吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 有冇想離婚既絲打可以傾計？

夫婦情感今日: 4|主題: 42773

收藏本版

發帖

返回列表

跳至頁

樓主: ivy34567

123

積分: 1039

21^#

發表於 17-6-6 07:56 |只看該作者

feifei_baby 發表於 17-6-5 17:06
我都唔明點解我要睇佢面色做人，錢搵得少都算，力又出得少，脾氣就多到不得了，我係屋企經濟支柱，小朋友 ...

我都要成日睇C6面色做人，99都知佢個仔脾氣差，但就成日幫佢個仔講好說話，話男人工作壓力大，做女人要體諒，都唔知係咩道理，講壓力大，其實女人壓力比男人大好多，每日要返工搵錢，放工又要買餸煮飯，辛辛苦苦+熱辣辣喺廚房煮飯，為乜？只希望大家食得健康D，煮要一個鐘，但自己只係用10分鐘就食完餐飯，抖都未抖夠就要抹地洗衫晾衫，如果要體諒的話，點解唔係男人體諒女人呢？如果男人有本事，女人亦唔需要出去打工賺錢。但我夫家果邊都係衰人，如果做FTM, 唔出去做嘢，更加俾佢地班人睇唔起，因為你係靠佢個仔先有飽飯食，所以無論份工錢少/幾辛苦，我都堅持做嘢，唔想俾佢屋企D人睇唔起。

私人傳訊

minnie.mama

公爵府

積分: 26546

22^#

發表於 17-6-10 11:22 |只看該作者

feifei_baby 發表於 17-6-5 17:06
我都唔明點解我要睇佢面色做人，錢搵得少都算，力又出得少，脾氣就多到不得了，我係屋企經濟支柱，小朋友 ...

我嗰個同你嗰個九成似，我已經六日冇同佢講野，呢幾日D仔女做D野衰D，講野衰D，佢就亂吠

私人傳訊

bosasa1987

別墅

積分: 812

23^#

發表於 17-6-10 11:56 |只看該作者

feifei_baby 發表於 17-6-5 17:06
我都唔明點解我要睇佢面色做人，錢搵得少都算，力又出得少，脾氣就多到不得了，我係屋企經濟支柱，小朋友 ...

我情況同你差不多，幾年前叫過老公去婚姻輔導，因為我已唔識點樣解決，不過佢唔係去，呢幾年都係0交流，佢有佢發脾氣，我有我返工湊小朋友，我都覺得好辛苦，好唔想對住佢！

私人傳訊

sherry14hk

複式洋房

積分: 494

24^#

發表於 17-6-11 18:37 |只看該作者

hellokitty_baby 發表於 17-6-6 07:56
我都要成日睇C6面色做人，99都知佢個仔脾氣差，但就成日幫佢個仔講好說話，話男人工作壓力大，做女人要體 ...

都啱架，放棄左份工，第時想揾返又未必咁易，有錢自己揸手點都好過靠個男人揾錢，要走都易d...

私人傳訊

RAY媽

侯爵府

積分: 21043

母親節2025勳章 2025勳章蛇年勳章 2024年龍年勳章

25^#

發表於 17-6-11 22:40 |只看該作者

hellokitty_baby 發表於 17-6-6 07:56
我都要成日睇C6面色做人，99都知佢個仔脾氣差，但就成日幫佢個仔講好說話，話男人工作壓力大，做女人要體 ...

請工人做啦，咁慳辛苦自己做咩?

私人傳訊

Lamsonbb

大宅

積分: 2052

26^#

發表於 17-6-12 23:03 |只看該作者

mononoke 發表於 17-6-5 07:38
我都覺得好辛苦
為頭家付出，冇人欣賞
我要返工，不過份工相對佢份工輕鬆，而且時間穩定，所以我老馮要湊小 ...

本帖最後由 Lamsonbb 於 17-7-5 10:33 編輯

為屋企嘅付岀唔係淨係錢

私人傳訊

蘋果mama

大宅

積分: 4731

27^#

發表於 17-6-26 11:40 |只看該作者

本帖最後由蘋果mama 於 17-6-25 22:41 編輯

我就正正係呢兩日考慮緊呢個問題。我o係美國定居，我覺得我同老公o既教育方向好唔一致，我好努力教個仔做人要正面，講野都要正面d，咁個人先會開心d，但係我老公性格係對呢個世界同周圍o既人都好冇安全感，所以佢教我個仔o個套我好唔認同，會搞到我個仔諗野負面，講野負面。有時佢又爆一兩句粗口（英文），搞到個仔聽o左又跟住講。我鬧過佢好多次叫佢唔好再o係個仔面前講啦，佢就話：「佢遲早o係學校都會學到o架啦！」我真係想打爆佢！！跟住尋日又因為d 小事同佢嘈，大家有些少推撞，今朝起身又嘈過，我頂唔順喇。

我地o岩o岩5月先過o左7周年，尋日同今日嘈完我好認真諗，其實當初嫁比佢都只係見佢老老實實，比到好大安全感我，起碼我知道佢一定唔會滾女人。另外佢比到安穩o既生活我，我可以專心打理屋企，湊小朋友，閒時做part time。但係呢個係咪就係我想過o既生活呢？以前唔明白人地話咩因了解而分開，呢兩日我終於明。其實根本我地都唔了解大家就結婚，仲要嫁到咁遠，坦白講，我真係有d 後悔。

我唔係唔甘於現狀，但係有時嘈起上o黎，佢就低能仔mode 上身，收埋我部電腦同電話，話係佢買o既佢要攞番。好似今朝咁，佢衰到叫我走，叫我返香港，我個仔好錫我，話跟我一齊返香港唔理佢，佢嬲得滯搶走埋阿仔手上o既玩具話係佢比錢買，搞喊個仔。講真，我唔係o個d 求其有人要我就算o既女人，我一直想搵個成熟穩重o既可以帶住我成長，而唔係想同一個法律上係40歲人，但係實際上智商得14 o既人過埋下半世。我真係好想離婚，好想離開佢。不過一諗到個仔，我就唔知點算。佢而家先得3歲，唔通真係咁細個就要佢o係單親家庭成長？

私人傳訊

missbull

大宅

積分: 4512

28^#

發表於 17-6-26 14:05 |只看該作者

睇到你地分享, 真係眼濕濕

點解我地要受C6氣?
係咪好似返工, 出糧包埋受老細氣一樣呢?
心酸中

私人傳訊

kayanasta

複式洋房

積分: 242

29^#

發表於 17-6-27 22:55 |只看該作者

回覆樓主:

生完阿囡未夠1年就想離婚，真係了解到大家唔適合對方，電話仲緊要過我哋兩母女，寧願對住部電話都唔肯關心我哋。我生癌嗰時，佢就當我係人，之後做完手術，又打回原形。依家意外有左第二陀，十月都生，我陀咁耐佢就日日同我嘈，佢大壓力就大哂，我返工夠辛苦啦，日日都鬧我，想我落咪出聲，把口話要，但d行為就相反。又話我嘅朋友垃圾，又話唔鍾意我係fb 亂post野，表達自己情緒嘅唔講得，post左句[ 細b 胎動比姐姐勁]又話我亂post野，佢從來都唔了解件事就話我錯。其實我最錯就係嫁左佢！

2014/10/21 新手媽咪VS小貓貓

私人傳訊

missbull

大宅

積分: 4512

30^#

發表於 17-6-27 23:12 |只看該作者

kayanasta 發表於 17-6-27 22:55
生完阿囡未夠1年就想離婚，真係了解到大家唔適合對方，電話仲緊要過我哋兩母女，寧願對住部電話都唔肯關心 ...

Jm 你打算點捱落去？仲有第二件黎緊

私人傳訊

seaker

別墅

積分: 741

31^#

發表於 17-6-27 23:34 |只看該作者

回覆樓主:

我剛剛都同佢嘈完。。睇到你地分享。。好有同感
點解要受佢氣！我最唔鐘意佢係仔女面前打機，成日打。。話佢就大鬧我。。
成日買嘢唔諗後果，叫佢小心使錢。。又大鬧。。。
乜都鬧左先。。最衰係成日係仔女面前好無禮貌同我講嘢。。。我怕啲仔女有樣學樣。。而家仲細跟住就話我自己攞黎。。我撩交先。。。
當初結婚見佢有愛心，勁鐘意小朋友，對屋企好。。而家。。。唉。。。係我令佢變，還是佢其實係咁！
我有時諗，我搵錢多過你幾倍，點解我要受你氣，叫你幫手做家務又話我。。
我想搵婚輔。。但佢唔肯去！可以點