crystal媽咪 發表於 19-6-17 12:53 
都唔係㗎！
我哋一係唔爆發，一爆發好激烈嘅。 不過都過咗人生一半，眨下眼就過埋下 ...
哈哈，爆得激烈，過後唔會有條刺就好。唔係對對配搭都可以雙方都冇條刺。我先生的一對好友夫婦又係要呦就呦，唔使畀面或睇場合，但呦完，大家冇事。當初結婚冇人睇好佢地會過到六個月。但現在已經20幾近30年，依然一齊好地地。不過佢地既性格又唔係D浪漫性感，消費方式，工作需要方面，賣相，去到邊都引來一D「姣婆脂粉客」果類人。
我同我先生就唔係呢類會呦完冇事既。我兩都係唔鍾意激烈呦既方式。所以在前度婚姻來講，我兩都係畀人「欺壓」果方。忍一時，風平浪靜；退一步，海闊天空。雖然咁磨合方式唔會死，但係對我同我先生呢類人來講係會折壽同嚴重影響我地情緒健康。可能我同我先生都係屬於情緒唔堅強既人。我兩個情緒軟弱失敗既人走埋一齊，但我兩好夾，相處得好舒服，冇踏入地雷陣既感覺。
我從來冇唸住搵過第二個。因為根本唔到我唸，要睇際遇，搵到第二個比而家已經磨合過既更容易夾得來，而且佢又肯畀我長期使用既（即係唔係為性事而來既人）個機會率比較低。而家呢個、、、既然有得畀我用，咪用住先。所謂「做生不如做熟」。義氣，信任都需要有過去既根底同將來歲月來建立。唔係話冇鍾意我同追我既人，但人地追我，我都要識得分析，人地埋身既動機，目的係乜野，自己畀唔畀到人地想要既，人地畀唔畀到我想要既？我怪人來既，所以咁多個，係得我先生「相睇」成功左。我先生亦係雷同我既人，一向有好多人鍾意同埋佢身，但佢又係好揀擇既。
Love is when the other person’s happiness is more important than your own ~ H. Jackson Brown
發表於 
返回列表
