吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 喊好定唔喊好？

自由講場今日: 3354|主題: 1344648

收藏本版

發帖

返回列表

跳至頁

樓主: ~仔仔媽咪~

喊好定唔喊好？ [複製鏈接]

123

~仔仔媽咪~

水晶宮

積分: 51912

21^#

發表於 20-10-8 23:32 |只看該作者

hap2thousand15 發表於 20-10-8 22:23
傷心一定會，想住你們會在彩虹橋再見吧。

你仔唔捨得你傷心，所以話唔 ...

我呢兩隻黑貓真係好生性。
隻寶上年走果日已經食唔到野，我湊佢見醫生，我同佢講，等埋哥哥放學番嚟睇您先啦，唔好走住，隻寶响醫生枱度突然懶醒神咁攬住醫生磅嚟玩，突然精神俾我睇，好似叫我唔好擔心，結果隻寶真係等到哥哥趕到醫院睇佢，趁我地食晚飯自己偷偷地移民，佢真係好顧哥哥感受。
而我隻蚊就一直繼續聽哂我話好乖，直至走果刻佢都有聽我講有食飯有飲水同尿尿，冇好似人地所講大多腎貓絕食空肚咁樣餓食，佢走果日仲重過上次醫生磅個重量，瘦但冇佢細佬阿寶走果時咁離譜，仲有半歲貓既身形，走前一日，朝早佢照常自行食早餐後玩衝門出lobby玩，夜晚突然急轉直下跳唔到由貓台跌落嚟，果吓我同阿囝都感覺到隻蚊似乎係時候，我抱佢入房，俾佢瞓响我張床，佢專屬位置我同爸爸之間個位，之後我趁個仔落街買野俾我食，我抱住隻蚊，同隻蚊講，「您係咪要搵阿寶細佬吖？媽咪知您乖知您一直聽媽咪話食飯飲水去廁所，但如果蚊蚊覺得攰係時候要瞓覺，媽咪會明白會接受，媽咪錫哂您」隻蚊又好似阿寶細佬咁，好似識聽我講野，冇自己上床同我地瞓成大半年，佢果晚到第二日全日都主動撓住嗲住我同爸爸隻手嚟瞓，到走果刻，又係好叻咁等埋我地食完晚飯番嚟，仲趕得切俾我抱住逛哂全屋企每一角落同出面lobby,番到入屋隻蚊至開始抖大氣，有試過開聲同我講野，之後我抱番入房，佢抖抖大氣，最後瞓响佢專屬位置。佢唔同阿寶，隻蚊响屋企過身，到依家我都覺得佢一直响屋企冇離開過。我唔知佢最後抖大氣又想講野算唔算叫做唔辛苦，但我聽老公講，隻蚊算係走得唔辛苦，我希望佢唔辛苦。

私人傳訊

chitchatmommy

子爵府

積分: 14003

父親節2025勳章母親節2025勳章 2025勳章蛇年勳章 2023年兔年勳章牛年勳章

22^#

發表於 20-10-8 23:35 |只看該作者

樓主，睇到你寫嘅嘢，我都忍唔住

我之前貓女好突然咁離世，喊到我

我視佢哋係我嘅仔女，親人走了，好不捨，好不捨。
家中還有幾隻貓貓，我都同自己講，好好養埋佢哋終老，我都不再養貓了。
不是不愛貓，而是仍未放得下，那種傷痛真的好難受。

私人傳訊

hap2thousand15

男爵府

積分: 5918

2024年龍年勳章

23^#

發表於 20-10-8 23:43 |只看該作者

~仔仔媽咪~ 發表於 20-10-8 23:32
我呢兩隻黑貓真係好生性。
隻寶上年走果日已經食唔到野，我湊佢見醫生，我同佢講，等埋哥哥放學番嚟睇您先 ...

佢地三隻貓已經在彩虹橋團聚，無病無痛，媽媽，不要太傷心，總有一日會再見

私人傳訊

~仔仔媽咪~

水晶宮

積分: 51912

24^#

發表於 20-10-8 23:47 |只看該作者

PoPo140610 發表於 20-10-8 22:26
當然喊出來好！
可釋放情緒/ 負能量。

明白架，不過都明白喊得太多又會驚影響身邊既人。
所以我都只俾自己喊一日，呢三個星期眼紅吞眼淚唔計，其實我都冇再喊。
其實呢次冇上次阿寶走果時咁hard feelings。阿寶胃全部腫瘤食唔到野，走前果一個月瘦到得番一條線，又係咁嘔血，我知佢好痛苦，所以每次諗起佢就算佢走咗一年，我都會心痛到偷偷喊。
今次隻蚊我冇呢隻痛，流眼淚皆因對佢思念同不捨，以往佢晚晚同我同床攬住瞓，每朝起身陪我去廁所坐，番工同我鬥快衝門，放工又鬥快門口接住佢呢團肥黑影同逛lobby,入房俾臭手我食，用手互摸大家塊臉，玩咀咀親親捽肥肚玩佢兔仔連環腿，晚晚同我喵哂pillow talk,扯我衫催我俾野食同捽臉食佢臭口水…太多回憶，原本日日多到滿瀉既貓兒幸福突然間一夜冇哂，我只係未適應到呢隻得閒，覺得好無聊咁姐。但相信我會tune好台。只係時間問題。

私人傳訊

cattz288

寶石宮

積分: 250246

父親節2025勳章母親節2025勳章 2025勳章蛇年勳章 2024年龍年勳章虎到金來勳章減齡達人勳章牛年勳章 HiPP勳章(2) 2018父親節勳章 2018母親節勳章 15週年勳章親子王國15週年勳章 2018復活節勳章王國教室勳章畀面勳章 BK Milk勳章 DHA勳章 Poo得好勳章

25^#

發表於 20-10-8 23:47 |只看該作者

~仔仔媽咪~ 發表於 20-10-8 22:08
我家隻黑貓上個月腎衰竭响屋企過咗身，16歲，陪伴我地13年，我隻貓一斷氣，我喪喊，但我隻佬同我囝到依家 ...

經歷過一次悲痛就會成熟!加上貓貓都係老死, 心裡已經有準備
未必係屈喺心既! 因為喊其實好傷身!
保重!

放下自在

私人傳訊

yankiyan

侯爵府

積分: 20220

26^#

發表於 20-10-8 23:48 |只看該作者

我都係狗狗去世後決定唔再養
我唔想再經歷狗狗既離開
真係好痛好痛

私人傳訊

~仔仔媽咪~

水晶宮

積分: 51912

27^#

發表於 20-10-8 23:51 |只看該作者

crystal媽咪發表於 20-10-8 22:28
其實係心態問題
無喊只係有冇諗清楚
佢離開係減低痛苦

所以呢次堅覺屋企兩仔爺好叻。明明一直我係屋企最強，呢次真心覺得原來我家公子們不能夠睇小。

私人傳訊

已刪除用戶

已刪除用户

積分: 194079

2024年龍年勳章 2023年兔年勳章好媽媽勳章畀面勳章環保接龍勳章 BK Milk勳章

28^#

發表於 20-10-9 00:05 |只看該作者

回覆樓主:

提示: 作者被禁止或刪除內容自動屏蔽

私人傳訊

~仔仔媽咪~

水晶宮

積分: 51912

29^#

發表於 20-10-9 00:13 |只看該作者

ming1020 發表於 20-10-8 22:41
本帖最後由 ming1020 於 20-10-8 22:43 編輯

我而家有一隻14同16歲既貓，16歲個隻上星期check到甲狀腺 ...

我地都有諗安樂死呢樣野，對上果隻寶癌症，其實我一開始想俾佢安樂死，但屋企兩父子喊哂唔肯仲堅持要醫，幾貴幾辛苦都要醫阿寶，結果果半年唔止我湊貓湊到瘦同攰，隻寶真係好辛苦，呢吓係個好差既經驗。

呢次隻蚊腎衰竭，其實除咗貧血暈，佢冇其他唔舒服，我綜合哂網上既意見同經驗，我地至咁堅持唔打針去，但同時唔俾佢住院，因為次次住院都中cat flu,同埋唔想搞到阿寶咁，驚住咁過埋剩餘既日子，俾佢住响自己地方自由自在，再者，住院都只不過拖長佢唔舒服既時間，好冇意思，既然腎衰竭冇得好番，冇得變番以前冇病時咁，我地揀咗安寧治療，皮下水照打，腎糧照食，保健葯照食，見佢都末期，最後果個月我俾佢食好好味既罐罐，雖則我都有諗係咪我俾零食罐至加快佢去到盡頭，但回想番佢果一個月食得零舍開胃開心，總算走前佢仲食好住好，而唔係餓住悶住咁離開。

私人傳訊

~仔仔媽咪~

水晶宮

積分: 51912

30^#

發表於 20-10-9 00:16 |只看該作者

SaMaMaSa 發表於 20-10-8 22:49
有時動物要走，主人對動物情會令佢更唔捨得人間，生死有別，我想我都會俾自己瘋狂喊一兩星期再上路，這樣 ...

依家我仲有3隻貓陪伴，都13歲，既然我囝都決定唔會再收養新貓，我更珍惜依家仲有貓兒陪伴既幸福日子。

私人傳訊

Szemingsze

禁止訪問

積分: 973

31^#

發表於 20-10-9 00:18 |只看該作者

提示: 作者被禁止或刪除內容自動屏蔽

私人傳訊

Lofun1874

禁止訪問

積分: 1355

32^#

發表於 20-10-9 00:22 |只看該作者

提示: 作者被禁止或刪除內容自動屏蔽

私人傳訊

evip

公爵府

積分: 28609

虎到金來勳章 15週年勳章親子王國15週年勳章

33^#

發表於 20-10-9 00:32 |只看該作者

~仔仔媽咪~ 發表於 20-10-8 23:32
我呢兩隻黑貓真係好生性。
隻寶上年走果日已經食唔到野，我湊佢見醫生，我同佢講，等埋哥哥放學番嚟睇您先 ...

蚊蚊好乖好叻。你放心，不用掛心了。

私人傳訊

~仔仔媽咪~

水晶宮

積分: 51912

34^#

發表於 20-10-9 00:36 |只看該作者

hker 發表於 20-10-8 22:50
我打足4 年。（我貓是急性renal, 個個vet 要我put down, 但貓貓不停叫）。

貓貓好叻好叻。一直也好叻。打 ...

我隻蚊走時都有用力用手捉住我嚟抖大氣。佢有幾吓想講野但講唔出，最後有一下喵到小小聲同我講最後說話。每次回想佢抖氣時個樣，我都擔心佢係咪走得好辛苦…我連佢咁樣抖大氣（好似人仔發燒咁抖大氣）我都唔想，因為覺得佢係辛苦，但心諗，已經冇想像中或响網上流傳講腎衰竭貓過身咁痛苦，可能跟阿寶有比較，佢冇食唔到野，走果日灌食佢都好乖肯吞，又冇好似阿寶瘦到得一條線亦冇痾唔出便便或瀨屎，只係後腳冇力行唔到，响我床尿尿幾次而已。我但願我俾佢安寧治療唔俾佢住院既決定係正確。
佢走果日咁啱要覆診，原本佢冇力咁瞓响貓背囊度，貧血到只有單位數，行經街市魚檔，咁啱魚檔叔叔劏咗一枱新鮮大魚，隻蚊聞到魚腥即刻奇蹟地有力企起身仲竪高哂耳仔探頭望到實，果吓真係笑咗。我又俾對白:「見過大魚未呀lang仔！」我老公即刻接話:「隻蚊後生時【撈海鮮（開海鮮酒家）】架！龍蝦都打死幾隻啦！」呢個係隻蚊最後送俾我地歡樂時光，隻蚊永遠係我家【歡樂先生】。

私人傳訊

hker

侯爵府

積分: 23306

35^#

發表於 20-10-9 00:58 |只看該作者

~仔仔媽咪~ 發表於 20-10-9 00:36
我隻蚊走時都有用力用手捉住我嚟抖大氣。佢有幾吓想講野但講唔出，最後有一下喵到小小聲同我講最後說話。 ...

我貓一向是水煲。走之前那晚，無力"煲"了。。。我跟她傾了很久，也捉住她手pray to God!

要哭的，那晚也哭盡了。。。。。

她走了。。。。我淚一早流乾。而且，貓貓終於不用辛苦了（我貓打EPO針被血的。）。。。我貓是Acute Renal, 基本也是死硬。她沒死，我天天也當是last day, 她想吃什麼也可。（但她最愛是腎乾糧，傻豬！）

＝＝＝＝＝
總之。。。。貓貓現在不用辛苦了。也給我們留下很重要的一課。。。。。

我時時覺得，寵物是上天派來的小天使，去成就我們獨特及有愛的人生。

＝＝＝＝
我也堅持不再養（但promise 貓貓，她有本事半年來回來，我再養）。。。。我只是講下。所有貓野也掉晒！

半年期快到時，8號風球晚上，有只小貓b在街上玩。係要跟著我狗（我之前貓狗是好好朋友的）。因是8號風球，我不忍心貓b在街。帶了她回家（街好黑，我不知她什麼樣。細細隻）。。。。也入了我家門。since day 1, 兩個也是好friend 好friend。後來狗狗病了，貓貓日日去陪他。狗狗走了。我貓在門哭叫了兩日。

＝＝＝＝＝
這貓b長大了，跟之前貓貓是一模一樣的。

緣份，是很玄的。隨緣吧。

惜緣，了緣，一切隨緣。。。。但用力去抓緊"當下的connection "

也感謝上天賜我們小天使。令我們人生豐盛及滿滿的愛！

＝＝＝＝＝＝

私人傳訊

~仔仔媽咪~

水晶宮

積分: 51912

36^#

發表於 20-10-9 01:10 |只看該作者

chitchatmommy 發表於 20-10-8 23:35
樓主，睇到你寫嘅嘢，我都忍唔住

我之前貓女好突然咁離世，喊到我

您都加油吖。我都大概接唔住隻蚊突然一日之間咁急轉直下啫。朝早仲識跑出嚟玩衝門同食飯，夜晚就連跳都跳唔到，第二晚閃埋。

我依家仲有3隻老貓照顧，各自都有老毛病，都好攰亦唔想再聽到阿囝好擔心咁話我知今日見到邊隻貓冇心機，但都深知我地依家仲有重任在身，俾佢地安享晚年，開心過日子，所以我都堅持住，會好好加油。

私人傳訊

~仔仔媽咪~

水晶宮

積分: 51912

37^#

發表於 20-10-9 08:05 |只看該作者

hap2thousand15 發表於 20-10-8 23:43
佢地三隻貓已經在彩虹橋團聚，無病無痛，媽媽，不要太傷心，總有一日會再見:fortun ...

有阿蚊响彩虹橋，阿寶就唔會咁悶，有蚊哥哥錫，日日幫佢lam毛。傷心總會過去，感激呢度有各位jm陪我傾吓阿蚊，算減輕咗一半心裡鬱悶。謝謝！♡

私人傳訊

PingWu_FB

男爵府

積分: 5385

虎到金來勳章牛年勳章

38^#

發表於 20-10-9 08:18 |只看該作者

我細個果陣養過只貓
14歲走咗
二十幾歲養只狗
16歲走咗
我估最少十年內唔會再養寵物

私人傳訊

20162016

翡翠宮

積分: 76578

39^#

發表於 20-10-9 08:23 |只看該作者

~仔仔媽咪~ 發表於 20-10-8 22:08
我家隻黑貓上個月腎衰竭响屋企過咗身，16歲，陪伴我地13年，我隻貓一斷氣，我喪喊，但我隻佬同我囝到依家 ...

久不久就要生離死別真係唔好受，唔係個個都頂得住，只有沒有感情就最瀟灑

私人傳訊

KUDOS

珍珠宮

積分: 43367

母親節2025勳章認識瑞士牛牛第一回畀面勳章

40^#

發表於 20-10-9 08:24 |只看該作者

我屋企養嘅西施狗仔都係16歲過身，我全家上上下下都當佢係仔/細佬咁湊大，雖然一家人都好難過，但睇住佢年紀大身體多病痛捱苦嗰段時間，可能都係一種解脫。我覺得係小朋友都鍾意養寵物，好多時飼養嘅責任就落咗響大人度，小朋友就只會同寵物玩，到佢地經歷到寵物嘅生老病死，明白到離別嗰種傷痛，心路就有所改變，知道飼養寵物係要負責任同投放感情嘅，所以就唔會再輕言話養寵物。你仔仔呢個係成長嘅表現，證明佢有責任心，係好事嚟㗎！樓主你亦不要太傷心，我地一樣會緬懷過世嘅親人同寵物，但最緊要係唔好影響生活，要更珍惜身邊嘅親人同寵物吖！