原帖由 patpat234 於 09-7-4 01:04 發表
樓主,
你朋友個仔極似我仔,不過我仔冇打人...
而呢幾點都係小朋友一d固執行為.
其實固執行為好多小朋友都有,但佢地可以改到.
你覺得呢個小朋友同其他人溝通有冇問題?有冇眼神接觸?
再加上呢個小朋友講野遲緩,佢好 ...
原帖由 OneTwoThree 於 09-7-4 01:25 發表
patpat,
我都想知你仔仔個時係點, 我就覺得唔對路所以一年前就同佢傾, 點知佢又話無問題, so我講埋呢次就算, 我叫佢認真同佢老公傾吓, 叫佢俾個仔去上吓堂睇吓點, 結果我唔知, 原本今日約左佢行山, 但驚佢個仔又 ...
原帖由 patpat234 於 09-7-4 02:46 發表
我仔會有d好固執行為..例如,搭升降機,佢一定要按...坐巴士一定要樓上車頭,...平時如果行開a路,一轉b路行就會發作.
佢多數時間都自係會活係自己世界,你問佢東,佢答你西...
從來唔會諗人地感受,乜都係照自己o既意思方 ...
, k1上學期佢個仔每次搭lift一望到有人係lift同佢有眼神接觸佢就會大吵大鬧又喊, 其實大家都係唔識既, 而家就叫好d, 少左呢個情況, 呢d都係聽佢呀媽講俾我知
原帖由 ~仔仔媽咪~ 於 09-7-5 02:31 發表
好明顯係ADHD (過度活躍專注力不足症)...坦白講,同我仔一樣.
基本上我仔到依家十歲都仲有失控打人,上個月我仔至响學校車爆咗人地個頭...依家我有個教緊特殊小朋友既朋友幫我一齊教個仔脾氣...依家我地用既方法已經唔係用第三身黎教(角色扮演講故事/例子),而係專登日日激到我仔發癲,係咁針我仔死穴,務求佢可以去到一個地步係"費鬼事理我地"...噚日我仔又癲,我地又係咁激佢,我仔都起勢想攞筆掟我(我仔從未敢打我),跟住佢一見到我係佢亞媽,佢至勉強剎到制...我地未知呢個方法work唔work,但好似見到有少少成效(個仔開始控制到自己行為同識得忍到少少唔發出黎)...呢個暑假我地都係咁日日train佢,到開學時再同佢轉重葯,睇下情況會唔會好轉...但教咗十年,,,我呢個亞媽都好攰...有少少絕望既感覺,不過慶幸就係,學校既老師同主任認同我係一個好肯好主動教仔既亞媽,而唔再係成日俾人話我唔教仔或者我仔有爺生無乸教.
原帖由 manicheung 於 09-7-5 11:23 發表
仔媽 , 你好叻 , 我仔都係咁 ga
<br><br>原帖由 獅子仔媽媽 於 09-7-5 10:15 發表
你好偉大, 教小朋友已經辛苦, 教個特別d既小朋友仲辛苦,
睇完你既post, 第一個感覺係母愛好偉大,
我自問都冇咁好精力去應付個仔,
而你仲要花更多心血, 腦力,
你真係個好媽媽~
基本上我D精力都係個仔迫出黎架...講真佢又係我肚度生出黎既,又無得唔理佢,我點唔情願都要處理佢嗰堆問題囉,不過查實我地呢班媽咪同小朋友最希望得到既都係呢個社會既人能夠體諒我地,查實少少既體諒,已經係俾咗好大空間我地去改善呢D問題...無耐香港都仲有好多人對呢班特殊小朋友存在偏見甚至厭惡(亞媽我何嘗又係厭惡同痛恨呢個病...但都係嗰句,嗰個又係自己個仔...),我朋友中心有一對兄弟都係因為咁既原因,佢父母決定放棄香港教育,索性俾對囝囝去外國讀書同生活...查實聽完既羨慕但又好悲,,,係咪真係要去到離開去外國生活至解決到問題呢...但講真,香港地又有幾多人有咁既經濟能力可以俾仔女'移居'去外地成長...所以我都唔敢諗咁多,都係努力處理同解決眼前嗰堆問題咋~~~
不過查實唔理小朋友特殊定係正常,咁每一位父母都响教養小朋友方面都好辛苦又好努力付出既~~~所以老土都要嗌番句口號~~~大家加油!!!
發表於 
咁似我姑9教仔既, 乜都算算算..... 乜都就就就.....所以佢個仔成日係屋企發脾氣, 返到學校成日俾老師投訴, 枉我6299同姑9仲話學校太嚴, 呢d根本係管教問題, 個小朋友未必有病。
返回列表
