美容扮靚今日: 26|主題: 137923

收藏本版

發帖

返回列表

跳至頁

樓主: donkey007

Maione噴噴令人中毒,小心有MIT [複製鏈接]

cameo

子爵府

積分: 10555

21^#

發表於 17-8-17 03:16 |只看該作者

回覆樓主

我fb見到噴噴嘅朋友，又冇sell過我入會嘅，見佢地顯示多左嘅收入亦唔多，只強調湊住小朋友都可以搵錢咁囉，兼睇到佢地fb嘅相，應該係自己team人租左單位for開會，又間左小朋友空間有玩具，方便帶埋小朋友上公司，唔覺佢地有咩壓力，幾enjoy份工咁⋯
雖然我都反感呢支野嘅消息太誇張，但我唔覺得全部媽媽真係為左錢而亂嚟嘅，被洗腦啫⋯⋯

我見d洗版圖片勁誇張，靚左好多，但一share video冇P圖時，即時冇曬效果，兼佢地嗰種「太誇張取巧」方式氹人，都似乎主力只氹到某一類人咁⋯

所以我自己冇買冇入會就算，唔理得咁多！

私人傳訊

ope

侯爵府

積分: 20752

22^#

發表於 17-8-28 15:41 |只看該作者

我都有女親戚入咗去做, 佢一開開 3 個戶口.

我有去聽佢哋個talk, 覺得想做的人要諗清楚幾點.

首先, 如果你係想買一枝又平又好用的爽膚水類的噴灑式美容水, 咁你直接去萬 o 或者屈人寺, 比幾十至百多蚊買就得喇, 唔使花時間去聽呢d talk.

但如果你係想靠住呢枝 "噴噴" 去尋找你心中的夢想, 咁你首先要有夢想, 並且好相信呢枝野, 然後好投入去上堂, 然後再好投入去付出, 真係帶住團火想發展, 先至好加入.

因為你要明白, 1800 蚊枝野, 係有幾百蚊攞來拆佣的, 即係話, 叫你去加入, 又或者擺你去 A, B 腳的上線, 係想靠你一齊去搵錢的 !

係, 公司唔使你月月追 quota, 但係你d 伙伴呢? 放你去a, b 腳的上線呢? 你來來去去都用一枝兩枝, 你唔開夠星星, 佢地點樣對碰呀? 咁係咪會不停叫你去, 叫你快d 上乜上乜聘級, 點解呀? 因為你都要郁先得架 !

以前打工, 你同同事係同一陣線的, 老細出糧, 個個也是 9-6 的心態. 但當你加入去做呢d 直銷, 你的上線會追你, 你伙伴會追你, 同時間你要不停諗下有無朋友可以加入, 再去搵陌生人, 再去搵陌生人的朋友.........

當你都有心理準備去做直銷的時候, 就要認真分析唔同的直銷公司的制度了.

私人傳訊

ope

侯爵府

積分: 20752

23^#

發表於 17-8-28 15:50 |只看該作者

我讀書時的好好朋友, 係做另一間直銷公司的, 專叫人飲奶那間. 但我見佢做咗 10 年了, 成日post 成村人做運動的相, 但佢依然未買樓, 沒有車, 我估佢搵唔到.

相反, 呢間 "噴噴", 我覺得一入門的人係容易d 搵到錢的, 因為第一層已經有 12%, 然後對碰有 10%, 只要賣出幾set , 已經回本. 呢個對於 c9 來說, 是容易接受的. 同埋, 噴下面, 美容野, 係易sell 過叫人 dick 起心肝同你爆汗減肥, 然後飲杯野咁就叫一餐. 需知道香港係美食天堂, 個個打工仔都好大壓力, "食" 除了填肚之外, 仲係好減壓的. 所以唔容易叫到人一齊dick 起心肝減肥.

不過亦都因為門檻低, 你可以相像加入做的人係會好多, 同時就會分散了下線的人數.

真係要做到好似 "天使葉" 那種, 我年幾前無意中因為一個common friend 睇到佢fb, 佢係好勤力, 同埋感覺佢性格幾可愛, 爽快和直那種人, 再加上佢好想做到, 所以有咁多人跟佢.

但如果係一般屋村c9, 自己又無乜帶動力, 一開始又唔願意去爬, 朋友唔多, 對住陌生人又唔想開口, 咁都係去返萬 o 同屈人寺買下野算啦.

私人傳訊

ope

侯爵府

積分: 20752

24^#

發表於 17-8-28 15:58 |只看該作者

我個女親戚, 就係典型我覺得佢唔會上到位的人.

直銷好講速度, 要快上位, 先令自己有信心再爬上去. 假如你拿住幾 set 噴噴, 以為可以靠下線, 咁都係早 d 瞓. 點解下線要推你上去? 做領袖也要有charm 先得架, 噴噴成份又唔熟, 點用又唔係好知, 制度又講唔出, 點拆佣又唔記得, 咁點叫人入會呢?

即係, 你會不會做你最憎的 99 的下線?

唔會吧?！

即係一個新人, 加入某一條 team , 係因為個領袖係佢朋友/ 佢信任/ 覺得有野學先會跟. 如果個上線自己都無聘級, 下線又邊有目標? 所以就係要講速度了.

利申, 我真係唔係噴噴的人, 亦都唔係任何直銷公司的人, 但身邊太多人做緊, 所以我有聽過幾個 talk.

客觀分析, 噴噴叫做比其他的直鎖易做d, 同埋快d 有佣. 不過如果想加入的人未搞清楚個心態, 去邊度都一樣.......... side 氣.