吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 魔鬼陪月！姊妹注意！

懷孕前後今日: 5|主題: 330359

收藏本版

發帖

返回列表

跳至頁

樓主: LL823

魔鬼陪月！姊妹注意！ [複製鏈接]

123

CarolineWong

洋房

積分: 45

21^#

發表於 09-3-4 23:20 |只看該作者

依d人, 系我第2日叫佢走拉. 最心痛系怕bb 冷到, 餓到ma.

私人傳訊

LL823

複式洋房

積分: 191

22^#

發表於 09-3-4 23:27 |只看該作者

原帖由 keio 於 09-3-4 23:07 發表
short hair 四眼 or 後面扎辨果個呢?

Yes, short hair 四眼

私人傳訊

LL823

複式洋房

積分: 191

23^#

發表於 09-3-4 23:39 |只看該作者

原帖由 CarolineWong 於 09-3-4 23:20 發表
依d人, 系我第2日叫佢走拉. 最心痛系怕bb 冷到, 餓到ma.

冇錯, 本來冇唸住講佢, 但見佢仲咁高調, 喺度遺害人間,真的受不了,希望各準媽媽提高警覺!

私人傳訊

LL823

複式洋房

積分: 191

24^#

發表於 09-3-4 23:41 |只看該作者

原帖由 yucopooh 於 09-3-4 22:42 發表
呢個陪月真係好差wo~ 第5宗已經好難頂,

寫吓寫吓發現都唔止十宗罪, 等我明晚再講

私人傳訊

Saaa0112

別墅

積分: 543

25^#

發表於 09-3-5 00:32 |只看該作者

原帖由 LL823 於 09-3-4 22:17 發表
魔鬼陪月十宗罪(第五宗)
(先形容厠所location, 我套房的厠所很細, 地下放不到冲涼盆, 故要到隔離客廁冲, 換衫就返回我張床) 到了同BB冲涼, 佢衫又冇除,毛巾又冇包, 就咁攞個BB去洗頭, 咁都唔緊要. 洗完頭BB就返回我 ...

有d 唔明，可以問下嗎?

- 半夜你要餵人奶(無pump出奶樽放雪櫃)，咁陪月可以幫到什麼呀? (就算是24小時，佢都要訓下ga)

- 係健康院有餵奶房，點解你唔照樣餵人奶?

- 還是你都會俾bb食奶粉? 所以佢無理由無準備?

- 佢有無問你想食咩早餐、食物......?

- 有無煲魚湯你飲?

私人傳訊

tsyy

複式洋房

積分: 462

26^#

發表於 09-3-5 00:55 |只看該作者

嘩, 真係離譜呀!!!!
洗咁多錢請個咁o既人返o黎, 仲要搞到自己一肚氣, 真係唔抵呀!!!!!!!

私人傳訊

亨仔媽咪

大宅

積分: 1697

27^#

發表於 09-3-5 01:25 |只看該作者

嘩 , 亨媽真好彩 , 生左兩個bb , 請過兩個唔同既陪月 , 兩個都叫做 ok 喇 .
如果幫bb沖涼 or 洗頭都唔包大毛巾 , 亨媽一定會鏟爆佢呀 !
出街仲唔帶多套衫 , 嘩 ! 實發癲都似 ! 更加無可能唔帶後備奶出街添啦 , 極品 .

http://hk.myblog.yahoo.com/chanaggie/
有空請來逛逛喔 !

私人傳訊

LL823

複式洋房

積分: 191

28^#

發表於 09-3-5 19:06 |只看該作者

原帖由 tsyy 於 09-3-5 00:55 發表
嘩, 真係離譜呀!!!!
洗咁多錢請個咁o既人返o黎, 仲要搞到自己一肚氣, 真係唔抵呀!!!!!!!

我係LL823老公. To be fair, 其實個Agency康X林小姐服務同態度都Ok, 幾nice同好耐心. 今次主要係講Devil Ada極差.

我作簡單總結Devil Ada: (詳情待我老婆續)
1. 人懶 (乜都比工人做, 例如攞嘢. 有次响醫院我頂唔順個工人2隻手攞好多嘢, 我都會幫手攞啦, 我老婆抱住個女, 佢就2手空空! 响屋企又點工人做晒D嘢. 佢覺得陪月高級過工人. 講真, 我個工人好好, 好醒目, 好o錫我地個女. 工人90分, Devil Ada 0分)

2. 自私 (工人講番比我聽, 洗切就叫工人做, 但煮飯餸時竟然叫我個工人"扲咩"面唔睇!! 嘩, 厨神咩!? 有寶咩!?)

3. 自大 (成日話佢同好多個有錢人,醫生,西人,韓國人做過, 間屋幾多千呎呀, 有幾多工人呀, 司機呀, 响半山住呀 ....!? 咁又點!? 如果响屋村做D陪月係咪功夫係味差D? 响半山做勁D? 有錢人D BB難揍D所以你勁D?)

4. 無幫媽咪知/常識 (成日話馬來西亞助產士教佢乜乜物物. 助產士幫生BB, 同陪月有乜關係?? 我老婆谷奶但出唔到奶佢話教條"方"比我地, 仲話出面要比成千蚊去學架, 宜家益我地. (等等, 益我地? 我請你做陪月梗係你教啦. 唔通你教我地煮D乜產後湯水又係益我地?) 聽完條"方"係乜包保嚇(或笑)死你地!!! 佢話用礶凍氣水(未開的)去"碌"個乳房!!! 咁就可以通返D乳線... (在坐各位有冇人噴飯?) 我地後來問過D中, 西醫及健康院姑娘都"拎"哂頭, 話反效果.

5. 無幫揍BB知/常識 (老婆講過啦)

6, 7, 8.... 等老婆寫, 要收工返屋企睇B

byebye

私人傳訊

LL823

複式洋房

積分: 191

29^#

發表於 09-3-5 21:48 |只看該作者

原帖由 Saaa0112 於 09-3-5 00:32 發表

有d 唔明，可以問下嗎?

- 半夜你要餵人奶(無pump出奶樽放雪櫃)，咁陪月可以幫到什麼呀? (就算是24小時，佢都要訓下ga)

- 係健康院有餵奶房，點解你唔照樣餵人奶?

- 還是你都會俾bb食奶粉? 所以佢無理由無準備?

- 佢有 ...

1.首先我已在文章裡提過我沒有太多奶, 淨係個胸好谷, 泵也泵出, 何來放在雪櫃

2.我請係24小時(我是第一次請陪月, 亦不知道24小時的規舉是怎樣, 如有些媽媽也請過, 請分享給我聽吧!), 如半夜不用她幫手, 倒不如請12小時啦. 半夜出來一次幫吓我又有難度嗎, 平時下午得閒時, 我會叫她上房休息.

3.在健康院時, 我是出不倒奶才要找專科護士教我按摩, 就算那裡有餵奶房也沒用.

4.冇錯, 有時需要餵奶粉.

私人傳訊

LL823

複式洋房

積分: 191

30^#

發表於 09-3-5 21:54 |只看該作者

原帖由 Saaa0112 於 09-3-5 00:32 發表

有d 唔明，可以問下嗎?

- 半夜你要餵人奶(無pump出奶樽放雪櫃)，咁陪月可以幫到什麼呀? (就算是24小時，佢都要訓下ga)

- 係健康院有餵奶房，點解你唔照樣餵人奶?

- 還是你都會俾bb食奶粉? 所以佢無理由無準備?

- 佢有 ...

佢有問, 我叫佢明天早餐煮麥片給我吃, 到第二朝又冇煮. 魚湯是我媽媽煲, 佢只不過翻煲再在第二天給我喝.

私人傳訊

LL823

複式洋房

積分: 191

31^#

發表於 09-3-5 22:58 |只看該作者

魔鬼陪月十宗罪(第九宗)
返回家, 我便餵BB, 叫她燉冬蟲草給我飲(那些藥材保品是她一早叫我買,淨係蟲草半斤都買咗$6000, 其餘加埋都過萬)但她從來都冇煲過, 要叫佢才做(請問這些燉品不是她負責安排嗎?)我叫佢用電子煲燉, 因不用睇火嘛. 然後我便講剛才在健康院學到按摩很有用, 問她有冇媽媽遇過這個問題. 她表現得役很自豪地說:「梗係有啦, 好彩我喺度教佢地, 佢地先至慳唔小錢.」我問點解, 她說:「我教佢地係獨步單方, 如果佢地出去揾專業人事搞, 起碼都要洗一二千蚊. 呢D已經袋錢入佢地袋.」那我便問她怎樣做, 她教我用雪凍汽水罐(未開嗰隻)來大力碌個乳房便可. 我聽後當然R頭.佢仲繼續同我先生吹噓自己有幾叻.那我再問佢識唔識最普通按摩乳房方法, 她當然答:「識!好簡單姐」那我便叫她幫我, 順便看看是否同健康院教的一樣. 答案當然係錯晒, 仲冇力水, 按幾分鐘便說很累, 那我便叫她不用幫.

魔鬼陪月十宗罪(第十宗)
到煮晚飯時, 她叫了工人入厨房話教佢(其實我煮飯都唔差, 工人亦學唔少)見佢淨係吩咐工人切嘢, 並冇教佢點煮, 到煮嘅時侯佢叫工人出廳執枱. 她拿出燉湯, 話!!!超大碗(用大湯碗), 起碼有四個飯碗咁多水(唔計材料), 我飲到一肚水都冇胃口食飯啦, 飲完佢話仲有一湯碗, 我真的氣壞了!

原來真係唔止十宗罪, 嚟緊請大家再數吓仲有幾多宗罪啦!

私人傳訊

mmf3

大宅

積分: 1590

32^#

發表於 09-3-6 00:03 |只看該作者

你個陪月係極品.俾我會打去agency嘈.由於有咁嘅risk,所以我同c6最後放棄請,都有朋友warn過好就係,唔好嘅仲慘過冇

私人傳訊

LL823

複式洋房

積分: 191

33^#

發表於 09-3-6 10:29 |只看該作者

原帖由 mmf3 於 09-3-6 00:03 發表
你個陪月係極品.俾我會打去agency嘈.由於有咁嘅risk,所以我同c6最後放棄請,都有朋友warn過好就係,唔好嘅仲慘過冇

比我再請, 一定要朋友介紹, 用過好, 又夾可才用.

經Agency大risky啦, 用幾日唔好換, 換咗唔好再換, 但陪月只用一個月, 到換到好嘅都坐完啦! 最慘係剛剛生完好弱, 仲要對住佢嘔血.

私人傳訊

maymycheung

子爵府

積分: 13589

34^#

發表於 09-3-6 11:59 |只看該作者

唉! 我都覺得你好可憐呀!! 本應係諗住駛錢令自己舒服d, 而家仲反而要受氣........其實你同你老公的EQ已經好高, 如果我係你,我可能兩日已經踢走佢呀!!!

咁你有冇同AGENCY 退番d錢呀????? 呢d咁的公司請埋d咁的員工, 簡直唔掂呀!!!!

我哋d新手媽媽呢段時間,最需要人幫忙ma!!!!!

唉, 有時都唔明d公司點做嘢ga!!!!

我本身都正考慮緊請唔請陪月,但見到你呢個case, 真係唔想自己攞苦來辛; 因為我肯定我的EQ無你咁高!!!

私人傳訊

jenntang

大宅

積分: 4474

熱血金章 BK Milk勳章

35^#

發表於 09-3-6 14:46 |只看該作者

原帖由 LL823 於 09-3-4 23:41 發表

寫吓寫吓發現都唔止十宗罪, 等我明晚再講

thanks for sharing your experience with us!

私人傳訊

vkyu

男爵府

積分: 8254

36^#

發表於 09-3-6 17:39 |只看該作者

嘩! 個位陪月真係人間極品呀...

比我請到佢, 我老公一定問候佢同叫佢唔好做, 番歸呀

私人傳訊

LL823

複式洋房

積分: 191

37^#

發表於 09-3-7 20:00 |只看該作者

魔鬼陪月(第十一宗罪)
飲完大碗湯後, 我便再沒有胃口了.叫她吃晚飯及冲涼.她冲完涼後,我便聞到好大陣藥油/跌打酒味,我問她是否不舒服,她說有點作感冒. 那刻便好緊張問佢, 你知唔知作感冒是食藥並非搽藥油,她說這個對佢好有效. 我再問她乜嘢叫 G6PD,又即蠶豆症,她當然又說:「識!!!」.那點解仲搽藥油,你知道我BB沒有這種病嗎?你又知道這種藥油對她沒有問題嗎?如果我BB聞到而引致窒息那怎辦?她只說唔會嘅...真係啤啤聲......

魔鬼陪月(第十二宗罪)
我都費事再講落去, 好彩我個BB一直都跟住我. 那我話佢知明天行程(其實佢係咪應該每日都要問我第二日嘅行程, 因每次佢都好似機械人咁, 你叫乜佢做乜, 完全都冇D planning). 我話佢知明天一早8:00有朋友來探BB, 8:30便出發9:00到健康院(因BB黄), 叫她8:30前執好袋(因BB隨時要轉到醫院), 那早餐吃麥皮便可. 還有告訴她煮的東西不合我胃口(其實係好難食), 便叫她煮些開胃餸, 她說那煮生炒骨或糖醋排骨, 心想是但啦. 那我叫她煮一樣餸及一人份量, 其餘餸啱我先生便可, 因我先生不吃甜及酸, 亦叫她只須煮我先生喜歡吃便可(反正佢湊B又唔得, 煮飯又唔得淨係服侍我老公應該得啩)

魔鬼陪月(第十三宗罪)
跟著叫佢俾D買餸單我計數(一早已俾咗錢佢), 佢話冇單, 佢之前都唔洗攞單, 好多嘢都冇單攞. (我工人去街市買餸都有單攞啦!) 唉...

魔鬼陪月(第十四宗罪)
到第二朝我們的朋友來了, 她對人不瞅不睬(她常提及幫那些住在山頂呀、乜乜高尚住宅嘅媽媽, 層樓靚到不得了, 著好住好, 真令佢羨慕), 都唔緊要, 可能我朋友著得唔光鮮吧. 我們只見她呆着站在一旁, 亦冇問我食唔食早餐, 便以為佢唸住我要招呼朋友, 便帶去健康院食. 到了8:30我們要走了, 她才發現自己未執袋, 我再問佢麥皮是否帶出外吃, 她竟然說你今朝冇同我講(昨晚講咗原來唔算數, 佢咁
做人都幾開心, 日日都唔洗記嘢). 不過唔緊要(她看見枱面有我買給工人吃的双寶蛋糕,便叫我吃這個), 我先生見佢咁講, 便寸佢:「咁不如喺雪櫃攞埋包奶啦!」佢真係話:「都好噃」(坐月媽媽飲凍嘢, 唉...) 那刻當然還要等她執袋(四個大人,一個BB,佢真巴閉!) 到我們出門口, 她見我的朋友揸住駕法拉利360便說:「嘩, 睇唔出佢著得咁平民, 原來咁有錢!」我又再啤一聲...

[ 本帖最後由 LL823 於 09-3-7 20:04 編輯 ]

私人傳訊

LL823

複式洋房

積分: 191

38^#

發表於 09-3-7 21:49 |只看該作者

好多謝大家咁辛苦睇我寫咁大篇幅文章, 其實今次真係第一次寫咁多嘢, 事關唔想再有媽媽受害, 我知都事隔半年,相信佢都已經害咗幾個(多數都係外國人, 因她們大都不懂坐月及陪月是做什麼, 這個Devil Ada應該會選外國人埋手). 當然還有下文, 炒佢嗰晚我都好茅盾, 因我把佢所有做錯嘅嘢教返啱佢(我俾錢佢嘅, 冇理由還要教佢,我都覺得自己好儍、好天真!); 但另一方面希望佢學識咗唔好再害人(因相信佢唔会放棄做陪月,D錢容易賺嘛. 如果佢聽得入耳嘅話, 盡量害少一個得一個!)

魔鬼陪月(第十五宗罪)
BB覆完診後, 我們便駕車到街市買餸(因我知道老公鍾意食乜), 便與Devil Ada一齊買. 其實我老公都覺得我好辛苦,每日都冇得訓, 生完都未坐過月, 食又食得差, 傷口又未拆線仲痛緊(生完第六日), 但我都想老公開心, 因佢全程都照顧周到又唔夠訓兼仲要俾隻嘢激. 返回家, 我便幫BB冲涼, 隻嘢去煮飯, 佢喺廚房搞咗三四粒鐘(當然又叫埋我工人入去)以為佢今次會醒覺, 整D好嘢食. 登...登...登...登...山炒骨(好似用油浸, 淋吱吱), 炒黄牙白(似烚多過炒), 糖醋排骨(勁甜冇醋味, 再加上我老公唔食), 一大湯碗燉冬蟲草(隔夜翻滚), 還有一大湯碗燉冬蟲草是今日嘅(不過冇擺出嚟反而入咗雪櫃. 我地都費事出聲, 叫工人煎咗兩隻荷包蛋送飯.