仔女細個會扮聖誕老人送禮物，佢地真係一早起身問聖誕老人有冇嚟過，大仔幼稚園時話冇聽到聖誕老人架鹿車鈴鐺聲，又冇聽到佢叫ho ho ho，覺得聖誕老人冇嚟派禮物，之後我就平安夜等佢地瞓咗靜雞雞放幾片曲奇同倒半杯奶喺廚房張枱上面，第二朝一早老公起身就每片曲奇咬一啖，再飲幾啖奶，仔女就相信聖誕老人有嚟過，好開心咁去聖誕樹下面搵禮物。
有一年老公唔記得拎禮物放聖誕樹下面，仔女起身見到空空如也，佢地兩個喊，以為聖誕老人唔記得派禮物俾佢地。
到中學佢地就知道聖誕老人其實係媽咪同爹哋，不過禮物都係依然有送，佢地從來都唔會要求好貴嘅嘢，而家有時都叫我地唔駛買嘢俾佢地。
花旗太太生活在花旗國，留意時差，你問我未必即時答到。
發表於 
不過, 佢10歲啦, 唔知佢會亮到幾多歲呢
返回列表
