Rubylo_hk 發表於 17-2-9 19:09 
我都係剛剛先決定做，個流程係點，去邊度做都唔清楚，所以想睇下大家有去做過既可以俾啲資料參考下，因為 ...
我既個人經驗啦, 如果冇避孕1年以上(35歲以下), 或半年以上(35歲以上), 咁就可以去睇不育科, 趕既就睇私家, 唔趕就排政府, 亦可以同時2邊都做, 尤其是如果已經接近35歲, 非常建議你去睇私家! 一邊睇私家一邊等政府~
如果從來未做過IUI, 咁其實我覺得唔洗咁快過台灣, 因為係香港做都係1萬以內一次, 無謂飛來飛去, 而且做IUI/IVF其實都要睇返你身體對針藥的反應, 所以第一次都係係香港做穩陣D, 以我自己為例, 我試過打7日針就可以放精, 亦試過打12日先得, 咁如果去台灣其實比較難預算日子, 好似我都怕到時日子難就, 而選擇過去果邊住1個月~
如果真係決定去台灣做IUI/IVF, 你先要飛台北一次初診, 可以係D2飛, 早上飛, 中午去抽血驗基本野, 下午見醫生, 開針(即拎齊晒D針藥返香港, 呢部份要問下有經驗的JM, 或者有部份診所都有雪袋可以租/借/買), 計到最盡, 真係可以即日來回, 最早班機去, 最夜班機走~
之後係香港打針, 找一D私家婦科醫生幫你CHECK住D 卵 SIZE, 將報告SEND比台北醫生, 由佢地決定你幾時返台北做IUI/IVF~
之後就係飛去台北, 到達果日應該係睇醫生做檢查睇下係咪真係OK可以進行下一步, 係就打破卵針, 如果未得可能要打多1-2日排卵針, IUI就係打破卵針第2日放精, 當日早上老公去實驗室留精, 因為要洗走不健康的精子(呢個係我係香港做的經驗, 但相信台灣做法應該差不多), 之後醫生幫你放精, 過程好快, 好似做檢查咁, 之後就走得, 可以返香港~ (PS, 台灣的醫生會相對開多D針藥比你安胎, 香港的話, 我睇開的醫生會開2針安胎針, 聽講有D醫生唔會開添)
如果係去台北做IVF, 咁去到都係做檢查, 打破卵針, 第2日(定第3日, 不太清楚) 做全身麻醉取卵, 同日與老公的精子結合成受精卵, 放係實驗室培養, 然後看看卵子的數量, 品質去決定放D3/5的胚胎, 放完之後就可以返香港~
有唔明再問我丫~
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
開心得我丫! 我老公之後問我覺得點, 我話唔洗諗, 剩係超陰超果陣唔會痛, 已經唔洗諗揀邊個了!
發表於 
返回列表
