吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 網購天地› 淘成人紙尿片

網購天地今日: 1|主題: 70712

收藏本版

發帖

返回列表

跳至頁

樓主: maymaggie

[淘寶] 淘成人紙尿片 [複製鏈接]

333s

象牙宮

積分: 233308

21^#

發表於 17-1-9 22:01 |只看該作者

ozoz 發表於 17-1-9 18:37
褲仔唔好浪費，可以剪咗邊，個心sip入尿片當多個片心用。

你真係好叻, 腦子裝好多法子。

想不開、就別想. 得不到、就不要. 失去了、繼續笑. 擁有了、要珍惜。
快乐不是拥有的多，而是计较的少。

生悶氣，發脾氣，煩躁，焦慮，失眠. 是指因生气（生闷气、怒气、着急上火生成的火气、思虑生成的郁气）。
理性討論交流者。

私人傳訊

ozoz

伯爵府

積分: 17461

22^#

發表於 17-1-9 22:48 |只看該作者

333s 發表於 17-1-9 22:01
你真係好叻, 腦子裝好多法子。

唔係我叻，係因為上次家人入院只有褲仔，醫院姑娘有經驗，叫我地唔好浪費，重可以用埋佢架

私人傳訊

maymaggie

伯爵府

積分: 16297

23^#

發表於 17-1-9 23:10 |只看該作者

ozoz 發表於 17-1-9 13:16
你呢個情況唔可以着褲仔型了，要買片加片心，方便ee照顧。至於老人院，同社工傾，我處理62同爸爸搵老人院 ...

唔該哂您, 我都要開始搵老人院了, 謝謝您的資訊。

私人傳訊

ozoz

伯爵府

積分: 17461

24^#

發表於 17-1-9 23:33 |只看該作者

maymaggie 發表於 17-1-9 23:10
唔該哂您, 我都要開始搵老人院了, 謝謝您的資訊。

本帖最後由 ozoz 於 17-1-9 23:37 編輯

搵老人院我都中過伏，分享小小經驗。去睇私家院舍，唔駛打去約，就咁walk in去睇就得，唔駛覺得唔好意思。收費要問清楚，例如如果自己帶片，有冇收換片費，糖尿針一針幾錢，2針又幾多，驗血糖幾錢一次，冲涼費，tissue(emoji)d一定自帶定可以收錢包，有冇攪床費（有d加個攪都幾佰一個月），陪診，call車去覆診幾錢，叫佢比個收費list你因為口講無憑。好重要問有冇老人科外展醫生，幾耐一次（有d 1星期，有d 一個月2次）每次睇幾多個，精神科有冇外展到（有d有有d冇），精神科外展quota呢間院舍滿咗未，如果滿咗，有幾多個等緊，每次帶老人家返醫院覆診並非好易，問清楚好。重有首次入住收費，退院手續同d錢點計都一定要問。如果仙遊咗，按金能否退，如果老人家身體不適住醫院半個月以上，護理費點計。留意下附近設施例如有冇公園，餐廳，出入如果推輪椅是否方便，有冇私家醫生診所（萬一唔舒服例如肚痾，去得急症等得黎都蚊瞓，如果就近有私家醫生開診，小問題可以即去，當然，如果老人家已經不可走動，呢個未必重要，因為有乜事都即去醫院）。我無選擇搵老人院agent揾，自己花幾個weekend 邊行邊睇邊感受，通常療養院會比時間你揾。另外可以同社工傾下8下邊間口碑好。同搵學校一樣，無完美，將好處唔好處衡量下先決定邊間。

私人傳訊

maymaggie

伯爵府

積分: 16297

25^#

發表於 17-1-10 09:26 |只看該作者

ozoz 發表於 17-1-9 23:33
本帖最後由 ozoz 於 17-1-9 23:37 編輯

搵老人院我都中過伏，分享小小經驗。去睇私家院舍，唔駛打去約 ...

嘩, 多謝您打咁大段經驗俾我, 無諗過有咁多注意位同埋咁多古靈精怪收費。我會同屋企人講, 我係負責去搵院舍果個, 諗住搵大埔粉嶺上水偏遠大間d有花園果d, 睇黎我要開始逐間去考察了。

私人傳訊

ozoz

伯爵府

積分: 17461

26^#

發表於 17-1-10 10:16 |只看該作者

maymaggie 發表於 17-1-10 09:26
嘩, 多謝您打咁大段經驗俾我, 無諗過有咁多注意位同埋咁多古靈精怪收費。我會同屋企人講, 我係負責去搵院舍 ...

如果有花園，村屋類，要留意下上落，因為如果老人家行動不便，上落有困難，比個花園都無意思，腦退化又識行，比佢住地面層又怕走佬。有d村屋類每層有一個ee'駐守'，基本個ee照顧，叫做長期有人睇住下，有d係無嘅，夠時侯先有人去派飯冲涼等等。我無選擇村屋因為媽媽年紀大，行上行落探爸爸搞唔掂。大埔我行咗一圈，似乎無乜村屋，不過fanling上水一帶應該有d大間一層加花園，環境應該幾好。我朋友婆婆住沙田有間喺mtr隔離，一層過加一個簡單大花園，不過只收婆婆，而且因為佛教團體做，食齋，佢婆婆同其他親人住，好滿意。我行過好多好多間，真係可以好參次，我見過有d污糟又黑又臭，望見d職員態度已經感覺麻麻，真係要親身睇下安心d。收費係可以好多項，有好有唔好，我62間地點比較唔就腳，佢可以每月比2佰幾包所有tissue,冲涼液等等，另外比2佰幾，每日茶點加杯奶比佢，睇落好似呢樣(emoji)樣費用，但我試過自己買去，真係拎餐c,而且極粗用，炸一聲又無。唔好處係tissue , wet tissue, milk品質無保證，因為呢d老人院一定係大批入，真係自己衡量要唔要。通常如果間院比較就腳，呢d日用品就未必可以咁包月，可能單買或自己帶，到時自己問清楚。我覺得私院係自負盈虧，預咗收費多，我照顧唔到先交比佢，盡量都唔好同佢地太計較，但求唔好對我家人唔好。有時見到家人好似越住身體越差，我c6同我講係肯定會嘅，住邊間都會，畢竟到咗呢個年紀，身體只會越來越差，不過只要係照顧得好，佢會舒適d，帶住呢個諗法，大家心情會輕鬆d。