吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 我應該點做好......我唔知點算

心聲留言今日: 0|主題: 17520

收藏本版

發帖

返回列表

跳至頁

樓主: 一世內疚

我應該點做好......我唔知點算 [複製鏈接]

123

ptm_sarah

大宅

積分: 3847

21^#

發表於 04-11-29 18:09 |只看該作者

Re: 我應該點做好......我唔知點算

如果我係你, 我會當無做過DNA測試, 好好照顧BB, 同錫老公多D, 最多快D同佢生番個BB囉! :mrgreen:

私人傳訊

馬田

民房

積分: 110

22^#

發表於 04-11-29 20:52 |只看該作者

Re: 我應該點做好......我唔知點算

一世內疚寫道:
我BB已經6個月啦,
我同我老公係因為有o左而結婚,
我當初同老公講過肚中未必係佢o既BB,
因為我之前同過另一個一齊,
仲發生o左關係,
我一直都好擔心BB唔係我老公,
到o左2個月前,
我偷偷地做o左DNA親子鑑定,
結果出O左証實唔係我老公,
我知道後喊O左好耐,
我應該點做好....... :-( :cry:

振定D。

您係兩個男友之中揀了現在的老公來結婚，明顯係因為您知道老公比較好一D，可以組織家庭。

如果您想將來家庭有長久幸福，您一定要係BB懂事前告訴您老公一切，好等他有機會和時間思考一下怎樣面對您們兩母子，「男人四十」的橋雖然很老土，但男人是會因為他愛的女人而很照顧別人的孩子的。

又好像清朝的多爾袞，本來在死敵皇太極死後，可以把當時的小皇子順治殺了，自己登位。但多爾袞卻心愛皇太極之妻，而這位皇后亦應承下嫁多爾袞，條件是讓順治好好長大為帝，結果是多爾袞真的放棄了爭奪帝位，只是做了個攝政皇，和一個什麼皇父之類，便乖乖的死了，還把一個治理得井井有條的江山留給順治帝。這便可知男人為了自己心愛的女人可以有多容忍了。

您應該相信自己的老公便是一個重情的人，您應該相信自己是老公最要好的紅顏知己，沒有人比您更懂得欣賞和愛錫您的老公，您老公決不會讓您自己一個人活下去的，如此，您還會擔心老公會捨您而去嗎？

男人是很奇怪的。他可以承擔很大的責任和痛楚，但不可沒有自己女人的愛護和溫柔，您愛他而感動他，他會百倍愛您疼您，以至您前夫，或他人的兒女，大家是可以組成一個家庭的。

不過這一切都要在您仔仔懂事之前完成，因為您老公也需要有一個尊重和愛他的兒子啊。 :lol:

請您也為老公著想一下，在適當時為他生一個愛情結晶吧。

:lol:

[img align=right]http://taichi-schweiz.ch/images/Form.gif[/img]

私人傳訊

Alexismama

侯爵府

積分: 23722

23^#

發表於 04-11-29 21:44 |只看該作者

Re: 我應該點做好......我唔知點算

我想問其實個BB係表面上會唔會已經比你老公知道個BB唔係佢親生, 例如血型已可知道。如果咁明顯, 你都呃唔到佢架啦, 既然你結婚前已向他說明個BB都有可能唔係佢GE, 佢都願意同你結婚, 我覺得佢都係愛你, 你可以同佢坦白地傾下, 等佢決定他是否願意承擔做BB爸爸GE責任,如果你瞞住佢, 如果有日佢發現, 到時才發難, 對你對孩子都會是一個很大GE傷害, 孩子是無辜的, 你忍心讓BB可能面對你這個謊言可能帶給他的傷害嗎???? 當然, 如果你先生而家願意接受BB, 你亦要和他約定永遠保守這秘密, 他就是BB的爸爸, 當然無人能擔保他可做得到, 但起碼可表現出他現在的誠意, 無疑, 你坦白向他表明, 會有失去他的可能, 但你瞞住佢, 你和他一起生活的日子, 又是否能好好的過呢, 你自己考慮一下啦。

私人傳訊

一世內疚

民房

積分: 7

24^#

發表於 04-11-29 23:30 |只看該作者

Re: 我應該點做好......我唔知點算

唔知道bb升型係咩,
我老公亦唔清楚自己咩血型,
如果...我講o左......
咁幾來....同唔同bb講?
定暪bb一世好呢?

私人傳訊

stkyo

象牙宮

積分: 206249

牛年勳章 HiPP勳章(1) 2018復活節勳章 15週年勳章親子王國15週年勳章玩具勳章畀面勳章環保接龍勳章大廚勳章親子達人勳章 wyeth冷知識勳章 BK Milk勳章 hashtag影視迷勳章育兒性格勳章認識瑞士牛牛第一回認識瑞士牛牛第二回最關心BB問題熱投勳章開心吸收勳章

25^#

發表於 04-11-30 00:03 |只看該作者

Re: 我應該點做好......我唔知點算

同意paiwai應該要講，我覺得你老公肯同你結婚，佢對你都唔差，佢講得個BB可能唔係佢，佢已經有少少心理準備，有時D嘢，仲係咁大件事，真係可以隱瞞一世咩，有時D嘢就係咁啱得咁僑，如果到十幾廿年之後先比大家發現，到時打擊更加大，如果到時比你小朋友知道，佢可能會好憎恨你，而且你將件事講比你老公知，無論佢原諒你與否，你都可以放下心頭大石，就算結果係佢唔原諒你，呢個結果你都要承受，因為係你做錯事，將心比己，如果你老公對你做錯咗事咁點？如果對方肯坦白同你認錯，起碼你都可以選擇原唔原諒佢。

我講我隔離屋既真人真事你知，隔離屋既夫婦有一個女，個男人好鍚佢個女，佢每日都會帶個女遊單車河，又成日陪個女玩，一日佢發現咗佢老婆曾經同第二個男人有D嘢，佢竟然偷偷地去驗佢個女既DNA，發現唔係自己個女，對佢打擊好大，即刻同佢老婆離婚，連個女都唔理.......呢D全部係我聽到佢哋鬧交而知道既。

講真，如果你老公唔原諒你，你都要接後呢個結果，因為錯在你先，如果佢第時自己發現，對佢打擊大之餘，我怕到時最受傷害既係個小朋友。

如果你真係同咗你老公講而佢又原諒你，咁就可以唔駛同BB講，因為如果第日BB發現到自己唔係爸爸親生既，但係爸爸都咁鍚佢，到時由你老公去講服佢，個接受程度會大好多。

你自己諗清楚。

私人傳訊

stkyo

象牙宮

積分: 206249

26^#

發表於 04-11-30 00:04 |只看該作者

Re: 我應該I做好......我唔知點算

私人傳訊

twingirls

等待驗證會員

積分: 16753

27^#

發表於 04-11-30 08:08 |只看該作者

Re: 我應該I做好......我唔知點算

我都贊成同您老公講。

私人傳訊

一世內疚

民房

積分: 7

28^#

發表於 04-11-30 21:03 |只看該作者

Re: 我應該I做好......我唔知點算

咁我就講啦,
不過我要d心理準備至講.

私人傳訊

stkyo

象牙宮

積分: 206249

29^#

發表於 04-11-30 22:30 |只看該作者

Re: 我應該I做好......我唔知點算

希望你老公會原諒你，等你哋可以快D忘記過去從新生活。

無論結果係點，都好希望你返嚟呢度同我哋傾訴。

私人傳訊

Mrssslui

子爵府

積分: 10572

30^#

發表於 04-11-30 23:53 |只看該作者

Re: 我應該I做好......我唔知點算

一世內疚,
似乎出現兩派意見喎,你洗唔洗諗清楚先呀?我就唔贊成講啦!始終依家大家既關係都好好呀,你咪當無去做checking nor.

私人傳訊

babygigi

大宅

積分: 1013

31^#

發表於 04-12-1 05:05 |只看該作者

Re: 我應該點做好......我唔知點算

AllyChan 寫道:
[quote]
一世內疚寫道:
到o左2個月前,
我偷偷地做o左DNA親子鑑定

你都好傻,又唔想清後果,點解你要偷偷地做測試,係都應該同你老公商量左先,咁你咪自找煩惱.

建議你當你乜都唔知, 同佢商量下,想唔想做測試,如果佢話唔想, 係唔係佢都咁愛你同bb, 咁呢個就係永遠

私人傳訊

大宅

積分: 2178

32^#

發表於 04-12-1 05:59 |只看該作者

Re: 我應該點做好......我唔知點算

千奇唔好講,
第一, 你一早已經講了給他知可能性, 他亦願意接受, 十年八載后, 他才發現, 你大可大大聲說"一早已告訴你, 你亦願意.
況且, 我又無做測試, 點知? 我一向都當他係你個仔. "
第二, 十年八載后, bb已和他建立深厚的感情, 他亦較難放棄bb, 現在講, 男人很多都很小氣, 他和bb就沒有機會建立感情, 而且, 將來你再生, 他惜自己的孩子多些, 那bb很可憐. 像很多後父母的問題, 吵鬧. 都為自己子女而發生.
第三, 多耳(x)哀和福臨關係很差, 多耳(x)哀死后, 福臨還鞭屍. :evil: :evil: :evil:
其實, 一家人開心就可以了, 理他bb是那個生, 所謂"生母不及養娘大."
:wink: :wink: :wink:
*將所有測試有關的東西扔掉.

私人傳訊

Alexismama

侯爵府

積分: 23722

33^#

發表於 04-12-1 11:29 |只看該作者

Re: 我應該點做好......我唔知點算

我都唔知點講, 每個人處事ge態度都唔同, 你自己考慮清楚再作決定, 家庭是你的, 人生也是你的, 我們亦只能在第三者ge角度給你少許意見, 因為無論你講或不講, 無人可以告訴你那結果將會如何, 而亦只有你自己去面對那個結果。

其實我自己會覺得, 你是想留著這個男人做你的丈夫, 做bb的父親, 還是真的想和這男人和bb快樂地共同渡過未來的日子。對我個人而言, 帶著一個這樣的謊言與他過活, 是一種痛苦, 但未必每個人和我一樣。請您真的要考慮清楚這個決定, 無論你的決定如何, 我都會支持你架

私人傳訊

一世內疚

民房

積分: 7

34^#

發表於 04-12-3 00:05 |只看該作者

Re: 我應該點做好......我唔知點算

各位,
我都考慮O左好耐,
聽咁多意見,
最後決定講,
因為真係唔想扼佢.
我講O左畀老公知,
我講時亦控制唔到情緒,
一路喊,一路講,
我老公初初無出聲,
之後佢就講,
我預O左,
佢話好彩BB似我,
佢話BBO岩O岩出世都有諗過,
但之後無諗,佢講佢會好鍚BB,
唔想BB知道呢件事..
我應承O左佢,
我話想放BB育嬰園,
BB有咩事我都第一個知,
但佢拒絕O左.....
我唔知點好....
我問佢...如果你想唔要我,
我都會接受......
佢話我答應你永遠一齊,
佢想明年我再生多個....
我亦答應佢,
不過我仲好怕,
我唔敢諗將來,
過得一日得一日,
有話人會變...唔可以肯定....

私人傳訊

Mrssslui

子爵府

積分: 10572

35^#

發表於 04-12-3 00:11 |只看該作者

Re: 我應該點做好......我唔知點算

真恭喜你最後做左決定,你又能釋然,你老公既反應都好好,佢真係好愛你,你以後真要好好珍惜佢,同埋比心機照顧頭家呀!依家無晒後顧之憂啦!
Congratulations!

私人傳訊

mother904

翡翠宮

積分: 80960

畀面勳章

36^#

發表於 04-12-3 00:28 |只看該作者

Re: 我應該點做好......我唔知點算

恭喜你有一個好偉大的男人做老公，講真，唔係個個人都做得到。

但個人覺得你最好唔好係短時間內再生多一個bb，人始終都係自私，你老公而家覺得可以一樣咁愛鍚bb，有可能係佢未有自己的bb，唔會比較。我覺得你應該俾多些時間等佢同bb建立感情先再生多個。你可以話生完冇耐，唔想咁辛苦，遲兩年先再生多個。講真，咁短時間生多個，壓力同負擔都會大好多，何況重要係咁既case，應該俾d時間等大家適應下先。

日日是好日

私人傳訊