統一派位唔睇操行，但係自行同考直資會睇。我成績係學校被老師話係邊緣（其實根本不是邊緣！），咁我父母唔係高學歷人士亦唔係讀名校／係香港讀中學，當年亦冇 EK 咁多數據，所以佢地信老師信到十足。我果區得 4 間 Band 1 官津係畀到女仔選擇，當中有直屬，仲有幾間競爭力非常高嘅小學，女仔係一定唔夠分 Band 1，所以要出去考 Band 1 尾 Band 2 頭嘅直資。但係 B－ 操行，鬼有學校要咩！仲要我 d 評語係「需要人監督」、「自律唔高」呢種。我同學成日欠交前帶，上堂唔專心，都有 B。
我地小學作文係一定唔會畀高過 85，就算作得好好，不過我第二個老師係中學部。30 分畀得 17 分我，但係成篇文章我唔洗改正，又冇離題，我真係唔服！一望隔離果堆平日好憎我嘅同學，哇個個都 2X／30，但係望真 d 篇文真係寫得差囉。
。我知我細個係唔太守規則（我都係上堂多野講，好活躍而已，其實冇影響過課堂進度／冇唔聽書，我小學同學都係咁講，唔明點解老師咁討厭我）。同好多學生比，我都係乖果類，但係呢類學校我係全校老師頭號敵人。不過咩學校都好，我作為老師的話，就算個學生真係操行差，我都唔會影響到佢嘅學業，尤其係玩升中遊戲。好彩呢班老師已經冇再教書。
發表於 
返回列表
