amazon即時我冇要求下免運費，於是果次朋友個煲已經減價，再加埋免運費真係超抵。但如果賣家嘅貨質出現問題，呢個就唔係Amazon負責，當然如果賣家被投訴得多，Amazon都會做嘢。
3）賣家同運輸都係Amazon，呢個情況保障最大，但都有人收到假貨，原因係Amazon會用不同地方嘅供應商提供貨物，例如美國咁多個州，Amazon會喺不同州搵供應商，由最近地方出貨，時間同運費成本都可以減到最低，供應商良莠不齊，有人會魚目混珠，有D真有D假，搏買家睇唔到，買家向Amazon投訴，通常Amazon都會退款，件貨未必一定要退回（睇係咩同幾錢），供應商當然會被懲罰。
基於以上因素，我係好少好少買唔係ships from and sold by Amazon嘅貨。
花旗太太生活在花旗國，留意時差，你問我未必即時答到。
發表於 
返回列表
