吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 26號港隊資訊帖（1金3銅），32台直播或延播亞殘運比賽 ...

自由講場今日: 361|主題: 1345026

收藏本版

發帖

返回列表

跳至頁

樓主: observer

26號港隊資訊帖（1金3銅），32台直播或延播亞殘運比賽 [複製鏈接]

observer

伯爵府

積分: 17941

2024年龍年勳章牛年勳章

21^#

發表於 23-10-26 15:23 |只看該作者

本帖最後由 observer 於 23-10-26 17:00 編輯

乒乓球比賽：混合雙打XD14級八強賽。港隊王愉程/唐志銘贏咗哈薩克隊晉級。
但係另一支對住印尼隊嘅超焦瑾珊/蔡興霖，以3:1落敗，無緣8強。

而男雙賽事，MD18級8強賽，港隊黃志賢/何家盛贏咗菲律賓隊進入八強。
MD14級，16:00既四強賽，港隊兩支隊伍將分別對戰日本隊同泰國隊，爭取晉級四強。

男雙MD22級，兩支港隊隊伍首戰失利，必須要喺餘下一場取勝先至有機會晉級4強。

至於女雙賽事，港隊參加兩個組別。
女子雙打WD14級，王愉程／焦瑾珊首仗勝利，只要係今日其後兩場比賽爭取表現，好大機會晉級四強。
女子雙打WD22級，兩個分組，總共出四個四強名額。
強強組合嘅吳玖薈/唔該晒王婷莛分組賽兩戰全勝，肯定進入四強。
另一支港隊陳嘉敏/黃佩淇分組賽第一場不敵日本隊，下場對泰國隊不容有失，否則無緣四強。因為日本隊已經分別贏咗香港隊同泰國隊，肯定拎咗一個四強席位，剩返嘅名額就睇吓泰國隊同香港隊，邊隊贏就可以晉級！

私人傳訊

observer

伯爵府

積分: 17941

2024年龍年勳章牛年勳章

22^#

發表於 23-10-26 16:00 |只看該作者

跟住講吓草地球類比賽，今日全部都係進行混合雙人賽。先講混合雙人B2級小組循環賽。
呢個小組本來有5隊爭奪四強名額，但係泰國隊最後棄權了！
咁即係四隊都會晉級啦！但係究竟四強係點樣對戰呢？
當然係睇小組排名啦！
香港隊成績係2勝1負，得失球+8球，係輸咗比國家隊。
國家隊而家兩戰全勝，明天最後一場對住印尼隊，如果想穩奪小組首名，就必須要贏！
否則同香港隊都係兩勝一負，到時就真係要計細分了。
而香港隊，分組比賽已經完成，係要睇下另外三支隊伍比賽成績，而決定佢最後四強會對邊一對。

混合雙人B 3級，港隊鄧子朗/陳嘉敏係小組賽，暫時一勝一負。但係熱得失球差排第三，不過正在進行最後一場賽事，港隊會對住馬來西亞，第二印尼將會對住國家隊，只要港隊取勝就好大機會肯定得到四強資格。
因為唔知賽制，係咪小組頭兩名晉級，因為另一組只有三支隊！

混合雙人B6級，港隊陳月呂/唐蔚森組合小組三戰全勝，應該順利晉身四強，不過對面嗰組有5隊。所以要等明天所有分組比賽完結，半決賽名單出咗嚟先知。

混合雙人B7級，兩支港隊成績麻麻哋⋯⋯
黃健光／鄔文英組合，四場分組比賽，只係取得一勝兩負，晉級出現危機。
呂偉光/黃偉賢組合，四場分組比賽暫時取得一勝一負，，剩低兩場比賽，其中一場係要對住榜首嘅馬來西亞隊，晉級機會同樣都唔樂觀。

希望港隊運動員努力，就算喺惡劣情況之下仍然努力應戰

私人傳訊

observer

伯爵府

積分: 17941

2024年龍年勳章牛年勳章

23^#

發表於 23-10-26 16:59 |只看該作者

本帖最後由 observer 於 23-10-26 17:11 編輯

乒乓球男雙MD14級四強賽，唐氏兄弟分開兩個組別參加，一喜一悲。唐志銘/蔡慶霖打足五局，3:2 險勝日本隊進入四強。
唐志勇/ 陳思魯組合0:3不敵泰國隊，無緣晉級。

男雙MD22級小組賽，港隊兩支組合最後一場取勝，現在分別排小組次名。希望能夠晉級四強，呢啲要等大會半決賽對賽表列出先知。

同樣女雙WD22級小組賽，除左2戰全勝既吳王組合，肯定晉級四強之外。另一組既黃嘉汶/黃佩淇組合，雖然首仗輸畀日本隊，但係同泰國嘅生死戰贏咗波。依家小組排次名，相信可以晉級四強。
以上純屬猜測估計，因為始終幾項賽事嘅半決賽對戰未出到嚟，在不知賽制下，我純粹要邏輯推斷。

私人傳訊

observer

伯爵府

積分: 17941

2024年龍年勳章牛年勳章

24^#

發表於 23-10-26 18:07 |只看該作者

本帖最後由 observer 於 23-10-26 18:12 編輯

32台似乎攞唔到遊泳比賽嘅衛星信號，因為港隊吳卓恩將會喺女子100米蛙泳SB6級決賽開始了！我唯有喺度幫佢加油

私人傳訊

observer

伯爵府

積分: 17941

2024年龍年勳章牛年勳章

25^#

發表於 23-10-26 18:12 |只看該作者

比賽完結，吳卓恩成績第二，等我以為佢拎到銀牌。點知大會話佢犯規取消資格

而且佢係預賽剛破嘅亞殘運大會紀錄，結果比國家隊選手喺決賽再次打破

私人傳訊

observer

伯爵府

積分: 17941

2024年龍年勳章牛年勳章

26^#

發表於 23-10-26 18:47 |只看該作者

硬地滾球今日所有比賽已經完結。港隊喺嗰個組別嘅成績有好有壞。
混合團體BC1/BC2，港隊喺小組賽排第三，無緣晉級四強。
混合雙人BC3級，港隊謝德樺/何婉淇組合，喺小組賽以兩勝一負排第二，晉級4強。
明天9:30 半決賽對戰泰國隊，爭奪決賽資格。
混合雙人BC4級，老大哥張育榮夥拍張沅，兩戰全勝晉級四強。將會明日9:30半決賽對韓國隊，爭奪決賽權。

希望32台明天直播呢啲比賽，因為輪椅劍擊一早係做小組賽，十一點先會做淘汰賽， BC4 級應該可以完結比賽，不過BC3級就可能時間耐啲。