吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我唔係負責洗碗

夫婦情感今日: 0|主題: 42797

收藏本版

發帖

返回列表

跳至頁

樓主: 吖鳳

我唔係負責洗碗 [複製鏈接]

123

心太軟軟

民房

積分: 16

21^#

發表於 17-6-20 14:58 |只看該作者

吖鳳發表於 17-6-20 13:50
我都忍唔到，今朝一起身，早餐都無食就換衫拎行動提早回娘家，c6知，但無表示，冷戰開始，學歷證書也拎了 ...

睇完樓主的故事,作為一個過來人(我已經係人哋99),有以下說話想同樓主講,希望樓主不要介意:

首先,一個家庭,每個成員,必須有自己的角色崗位。你C6出去搵錢,而你則處理家頭細務,相安無事。佢食完飯幫手執檯,則被你用一些以為好笑的笑話,說自己不是負責洗碗,反過來說,當月頭你隻C6比家用時,佢同你講,搵錢唔係佢負責,我相信你都會很非常不滿。

家務做多做少,不需要去計較及衡量,每個家庭都有家務要做的,始終都係自己屋企,反正你都有份住。

當然,佢話你"癈柴"一定係佢唔啱,但有時嘈交時,火遮眼,真係咩都講得出(包括我隻C6在內)

作為99的我嘅,如果見到自己個仔出去搵錢,而個新抱每每計較及抱怨自己做得多,相信任何一位99都唔高興。(當你做了99後,你便會明白,除非你生活在富裕家庭。)

你依家執埋行李一走了之,對整件事一點好處也沒有,何不同你隻C6好好傾吓。

可能上述說話對你沒有幫助及覺得反感,但亦希望你能領略到,兩個人相處,必須具備"包容,體諒,不計較,才能白頭到老。

私人傳訊

dativebond

大宅

積分: 4224

22^#

發表於 17-6-20 15:08 |只看該作者

吖鳳發表於 17-6-20 13:50
我都忍唔到，今朝一起身，早餐都無食就換衫拎行動提早回娘家，c6知，但無表示，冷戰開始，學歷證書也拎了 ...

本帖最後由 dativebond 於 17-6-20 15:11 編輯

咪走。。。大人成熟，有乜就傾，你咁樣走係迫對方認低威。。。無論咩結果都對關係唔好！

萬一佢唔認低威，你如何自處？佢又唔認低威，你又唔認既話，真係會實現你最唔想要既結果：分居或離婚。為左隻碗離婚？人地唔笑你，你自己都講唔通啦。

就算佢認低威，都只係想息事寧人，死忍，口服心不服，這不是解決問題的方法，遲早又爆過。

傾下計啦，頭先比晒script你，唔好浪費。。。

私人傳訊

Nancy20090615

瑪瑙宮

積分: 139710

23^#

發表於 17-6-20 15:12 |只看該作者

吖鳳發表於 17-6-20 13:50
我都忍唔到，今朝一起身，早餐都無食就換衫拎行動提早回娘家，c6知，但無表示，冷戰開始，學歷證書也拎了 ...

各自都需要冷靜, 你搵番份工都重要. 但係又要番娘家? 咁唔係上策吧? 咪至尼幾日唔好煮囉.

私人傳訊

dativebond

大宅

積分: 4224

24^#

發表於 17-6-20 15:28 |只看該作者

Nancy20090615 發表於 17-6-20 15:12
各自都需要冷靜, 你搵番份工都重要. 但係又要番娘家? 咁唔係上策吧? 咪至尼幾日唔好煮囉.

...

本帖最後由 dativebond 於 17-6-20 16:32 編輯

又。。。？

同一招越用越無用。。。徒增隔膜。。。

何況，返娘家應該係last resort卦？因為唔一定成功，成功左又無解決過問題，淨係要對方口服心不服。

七傷拳黎喎。。。

唔係真心想分居或離婚咪用，冷靜少少。

樓主：你試掉轉諗，你老公咁就番阿媽屋企，你會唔會氹番佢？就算你會氹，你真係心甘情願認錯，定純息事寧人呢？點解你會期望個男人一定比下台階你？仲要唔係第一次？(我唔知真唔真，不過一次都嫌多，除非你真心想走。)一方啱晒，另一方錯晒，呢種情況係極罕見，點解你敢肯定你全部啱晒呢？迫對方認錯？

樓主：本來尋晚我見你的諗法好合理，做法搵老公傾都好好，但無諗過今日個方法係返娘家。但唔應該尋晚有咁既成熟諗法和成熟做法既人會咁衝動咁唔成熟行事架，所以我諗你太火遮眼，冷靜點思考點做會達到你想要的結果。

樓主：你今次夫妻問題係再深入架，係講緊角色問題，唔係求其有個認錯就hea過佢，hea左佢就叫逃避，唔係解決問題。反而呢個係良機，比你地互相理解對方，搵個新既夫妻相處和角色的模式，做得好係好事黎。

私人傳訊

豬吉

伯爵府

積分: 15954

25^#

發表於 17-6-20 15:45 |只看該作者

回覆樓主

咁就返娘家

私人傳訊

Nancy20090615

瑪瑙宮

積分: 139710

26^#

發表於 17-6-20 15:50 |只看該作者

dativebond 發表於 17-6-20 15:28
本帖最後由 dativebond 於 17-6-20 15:30 編輯

又。。。？

一定唔好返娘家.

私人傳訊

chengkayan

男爵府

積分: 5408

27^#

發表於 17-6-20 16:02 |只看該作者

吖鳳發表於 17-6-20 00:22
(emoji)(emoji)(emoji)(emoji)
我唔係負責洗碗
因為這句，你反感

家務本來兩公婆一齊分擔，冇話規定邊個做，邊個得閒邊個做就係喇，其實好少事，可能果日大家心情唔好理解錯講口語氣都重左，冷靜下先

私人傳訊

tammy2008

水晶宮

積分: 50566

28^#

發表於 17-6-20 16:21 |只看該作者

回覆樓主：

本帖最後由 tammy2008 於 17-6-20 16:43 編輯

請問樓主洗唔洗買餸煮飯？

私人傳訊

~小樹兒~

男爵府

積分: 6156

29^#

發表於 17-6-20 16:25 |只看該作者

dativebond 發表於 17-6-20 15:28
本帖最後由 dativebond 於 17-6-20 16:12 編輯

又。。。？

從佢講果個所謂笑話已覺佢唔係好成熟。不過佢老公應該已經好清楚佢呢啲嘢。今次件事算細，好可能佢地最終都會和好收場，但响老公心中一定扣好多分。

私人傳訊

啤梨腰小姐

別墅

積分: 678

30^#

發表於 17-6-20 17:00 |只看該作者

回覆吖鳳的帖子

我好明白你既心情,感覺自己重要人唔體諒自己。我係屋企最細個收入最小,因為仲讀緊書屋企人成日覺得我好得閒。想我做灑所有家務咁。但係自己有自己既忙碌生活,因為唔洗碗/遲左汁碗/洗碗洗得唔夠好就會被全世界指責。

我覺得好多時候吵往往都係因為一句說話而引起。你老公可能係番工有壓力,又覺得你應該去做,所以一見到你遲左少少做/未做就會鬧你;你因為照顧家庭做左好多覺得無人珍惜自己所以回左嘴同埋番左娘家。

所以係再火爆既心情之下都唔好隨便講傷人既說話,好似你C6講個句,真係非常令人傷心,而且會有好大反彈。以後既溝通一定都要基於尊重既原則之下,大家都要有共識。假如你感覺佢係一個環境係唔識得尊重你既,建議你都離開對話等大家冷靜一下先再討論。

私人傳訊

dativebond

大宅

積分: 4224

31^#

發表於 17-6-20 17:02 |只看該作者

啤梨腰小姐發表於 17-6-20 17:00
回覆吖鳳的帖子

我好明白你既心情,感覺自己重要人唔體諒自己。我係屋企最細個收入最小,因為仲讀緊書屋企 ...

本帖最後由 dativebond 於 17-6-20 17:03 編輯

啱。講得幾有道理。

但離開都唔好返娘家，最多去另一間房。

趁老公未收工，扮無野番屋企啦，再搵位傾下心底話！

私人傳訊

心太軟軟

民房

積分: 16

32^#

發表於 17-6-20 17:43 |只看該作者

其實事件由來,係由樓主嗰句"我唔係負責洗碗"開始,之後一走了之返娘家,相信樓主心智尚未成熟及算是一個非常計較的人。
莫講話買餸煮飯(從你的故事上沒有提過),就算有,我估亦都會係你隻C6或99幫手。
食完飯隻C6肯幫手執枱,以經好好啦!(我屋企嗰隻完全唔做,仲要我切埋生果佢食)你仲要講一句非常不好笑的笑話串佢。當然,佢講咗一句非常難聽的說話你亦不好受。而你亦同99關係不太好,你有沒有諗過係自己出了問題???
不要計較付出的多及收獲得少,這才是兩夫妻相處之道!!!

私人傳訊

吖鳳

複式洋房

積分: 211

33^#

發表於 17-6-20 19:23 |只看該作者

dativebond 發表於 17-6-20 15:28
本帖最後由 dativebond 於 17-6-20 16:32 編輯

又。。。？

沒有又....回娘家是家有喜事，早幾個月已經確定了，只是提早了幾個鐘頭

是，這時候真的要冷靜思考一下，不能氣上頭，誰說錯話也會變成利刃傷感情⋯⋯

說得對，誰對誰錯，只是角色位置的立場！
C6曾說我們「相依為命」，又曾傾過要做到互撐和合理信任，只可槍囗對外，外人面前要企係同一條缐，有乜事閂埋房門拆點佢，但因我的一句失言，立場話變就變，原來只要我一廂情願，處處留面子，返入房搵c6傾，我都係人，有感覺有反應，尊重和溝通係相向，全程背脊對住自己，難道獨自一人自言自語，就能化解僵局

我的失言不智，但䀲氣的心底話不應是大道理

私人傳訊

心太軟軟

民房

積分: 16

34^#

發表於 17-6-20 21:00 |只看該作者

吖鳳發表於 17-6-20 19:23
沒有又....回娘家是家有喜事，早幾個月已經確定了，只是提早了幾個鐘頭

是，這時候真的要冷靜思考一下， ...

你C6講嘅相依為命,互撐互信,槍囗對外,同一陣缐,有乜事閂埋房門拆掂佢,這是兩夫妻必然的!

返房搵C6倾,語氣同態度相當重要,如你當時用"搵交嗌"又或是"心平氣和",結果肯定不一樣啦!!

"但你要嘈,好吧,放馬過來"
"原來只要我一廂情願，處處留面子"
"我的失言不智，但䀲氣的心底話不應是大道理"

從你以上的三句內心話,已得知當時氣氛了。

其實單case好小事,又不是涉及第三者介入或相方無感情。只因你的無心快語,你C6的口出狂言,相方都不肯放下的執著。

在娘家,你就是爸媽的掌上明珠。在夫家,你就是媳婦及妻子。演的角色,負的責任,都有不同,難道你在娘家的生活方式,套在夫家上???(我已做了女兒,妻子,媳婦,奶奶這幾個角色)

不要計較付出的多,收獲的小,包容及體諒。(這是姐姐贈你的)

咪當係"耍下花槍",為呢段婚姻加點色彩!!

私人傳訊

dativebond

大宅

積分: 4224

35^#

發表於 17-6-20 21:45 |只看該作者

吖鳳發表於 17-6-20 19:23
沒有又....回娘家是家有喜事，早幾個月已經確定了，只是提早了幾個鐘頭

是，這時候真的要冷靜思考一下， ...

本帖最後由 dativebond 於 17-6-20 21:57 編輯

所以我都問又。。。？

無怪錯你。咁做好喜事就番屋企啦(by the way，喜事呢單野老豆知唔知？唔知就whatsapp佢，唔好有誤會。)，兩公婆有乜事傾掂佢，唔好走，乖豬！

傾有時好難，又要睇對方情緒、自已情緒和環境，一次傾唔到，咪傾第二三四次囉，唔急既，最緊要唔好hea左佢，心平氣和解決問題。

私人傳訊

岚月亮

侯爵府

積分: 20164

36^#

發表於 17-6-20 22:05 |只看該作者

心太軟軟發表於 17-6-20 14:58
睇完樓主的故事,作為一個過來人(我已經係人哋99),有以下說話想同樓主講,希望樓主不要介意:

首先,一個家庭 ...

好中肯
老婆攞家用時,老公一句:我唔係負責搵錢
唔知老婆又咩感受呢？
哎交時大家都唔會有好說話聽,相信大家都講唔少難聽既說話,翻埋外家只會將件事繼續搞大
不過如果樓主認為就算搞大件事都無問題既,甘可以繼續,只要以後唔好後悔就得

私人傳訊

Miulo

公爵府

積分: 27258

37^#

發表於 17-6-20 22:54 |只看該作者

既然無小朋友，更加唔好做ftm，自己有工作，有寄託又有收入，唔會與時代脫節。

私人傳訊

wai0824

侯爵府

積分: 20274

父親節2025勳章母親節2025勳章 2025勳章蛇年勳章 2024年龍年勳章牛年勳章 2018母親節勳章 2018復活節勳章瞓得好勳章食得好勳章開心吸收勳章大廚勳章爸B勳章 BK Milk勳章

38^#

發表於 17-6-21 01:53 |只看該作者

回覆樓主:

我屋企果件都係咁，成日覺得我唔洗做，食飽就訓訓飽就食咁，返到嚟就大爺咁，樣樣覺得係我應份要做，從來冇感恩我為呢個家嘅付出，只有一句得埋嚟係你應該要做，一句返工攰就大曬，因為我都攰唔幫佢按摩吓就話你有咩咁攰，我要湊2件，日頭已經煩到爆炸，又家務，湊仔，煮飯，可惜身邊果個唔會欣賞我嘅付出，只有覺得我懶，做得唔夠好