吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 工人黎左3星期，真係人都癲。

論盡家傭今日: 0|主題: 133984

收藏本版

發帖

返回列表

跳至頁

樓主: shiuyim

工人黎左3星期，真係人都癲。 [複製鏈接]

Solarflare

男爵府

積分: 7514

21^#

發表於 18-11-27 14:30 |只看該作者

shiuyim 發表於 18-11-27 14:00
因爲係婆婆煮，而我媽又好介意俾人食左頭啖湯甘，又唔想俾她揀餸，所以我而家做法係，我地開飯的時候，叫 ...

我會比姐姐自已留餸先。不過佢好"識做"。夾啲魚頭魚尾雞patpat咁, 唔會最靚果啲夾左去。

不過每家做法唔同, 你覺得 work 就 ok.

私人傳訊

ayu026

大宅

積分: 1124

22^#

發表於 18-11-27 16:15 |只看該作者

shiuyim 發表於 18-11-26 19:33
新手請工人，白紙菲，親戚工人介紹，最大問題係同婆婆相處唔到，婆婆睇佢樣樣都唔順眼，都唔知可以點算，返 ...

見到JM你甘樣遭遇，我都想講少少我既事，希望你吾好步我后塵。

我個工人係中東菲，未來過香港工作，我覺得佢心地善良，亦愛錫我小朋友，但我媽又係吾知點解，婇picky工人，總之一日到黑大把complaints令我不勝其煩，呢點同你相似，但我媽係去到一個地步，連我也好質疑，佢連工人早午晚三餐也限budget爾過$30，永遠只係去樓下酒樓買$20盅頭飯，或街市印尼鋪頭$20多元的細盒飯比工人。

我媽話，工人係工人，不用對佢「過于好」，我同媽媽嘈過，但佢反罵我「幫工人吾幫阿媽」！

私人傳訊

ayu026

大宅

積分: 1124

23^#

發表於 18-11-27 16:20 |只看該作者

續

工人黎左未夠半年，我媽已同我大吵3次，我爸得閒無事又WhatsApp 投訴工人大食/獅子開大口要買個$40麥記deluxe breakfast 好過份云云。

我工人係住我外家，因我家無spare room比工人訓，而我係簽工人返來的人，所以我覺得工人對我係respect既，但我識佢半年，吾覺佢係份人好差個種，但我屋企d老人家就真的吾鍾意佢，成日叫我搵過個。

最后，我實在忍無可忍，已在10月搵左個新工人，預明年一月到任，到時我只好無奈short notice 而家呢位。新工人會跟我住，我真的好辛苦先說服到我老公讓間書房比工人訓。

你可能問為何我不收歸舊工人咪搞定，agent fee也不用蝕（仲要short notice賠突）

私人傳訊

ayu026

大宅

積分: 1124

24^#

發表於 18-11-27 16:27 |只看該作者

續

但若收歸有問題
1）自day 1起我媽已吾比工人做煮食，完全吾肯比佢沾手，只著佢做清潔同湊我囡。變相工人平日早上陪我女返完pg后，有時下午「閒置」午睡，我驚佢嘆慣左。

2）工人若跟返我住，我媽又會嘈「我buy呢個人」，因為爸媽一向評價呢個工人「扮豬食老虎、其實成日㨂要食貴野云云」「做事善忘，拿西，教極教吾到，你換過個吧！」

我只可以講，請工人一方面我要人幫手湊女，二來父母年邁，我想train up 定工人黎緊呢几年幫手照顧佢地（我爸長期病患成日進出醫院）可是，一切只是我一廂情願，有些老人家根本就容不下「工人」呢樣野。樓主，小心處理工人與長老相處！好運！

私人傳訊

AWma

子爵府

積分: 10643

25^#

發表於 18-11-27 17:57 |只看該作者

回覆 shiuyim 的帖子

你個情況一定會發生的.. 好平常.

我奶奶都係咁, 第二日就唔鐘意個工人, 佢地以為工人一早知道晒佢地想點, 但人地初來, 點知你家規? 佢一定要時間去適應架.. 同埋我們一定要比規矩佢跟. 有咩錯要即時出聲更正. (結果我奶奶用左姐姐10天就炒鬼左佢)

老人家覺得自己咩都做得好過人, 所以就算工人企係到或幫手做, 佢都會睇唔順眼. 幫佢做又話你做得唔好, 企埋一邊睇又話你只係企埋一邊唔幫手.

我媽都係D咁的人. 我試過帶埋姐姐去我媽度開餐. 我叫姐姐幫手洗下菜 (因為姐姐都會食), 我媽又好好口咁話唔洗出做, 之後又投訴我姐姐一舊木企係到唔幫手.

所以, 工人比老人家用係好鬼麻煩, 佢地樣樣都投訴架啦, 總之你叫姐姐要聽婆婆話啦.

私人傳訊

ecling

珍珠宮

積分: 36164

2023年兔年勳章畀面勳章 DHA勳章

26^#

發表於 18-11-27 18:58 |只看該作者

ayu026 發表於 18-11-27 16:20
續

工人黎左未夠半年，我媽已同我大吵3次，我爸得閒無事又WhatsApp 投訴工人大食/獅子開大口要買個$40麥記 ...

相見好同住難，住埋一齊先見到真章。

主賜平安

私人傳訊

細姐姐

子爵府

積分: 14425

27^#

發表於 18-11-27 19:11 |只看該作者

AWma 發表於 18-11-27 17:57
回覆 shiuyim 的帖子

你個情況一定會發生的.. 好平常.我奶奶都係咁, 第二日就唔鐘意個工人, 佢地以為工人 ...

D 亞婆如果仲識行識走，識買餸煮飯。仲要係煮得叻個隻，係好睇d 工人唔順眼架!

我都識煮，我都唔使工人煮，我懶得教，费事勞氣，我工人只做清潔

啱啱叫佢煎雞翼。我噚日醃好，入去睇吓佢煎成點，個炉用一點火，但两磅雞翼放哂落鑊，鋪滿晒，但冇火，如何煎？又係白癡一個，我唔想教，冇腦的

私人傳訊

shiuyim

複式洋房

積分: 270

28^#

發表於 18-11-27 22:30 |只看該作者

細姐姐發表於 18-11-27 19:11
D 亞婆如果仲識行識走，識買餸煮飯。仲要係煮得叻個隻，係好睇d 工人唔順眼架!

好勁牙你，我媽就係屬於後生的，五十剛出頭，煮食好叻，叻到饅頭，餃子，雲吞，菜肉包同面包都識整果d。所以有時我自己都好煩，未有工人的時候，我每次要出去食飯都會俾她話我亂使錢，到而家咪話工人咩都唔識做囉，雖然我個工人係比較蠢，但so far我吩咐清楚叫她普通炒埋一堆d菜或肉，她都做到。

私人傳訊

shiuyim

複式洋房

積分: 270

29^#

發表於 18-11-27 22:42 |只看該作者

AWma 發表於 18-11-27 17:57
回覆 shiuyim 的帖子

你個情況一定會發生的.. 好平常.我奶奶都係咁, 第二日就唔鐘意個工人, 佢地以為工人 ...

直頭一模一樣，表面話唔介意，冇所謂，實際介意到不得了。有時我地食完飯會出去行街，行一陣都起碼2小時，經過麥記我口痕想食薯條(emoji)，我媽會話好好好，我又食雪糕。跟住行緊的時候就會同我講，麥記可以免費攞水架喔，我當然知她咩意思，我扮傻話，你咪有水囉，仲要攞？她話工人飲嘛，我完全冇理，去到就問工人飲咩，買俾她，我就買個麥樂雞餐，再分一半俾她，雖然我想直頭買個餐俾她，但我知後果所以冇做到。甘樣我媽都會話對她好，係我旁邊講風涼話，［我就食雪糕，她就食餐，待遇真不同］

私人傳訊

shiuyim

複式洋房

積分: 270

30^#

發表於 18-11-27 22:52 |只看該作者

ayu026 發表於 18-11-27 16:15
見到JM你甘樣遭遇，我都想講少少我既事，希望你吾好步我后塵。

我個工人係中東菲，未來過香港工作，我覺 ...

同是天涯淪落人，我媽經常講的一句説話就係幫外人唔幫媽媽，她的地位又幾低連工人都不如甘，我話甘我即刻炒左工人好唔好？她又話唔好。其實請工人係我媽的意思，因為我仔仔就快1歲，我媽又唔太老唔想退休想出返去工作，所以就跟一段時間等工人上左手就返返自己屋企，我媽媽得自己一個，所以慣左自由，同左我湊仔就日日呻冇自由。
工人一黎到我都有同工人講，婆婆遲早會走，你要快快pick up所有嘢，煮飯清潔可以慢慢來，但首先要可以take care 左個仔先，但係而家我媽睇她咩都不順眼，又唔放手甘，我都唔知工人幾時可以發揮。