吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 帶已發作的青春/反叛期A仔去旅行，求經驗分享解鎖法寶 ...

自由講場今日: 132|主題: 1351222

收藏本版

回覆發帖

返回列表

跳至頁

樓主: HappyJo888

帶已發作的青春/反叛期A仔去旅行，求經驗分享解鎖法寶 [複製鏈接]

123

HappyJo888

大宅

積分: 2051

21^#

發表於 25-1-24 18:42 |只看該作者

lovececing 發表於 25-1-24 18:13
食野可以揀d唔洗點排隊嘅，就算要排隊，睇下會唔會搵一個陪佢行下先

趕車嘅話，不如有心理準備定2班車嘅時 ...

對啊，就係怕傷和氣。

我晚飯時段，晚晚都book好枱了，亦每日行程係順路，我自己都懶得行好多路，所以應該無問題。係怕lunch time 佢未夠瞓就無耐性。幾時都係有人陪住佢嘅，口面好的話，點陪都開心；黑面真係未習慣應付。祝我好運

私人傳訊回覆引用

HappyJo888

大宅

積分: 2051

22^#

發表於 25-1-24 18:43 |只看該作者

邱悠月發表於 25-1-24 18:19
醫生評左？

係呀，定期睇精神科㗎。我唔係膠嘢嚟

私人傳訊回覆引用

HappyJo888

大宅

積分: 2051

23^#

發表於 25-1-24 19:00 |只看該作者

本帖最後由 HappyJo888 於 25-1-24 19:13 編輯

Activehealth 發表於 25-1-24 18:41
呢方面我完全有親身經驗，兼有解決方案。
試過多次完全成功，大家玩得開心，只要有budget（如果無budget 就 ...

嘩！高人，點解你d行程咁似我一向安排的風格，由其去英美加澳呢d，真系自駕係靈丹妙藥。亦每次以細路仔為中心揀地點玩，俾入場費/坐得舒服餐廳=放血咁放。唯一唔同，只係佢地係跟我schedule做人。佢地真系成日喺車補眠，精神過我2個大人。

數據卡同住宿呢樣一定要，否則我9條命都唔夠死，車都揸唔得安穩。佢地細細個已有電話傍身兼data充足，住suite或book 2間房先瞓得好。

重點係，舊時佢未病發！

我只帶過佢地去日本4次，無試過自駕，所以每次都係鐵路交通上做咗調適。係今次怕叫唔到起身

，加我自己壓力問題，佢一惡我就忍唔到喊。

咁多次出遊，我地未試過miss車或遲咗出車，亦冇人癲過。今次好淆底！

你講的，我都已做到7成8成。我試試今次每晚再brief佢第二日做乜，唔ok我就即時看看可以點互相遷就

多謝你

私人傳訊回覆引用

HappyJo888

大宅

積分: 2051

24^#

發表於 25-1-24 19:04 |只看該作者

CathyChan1126 發表於 25-1-24 18:18
我仔暑假時都同我地去左轉日本
又係a仔
又係青春期

係係係，你話最緊要唔好咁急，我都覺得係。不過我冇乜經驗點樣先“唔好咁急”。你知啦，A人A事A思想真系唔知點先叫“唔急”。

一日2景點，我都算係，掛？！
我再review吓，仲黎得切。
多謝你提點

私人傳訊回覆引用

HappyJo888

大宅

積分: 2051

25^#

發表於 25-1-24 19:08 |只看該作者

洋蔥頭媽咪發表於 25-1-24 18:14
少少意見，開個家庭 whatapp gp，寫低大網每日大約會去邊，大約幾點起床，睇下年青人有邊度想去，揀啲佢有 ...

講開-開家庭WhatsApp gp，你地d年輕人係咪都會只讀不回多？唔覆當OK？

我2公婆70後嚟，始終慣咗見message會應應。但2位年青人就分分鐘唔睇message，睇咗都唔會reply 去notify我地。

文化係咪咁嘅呢？

私人傳訊回覆引用

HappyJo888

大宅

積分: 2051

26^#

發表於 25-1-24 19:11 |只看該作者

Fishqqma 發表於 25-1-24 18:41
樓主真係充滿挑戰，加油

多謝您鼓勵！

希望全程OK，我可以開個新帖直擊吓報道有乜抵食美食，分享女人+年輕人的好東西

私人傳訊回覆引用

gilgilgilgil

公爵府

積分: 29193

27^#

發表於 25-1-24 19:22 |只看該作者

HappyJo888 發表於 25-1-24 19:08
講開-開家庭WhatsApp gp，你地d年輕人係咪都會只讀不回多？唔覆當OK？

我2公婆70後嚟，始終慣咗見messag ...

兩位年青人都係a？如果係真係好難搞、好難預測....

私人傳訊回覆引用

Gorgor0612

水晶宮

積分: 50421

2025勳章 2025勳章蛇年勳章 2024年龍年勳章畀面勳章

28^#

發表於 25-1-24 19:29 |只看該作者

回覆樓主:

加油

其實樓主係驚住佢會病發，但首先要穩住自己情緒先，如果佢癲，分散佢注意叫佢幫手揾下路，拎下野，諗下其他野！切勿見到佢癲你自己又控制唔到！試下今晚約法三章，大家提前傾下如果突然有異樣想發脾氣時有冇一D方法可以控制到自己，大人都要！始終一家人去旅行都係想有美好回憶，講定要佢合作！每人分擔一D工作，如check 車班次時間，安排較鬧鐘等等，早起不能發脾氣等！ ! 要佢合作，唔係單方面得父母處理，佢都有責任令旅途完美，希望樓主一家旅途愉快

私人傳訊回覆引用

CathyChan1126

水晶宮

積分: 58981

畀面勳章

29^#

發表於 25-1-24 19:31 |只看該作者

HappyJo888 發表於 25-1-24 19:04
係係係，你話最緊要唔好咁急，我都覺得係。不過我冇乜經驗點樣先“唔好咁急”。你知啦，A人A事A思想真系唔 ...

我地係1日2個景點，
中間有時間
會返一返酒店休息下再出去

私人傳訊回覆引用

HappyJo888

大宅

積分: 2051

30^#

發表於 25-1-24 19:32 |只看該作者

gilgilgilgil 發表於 25-1-24 19:22
兩位年青人都係a？如果係真係好難搞、好難預測....

咁又唔係，細嗰個先係。
大嗰個望落正正常常，有商有量，一般年青人咁。

如果大嗰個係A，我就唔會如臨大敵，小將初上戰場咁徬徨

私人傳訊回覆引用

洋蔥頭媽咪

水晶宮

積分: 50727

母親節2025勳章 2025勳章蛇年勳章 2024年龍年勳章 2018復活節勳章畀面勳章 BK Milk勳章

31^#

發表於 25-1-24 19:42 |只看該作者

HappyJo888 發表於 25-1-24 19:08
講開-開家庭WhatsApp gp，你地d年輕人係咪都會只讀不回多？唔覆當OK？

我2公婆70後嚟，始終慣咗見messag ...

都係㗎，其實佢哋有睇但未必會回覆，有啲我會單獨whatsapp阿仔，有時都係我叫佢先回覆我。

去旅行多啲畀佢哋參與，如果去日本咪叫佢哋幫手睇地圖/睇搭車，日本地鐵有啲好複雜都係叫佢哋睇，我啲仔仲叻過我，雖然去玩洗費都係我哋畀，但我都會比啲現鈔yen佢哋，等佢哋投入啲佢哋鍾意買乜就買乜。

私人傳訊回覆引用

Anpanmama

翡翠宮

積分: 97158

父親節2025勳章母親節2025勳章 2025勳章蛇年勳章 2024年龍年勳章好媽媽勳章醒目開學勳章畀面勳章環保接龍勳章大廚勳章 BK Milk勳章

32^#

發表於 25-1-24 19:50 |只看該作者

HappyJo888 發表於 25-1-24 16:19
我家帶孩子去旅行非常有經驗，但今次我仔已蛻變成一個已病發的青春期的癲佬，我聽日就飛，應付A仔的內心壓 ...

首先去旅行，特別係知道自己屋企人係懶懶閒嘅，我覺得你要選擇佛系心態去呢個trip！

私人傳訊回覆引用

hnh_mami

伯爵府

積分: 16176

33^#

發表於 25-1-24 20:09 |只看該作者

HappyJo888 發表於 25-1-24 19:32
咁又唔係，細嗰個先係。
大嗰個望落正正常常，有商有量，一般年青人咁。

我都係SEN家長，大仔正直青春期，明白你既難處。不過既然知道佢係一個病，病發佢都唔想亦未必控制到，唯有盡量唔好刺激到，大家互相遷就。
其實未確診ASD前又係點相處？無必要記住佢係A仔，咁樣形成大家都有壓力焦慮。
行程方面盡量輕鬆d, 景點可以多準備幾個，但唔一定要跑晒。鍾意嗰個地方玩耐d, 唔好玩既就轉地方，呢個係自由行好處。至於趕車當日，前一日就要提醒，時間都要盡量預多及要有plan b.
我遲下都帶兩個SEN仔去日本，問佢地想玩咩，叫佢地搵有咩地方想去。佢地睇YT介紹夾公仔&扭蛋，講左要去邊幾個商場，我話一定會安排，佢地大個要多d投入感，唔再係媽媽話晒事。

私人傳訊回覆引用

lovelysnake

大宅

積分: 3309

34^#

發表於 25-1-24 20:17 |只看該作者

俾我計劃前講清楚，呢次發青春期病，以後唔使去。去旅行要底聲下氣我寧願兩公婆自己去。

私人傳訊回覆引用

Fishqqma

瑪瑙宮

積分: 139064

2025勳章 2025勳章蛇年勳章 2024年龍年勳章虎到金來勳章

35^#

發表於 25-1-24 20:55 |只看該作者

lovelysnake 發表於 25-1-24 20:17
俾我計劃前講清楚，呢次發青春期病，以後唔使去。去旅行要底聲下氣我寧願兩公婆自己去。
...

唔明嘅人係唔會明A仔，唔係衹因為青春期咁簡單。

私人傳訊回覆引用

Activehealth

子爵府

積分: 11088

36^#

發表於 25-1-24 21:18 |只看該作者

HappyJo888 發表於 25-1-24 19:00
嘩！高人，點解你d行程咁似我一向安排的風格，由其去英美加澳呢d，真系自駕係靈丹妙藥。亦每次以細路仔為 ...

不用客氣！

帶過teenage A仔去日本好多次，除咗滑雪外，次次都係私人團包車司導，佢同司導（居日大陸人講普通話）傾得好開心。日本因言語不通唔敢自駕，自由行搭公交太辛苦我自己都唔想。

A仔一累都會發癲，可以考慮包車，淘寶大把日本包車唔貴（我自己未試過淘寶搵），網上啲人話非常OK。

私人傳訊回覆引用

lovelysnake

大宅

積分: 3309

37^#

發表於 25-1-24 21:44 |只看該作者

Fishqqma 發表於 25-1-24 20:55
唔明嘅人係唔會明A仔，唔係衹因為青春期咁簡單。

所以我好佩服他們父母，好有恒心耐性，比我我頂唔順

私人傳訊回覆引用

HappyJo888

大宅

積分: 2051

38^#

發表於 25-1-25 00:26 |只看該作者

本帖最後由 HappyJo888 於 25-1-25 00:28 編輯

hnh_mami 發表於 25-1-24 20:09
我都係SEN家長，大仔正直青春期，明白你既難處。不過既然知道佢係一個病，病發佢都唔想亦未必控制到，唯有 ...

多謝開解

而家都係摸索中，點去慢慢提高條包容底線係我地做父母的目標理想。

未有事時，佢乖之餘仲會好識安排自己的大小事（學習日常執書包，做功課，checkemail覆email，自己報佢覺得有用的課外活動比賽）,日常生活當然照顧足夠就更係無發現佢有事，就例如旅行一向唔會令小朋友overload，覺得佢地喜歡的地點先安排，點會攰親悶親，唔會發皮氣啦。

佢係學業壓力激發佢完美主意義同偏執，始終科目多要計分，佢想樣樣如佢意但事與願違，咁啱加埋青春期要反叛要做大人，先出現情緒問題兼惡死暴力，變成另一個人。你當佢係青春期惡劣版本。唔係等佢過咗就無事，而家真係現實誘發A的潛力，要諗計遠離減輕佢覺得執著的壓力，再慢慢等佢過咗反叛高峰再慢慢說教。

我當然緬懷昔日未爆的美好親子點滴，但醫生都講“過咗去，佢長大，唔會返返從前，我要move on，唔好諗佢A定唔A，都係改變唔到d乜，但可以了解多d A係點樣就少d機會衝突。我相信佢都一樣唔快樂，因為A帶俾佢一些控制得唔好的情緒，放唔低一d執念。
所以我自己想自己盡力處理得好d，令佢多d機會學習到面對生活上的唔順利。
例如旅行咁，我都想佢等吓排吓意外調動吓都可以妥協，少少地少少地咁學。所以我先咁想上來bk問大家經驗，等我唔洗咁驚，驚到乜都就佢，即係害佢寵佢。

大家俾我的意見，我明白原來最好事先講講，傾傾，要相方同步妥協-遷就先係佢地的學習過程嚟。

你2個仔好好喔，會話俾你知想點。我個仔就未去到自己搵資料的level，但好多好玩的，我都一向好努力編排，佢今次有講不如去食拉麵

。我都好開心。