時政擂台 今日: 0|主題: 60302

[size=1.00em]果篇的確係我個人感想，其實，對於修法嘅態度我亦向其它位置表述過個人態度，我話我係支持嘅，又或者可以咁講，我本身一開始冇所謂支持反對，因為只係普通C9，對專業人士講嘅法律條文基本唔明。6月9號和平示威人數相當多，表示的確好多人反對，我觀點講政府工作同警方工作係要分開去睇，但係見到6月9號晚灣仔一名警察冇武器情況下，俾一班人拳打腳踢至滿頭係血，我開始支持修法。的確係感性出發，我從未有唔尊重反對修法人士意見，反為之我好想知道點解佢點"惡”法。所以一路都在聆聽反對嘅聲音，我唔係專業人士，唔理解條文，大致總結係修法通過，會令到香港失去民主自由，外資撤離，社會各界包括社福，宗教，甚至連教協都表態，市民中連中小學生都有人表示反對。當然，並不是所有人~~於是我就假想通過咗嘅結果，係唔係真係冇咗民主自由呢？首先2047之前香港我個人覺得唔會有變化，47之後都可能保持亦難講。民主自由只要唔係以顛覆為目的嘅，係唔會俾控制。好，我講返萬一香港變成好似內地一樣，就要睇下內地人民目前嘅生活狀態。
[size=1.00em]①言論：佢啲的確唔能直接上facebook同Youtobe，但翻牆已經好簡單，有心人早就翻好多年。以前啲內地人翻出去的確會睇到D臺灣媒體，美國媒體發嘅亂嗡法輪功受迫害64殺死幾多學生等等話中國冇人權嘅視頻下邊鬧下個政府。但現在，同樣內容下面多數都係睇清事實後嘅醒目人。睇到美國人話新彊訓練營冇人權果D，都係拍手稱贊要佢地學一門手藝唔好咩？咁有人又話，佢地係向個營受苦，食唔好，住唔好，條件好差。其實又冇實據證明人被虐待。有人話佢啲都唔想工作，冇人權。內地諗，講人權，俾佢去D極端組織，返嚟好似上次雲南殺死咁多普通市民，咁D死咗傷咗既普通市民嘅人權呢？九十年代我去廣州深圳，街頭真係好多新彊人，好多做小偷，我試過大街上俾一個仲好細個嘅小孩偷錢，我發現後一回頭，仲見到周圍好幾個成人望住。有啲都會做生意，賣烤羊肉串，切糕，有賣切糕果D你話買，佢切一舊話一千蚊二千蚊，唔俾錢就見好幾個圍埋上嚟。羊肉串就用唔知咩肉代替。當然唔一定係所有人都咁，此處不含歧視，只係講所見所聞。
[size=1.00em]社交平臺冇自由度呢樣，我又想講下個人意見。內地民眾普遍使用微信，QQ，亦有whatsapp，視頻網站更多不勝數。要講完全冇言論自由係偏激嘅，討論時事，鬧貪官，仲有傳嚟傳去嘅毒嘛事件，邊間食肆食物唔衛生，邊間學校食堂用過期嘢整，類似呢D即時新聞，2分鍾即時全世界知，因為唔睇，都有你關注平臺推送。所以，不存在封殺，唔透明，反為之太透明。類似有時上午有人話有個鬼佬開車撞咗個路人，個路人拉住鬼佬要佢賠錢，衣服都拉壞人啲。相上的確鬼佬件衫係爛嘅，下面評論就一面倒指責個女人，話佢“碰瓷“呱，想訛人錢，幾難聽都有。到下午，事情就反轉，上埋條片，原來個鬼佬真係開車快到離譜，差D撞死人，輿論又一百八十度轉了。但如果相上個女人睇過上午評論，真係諗唔開做傻事，咁我想問殺佢嘅又係邊個。上午市民因為一個係鬼佬，一個係大媽，就選擇相信鬼佬，就如同今次毛孟靜在立法會揸住張阿Sir拎個磚嘅相，向電視對住全世界傳媒控訴，咁又有冇人去了解，警察係拎住講嘢，之後掉低個磚。被有心人Cut頭去尾，傳播到街知巷聞。又有幾多人能做到了解事實因果之後，先在發表言論呢，市民見到奪眼球有新聞價值嘅嘢，第一時間係傳播，造成幾多人誤解，而做出不理性行為呢。

[size=1.00em]②傳媒。如香港大眾分類一般，有官媒，新媒體，自媒體。官媒一般俾較年輕市民唔認受，認為講嘢官腔，新媒體好多，騰訊，搜狐，頭條，鳳凰等等好多，仲有自媒體遍地開花，普通人都可以開公眾號，關注咗佢就能有佢推送資訊俾你。仲有直播平臺，抖音火山等等。可以講，公眾自由發揮，只要唔係以顛覆煽動危害國家安全嘅，冇人制止。坦白講，有啲真係連我都睇唔過眼。一個普通流浪者，中意國學，講起如數家珍，D各新媒體自媒體市民就成堆去採訪，直播，影響人啲生活，他本身只想安靜地生活，並不想成為"網紅"。所以想講，內地傳媒並不是封閉嘅。我又想講下香港傳媒，香港係公正中立嘅麽？回到89年既香港傳媒，對64嘅報道一面倒話血腥鎮壓學生，廣場血流成河。卻冇任何證據僅憑美媒一面之辭就為香港人植入一個暴政嘅記憶，有的人同組織仲要一植植人三十年。其實死嘅軍人屍體能睇到，燒壞嘅軍車坦克能睇到，西班牙攝制隊拍咗廣場學生在撤離能睇到，參與學運嘅柴玲，吾爾開希王丹當時即刻有護照跑去國外，劉小波，候德健都有講過佢啲在廣場時係冇學生死嘅。。軍人在木樨地準備入城，如果有人係都要拎住燃燒彈衝過去，有死傷係唔係都正常？美國人遇到呢D情況會唔執法麽？經過六四嘅學生好多開始後悔被人利用，但香港某D人消費咗六四學生咁多年，仲要到幾時。見到有媽咪同佢3歲孩子講六四，孩子話，做咩個黨咁壞嘎。我心好痛，年幼的小朋友能判斷咩嘢只知用好壞來分人堆，但人真係只有好壞麽，標準係咩嘢。小三學生在心意卡上寫警察壞，林鄭下臺，雖然我懷疑呢D卡都係有人做出嚟，但如果係真，我會好難過，為自己子女未來生活環境而難過。這是89年既香港傳媒，香港人話民主自由公平的傳媒同埋核心價值。彼時，離香港回歸仲有8年，難道睇唔出某D人某D勢力嘅用心麽？如今嘅香港傳媒又有絕對中立麽？尤其是X果^~試過俾另一種聲音在那裏發出麽？仲挑起話TVB係CCTVB，就因為佢較中立冇將與論導向佢地想睇嘅，直接粗口對TVB記者，D後生仲展開讓家中父母唔可以睇TVB活動，睇開就Cut家用。估不論教育幾咁失敗，但呢就係你想捍衛嘅民主自由麽？你俾咗民主自由人啲麽？

[size=1.00em]③宗教 今次見到有宗教界出嚟發聲，我說過我尊重任何人對修例嘅睇法。咁我想用自己一個普通人能接觸到嘅嘢來講下各宗教在內地嘅情況。我媽咪生活在內地，佢喺虔誠嘅基督徒，每周不單周末風雨無阻去教堂，教友仲不定時會在各社區有小型聚會。深圳人亦經常去弘法寺，經常因太多人需要人流管制。我無任何途經睇到教徒俾無理對待，或者被捉咗。同樣，只要無利用宗教背景，利用教友眾多，意圖顛覆散布顛覆同危害國家安全嘅，係唔需要擔心自由同安全。。總之，在接受一D駭人聽聞嘅消息時，尤其是通過西方媒體傳黎，我地要保持冷靜清醒理智，唔好凈係被情感帶住走，俾你根深蒂固的印象帶住走。我唔係要大家一定認受我講嘅，因為一定會有人話我係五毛，仲有成堆一齊圍。但聽一聽不同聲音又如何呢？唔好只選願意聽和相信嘅，啱聽嘅先去聽，過濾咗唔想聽既，對比過，親身了解過，再做判斷未遲。

[size=1.00em]④洗腦 好多人會話內地人俾洗腦，一味只識話好。錯，內地人最大嘅不滿喺有啲官員貪污腐敗，拎哂去外國，有D仲走落香港，貪嘅錢係普通人不能想像。近年國家大力打擊懲治黨內貪腐現象，所以普通市民係成日見邊度邊度官員落馬雙規，但亦好多官員逃往境外，出咗紅色通輯令亦未能捉返，呢度亦跟海外法律民主自由不無關係。逃犯條例不通過，對呢班走來香港嘅有冇得益我唔了解，唔評論。內地人有冇鬧政府嘅？梗有啦，生活中不得志，受他只願接收嘅負面資料影響嘅，邊個地方會冇？但只要唔係刻意煽動成群人，亂散發不實資料，危害國安嘅，唔會有事。多數都係因為一D官員貪腐，商人見利忘義，又懷疑官官相護，先會有人鬧，遷怒於政府。諸多事情，傳來傳去，冇都變成有。原因見上面①②③。反正冇人去求證嘅嘢，就不要傳播。眼中被人捉咗嘅人，佢私底下做過咩嘢，普通人係唔會知嘅。當然，呢D視乎你接受嘅係邊個俾你嘅信息，又取決你希望聽到係咩信息，唯恐天下不亂嘅自然會俾人或者取向去聽邊一類信息。在此，我只會講我能見到，接觸到嘅事實。洗腦，呵呵，每人多少都會俾洗，視乎你俾邊個洗，並一代代傳落去，六四係典型例子。

[size=1.00em]⑤現實與未來 未來我唔知，只能自己預測。現實香港取消咗逃犯條例，政府民望受損，警隊威嚴全無，全民都應該消極工作，來梗選舉，泛民應該挾200萬上位。之前好多人話去遊行因為通過咗條例，外資會撤資。其實我都唔好明，外資都有問題，驚送上去？商人都係因利而為，穩定嘅營商環境，先係重點？佔中嘅亂局，時不時要封路處理內部矛盾，先係影響唔係咩？退一萬步，條例通過，外資撤走，美國危脅嘛嘛關係法取消，香港就一定會死咩？本身資本市場就係全球嘅，D人在香港投資係因為美國特別照顧香港人麽？就算真係有人走，亦會有人來，只要政局穩定。再加上，中國不再是以前嘅中國，唔係人啲話點就點了，中國不會去主動侵略人啲，但中國已經有能力保護下面D人了。為什麽要妄自菲薄，為什麽要先自己內訌。日本侵華時，用小小兵力就能咁深入打穿成個中國，咩原因，就係自己人打自己人，甚至有人仲變埋節，引日軍入村，唔齊心係最大嘅問題。呢個話題太復雜，我知識有限唔再展開。~~
[size=1.00em]現實呢個亂局，我不能講完全邊個責任。如同當時六四一樣，學生，市民，暴力搞事者，軍人（警察），政府，境外國家，大家都身在其中。咁其實，呢個困局係因《逃犯條例》而產生，但關注點，已經去到警察是否打人了，一場已定暴動嘅612要求收回，用磚同其它傷人物品傷人，衝擊警方防線嘅要求釋放。咁其實呢D要求如果應承，咁香港標榜嘅法制健全，之所以唔送中，就係因為話內地法制不健全，咁如果答應要求，法制又何在呢？其實，大家可唔可以再回頭望一望，回到個起點，《逃犯條例》係唔係真係咁難堪呢？

[size=1.00em]大致係以上，一個普通C9嘅切身體會。