唔係幾年前喇, 係十年前喇! 無做九年喇(真係九年, 時間過得真係快), 話時話, 講句公道說話, 我唔識個原理, 但係LB真係有佢功效, 我老公由細到大勁鼻敏感, 係一起身勁打噴嚏流鼻水用半卷tissue果種, 用LB真係好了好多, 佢成日話有返個鼻, 以前長期鼻塞根本聞唔到味, even我地已經差不多七八年無用, 都無回復以前咁差, 一年係轉天氣好幾日差返少少, 副作用暫時唔覺, 將來唔知. 我果陣有個好貪靚又有錢的朋友買了一個瓶同油返屋企, 佢老公係督察, 佢買果陣佢老公唔鍾意, 後來佢佢老公用晒再買, 點解? 因為佢老公在家食煙, 食完點十分鐘真係無晒煙味, 唔係用香味蓋過果種, 係真係無o左. 佢做EO, 果陣佢地成個部門轉新office, 幾個月o的裝修味都唔散好難頂, 佢o的同事試過好多方法都唔得, 又係點了幾日LB就無晒, 佢地都覺得好神奇. 其實隻產品我真係覺得好, 唔好係o的人. 最初果陣o的人唔係咁做, 真係明買明賣, 唔會叫人借錢做, 唔會唔俾人走, 後來越變越差, 去到搞好多花臣叫人一次過拎錢出來(上面可以快些賺你錢), 已經覺得唔妥. 我同老公(果陣未結婚)其實已經做到幾好, 加埋每月都過十萬, 後來公司政變, 好亂, 好多人過了新公司, 我地上面下面o的人都過晒去登記, 我問老公點解唔去? 唔去就咩都無晒, 佢諗了幾日話唔好去, 話覺得咩都變晒, 大家已經唔係建基在個產品同賣o野, 係疊馬仔叫人俾錢only, 已經唔係幫人, 係害人, 最慘係, 就算你自己唔係咁, 你有朋友入了會佢地都係唔會放過, 老公話我地仲後生(果陣得廿幾歲), 大把機會, 咁搵錢袋o左都唔安落, 所以放棄o左. 果陣都幾心痛. 不過依家睇返轉頭都贊老公叻仔, 錢唔係萬能(雖然我家陣好窮, 哈哈) 原帖由 Froggy_joe 於 09-4-10 22:10 發表
幾年前有好朋友做呢間香薰傳銷，佢都無sell過我，因為知我唔鍾意，但成日跟我講話賺到好多錢……又話有咩治療成效，可以搵到錢，又幫到人，好開心咁話......
我c6有個學生，大學畢業走去做，就係俾人洗腦，以為真係可以發達，入左大批貨 ...
原帖由 Michelle_Hung 於 09-4-12 06:55 發表
喂你講我牙?
發表於 
當時sales有咩反應呢
佢地實sell我唔到,因我連聞都唔掂.
)
返回列表
