吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 0-6個月› del

0-6個月今日: 2|主題: 37415

收藏本版

發帖

返回列表

跳至頁

樓主: Archung106

del [複製鏈接]

123 4

honeybid2

男爵府

積分: 8127

21^#

發表於 20-3-14 23:50 |只看該作者

Archung106 發表於 20-3-14 23:35
係呀，我係真係產後抑鬱，已經要見醫生啦。話我同阿仔緣薄係啲親戚講，我聽完真係好唔開心。我要生要死都 ...

其實你有冇諗過唔係你BB 難湊而係你媽媽令到BB 難湊

BB 會吸收到照顧者既energy... 你媽情緒不穩其實可能佢先係個問題根源... 如果可以，唔好一齊住喇，自己一家一主攞返主導權啦。至於夜晚同唔同BB 瞓令BB 黐邊個就冇乜根據，大把BB 同工人瞓一樣好黐爸媽。
緣薄嗰啲就亂講啦... 真係唔使上心。得3個月，根本不能用大人邏輯去判斷。

私人傳訊

Archung106

大宅

積分: 2388

22^#

發表於 20-3-15 00:32 |只看該作者

ASP2019 發表於 20-3-14 19:17
唔好灰心啊，你老公同阿仔需要你架。
休息夠，奶量應該會多返。如果冇，就順期自然充奶粉，不需為人奶糾結 ...

我會努力去面對，多謝你鼓勵呀。
我之前太執著人奶，所以搞到自己咁辛苦，而且奶量控制返正常啦，所以都可以繼續餵，如果到時真係冇，我都唔會再糾結啦，順其自然。
係呀，健康院姑娘已經話轉介我見醫生，話我有產後抑鬱，我自己都知道，所以會同醫生傾下呀。
不過阿仔仍然唔肯跟我，頭先我湊佢瞓，喊咗好耐，係都唔肯瞓，係要我媽抱返先得

唉唔識講

私人傳訊

Archung106

大宅

積分: 2388

23^#

發表於 20-3-15 00:42 |只看該作者

honeybid2 發表於 20-3-14 23:50
其實你有冇諗過唔係你BB 難湊而係你媽媽令到BB 難湊 BB 會吸收到照顧者既energy... 你媽情緒不 ...

你呢點我真係冇諗過

我見我仔咁痴我媽，覺得我仔好鍾意我媽咋，頭先我又氹極都氹唔到阿仔瞓，點都要喊，委屈到個樣呢，一過我媽手就安靜晒肯瞓，我真係覺得好失落呀…
因為我等緊工人姐姐嚟，我媽太錫個孫佢都唔捨得走咁，所以好難叫佢走呀…
但我仔真係夜晚一眼瞓就一定要我媽抱先得，我點抱都係喊，仲要係好委屈咁喊

聽到我好心up

之前聽完啲人亂講心情真係好差，加上我媽之前一發脾氣就不斷打擊我話我冇資格做人阿媽，又話我仔好可憐因為投胎咗嚟做我仔。我新手加上產後抑鬱再加上聽埋呢啲說話，覺得自己好失敗

私人傳訊

honeybid2

男爵府

積分: 8127

24^#

發表於 20-3-15 12:03 |只看該作者

Archung106 發表於 20-3-15 00:42
你呢點我真係冇諗過我見我仔咁痴我媽，覺得我仔好鍾意我媽咋，頭先我又氹極都氹唔到阿仔瞓， ...

其實你仲有產後抑鬱先令你有咁失敗既諗法，你一啲都唔失敗，個個新手父母都係咁。又或者你原生家庭既問題令你對你既小家庭相夫教子有過高期望/期待，而家有落差你接受唔到。
我絕對懷疑其實你媽走左後你仔就會自然黐返你同好湊返... 係你媽令BB 難湊。

私人傳訊

Archung106

大宅

積分: 2388

25^#

發表於 20-3-15 14:48 |只看該作者

honeybid2 發表於 20-3-15 12:03
其實你仲有產後抑鬱先令你有咁失敗既諗法，你一啲都唔失敗，個個新手父母都係咁。又或者你原生家庭既問題 ...

因為我媽太錫我仔，成日婆婆個孫，婆婆個寶貝，婆婆個BB咁掛嘴邊，佢計劃係工人嚟到佢再訓練埋先走，所以佢都打算住多2個月㗎啦…我媽情緒穩定時，好幫到手，照顧我仔好周到，只不過脾氣一嚟，就天王老子都冇面俾照鬧

我老公有講過，阿仔習慣咗我媽，但只要我地自己湊返，一星期唔得咪兩星期囉，阿仔喊都唔會喊一世，始終會適應到。不過而家阿仔比較誇張，婆婆唔抱就喊到成晚都瞓得好差，要我同老公輪流抱天光

而家我媽搞到我老公壓力爆煲，我老公性格都變晒咁，佢話每晚返屋企都好大壓力因為唔知我媽幾時發脾氣

私人傳訊

yhytmama

大宅

積分: 3332

26^#

發表於 20-3-15 21:55 |只看該作者

Archung106 發表於 20-3-15 00:32
我會努力去面對，多謝你鼓勵呀。
我之前太執著人奶，所以搞到自己咁辛苦，而且奶量控制返正常啦，所以都可 ...

睇到妳嘅經歷，都好替妳難過，但真心希望妳捱過，走出陰霾。睇得出妳十分重視親子關係。何妨試下哭鬧時俾奶嘴BB，安撫下佢。記住：BB生來最愛的就是媽媽，只有媽媽，這個世上，他最需要的人是妳。不要讓一些無謂的說話傷了心。
嘗試改變自己的情緒，時時提醒自己，正面D 積極D，多些笑容和歡樂，妳的BB感受到的。
我也認同有位JM所講，問題可能在於妳媽媽，不是妳。勇敢D，試下請媽媽回自己家中，由妳和先生全力照顧BB，一開始肯定會喊得犀利，你們也會好辛苦。但係要相信：一切都會有甜蜜的回報！妳嘅仔，一定會好愛妳！

私人傳訊

Archung106

大宅

積分: 2388

27^#

發表於 20-3-15 22:17 |只看該作者

yhytmama 發表於 20-3-15 21:55
睇到妳嘅經歷，都好替妳難過，但真心希望妳捱過，走出陰霾。睇得出妳十分重視親子關係。何妨試下哭鬧時俾 ...

因為我而家埋身餵，我唔知比奶嘴會唔會搞到佢乳頭混淆呀…而且阿仔而家厭奶，成日唔知餓咁，有時4個幾鐘餵都唔願食，有時見佢食晒手又食衫，餵佢但又爆喊唔食，我真係好迷茫，我完全唔識點湊佢咁，3個月啦我到而家都未知佢幾時真正餓，我覺得自己好失敗。之後陪月都話我仔好難湊，我辛苦唔緊要，但最慘我根本唔知阿仔想點

私人傳訊

bee1010

別墅

積分: 703

28^#

發表於 20-3-15 22:23 |只看該作者

仔仔仲未識認人，放心啦佢第時一定會痴你。我都建議你唔好再同媽媽一齊住。bb成日聽到吵鬧聲，佢地會好驚所以難湊。你媽媽肯幫係好，但你唔應該覺得佢幫你就要受佢氣，呢啲係情緒勒索。另外再係咁落去，你老公都會發癲。如果你媽繼續湊，過多2年你仔開始識性，佢見到你地成日俾婆婆鬧，佢都唔會尊重你地架喇。

私人傳訊

chichi730

大宅

積分: 2497

29^#

發表於 20-3-15 22:39 |只看該作者

阿B如果真係唔鍾意你，就唔會比你抱成日啦(你話抱成日都唔肯訓)，又唔會比你埋身啦，埋完身爆喊可能唔夠飽呢，凡事正面D睇。
你阿媽已經好好，幫你湊成日仲為左幫你湊仔搬來你到住，幾多人恨都恨唔到，要將個仔交俾外人湊，自己返工都擔心。
阿仔飲奶時間同你泵時間唔同？咁你唔可以就返個阿仔既飲奶時間來泵架咩？幾多點泵真係冇咩所謂架喎。
佢鍾意你阿媽，肯跟佢，你返工都安心好多啦﹗好過佢鍾意你99多過鍾意你啦﹗如果你真係想佢親返你，你咪放工自己湊返個仔，叫阿媽返屋企休息囉，佢喊幾日自然會唔喊，細路仔好簡單。你做唔做到？
凡事正面D，佢得幾個月人仔，唔識性，到佢大個，自然會知道你係佢阿媽，自然會親你架喇。你要相信，佢係飲你既奶大，冇可能唔親你，繼續俾心機做人阿媽啦。唔好相信什麼母子緣薄，而家死左人咩？好少事架乍。我係窮媽餐餐要補奶粉，而家為左返工後個仔俾邊個湊而煩惱中啦，個個都有自己的難處，你睇人好人睇你好者。

私人傳訊

yhytmama

大宅

積分: 3332

30^#

發表於 20-3-15 22:52 |只看該作者

Archung106 發表於 20-3-15 22:17
因為我而家埋身餵，我唔知比奶嘴會唔會搞到佢乳頭混淆呀…而且阿仔而家厭奶，成日唔知餓咁，有時4個幾鐘餵 ...

妳第一樣要拋棄的就是覺得自己失敗的想法！
對自己要有信心！其他媽媽做到的妳都可以做到。而且妳餵人奶，已經第三個月，好叻嘎啦！讚下自己先啦！
3個月大唔驚乳頭混淆。我仔4個月大，有時都係唔肯食，又扭又喊，我就由佢，隔半個鐘再試。BB如果肚餓一定會俾妳知。BB生長線OK嗎？

私人傳訊

yhytmama

大宅

積分: 3332

31^#

發表於 20-3-15 22:56 |只看該作者

bee1010 發表於 20-3-15 22:23
仔仔仲未識認人，放心啦佢第時一定會痴你。我都建議你唔好再同媽媽一齊住。bb成日聽到吵鬧聲，佢地會好驚所 ...

好認同妳嘅睇法。BB雖然唔識講嘢，但會感受到家庭氣氛的。

私人傳訊

A_Amummy

別墅

積分: 510

32^#

發表於 20-3-16 06:24 |只看該作者

Archung106 發表於 20-3-14 12:56
原來好多媽媽都會咁？我只係聽過餵人奶嘅BB特別痴身，只認媽媽其他人唔要，可能我聽得少case，我成日以為B ...

媽媽你好叻～仲做得好好
我好明白你既心情
當初我仔出世後我都完全唔想比人掂佢
淨係想佢跟我一個認住我
初生BB會認得媽咪身上陣味架
但d BB好醒目
佢地可能食奶搵阿媽
抱又一個玩又另一個
總之邊個滿足到佢氹到佢就要個個
但佢地知道邊個係媽咪架
我仔都係咁
我都有埋身餵奶
但佢有時扭我都未必氹得掂
初初我都好傷心
仲覺得其他人好似搶左我個仔咁
但日子慢慢過
諗通左其實有人氹到BB訓覺唔扭就ok啦
其他時間同BB互動返
有人幫到手好過無如果BB一直扭仲地獄
我明你個心係會唔好受
心態係需要時間調整既
同老公出下街
掉低阿仔比人湊下抽離下
日子好快過
到時你想甩身都甩唔到呀(emoji)

私人傳訊

honeybid2

男爵府

積分: 8127

33^#

發表於 20-3-16 10:30 |只看該作者

Archung106 發表於 20-3-15 14:48
因為我媽太錫我仔，成日婆婆個孫，婆婆個寶貝，婆婆個BB咁掛嘴邊，佢計劃係工人嚟到佢再訓練埋先走，所以 ...

你老公講得好啱... 你囝只係3個月，你地先係大人，你點解俾個囝牽住走？冇就係冇，一日唔慣兩日，兩日唔慣一星期，總之爸媽話冇就係冇。而家佢扭要婆婆（假設真係）你屈服，大個扭買玩具，扭唔食飯，扭一千樣野你都順住佢？你先係大人，記住「do the right thing」，開頭一定會有人唔開心（因為所有人都被縱慣），但right thing 就係right thing... 要堅持。好快你會見到成果。

私人傳訊

Archung106

大宅

積分: 2388

34^#

發表於 20-3-16 12:29 |只看該作者

bee1010 發表於 20-3-15 22:23
仔仔仲未識認人，放心啦佢第時一定會痴你。我都建議你唔好再同媽媽一齊住。bb成日聽到吵鬧聲，佢地會好驚所 ...

係，我都知應該自己湊對阿仔最好，但因為之前講好咗阿媽幫到我地個工人嚟先走，所以而家突然叫佢走又驚佢會發脾氣，而且我比阿仔食奶同瞓覺嘅情況搞到我冇晒信心，成日驚搞阿仔唔掂

情緒勒索呢樣嘢我媽做咗好多年啦，呢3個月佢喺我屋企發過好多次脾氣，次次爆晒粗口做要威脅我話要走，實際都走咗2次，後來佢太掛住個孫又返返嚟……我地而家唯有等個工人嚟，睇下到時情況會唔會有得改善，我老公真係就快癲

私人傳訊

Archung106

大宅

積分: 2388

35^#

發表於 20-3-16 12:34 |只看該作者

chichi730 發表於 20-3-15 22:39
阿B如果真係唔鍾意你，就唔會比你抱成日啦(你話抱成日都唔肯訓)，又唔會比你埋身啦，埋完身爆喊可能唔夠飽 ...

我仔係我地抱成日都喊呀……我媽日頭有返工，不過比較輕鬆嘅，所以佢夜晚會湊我仔瞓。日頭係我湊，請咗個鐘點工煮飯。阿仔飲奶有時4個鐘，但我奶量多，根本冇可能等到4個鐘先泵，之前3個鐘泵都硬晒，唔係都唔駛搞到2次乳腺炎，所以真係夾唔到佢餓先泵奶。
我日後會自己湊，阿媽要返工嘅，就算退一萬步我媽退休，佢話要將我仔帶返佢屋企湊，叫我地放假先去睇仔。但我老公唔會放心比我媽全權湊呀，因為我媽真係有情緒病。

私人傳訊

chichi730

大宅

積分: 2497

36^#

發表於 20-3-16 14:50 |只看該作者

本帖最後由 chichi730 於 20-3-16 15:03 編輯

回覆 Archung106 的帖子

同意樓上JM所講，可能你阿媽既湊B方式，例如寵，令到個B只鍾意佢湊。同埋你緊張的情緒BB係感覺到，所以到比較唔鍾意你抱。千其唔好俾你阿媽帶返佢屋企湊，咁樣你只會萬劫不復。你而家唯一解決方法係請你阿媽返自己屋企，然後自己努力湊B，有什麼問題就改進，咁對你和老公都好。

另外你可以泵淨D等你個仔訓醒先飲架，唔使下下泵清

私人傳訊

Archung106

大宅

積分: 2388

37^#

發表於 20-3-16 14:59 |只看該作者

yhytmama 發表於 20-3-15 22:52
妳第一樣要拋棄的就是覺得自己失敗的想法！
對自己要有信心！其他媽媽做到的妳都可以做到。而且妳餵人奶， ...

1個半月時去睇過兒科，個時剛開始厭奶。其實可能係我地搞到佢咁。出院時兒科叫我地3個鐘餵70ml，阿仔黃疸高叫我地唔好超過4個鐘唔餵佢，我地照跟啦，較鬧鐘定時餵佢，阿仔肯食晒，到差不多滿月時，應該係猛長期，由70食到120ml，我地照較鬧鐘3個鐘餵，佢又肯食晒。過咗2星期，佢開始唔肯食晒，我地唔識照氹佢食，發覺阿仔愈來愈唔肯食，識吐奶咀擰頭，但個時我地唔識又怕黃疸唔退，佢唔想食都繼續氹佢食…去睇醫生時話佢已經厭奶，叫我地唔好再逼，話滿月後唔駛3個鐘咁餵，佢餓先餵。但因為一開始我地都係較鬧鐘咁餵佢，所以冇留意到佢真正肚餓係咩樣…佢滿月黃疸144，返過醫院抽血