懷孕前後

收藏本版
發帖
返回列表
跳至頁

首頁
123

尾頁
   0
py84ko


子爵府

積分: 12204

好媽媽勳章 畀面勳章 hashtag影視迷勳章


21#
發表於 09-2-26 21:42 |只看該作者
其實我都係未有心理準備下有咗, 初時很傍徨, 老公知道仲開心過我 But老公又唔係成日係身邊. 又唔知點樣同自己屋企人交代, 特別我媽咪 - 又愛面子到死..

後來第一次去私家照超聲波, 見到BB心跳, 那種感覺很奇妙, 好感動, 我可以有BB, 这是上天賜的, 好多人恨有BB都恨唔到.

我也有負面情緒的, 無論面對工作, 屋企人也有壓力, 加上高齡, 成日發惡夢驚BB出唔到世 (現在快 6 個月), 又驚自己分勉時出事, 總之有幾負面的都諗得出.

其實老公同屋企人既支持是很重要的, 多d 上Baby Kingdom 分享下, 亦可舒發情緒. 相信有又有更多媽咪支持嘛!
私人傳訊

princessash


大宅

積分: 1529


22#
發表於 09-2-26 23:06 |只看該作者
Lenatsang,

我想同你分享下: 我以前自私過你, 最憎小朋友, 感得佢地又煩又嘈, 唔明點解d人要生? 不如去下旅行養下狗好過la!

到我意外懷孕, 掙扎左好耐要定唔要, 我daddy同我話, bb係我地大人好自私咁帶黎呢個世界, 佢地冇任何選擇權, 係完全無助. 我地大人點可以怪bb為我地帶黎痛苦? 點解唔唸下bb將來會面對好多困難, 而我地大人又唔會一世照顧到佢地? 所以我地係好應該多d愛錫bb, 因為lei個係我地唯一可以為bb既野?

我而家個女兩歲半la! 我喊佢會抱住我, 食佢最鐘意既雪糕又會分比我, 講真sweet過我老公!

你唸下你最多都係辛苦多幾個月, 換黎一個生命, 會叫你媽媽, 會一日一日成長, 第時會結婚生仔, 係好值得!
私人傳訊

OwenJC


別墅

積分: 798


23#
發表於 09-2-26 23:07 |只看該作者
其實有0左bb 真係一個好大0既責任~ 又會擔心做d 個又唔得, 做果個又會對bb 唔好, 令我都幾緊張.

如果你話有咩方法令自己開心d...我會話係放鬆d, 起碼盡量減少 ''有0左bb 令mama失去好多自由 d 個想法''

醫生話唔可以食魚生, 但有好多大肚mama 都有食, 仲要當飯食 ^^; 唔可以電髮, 唔可以食刺激0既野, 其實有人都照做. 特別係外國生活, 根本就唔須要介口, 我唔見得d 度d mama 身體特別差. 有時過分緊張同抑壓會做成更多壓力. 當然我唔係中張mama 去任意飲酒, 食煙等等...但有時, 可以放鬆一d, 唔好太緊張. 想食剌野果時, 我會食少少, 唔好日日食, 唔好過量.

希望你可以快d 適應身體上0既唔舒服, 可以開始feel 到bb, 就會有唔同0既想法. 比d 時間自己同bb ~ 慢慢泥~
大
私人傳訊

Lenatsang


大宅

積分: 2719


24#
發表於 09-2-27 11:19 |只看該作者
OwenJC, princessash, py84ko, 奀b豬媽咪, mcmagchu, 希兒~, p_kotone, 我係好媽媽, o327o, tsingmao

多謝你地每人都”語重心長”去鼓勵我, 而我歸一你地既意見, 大致係等BB慢慢長大, 生咗出黎後見到佢問題就會自然解決, 同埋你地成日都會講話同BB係一種緣份!

之但係我覺得要等到BB出世或漸漸長大, 問題先可以緩和到, 我覺得時間太耐了, 我真係好怕係呢段時間捱唔過去, 比無形既壓力迫死自己, 我亦明白其實壓力係來自自己! 我唔識得形容我E+既心情, 如我自己諗, 我真係想好好發DIN 一場, 唔理一齊後果! 不過回到現實, 我咩都唔敢做, 淨係識得每日係度怨? 我知道自己好唔理智, 好幼稚! 但我確實沒有勇氣去面對前面既難路! 如果話呢個挑戰只係幾年既事, 我覺得我會堅持到! 但前面係一望無際既難題, 不停地考驗我! 我本來既想法係, 我既下半生可以無憂無慮, 可以快快樂樂活下去, 但點解有咗一個生命後, 要將我所擁有既快樂同自由扼殺咗? 我真係不能承擔半點責任!

舉例我以前好ENJOY煮飯, 每晚放工都會堅持自己煮飯! 之從有咗, 我好討厭煮飯, 因為我心裡好煩, 就連煮飯以前覺得最輕易既事, E+我都覺得好難煮同好大壓力!

你地話同BB有緣? 呢種說法, 我覺得太玄了! “去”則實之, 實則”去”之! 係無錯我明白有D人想要都想唔到, 我E+仲要講D 咁既說法, 但我真係覺得自己好無勇氣去接受BB! 請原諒我對其他人既不敬LA!

[ 本帖最後由 Lenatsang 於 09-2-27 11:20 編輯 ]

私人傳訊

mcmagchu


複式洋房

積分: 226


25#
發表於 09-2-27 11:33 |只看該作者
hi, Lenatsang,

唔好心急, 心情同心態係會跟時間變, 可能好快你會同我地一整同其他有煩惱既人share 你既經驗. 其實你願意同我地share 已經係好既開始. 如果返緊工, 試下假日出下街, 散下步, 買下衫. 食下d好味既野. 會好d架. 我仲未可以返工同出街, 天天坐牢咁, 咪日日上黎同你地chat 下囉.
私人傳訊

芝芝


子爵府

積分: 14514


26#
發表於 09-2-27 12:58 |只看該作者
Lenatsang 你好!
有件事想同你分享一下,
個女仔跟我弟弟拍拖13年,同居都4年了,2006年8月度,個女仔有左BB,佢之前已經唔小心小產左兩次,但呢次佢係唔想要個BB,因為佢話唔想為左個BB去結婚,而且婚姻令佢無信心,她身邊太多人結了也會離!但我弟弟就好不捨得,但佢無個女仔辦法,只有好失落跟我們說這事,我們知道後,當然是反對啦!他是一條生命嘛!但完全沒有效用!
剛巧他們養的小狗也懷了孕,而產期剛剛在個女仔做手術前幾天,可惜,小狗所生的BB全部夭折,個女仔見到自己的寶貝痛失BB而吃不下,睡不了。
所以她改變初衷,決定結婚生下BB!
但由於事情不是她本意,所以整個懷孕期,她都不似其他孕媽媽般,對BB的事她總是愛理不理,直到BB出世,因為她是去C+剖腹生產的,所以沒有經歷陣痛,哈哈~~~生了BB還不覺得自己是媽媽,當她第一眼看見自己的BB時,她的咀面是討厭的!因為她說BB很醜,她不是說反話,是她真的這樣覺得!
回家後她第一時間去抱去攬的是小狗,而不是自己的BB,自己的BB就交由她媽媽照顧,她只是想看時看兩眼!
日子久了,慢慢她也知道自己位媽媽,開始追回照顧BB的時光,她現在越來越喜歡自己的BB了,而且常把BB掛在口邊呢!
我的頭像就是那個好彩的傢伙啊!!如果當時真的放棄了,就沒有呢個衰豬喇!
你怕沒有自由,但其實人生不同時間都會有所改變嘛,慢慢去適應,做個快樂的媽媽吧!
私人傳訊

princessash


大宅

積分: 1529


27#
發表於 09-2-27 17:32 |只看該作者
Lenatsang

恕我直言, 你可唔可以保證係冇bb既時候你係100%全部時間都無憂無慮, 快快樂樂? 一d煩惱都唔會有? 我覺得你講到bb係"扼殺"你既快樂自由就唔係好o岩, 事實根本係你自己諗唔通, ,關一個末出世既bb咩事呢?

其實你而家既options 係:
1) 唔要bb;
2) 繼續自怨自艾, 將任何你而家既唔開心都怪落bb度;
3) 接受bb, 接受事實, 諗下你既唔開心可以點解決.

你自己話過(1)你唔敢, 咁選擇(2)你又有咩得著?

其實生左bb唔一定會冇晒自由, 我媽咪係我細個時都會keep每個星期日morning做下facial, 同朋友食下lunch, 每年又會同朋友細妹去旅行. 只要屋企人協調得好就ok.

如果你唔想凑, 咁咪叫屋企人凑lor, 我有朋友請工人比佢媽咪星期1-5凑b (bb係佢媽咪屋企過夜), 佢只係weekend凑返. 同埋而家好多playgroup比bb一歲就可以返去學野, 你話過經濟冇問題, 咁咪請工人帶bb返學lor

人生係一定有ups and downs, 會有困難會唔開心, 但係正常你會諗辦法解決, 點解要鑽牛角尖?
私人傳訊

ox_ma


大宅

積分: 1826


28#
發表於 09-2-27 18:14 |只看該作者
你根本就係度鑽緊牛角尖, 完全冇諗過去解決個問題, 咁唯有就係將個問題連根拔除 - 唔好帶個BB黎呢個世界.

雖然有好多媽媽係見到自己既BB之後會改變, 好錫個BB, 但係亦有好多媽咪生完出黎唔理或者虐打個小朋友. 如果你係咁唔鐘意小朋友, 你唔好生佢出黎, 免得佢黎到呢個世界受罪.

唔駛擔心, 你而家只係9週, 你24週之前都可以做人工流產既.
私人傳訊

JESSIEKWOK


複式洋房

積分: 201


29#
發表於 09-2-27 23:02 |只看該作者
Lenatsang,

在我十九歲那一年,我意外咁有了第一個BB,佢來得太突然,果時我又未結婚,我男朋友的媽媽極之反對個仔咁早就結婚.當時我唔知點同我媽媽交代,我又唔想咁年輕就冇哂自由,係好唔理智0既情況下我選擇左唔要佢.幾年後我同男朋友結左婚,如是者意外咁有了BB,但係好不幸小產了.我三次都係好意外咁有左架,初時都好難接受,因為我真係未準備好.但每次調整好心情去迎接佢地既時候,佢地都會令我一次又一次咁失望.我一次既錯誤決定,令到我永遠都得唔到佢地...BB係上天賜俾你既,你應該要好好咁痛惜佢.如果你真係咁唔鍾意小朋友,點解當初你又唔做足安全措施呢?到有左之後又不斷埋怨同唔開心又何苦呢?
私人傳訊

Lenatsang


大宅

積分: 2719


30#
發表於 09-2-28 01:03 |只看該作者
芝芝, 多謝你既故事, 你所形容的情況都同我好似, 我都係想錫隻貓多D, 而我亦幻想到可能生出黎後, 都會好似你所講既, 唔係咁喜歡個小B!

我其實真係唔知我可以點? 你地話要開開心心去面對, 我只能講我會盡力, 不過可能我會選擇每日都好忙, 等自己唔好再去諗呢個問題!

ANYWAY 都多謝你對我的關心!

原帖由 芝芝 於 09-2-27 12:58 發表
Lenatsang 你好!
有件事想同你分享一下,
個女仔跟我弟弟拍拖13年,同居都4年了,2006年8月度,個女仔有左BB,佢之前已經唔小心小產左兩次,但呢次佢係唔想要個BB,因為佢話唔想為左個BB去結婚,而且婚姻令佢無信心,她身邊太 ...
私人傳訊

Lenatsang


大宅

積分: 2719


31#
發表於 09-2-28 01:04 |只看該作者
princessash, 雖然你既語氣係好重, 但我明白你都係想為我好, 我會盡力的, 謝謝你!

原帖由 princessash 於 09-2-27 17:32 發表
Lenatsang

恕我直言, 你可唔可以保證係冇bb既時候你係100%全部時間都無憂無慮, 快快樂樂? 一d煩惱都唔會有? 我覺得你講到bb係"扼殺"你既快樂自由就唔係好o岩, 事實根本係你自己諗唔通, ,關一個末出世既bb咩事呢?

...

[ 本帖最後由 Lenatsang 於 09-2-28 01:05 編輯 ]
私人傳訊

Lenatsang


大宅

積分: 2719


32#
發表於 09-2-28 01:07 |只看該作者
OX-MA 如果我有得選擇我估我真係會唔要個BB, 不過我知道如我選擇唔要BB, 我既婚姻亦會因為咁而會破壞咗, 所以我只可以選擇要BB, 也謝謝你的關心!

原帖由 ox_ma 於 09-2-27 18:14 發表
你根本就係度鑽緊牛角尖, 完全冇諗過去解決個問題, 咁唯有就係將個問題連根拔除 - 唔好帶個BB黎呢個世界.

雖然有好多媽媽係見到自己既BB之後會改變, 好錫個BB, 但係亦有好多媽咪生完出黎唔理或者虐打個小朋友. 如 ...
私人傳訊

雨晴B


珍珠宮

積分: 32721

好媽媽勳章 醒目開學勳章 畀面勳章 大廚勳章


33#
發表於 09-2-28 01:26 |只看該作者
到你生左之後, 就唔係咁GA喇, 你10月懷胎生佢出來, 到時你望少佢一眼都唔得

私人傳訊

Lenatsang


大宅

積分: 2719


34#
發表於 09-2-28 01:26 |只看該作者
JESSIEKWOK

點解當初你又唔做足安全措施呢?到有左之後又不斷埋怨同唔開心又何苦呢?....

你呢個問題問得好, 係因為我想滿足老公既心願, 所以最後我成日強調: 原來我真係唔係咁偉大 KA JA!

原帖由 JESSIEKWOK 於 09-2-27 23:02 發表
Lenatsang,

在我十九歲那一年,我意外咁有了第一個BB,佢來得太突然,果時我又未結婚,我男朋友的媽媽極之反對個仔咁早就結婚.當時我唔知點同我媽媽交代,我又唔想咁年輕就冇哂自由,係好唔理智0既情況下我選擇左唔要佢. ...
私人傳訊

America_Canada


洋房

積分: 62


35#
發表於 09-2-28 01:34 |只看該作者
無論你當初生BB的出發點是什麼也好, 在我看來, 你是偉大的, 因為你選擇要個BB (不理會你是為老公的成份咁樣做也好)。開始的時候是會有很多爭扎, 正常不過, 不用怪責自已。但當你開始見到個BB, 開始感到胎動時, 那時我相信你的看法會有所不同了。

[ 本帖最後由 America_Canada 於 09-2-28 01:36 編輯 ]
私人傳訊

phoebe^^


子爵府

積分: 13842


36#
發表於 09-2-28 03:19 |只看該作者
到你真正生左佢出黎果時你就會好鍾意佢GA喇,我都見有D未有小朋友0既人之前係唔太鍾意小朋友,,,但生完出黎成個人都變晒,,,變得好鍾意,,,你都會GA,,,不過你要俾D時間自己去接受現實,接受BB,慢慢黎啦,有咩野唔開心搵人傾下,同你老公講下都好GA,,有身邊0既人支持你會好好多,加油!
私人傳訊

凍0荼


民房

積分: 35


37#
發表於 09-2-28 09:50 |只看該作者
睇你都係好愛你老公, 你為咗滿足佢願望而有 bb, 點解你唔諗吓你愛你老公, 你老公又愛你, 而家就係有一樣嘢你哋可以共同擁有, 真正一生一世...

你話怕冇自由, 講真真係睇你點安排, 你而家應該安排吓 bb 出世後邊個 take care 佢, 99 定你自已媽咪定請工人? 我自己嚟講係我mami 日中幫我湊, 夜晚我會自己接返佢返屋企, 好多時係同老公食完飯行吓街, 二人世界一陣先接返阿囡, 而有時都會約d 朋友去街食飯, 如果我出街, 咪老公接阿囡, 有時會掉轉, 所以我唔覺得冇晒私人時間, 都係睇吓點安排姐...

不過而家我有咗第二個, 其實最初心情都好似你咁, 但就諗既然呢個係改變唔到的事實, 唯有積極去面對...

唔知你信唔信, 如果你想第日阿 b 日日都笑面迎人, 唔想佢成日哭哭啼啼, 喺你懷孕呢個過程你面保持心境開朗, 唔好成日愁眉苦臉, 唔好諗 d 唔開心嘢, 開心咪開懷大笑, 我就係個好好例子... 我第一胎有咗成日都好開心, 唔會諗 d 唔開心嘢, 而老公又鍚自己, 到阿囡出世到而家佢成日都笑, 唔會成日 cry..

anyway, 希望你會諗通 la. 不過呢 d 真係靠你自己, 冇人可以幫到你.
私人傳訊

卡樂B~


別墅

積分: 757


38#
發表於 09-2-28 10:50 |只看該作者
Lenatsang,

其實我同你個case都有D似架, 我又係老公好想要BB, 其實自己唔係甘想, 但因為想就佢而無避孕.. 諗住順其自然,有咪當滿足老公既心願囉, 但我一直都唔覺得會甘易有..

到有左之後我都一直接受唔到..亦都不斷覺得有左BB之後.. 我無可能好似以前甘, 自己鐘意做咩都得... 而且我仲嘔得好犀利..個時真係好唔開心...個個人都走黎恭喜我....但我自己都唔覺得開心or值得恭喜...

個時好多人都會講同樣既說話去安慰我... 又話同BB有緣先會有BB, 又話見到BB郁下郁下/ 心跳就會感動.. 其實我一樣係無咩感覺..你所諗既所有負面野我都同樣有諗過~~

但而家我已經26周喇..同BB都建立左感情..我亦都覺得自己會好愛錫BB, 當然有時都會諗...有左BB後...唔可以再點點點.. 但我都會期待小生命既來臨... 因為係自己揀ge.. 我都同意其實BB係最無辜架...係我地決定要帶BB黎呢個世界... 我諗你唔洗特別逼自己去開心... 因為慢慢你自己既心態可能會轉呢.. 到時先算啦~~

有左BB係人生一個大轉變... 當然需要D時間去接受同消化啦... 如果你未有BB之前, 每日都係開開心心既.. 我相信你本身都係一個樂觀既人.. 遲D一定會開心返架喇~~

加油啦~~
私人傳訊

卡樂B~


別墅

積分: 757


39#
發表於 09-2-28 11:02 |只看該作者
我到而家都會為覺得準備做媽媽既事而覺得煩... 好佩服BK有D媽媽真係全心全意為BB做好準備... 但我相信無論咩類型既媽媽都會係好媽媽.. 只係性格唔同姐... 我都唔覺我生左BB之後... 我既生活只有BB... 我一樣會同朋友行街睇戲食飯飲野去旅行... 所以唔需要將所有野focus晒去BB到呀~~ 甘樣你同BB都會有壓力... 隨心咪得囉... 呢個世界無一個標準講做媽媽係要點點點... 最緊要開心... 做自己鐘意做既野囉~~
私人傳訊

kittyfish


大宅

積分: 1416


40#
發表於 09-2-28 12:13 |只看該作者
Lenatsang,
當我知道有左的時候, 我都好唔開心架, 我返到公司見到個同事即刻咸左出來, 跟住佢安慰完我都係咁, 我亦都唔開心左一排, 後來當我知道冇左個小 b 之後, 個心仲唔開心過有 bb 的時候呀, 所以呢, 你唔好唔開心喇, 順其自然喇, 開心 d, 生左 bb 之後個 b 都會開心架.
私人傳訊


首頁
123

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy