吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 我好辛苦,好唔開心(阿B今日第一日返學)

大仔大女媽媽會今日: 0|主題: 177861

收藏本版

發帖

返回列表

跳至頁

樓主: B媽-Blue

[2007年] 我好辛苦,好唔開心(阿B今日第一日返學) [複製鏈接]

123

B媽-Blue

用戶要求終止服務

積分: 42698

好媽媽勳章

21^#

發表於 09-3-19 19:14 |只看該作者

ALL,

多謝你地支持我,呢2日阿仔好似知我辛苦,又或者自己日日都出去洗傷口,所以好似乖左少少,今日開始佢可以2日洗1次,咁我就可以冇咁累

至於返學方面,而家唔諗喇,睇埋下星期見姑娘先諗.我之前唔開心,係因為唔少媽咪講到唔入N1好似個BB會白痴咁,我好大壓力,好似話我害個仔咁,其實佢地入息咁高,又點會明我既難處??

至於放佢去育嬰院之類,都係問題,要一次過帶2個仔女出去我一個人唔掂

仲有,叫人睇住2個,同老公出去行下之類,唉~~邊個睇住我2個,??叫99睇晒2個佢就黑面,出去2個鐘就打黎催我返去,而且我同老公而家......我冇興趣同佢出去囉,我星期六生日叫佢請一日假同我+阿仔去OCEAN PARK佢都唔肯,佢唔係好想同個仔出去,因為佢真係冇時停

私人傳訊

as_sheep

大宅

積分: 1993

22^#

發表於 09-3-19 21:06 |只看該作者

見到你的呢個留言,放心好多.

效心喇~吾讀N真係好小事,因為據聞外國的小朋友三歲先入學,佢地都無n班.加上心理學家話三歲前的小朋友係好自我中心,要三歲後先懂得同其他小朋友.我係教會觀察左好耐,d小朋友真係三歲前痴住媽媽,三歲後先識同人玩.而N班以玩為主,吾會因為讀N班醒d,返而係心理學家的角度去睇,會令小朋友缺乏安全感,真係讀吾讀都無咩所謂,不如留佢係身邊給予多d母親的安全感仲好.

希望大B快d好返喇,祝早日康服!

原帖由 B媽-Blue 於 09-3-19 19:14 發表
ALL,

多謝你地支持我,呢2日阿仔好似知我辛苦,又或者自己日日都出去洗傷口,所以好似乖左少少,今日開始佢可以2日洗1次,咁我就可以冇咁累

至於返學方面,而家唔諗喇,睇埋下星期見姑娘先諗.我之前唔開心,係因為唔少媽咪 ...

私人傳訊

pecil

禁止發言

積分: 1262

23^#

發表於 09-3-20 00:50 |只看該作者

提示: 作者被禁止或刪除內容自動屏蔽

私人傳訊

艾莉

子爵府

積分: 14437

24^#

發表於 09-3-20 01:19 |只看該作者

唔係個個俾小朋友讀N1係要佢聰明D, 希望你地唔好咁諗.
我本身都唔打算俾囡囡返N1, 但係舊年11月我地都決定俾佢返.
囡囡係婆婆湊, 婆婆真係湊得非常好,每個朋友見到亞囡都讚婆婆湊得好, 我同婆婆都認為亞囡係OK 唔使返N1 等佢玩多年返K1.
點解最後都決定俾佢返? 因為婆婆年紀始終大喇, 身體唔聽使, 佢亦好小心, 晚晚起身幾次睇下亞囡有無踢被, 夜晚訓得一般, 日頭一早就起身清潔,下午一齊去公園, 無哂自己時間佢都無問題, 但身體真係撐唔到, 見到婆婆咁, 於是我提出返N1, 相量左1星期, 婆婆都答應, 我先去搵學校的.
所以唔係一定要自己D仔女叻先去讀, 仲有其他因素加埋的.

B媽,
我同好多媽咪都建議你俾亞B返N1, 係因為睇到你為左2個細既咩時間都無, 連訓都唔得閒, 所有時間都係為左同佢地煮飯,洗衫, 拖地做家務. 你連休息時間都無,因為佢地訓左你更加會增取時間做哂所有家務. 等佢地醒你就要睇實佢, 試問咁, 對邊個有好處?
係無呢....當然, 你同你99關係一向都一般, 有求於佢當然黑口黑面喇.
雖然話BB 同媽咪一齊係最好, 但媽咪都需要休息, 媽咪都需要有人愛的. 唔係以後既路點行呢?
其實你既路仲有好長, 你真係要好好咁去諗下應該點行落去, 係呢度, 大家都好想幫你, 仲一定撐你, 但最終都要你諗通先得架.

加油喇~

私人傳訊

siusum

伯爵府

積分: 15132

好媽媽勳章醒目開學勳章

25^#

發表於 09-3-20 08:41 |只看該作者

其實好多媽媽比bb返n1...都係for托兒成份多...
亦都想多d群體生活囉
我個仔日頭99湊, 夜晚接返屋企,
但個仔越大就越demanding, 99始終體力有限
都開始湊生吃力, 所以都決定比阿仔返n1
心儀個間-即係最近個間冇全日,
不過我地都請左工人幫輕99, 希望ok喇
因為細b係7月尾出世喇...

b媽,
比大b返N1都好架, 至少你可以係日頭抖下...
不過都怕大B覺得你只顧住妹妹囉
都要好小心處理
同埋接送都係一個問題
你好似同奶奶關係一般
佢會唔會肯幫手接送呢
你可唔可以放低妹妹比佢睇住一陣去湊大B都係一個問題
不過你都可以同律鎷/爸傾下, 可能有其他解決方法...

私人傳訊

leunter

別墅

積分: 786

26^#

發表於 09-3-20 12:06 |只看該作者

加油啦. 都唔知點幫你. 得閒一齊約去公園玩..等的小朋友玩, 你又可以休息下...

私人傳訊

wybaby

別墅

積分: 560

27^#

發表於 09-3-20 14:48 |只看該作者

加油呀～Ｂ媽 ...

阿包都無讀 N1架, 教幼稚園既契媽話唔一定要讀 .. 但可以早d 識應學習環境, 最重要都係考慮自己因素 .. 唔好比咁大壓力自己 ...

去公園玩真係可以消耗好多 energy .. 阿b累了又會訓耐d, 你就有多d 時間休息同做其他野 ... 如果附近無公園 .. 落街行轉都好 ..

私人傳訊

doraemonkate

大宅

積分: 3789

28^#

發表於 09-3-20 14:54 |只看該作者

b媽, 亞b可能日日出街, 用咁d energy, 所以可能乖d, 但你住個度, 日日出街, 行都幾"甘"!

[ 本帖最後由 doraemonkate 於 09-3-20 14:55 編輯 ]

私人傳訊

Sum107

禁止發言

積分: 3176

29^#

發表於 09-3-20 15:01 |只看該作者

提示: 作者被禁止或刪除內容自動屏蔽

私人傳訊

wybaby

別墅

積分: 560

30^#

發表於 09-3-20 15:12 |只看該作者

原來要行好遠架 .. 唔怪得帶兩個唔方便啦 .. 仲唸住咩住阿妹. 阿b坐bb車添 .. 有可能累過响屋企.. 呵呵 ~

原帖由 doraemonkate 於 09-3-20 14:54 發表
b媽, 亞b可能日日出街, 用咁d energy, 所以可能乖d, 但你住個度, 日日出街, 行都幾"甘"!

私人傳訊

as_sheep

大宅

積分: 1993

31^#

發表於 09-3-20 16:39 |只看該作者

琴晚我又同律爸傾左好耐,律爸都認為N班吾係for小朋友,而係for家長,正如其他媽媽所講係托兒性質多d law.

我亦認同其他媽媽所講....大B入讀N班係對你有好處,不過最終的決定權係你手上law,無論點決定,我都會係心靈上支持你,你有d咩吾開心,就同我地BK媽媽傾下.如有需要你可以星期日搵律爸傾下,佢或許會提供到一d建議比你.

私人傳訊

doraemonkate

大宅

積分: 3789

32^#

發表於 09-3-21 11:30 |只看該作者

係呀, 我試過去b媽屋企, 要行條好長的樓梯架, 所以b媽真係冇可能1拖2咁出街!

原帖由 wybaby 於 09-3-20 15:12 發表
原來要行好遠架 .. 唔怪得帶兩個唔方便啦 .. 仲唸住咩住阿妹. 阿b坐bb車添 .. 有可能累過响屋企.. 呵呵 ~

私人傳訊

朱寶

大宅

積分: 1355

33^#

發表於 09-3-23 01:58 |只看該作者

B媽, 一個湊兩個, 確實係辛苦, 但唔生都生左出嚟, 頂住喇!
阿b既情況, 我覺得無問題居多,因為佢似足我老公個表弟仔, 成日困係屋企, mama又唔得閒同佢玩, 因為大把野做,佢有四個仔女, 全部都係1年1年咁落, 表弟仔係大哥, 日日就係屋企行行企企, 所以真係超級百厭, 無時停!
專家都曾經見過佢, 無事呀, 係要去多d街, 做多d野, 消耗下精力, 咁就真係定好多喇!
至於讀唔讀n1, 最大既問題唔係錢, 亦唔係令佢聰明d, 而係你無時間同佢玩, 教佢既話, 返學係兩全其美既方法, 當然要考慮接送同其他問題, 但好老實, 家家有本難唸的經, 真係要好好諗下, 送佢返學都應該問題不大, 因為你老公既返工時間, 可以暫時睇住細b,但接方面, 可唔可以叫奶奶幫手睇陣間呢? 有冇校車去到屋企附近呢?
比阿b返學既另一好處, 係你可以多d時間, 做野又好, 休息都好, 對兩個人都有好處!
另一個問題, 係你老公, 你有冇同佢傾過返學既問題? 可唔可以係其他地方慳d? 佢放假有冇幫下你手? 佢知唔知你咁唔開心同辛苦呢?
其實佢放假, 你可以同佢帶小朋友去附近大公園(將軍澳寶康公園/ 西貢)行一轉, 行下玩下都得, 唔一定要去到ocean park咁遠, 目的都係大家鬆一鬆咋!
仲有個小提議, 你既家務, 其實有時可以懶一懶, 唔駛迫得自己太緊要, 日日都要做齊十八樣野
希望咁樣幫到你喇!
有時換個角度去睇野諗野, 個人會開心多d囉!

私人傳訊

B媽-Blue

用戶要求終止服務

積分: 42698

好媽媽勳章

34^#

發表於 09-3-24 18:29 |只看該作者

今日去左做評估,初步睇,阿仔而家識既野只係o係1歲多d既階段,我走既時候已經忍唔住好想喊,眼淚都流出黎......

之後我去左見社工,佢地已經同我開左file,但等評估中心評估左乜野事,阿仔都讀k1,姑娘話,就算阿仔讀k1,都未必可以讀一般既,要追返上先可以讀一般既幼稚園

我好累,點解唔好既都發生左......

[ 本帖最後由 B媽-Blue 於 09-3-24 19:01 編輯 ]

私人傳訊

Sum107

禁止發言

積分: 3176

35^#

發表於 09-3-24 18:47 |只看該作者

提示: 作者被禁止或刪除內容自動屏蔽

私人傳訊

arkid

大宅

積分: 1705

36^#

發表於 09-3-24 23:39 |只看該作者

B-媽，評估中心只係一個指標，你唔好完全信哂佢地。呢個世界，小朋友最信賴既係父母，你多D同大B玩，從遊戲中教佢野，佢會好容易吸收。坦白講，其實幼兒/稚園既課程我地身為父母既都識教。只要我地有恆心，有堅定既信念，相信你大B一定會好快改善及有進步。

而家最重要係你自己要放鬆，唔好比自己咁大壓力。同埋容許自己在家務上偷懶 (HAHA~). 千祈唔好迫得自己咁緊。

記住，你兩個阿B仲咁細，仲有大把時間培養。千祈唔好咁易比D評'估'野嚇親呀!!!

我地個個都支持你!!

私人傳訊

朱寶

大宅

積分: 1355

37^#

發表於 09-3-25 01:22 |只看該作者

B媽, 我覺得為阿b好既話, 你真係應該重新整頓一下生活時間, 我地大家都係媽媽, 湊一個又好, 湊兩個都好,唔見得會得閒好多, 但因為做家務, 而無時間同個仔玩, 真係唔值得!
我唔係乜專家, 亦都無睇過好多教仔書,我湊仔係用"將心比己"既方法, 即係如果我mama無時間同我玩, 同我傾偈, 我會唔會開心呢? 我如果日日都困係屋企, 又會唔會好開心呢? 每次我教或者對個仔做任何事, 我都會咁樣諗一諗, 咁你就會明白到, 小朋友點樣先會開心同覺得安全!
我從來係懷疑過你有幾咁鍚個仔, 我只係覺得你係時間管理上,可能出左d問題, 將某d好緊要既事, 排左係較後既時間去做.
你成日都話忙, 我都明架, 但你可唔可以將你每日既時間表同我地分享一下, 等大家睇下有無乜建議比到你!
另外, 你老公點睇件事? 佢有無乜講? 對仔女佢都有份架!
同埋, 我想話,你老公都會放假, 佢可以同你地去街就梗係好, 唔得既話, 你留底阿女比佢(你老公都有責任架,唔駛一個人扛晒上身!), 自己帶個仔去玩下行下公園, 對阿b都係好架!

私人傳訊

siusum

伯爵府

積分: 15132

好媽媽勳章醒目開學勳章

38^#

發表於 09-3-25 09:28 |只看該作者

原帖由 B媽-Blue 於 09-3-24 18:29 發表
今日去左做評估,初步睇,阿仔而家識既野只係o係1歲多d既階段,我走既時候已經忍唔住好想喊,眼淚都流出黎......

之後我去左見社工,佢地已經同我開左file,但等評估中心評估左乜野事,阿仔都讀k1,姑娘話,就算阿仔讀k1,都 ...

b媽, 評估做左d乜呀, 主要係話大b講野問題???

我表弟自細係我屋企大架, 佢當時都係比健康院轉介去大口環見言語治療師...當時佢兩歲幾都仲係講單字/疊字, 連3個字o既詞語都未識...
言語治療師都係幫佢排有兼收o既幼稚園, 但quota好少, 唯有照讀一般k1...返左學冇耐又真係改善左好多, 到k2先話排到位...但當時己經冇咁o既需要, 因為表弟己經多野講到你想用膠紙封住佢把口lu...
所以遲講野都唔代表d乜...

我個仔都係哩兩三個月先講得多dd野咋, 都係單字/疊字多...之前又係齋講bb話架

私人傳訊

CoffeeCake

大宅

積分: 4410

39^#

發表於 09-3-25 09:46 |只看該作者

我阿媽有個朋友，佢FAMILY有一個工人，3個小朋友（3個仔，幾乎一年一個），同奶奶。
奶奶同工人都唔同佢地溝通，佢阿媽又係超懶，放左工掛住扮靚打牌。
結果佢個大仔3歲都唔講野，超百厭，成屋牆紙比佢撕爛晒。後來評估話佢自閉＋過度活躍。
但佢爸爸唔信自己個仔有問題，於是暫時放低自己生意，專心日日帶個仔出去玩下，同佢傾計。
最後佢到左四歲，被評為正常，講野好叻＋讀正常幼稚園。
所以，B媽，唔好咁灰！你已經比我阿媽個FRIEND可以早一步同阿仔追番！