yeahyeah111 發表於 24-1-22 18:26 
舊老細退左休，新老細做左一排，發現好難磨合。例如佢好注重細節位，所有文字、數字佢逐粒睇，咩都要搞到清 ...
注重細節位，所有文字、數字佢逐粒睇，咩都要搞到清清楚楚，搞到要日日捉蟲，成日俾佢捉住問問…一有唔對路，就大改大執！睇以上咁多，其實真係你未夠仔細，上司對你未有百份百信任，成日覺得你會有錯，於是不斷問不斷挑錯處，事實佢又捉到你做得唔夠好，如果佢問你，你即刻答到，或者可以俾番個方案佢可以點改的話，佢應該唔會再樣樣問住你。
我以前有兩個上司都係咁，第一個真係搞到我脾氣暴躁，一聽到佢個名，見到電話個caller ID係佢，我就火起，明明我9點收工，朋友已經等咗我成半粒鐘，準備行去食飯，佢10點電話又到，問番同一樣嘢，又或者問我不如咁樣咁樣會唔會好D，星期日我上堂熄電話，一個半鐘後再開電話已經有三個calls，果陣一個星期最少做70個鐘，我變相成為廉價勞工，當時我已經睇晒下面幾個同事嘅operation，上司就同我傾strategies，再同下面同事度執行細節，偏偏佢可能壓力大，成日驚做得唔足，明明已經有90分，佢就想做到110，下屬全部頂佢唔順，不過呢個上司對我係非常之好，十幾年後我需要佢幫我寫reference letter，佢二話不說，兩日寫好電郵俾我，非常慶幸當年雖然成日駁嘴，我又真係用心對佢對份工，果陣係捱得辛苦，但同成班同事做嘢係好開心。
第二個又係一個對我非常之好嘅上司，好多年前佢上任，出名係急驚風，佢呢頭打電話叫我做嘢，轉頭佢自己又打電話問人，搞到我俾人鬧，點解你上司問完又到你問？佢地唔敢鬧我上司就搵我出氣，後來同上司傾，問佢想嘅要求，我講我嘅標準，由最初我唔妥佢佢唔妥我，到後來佢要靠我幫佢守尾門，佢個calendar我清楚過佢，每日佢打幾個電話俾我聽我提佢要聯絡邊個、交咩文件、見咩人等，上司仲帶我interview新員工，個個都知道唔可以得罪我，唔可以唔尊重我，因為上司好識喺同事同佢上司面前俾面我，。。。我因為第一個上司嘅相處經歷，我檢討自己，換位思考，要點樣至可以令上司無後顧之憂，最重要係我交俾上司嘅嘢，上司可以唔駛睇就交出去，証明佢信我，亦証明我做嘅滿足到佢要嘅標準，如果我當日發爛渣走，又或者一直覺得佢針對我，唔檢討自己，唔學新嘢唔進步，我同上司唔會做到後來公司上下都知道我地係最佳拍檔，後來上司離職，我一直同佢保持聯絡，到我轉新工時都打電話去問佢意見，我一直好感謝上司當年俾機會我學唔同嘅嘢，令我成為同職位中識嘢較多，我亦因為佢教我嘅轉到而家份工。
樓主，試下換位思考，想下上司嘅要求你點樣可以配合，如果你都見到佢唔係無理取鬧的話，其實你不妨同上司坐低傾吓，問佢要求，問佢可唔可以train你，你自己定個plan，俾佢睇，叫佢俾意見，先同正面態度去睇成件事，或者你會發現上司有D嘢係值得你學習呢。
花旗太太生活在花旗國，留意時差，你問我未必即時答到。
發表於 
返回列表
