吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 唔想99成日錫bb塊面

婆媳關係今日: 3|主題: 27777

收藏本版

發帖

返回列表

跳至頁

樓主: 小天使寶寶

唔想99成日錫bb塊面 [複製鏈接]

小天使寶寶

別墅

積分: 673

21^#

發表於 20-7-22 12:04 |只看該作者

shantingwoo 發表於 20-7-22 11:17
我以前都如果類似嘅心情，之前奶奶幫咗我好多，有一排好似係冇咗佢唔得。心裏面覺得唔好意思但係自己又好 ...

BB而家未夠2個月，雖然未識同人玩未識認人，但我都已經好驚佢會唔痴我

到時復工就係佢學始識玩既時候，我更加驚少左對佢佢更加唔認得我（雖然而家都已經長時間俾99霸住，但到時只有更少）我有同c6傾過，雖然佢明我感受，但佢話就算請工人，都係一樣，只不過而家個角色係佢阿媽，佢覺得我係有d偏激思想

生完之後個人既情緒起伏真係好大，我有d自責點解好似俾唔到最好既野bb咁，由人奶問題開始個人真係鬆唔到，仲要而家又好似俾99突然既母愛泛濫取代左我呢個親生阿媽。有時真係覺得無人明白自己咁，諗到無得親力親為湊bb就好似俾人割左我忽肉咁

私人傳訊

小天使寶寶

別墅

積分: 673

22^#

發表於 20-7-22 12:25 |只看該作者

shantingwoo 發表於 20-7-22 11:17
我以前都如果類似嘅心情，之前奶奶幫咗我好多，有一排好似係冇咗佢唔得。心裏面覺得唔好意思但係自己又好 ...

而家住落左喺度湊b加上疫情咁樣，佢其實好似無意欲諗住走咁，的確c6喺屋企又長期真係預左間房出黎俾99可以黎訓，真係易請難送既感覺

我都有覺得唔好意思同唔開心，唔好意思係覺得自己係阿媽，又未洗返工，但早晚都唔自己湊，要佢咁辛苦咁（其實唔係我唔想湊，而係佢成日爭住做full time 麻麻），所以我真係屈住好唔開心點解自己咁失敗，好似無左個bb咁，有時夜晚跟我地訓，但c6會因為bb成日醒令佢唔夠精神開工，日日都好攰好辛苦，我自己可能做左人阿媽，為母則強，就算全日加埋訓得1個鐘我都唔覺得攰，因為我知道為人父母就係有責任，但咁樣我真係唔知可以點做

私人傳訊

kik11

大宅

積分: 1485

23^#

發表於 20-7-22 13:02 |只看該作者

小天使寶寶發表於 20-7-22 12:25
而家住落左喺度湊b加上疫情咁樣，佢其實好似無意欲諗住走咁，的確c6喺屋企又長期真係預左間房出黎俾99可以 ...

bb 邊個湊就會痴邊個，我要返工，個女係我媽幫我湊，日頭的確唔多痴我，但我堅持夜晚要自己湊返，幾眼瞓都要頂住，而家起碼佢夜晚眼瞓會痴住我，夜晚bb喊就岀廳，唔會嘈住c6

你日頭99湊夜晚又係99湊，d 99真係好黑人憎，成日同人爭bb湊，趁你未返工就快d 搶返bb 自己湊，第日要返工就湊返夜晚，唔係bb真係唔痴你架

私人傳訊

小天使寶寶

別墅

積分: 673

24^#

發表於 20-7-22 13:16 |只看該作者

kik11 發表於 20-7-22 13:02
bb 邊個湊就會痴邊個，我要返工，個女係我媽幫我湊，日頭的確唔多痴我，但我堅持夜晚要自己湊返，幾眼瞓都 ...

我就係好驚咁樣呀，好唔開心呀真係，佢都係人阿媽，點解會唔明做阿媽既感受

私人傳訊

lovebobo

翡翠宮

積分: 93746

2026勳章 2024年龍年勳章 2023年兔年勳章 2018復活節勳章開心吸收勳章最關心BB問題熱投勳章認識瑞士牛牛第二回認識瑞士牛牛第一回育兒性格勳章畀面勳章環保接龍勳章 BK Milk勳章

25^#

發表於 20-7-22 14:08 |只看該作者

小天使寶寶發表於 20-7-22 10:23
雖然佢無俾我見過錫咀，但同我c6講，佢都覺得無問題咁琴晚我終於笑笑口同99講：唔好介意，不過 ...

我好明白你，身同感受

私人傳訊

小天使寶寶

別墅

積分: 673

26^#

發表於 20-7-22 14:18 |只看該作者

lovebobo 發表於 20-7-22 14:08
我好明白你，身同感受

本帖最後由小天使寶寶於 20-7-22 14:19 編輯

未生之前真係諗都無諗到生完之後會俾人爭搶走自己個bb，因為我相信每一個人都會明白媽媽同bb係幾咁血脈相連，係幾咁親，但原來唔係咁諗架d人，由其果個自己都身為人地阿媽既99，係咪佢覺得我霸住左佢個仔所以佢要霸返我個b

好想塞返bb入我個肚度，因為最起碼咁樣我同佢先可以日日夜夜都一齊

私人傳訊

shantingwoo

別墅

積分: 675

27^#

發表於 20-7-22 19:44 |只看該作者

小天使寶寶發表於 20-7-22 12:25
而家住落左喺度湊b加上疫情咁樣，佢其實好似無意欲諗住走咁，的確c6喺屋企又長期真係預左間房出黎俾99可以 ...

我都真係好怕啲奶奶係咁。以前我奶奶好地地我推住㗎 BB車都要同我講話攞嚟等我推。我好反感，我同佢講點解要轉手，我推緊喎我自己推翻得㗎啦。佢再出聲我繼續話我推緊喎我想自己推。
我知講就好易如果你真係想自己揍多啲BB嘅真係要自己攬住阿B多一啲，將佢放喺自己房到閂門？你抱緊嘅時候你奶奶攞嚟鋪真係要同佢講唔使喎我唔會放手架點解呀。

你有冇兄弟姊妹上嚟陪下你呀？我之前坐月嘅時候都有同我老公講初時佢都冇乜嘢慢慢佢都覺得我有啲激動。生完BB有心情起伏係一定嘅。

同埋都唔好唔記得好好享受一下你可以係屋企休息同埋湊BB嘅時間。

私人傳訊

小天使寶寶

別墅

積分: 673

28^#

發表於 20-7-22 20:41 |只看該作者

shantingwoo 發表於 20-7-22 19:44
我都真係好怕啲奶奶係咁。以前我奶奶好地地我推住㗎 BB車都要同我講話攞嚟等我推。我好反感，我同佢講點解 ...

係呀係呀，真係好反感，明明抱緊或者訓左都係要抱走佢放入佢房度！我有講架果時，之後講完唔夠一陣又黎，我話唔洗，佢仲要伸手埋黎抱走，好痴線囉真係。我而家就係會咁，總之bb一到我手，我就會抱入自己房關房門，我都唔想做到咁，但無辦法，不過有時佢都會同樣咁做，抱抱下bb見我行出黎佢就會行去另一邊，或者抱返入佢房

而家疫情太勁，屋企人暫時都唔會上黎，為大家著想都系盡量避免！
我每次都會好好珍惜同bb相處既日子，因為我無乜奶既關係，一直食開奶粉，但而家bb扭計我都會俾佢埋身啜下，感覺上希望同bb close d會好d啦

私人傳訊

小天使寶寶

別墅

積分: 673

29^#

發表於 20-7-22 20:49 |只看該作者

shantingwoo 發表於 20-7-22 19:44
我都真係好怕啲奶奶係咁。以前我奶奶好地地我推住㗎 BB車都要同我講話攞嚟等我推。我好反感，我同佢講點解 ...

我最嬲最唔開心既系，坐月無乜奶，咩方法都試下，叫99幫我去買黑麥汁，點知奶奶連我有無奶水都要同樓下個看更講，返到黎仲要話返俾我知話人地個看更好話我點解無奶水，話睇我有肉地唔似無奶wo，又呢樣又果樣咁。。。。。我果下好想講，你唔去同人講我呢d野，人地無啦啦又點會講我呢樣野丫。真係唔知有無搞錯！bb而家面仔唔知係奶癬定咩，成日紅，甩皮同埋好鞋，我想等下次健康院問姑娘，或者買d天然既野俾佢查，但我99就不停問呢個問果個，話查娥xx英，我話有藥性唔好，佢都仲要第二日再打去問人講到好似要想買返黎幫佢查咁，其實係咪應該問返佢阿媽我意見去做呢，好反感真係會