我是70後。
細時好窮, 一家7口, 住公屋。
冇玩具, 自己玩摺紙, 或者玩下蠟燭 , 試過同哥哥家姐玩蠟燭, 燒燶佐張木飯枱一撻, 我地食飯時, 扮哂野, 搵D 餸突登摭住.....當然最後一樣被發現啦, 被人鬧到上天花~~~ 
有時又搵D被呀, 左挾右挾扮成帳篷, 係裡面玩下煮飯仔。(玩具是問鄰居小孩借)
哥哥試過玩水, 開大水喉向街「o肥」, 當然最後被人打到7彩。
個陣姐姐會幫地板打蠟, 打蠟後, 我地最鍾意玩, 就係著住襪跣來跣去扮溜冰。
媽媽有時會拎D 手作仔返黎, 要我地幫手做。(類似穿膠花個D, 但唔係膠花, 有時係痴下帆布,有時係痴下貼紙咁。 )
家裡窮, 媽媽放低錢俾家姐買餸煮野食, 錢唔多, 於是乎, 好多時我地係食一大煲東莞米粉, 餸就係得少少菜加一兩片火腿切絲。
或者去買車仔麵食, 幾個麵只有一個餸, 幾姊妹這樣就一餐了。
爸媽返了工, 好多時, 我地幾兄弟姊妹會打交.....都打到好激烈下。但我地冇隔夜仇, 打完第日又FRIEND 返。
記得17歲那年, 舊屋村要拆, 我們搬了去新型公屋, 那時入住新屋, 覺得好興奮~! 因為第1次有房了, 雖然還是3姊妹一齊住1間房, 但只少係房, 不用住上下格床用布簾。
不過, 兒時的回憶還是停留在舊屋裡......那間只有木sofa, 兩張上下格床, 板間房的公屋。窗, 不是鋁窗, 是鐵枝加防火膠板。上次去美荷樓, 見到個D 擺設, 真係超級懷念, 跟我舊居有7-8成似呢~
Childhood is journey, not a race.
父母細個好窮，試過無得食，或者豉油撈飯,所以佢地唔比我過呢d生活，雖然無咩錢，但餐餐都堅持有菜有肉（其實食呢d都唔洗好多錢？）
發表於 
七十後，童年一D都唔算快樂，慶幸係爸爸有心機煮飯我地食，會買足料煮，好好味
返回列表
