醫護健康今日: 2|主題: 7867

收藏本版

發帖

返回列表

跳至頁

樓主: yitaihop

[長者] 大腸癌 [複製鏈接]

yitaihop

男爵府

積分: 6366

2025勳章蛇年勳章 2023年兔年勳章 BB防敏心得分享勳章最關心BB問題熱投勳章認識瑞士牛牛第一回育兒性格勳章想生BB熱投

21^#

發表於 18-2-23 09:34 |只看該作者

yitaihop 發表於 18-2-10 04:49
我爸七月就七十歲，今日確診有大腸癌，要再做電腦掃描，驗血等才知道第幾期。那腫瘤大得就黎塞滿大腸，醫 ...

一般市民一定信醫生....但我有以下情況....好難頂....

我爸是在政府的大腸癌篩查計劃確診是大腸癌. 這計劃是政府轉介到私家診所做大腸鏡, 看報告都是在私家醫生. 那時私家醫生已說爸爸大腸腫瘤是很大, 已窒腸, 要盡快安排手術, 因為窒腸是危險的. 我們都好擔心, 同步亦有問私家醫生持轉介信排政府. 當然, 政府, 定沒有那麼快俾到看醫生既期我地, 我們唯有等....但知道癌症是不可等, 因為擴散就大件事, 要盡快跟進, 於是, 我們帶爸爸多看一個腸胃科醫生. 所有驗血, CT全身報告, 大腸鏡報告都給了醫生看. 醫生都說腫瘤窒大腸, 先要做手術切除部份大腸及附近淋巴, 做完手術才看看有沒有擴散再決定要否化療.

兩個專科都這樣說, 而政府又未有聲氣, 我們唔想拖爸爸的癌病, 我們決定下星期安排爸爸在私家做手術, 我亦明白做完手術只是清除癌原, 如有擴散, 之後都要跟進接受化療.

所有野都決定好, 政府有聲氣話可以見醫生, 一心諗住聽多個意見, 心諗應該意見是一樣, 同埋去政府攞定個覆診期, 讓爸爸手術後回政府覆診跟進.
尋日見政府醫生, 他看了所有報告, 意見完全唔同, 他認為

1) 腫瘤雖大, 不是窒腸, 不用那麼急做手術
2) 建議做多個檢查 E.G. PET SCAN, 看有無擴散
3) 如有擴散, 先化療, 之後再睇腫瘤情況再安排手術.

爸爸跟他說, 右邊腹部很谷, 有時痛.....政府醫生同我講爸爸心理作用同埋太主觀, 因為政府醫生認為爸爸一早知腫瘤在右邊, 就潛意識話右邊谷. 但我說爸爸有話痛, 政府醫生叫我唔好把窒大腸既徵兆話佢知, 因為我,一早知徵兆, 現在講只是想政府醫生認同, 這樣對斷症是沒幫助的, 他看的只是數據, 報告.....他說你爸不是緊急, 不會先安排做手術, 佢仲有大把病人還比我爸緊急, 如我地有私家跟緊, 不要浪費政府資源, 讓有需要人先吧.....

我連忙解釋, 我不是想在私家做, 因為我地經濟都有問題沒保險, 得兩姊弟揹, 因為私家醫生說很緊急, 又在未排到政府期, 所以決定在私家做手術, 之後計劃在政府跟進, 這樣說後, 他氣沖沖地說:你做完手術再來覆診, 但又私家, 又搵政府執手尾, 有咩事唔好賴政府, 因為政府唔建議你先做手術.

想問一問過來人, 你們有何意見?

私人傳訊

st123

大宅

積分: 2700

22^#

發表於 18-3-1 04:37 |只看該作者

yitaihop 發表於 18-2-23 09:34
一般市民一定信醫生....但我有以下情況....好難頂....

我爸是在政府的大腸癌篩查計劃確診是大腸癌. 這計劃 ...

宜家你爸爸做左手術未呀？

我媽咪係大腸癌離開的，不過好多年前，當年佢係肚痛、大便唔正常、腸嗚、嚴重貧血入急症室(症狀應該出現左好耐，但我媽畏疾忌醫唔出聲，頂唔順先講！)即晚入院輸左幾包血，過幾日照腸鏡，好快幾日再安排做手術。手術後證實腸癌第三期並擴散，再做化療。二、三年後復發再擴散，中醫及電療都冇用。
晚期，好辛苦，完全食唔到野，食完即嘔，長期肚痛、肚痾及腸塞，勁瘦。
最後佢走時55歲。
所以，我建議唔舒服入急症，起碼會幫你檢查實際狀況，同埋唔好多講你地有打算去私家做手術，而家覆診醫生都係拖你地，知你地一定急會去私家做。