其實唔駛解讀太多，大公司更多難解釋嘅事，做得嘢唔代表一定穩陣，人工低又唔代表唔會炒，高層中層究竟話唔話到事有時係好玄嘅。
以我舊公司為例，幾乎每年都會炒人，幾年一次大地震，以前有一個中高層經理做咗接近三十年，佢好叻，資歷深，當然人工高，以工作表現的話，冇可能會炒佢，果年聖誕節前收到大信封，佢講俾我地聽，所有人即時反應係O嘴，連佢自己都話唔太相信，但呢個係事實，唯一可信原因係佢人工高，做咗咁多年，基本冇聽過有人講佢壞話，而且受到好多人愛戴，佢走好多人唔捨得。當時佢上司仲叫佢申請另一個新增加職位，做嘅嘢佢根本做開，但因為個職位設於另一個州，人工會少一截，如果申請果個位就要搬屋，擺明係公司想慳錢，先炒咗佢就可以順理成章減薪，佢吞唔落呢啖氣，最後拎住長期服務金休息幾個月先，好快就搵到新工，有能力嘅人完全唔需要擔心冇人請，損失係我舊公司。
呢個Case同好唔好關係無關，同工作能力無關，純粹錢作怪，公司請D所謂顧問去分析數據，決定layoff list，結果係連負責炒人嘅都覺得有問題。
我個位喺我走咗半年之後先請到人填補，點知三個月後果個人就被layoff，係果一個職級全線被裁減，好心有心要取締果個職位就晨早唔好請人替補啦。
花旗太太生活在花旗國，留意時差，你問我未必即時答到。
發表於 
返回列表
