吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 瑪嘉烈第二胎生產經驗分享

懷孕前後今日: 22|主題: 330448

收藏本版

發帖

返回列表

跳至頁

樓主: yen1706

瑪嘉烈第二胎生產經驗分享

[複製鏈接]

123 4

yen1706

大宅

積分: 2222

21^#

發表於 17-5-16 11:20 |只看該作者

susuca_mak 發表於 17-5-6 17:58
我有追你第一胎既文章好鐘意你既文筆
...

多謝你又來睇我分享。
今次第二胎分享更新得好慢，因為除左湊細仔，仲要睇住大女，又要home office 做公事，所以抱歉要大家等更新。

私人傳訊

yen1706

大宅

積分: 2222

22^#

發表於 17-5-17 00:38 |只看該作者

第三章~~上左產前病房!

大約早上八點幾，就比人送左上來一樓o既產前病房~~~
當時陣痛大約3-6分鐘一次，
痛楚程度大約3-4級~~~

呢個時候，其實都真係開始幾痛了!
我覺得訓o係度好似痛過企o係度，
所以我選擇唔訓o係張病床度，
搵左張椅放o係床側邊，
陣痛未來就坐下，
陣痛一來就企起身........
坐下又企下，
企下又行下.........

成晚冇訓過.....
當時其實好眼訓，
唔夠訓，個人就「溫溫鄧鄧」.....
但又keep住陣痛，訓唔到.......

九點幾.....醫生來巡房了~~~
當然又要內探喇....
不過同生第一胎時一樣，
都係冇o甘快開.....
醫生又係話已經好鬆，不過未開.......
其實自己都feel到身體冇咩大變化，
陣痛冇咩密到......又唔算痛得勁左好多，
所以都預左未開.......唔係太失望~~~

醫生見完我，見我陣痛一來時露出痛苦o既表情，
就主動問我要唔要部止痛機，
雖然第一胎o既經驗話比我知其實作用不大，
不過有都好過冇，所以我都同醫生講我要........

再講講部止痛機係咩.....
佢o既原理係打o的微電流去下背o既皮膚上，
令你有麻痺o既感覺，
從而以麻痺感嘗試蓋過你陣痛o既痛楚，
令你覺得o的陣痛冇o甘痛.......

首先護士會o係你背部近尾龍骨位置貼4塊啫哩狀膠貼，
膠貼以電線連住部機，
機身顯示電流度數，可調大調細，
調得愈大，輸出電流愈大，電流打落背部O既刺痛感和麻痺感就愈大，
所以陣痛愈痛，電流度數就要調得愈大，
o甘先可以以麻痺感蓋過陣痛..........

話雖如以，但其實陣痛o既感覺都係可以清楚感受到，
不過可以幫助下分散注意力，
有都好過冇o既.......

跟住2-3個鐘陣痛都冇咩密到......但慢慢feel到真係痛左......
痛楚程度已經有5級.....
每一下陣痛都好似有100隻手o係你肚裏面「鍊」住你個肚o甘.....
每次陣痛一到，我就會用「鼻吸口呼」呼吸法同埋開止痛機減輕痛楚，
但有時都痛到我企o係度伏埋牆度......

記得有個護士長好好人，
佢見我伏埋牆，主動走來問我有冇事?
我答佢：冇咩o野，只係陣痛好痛......
佢就話：哦.....係o甘ga la.....好事來ga.....愈痛就愈快生得出，愈快見到bb喇!
雖然護士長講o既o野好似講緊「你阿媽係女人」，
不過都好多謝佢o甘關心我呢個產婦~~~

就係o甘由九幾點幾開始，行下企下、企下坐下、
又搞o下部止痛機、冇陣痛時又玩下電話.....
捱o下捱o下，又捱到12點探病時間到........

私人傳訊

onkabb

別墅

積分: 531

23^#

發表於 17-5-17 00:50 |只看該作者

yen1706 發表於 17-5-17 00:38
第三章~~上左產前病房!

大約早上八點幾，就比人送左上來一樓o既產前病房~~~

追

私人傳訊

kawaiiiii

大宅

積分: 1110

24^#

發表於 17-5-17 01:00 |只看該作者

有無笑氣吸嫁？

私人傳訊

yen1706

大宅

積分: 2222

25^#

發表於 17-5-17 01:41 |只看該作者

kawaiiiii 發表於 17-5-17 01:00
有無笑氣吸嫁？

未入產房生未有~~~
產前病房唔會提供笑氣~~~
只會有止痛機同埋止痛針.......

私人傳訊

kawaiiiii

大宅

積分: 1110

26^#

發表於 17-5-17 02:16 |只看該作者

yen1706 發表於 17-5-17 01:41
未入產房生未有~~~
產前病房唔會提供笑氣~~~
只會有止痛機同埋止痛針.......

姐係入左產房就有

私人傳訊

yen1706

大宅

積分: 2222

27^#

發表於 17-5-17 09:36 |只看該作者

kawaiiiii 發表於 17-5-17 02:16
姐係入左產房就有

係，你入左產房，真係開始生就會比笑氣你。

私人傳訊

kawaiiiii

大宅

積分: 1110

28^#

發表於 17-5-17 13:23 |只看該作者

yen1706 發表於 17-5-17 09:36
係，你入左產房，真係開始生就會比笑氣你。

吾該你

私人傳訊

oilpoon0128

大宅

積分: 1245

29^#

發表於 17-5-22 05:35 |只看該作者

你第一胎生左幾個鐘呀？第二胎都要咁耐(emoji)

私人傳訊

christielcheng

複式洋房

積分: 114

30^#

發表於 17-5-22 15:48 |只看該作者

yen1706 發表於 17-5-17 09:36
係，你入左產房，真係開始生就會比笑氣你。

可以要求打無痛分娩的嗎？

私人傳訊

ngan2012

大宅

積分: 1820

31^#

發表於 17-5-23 18:26 |只看該作者

追

私人傳訊

一切隨緣

複式洋房

積分: 366

32^#

發表於 17-5-24 00:54 |只看該作者

請問瑪嘉烈老公陪產洗唔洗預先申請架？

私人傳訊

yen1706

大宅

積分: 2222

33^#

發表於 17-5-29 01:08 |只看該作者

oilpoon0128 發表於 17-5-22 05:35
你第一胎生左幾個鐘呀？第二胎都要咁耐(emoji)

第一胎54個鐘。

私人傳訊

yen1706

大宅

積分: 2222

34^#

發表於 17-5-29 01:11 |只看該作者

christielcheng 發表於 17-5-22 15:48
可以要求打無痛分娩的嗎？

可以要求，但實際唔係咁易有得打。
要配合你宮頸開得會否太快或太慢？當時麻醉師是否得閒.....
私家.....肯比錢，一定幫你打。

私人傳訊

yen1706

大宅

積分: 2222

35^#

發表於 17-5-29 01:35 |只看該作者

一切隨緣發表於 17-5-24 00:54
請問瑪嘉烈老公陪產洗唔洗預先申請架？

不用申請，但入醫院等生時會有護士問你老公是否陪產，你同護士講就ok。

私人傳訊

ceci9136

大宅

積分: 1390

開心吸收勳章

36^#

發表於 17-5-29 01:44 |只看該作者

yen1706 發表於 17-5-29 01:08
第一胎54個鐘。

54個鐘, 你都重有順產第二胎既決心, 好厲害

私人傳訊

yen1706

大宅

積分: 2222

37^#

發表於 17-6-8 00:25 |只看該作者

本帖最後由 yen1706 於 17-6-8 00:29 編輯

第四章~~突然穿羊水!

12:00PM 探期又到~~~~
老公來左探我!
勁期待佢會帶o的好o野食來比我，
等我在痛苦的陣痛之中尚有一點甜......
不過好可惜.........佢冇~~~~~~~

老公一來到，當然又係問下我而家點........
其實都冇咩進展......
雖然醫生話子宮頸已經好鬆，
不過始終都係一度都未開.....
陣痛o既密度feel到係密左少少o既，
不過又未去到每3分鐘一次，
都係3-6分鐘左右......
不過痛o既程度就明顯feel到真係比之前痛左.....
每一次陣痛「喇」住o既感覺愈來愈強烈!
如果10級係最痛，當時都應該有6-7級痛!

每一次陣痛一來，都痛到入心入肺.....
之前我都有講過，
因為我覺得企o係度冇訓o係度o甘痛，
所以老公來左探我o甘耐，我都一直企o係度同佢講o野.....
陣痛一來，我就咩都講唔到.....
繼續表演鼻吸口呼o既呼吸大法比我老公睇........

12點幾.....阿姐開始派飯.......
其實個飯都唔太差，味道都OK，
不過一o念到生左之後，有排都要被人監視住飲食.....
呢樣又唔食得，o個樣又唔食得.....
我就好想任性一下，食o的曳o野......

於是雖然老公冇買來比我，
我都再叫佢幫我落去醫院間大家樂買個焗豬扒飯比我食........
點知我老公竟然「阿之阿左」.........
叫我乖乖地食左醫院o的飯就算!!!!!!!!!!!

我已經陣痛到不似人形，冇晒心機~~~~~~~
難得仲有少少食慾，你都唔幫我達成少少o既心願!!!!!!!!!!!!
你地o的男人未試過陣痛，
又未試過坐月........
又唔比亂食o野......又有好多o野唔准做o個種痛苦!!!!!!!!!
終於我忍唔住發左我老公脾氣!!!!

我老公見我o甘認真要食焗豬.......
都終於應承幫我落去買..........

大約15分鐘後，老公回來了!
但佢帶返來o既並唔係焗豬.......
而係一盒白汁雞皇意.........
老公話焗豬賣晒wor......
ok啦.....都好啦..........白汁雞皇意我都鍾意食o既.........

當我正享受緊我個白汁雞皇意之際，
產前病房有新症到，
有個待產媽媽入病房........
可能因為病人私隱，過床o既時候有可能媽媽會走光.....
所以有新病人到，所有探緊病o既親友全部都要清場，出返去病房外面~~~
o的阿姐不斷大叫：「病人要過床，全部探病O既人出返晒出面，等陣病人過完床，會比你地入返來!」
於是我老公就出左出面等喇.....

老公o係出面等o既時候，
我繼續一邊捱住我o的7級陣痛，
一邊等冇陣痛時，就享受我個白汁雞皇意......
大約食左一半左右.......
陣痛又來了........
於是我又放低筷子，企o係床邊.......
兩隻手叉住後腰，又按着部止痛機......
再加上呼吸大法........等又捱過呢次陣痛，
再繼續食我個意粉......

點知......
呢次陣痛時.......我突然feel到個肚入面好似「po」左一下，
就好似有個2氣球比人用針篤爆左o甘......
跟住就有大量o既水由我下面沿住對腳流晒落地下!!!!!!
我成條病人褲、對腳、着緊對拖鞋，甚至成個地下都全部濕晒!!!!!!!!!
好明顯，頭先o個下陣痛收縮令bb o既羊膜穿左，
羊水穿左喇!!!!!!

剛剛有個護士企左o係我床前面，
於是我就同護士講：我穿左羊水啊!