懷孕前後 今日: 5 | 主題: 330548

積分: 1500

22^#

發表於 05-1-8 13:32 |只看該作者

Re: 前置胎盤

sinyut

咁妳上一胎幾多週生bb出來呀?是否開刀呀?我都想知有什麼方法可令胎盤升高. 食中藥得唔得呢?我都有睇開中醫的, 但現在唔敢睇, 怕他說到好嚴重, 到時壓力仲大.諱疾忌醫!

私人傳訊

積分: 1371

23^#

發表於 05-1-8 14:13 |只看該作者

Re: 前置胎盤

hi all
胎盤前置唔一定會出血ka, 但亦有人到生都會見紅, 當然唔可以不停流啦, 我個零月已經有少少見紅,不過e生話冇問題,我就唔理佢. 到21週大量見紅,入了e院後1個鐘就停咗, 第二日就出院. 到34週再見紅入院, 但e院就冇同我打什麼強心針,因為佢哋話我可以順產冇問題. 到生之前一日(即36週)本來e-生都叫我出院, 但到下午6點突然又再大量出血, 落到產房我已開咗5度,咁就生咗la. 我仲流咗300cc血但都唔洗輸血.
不過,大家都唔好太擔心, 如果週數少,就一定要多休息和長胎. 仲有, 早d預備定走佬袋同bb用品,咁就冇咁傍惶. 放定將床墊係床, 萬一見紅就立即瞓上床,唔好旭, 等一陣再入院. 我個時入到e院,d姑娘都讚我夠冷靜ka. 因為你驚,bb都驚ma. 希望幫到大家la. :mrgreen: :mrgreen: :mrgreen: :mrgreen:

私人傳訊

eojj

民房

積分: 55

24^#

發表於 05-1-8 15:01 |只看該作者

Re: 前置胎盤

我想問你哋有冇由下面照上去的超聲波, 見到個胎盤同個出口有幾多距離, 同有冇見到阿b個頭.
我好想知道我個出口同個胎盤有2cm距離係嚴重定輕微.
因我第一胎時雖然一切正常, 但因產後出血, 輸4包血, 差d無命, 所以我好驚.
Thanks :-( :-(

私人傳訊

eojj

民房

積分: 55

25^#

發表於 05-1-8 15:07 |只看該作者

Re: 前置胎盤

各位, 我還有一個問題, 你哋出血, 係唔係多數會於半夜訓覺時發生????????

私人傳訊

積分: 1371

26^#

發表於 05-1-8 15:31 |只看該作者

Re: 前置胎盤

我當初看兩個私家e生都話我有少許胎盤低,到21週見紅入政府傱下面照,都話我有少許touch 到,因為有時胎盤前置要傱下照才可以見到,另外佢地仲有度宫頸位來推斷你會唔早產. 如果我冇記錯,頭一次係2.64cm,但到34週入院照,e生又話我冇胎盤前置, 我估可能因為大量見紅,胎盤邊綠已經剝落.所以佢哋到我陣痛時,一定要主任e生用手再摸過才confirm比我順產. 我諗你應該問你e生.
出血時間多數係晚上, 可以冇先兆.不過,應該係唔痛ka. 我早前看中e,佢已經話我會早生,因為血氣行得好,仲有其實我太勞動la,因為我要做2份工. 所以我認為真係要瞓多d床才有幫助.仲有唔好吃生冷野

私人傳訊

積分: 1500

27^#

發表於 05-1-8 16:56 |只看該作者

Re: 前置胎盤

721bb,
Thanks for your sharing. 在21週出血後妳是否無特別在家休息呀?我現在留在家2日已經覺得好辛苦, 好想返工, 但又怕再出血. 同埋妳有無為此而食中藥呀?有用嗎?

eojj,
我是在零晨2:30出血的. 那晚睡不著, 突然feel 到下面有野要流出來, 還以為是普通分泌, 立即去toilet, 誰知內褲有血, 陰道亦不斷流血, 好似小便咁多, 流了約半分鐘, 到醫院檢查時醫生說已止血了. 我好怕下次又出血時睡著了, 所以現在晚上都睡得不好.

私人傳訊

積分: 1371

28^#

發表於 05-1-8 17:53 |只看該作者

Re: 前置胎盤

smallpig
我冇因為見紅而吃中藥,反而早期有吃過來安胎和去毒. 亦冇特別休息,俾屋企人鬧到我屎. 其實諗番轉頭,我是比較好彩, 所以我都認為應該休息才對,錢揾唔晒ma,咁辛苦有個bb, 應該好好珍惜, 如果有什麼事,自己會好內咎ka. 我另外有個朋友都係咁, 差不多瞓咗係床2個月(其間見紅兩次,最後在37週開刀),我諗如果我好好休息,bb都可以足月at least 37週出世. 幸好bb都夠磅又沒有什麼事(touchwood). 現在剛滿月, 已經有9磅.
你唔好太worry, 要relax, 好好休息才會長胎, bb係都要早出世你都控制唔到. 做好自己咪得law, 做好心理準備,才可以好好好照顧bb ma. 所以你要話比bb聽,叫佢乖乘哋遲d先出來, 佢會知道ka. :mrgreen: :mrgreen:

私人傳訊

積分: 1500

29^#

發表於 05-1-8 23:51 |只看該作者

Re: 前置胎盤

聽妳們咁講, 即是要訓床休息. 但醫生及護士又話訓都無用! ?-(

私人傳訊

積分: 1371

30^#

發表於 05-1-9 00:32 |只看該作者

Re: 前置胎盤

smallpig
講開都好笑,每次我入院都係在私家檢查完當晚就出事. 個私家e生都認為我可以返工. 反而入到政府產前病房,我就見到好多mame都係因為見紅而要住到生. 有許多都是第一次見紅後就已經冇返工. 我朋友就是la, 佢最後都係簽紙走, 仲出街都坐輪椅(唔係講笑), 才可以37週係仁安開刀. 當然佢既case比較誇張啦. 但係因為你見紅唔係少, 又唔過34週, 所以要小心d. 你份工對你係咪好緊要ka.屋企人有冇叫你唔好做養胎?

sinyut
你第一胎有冇早產?

私人傳訊

積分: 1500

31^#

發表於 05-1-9 20:56 |只看該作者

Re: 前置胎盤

我份工是自己工, 返唔返都問題不大, 只是想幫輕下partner的工作負擔. 反正我在家都是行行企企坐坐訓訓, 返工都可以訓, 只是車程要一個鐘, 驚企或坐得太耐而已.其實坐得多會否令情況惡化?

私人傳訊

jackie_lau2000

積分: 3103

32^#

發表於 05-1-10 00:37 |只看該作者

Re: 前置胎盤

本人都是前置...於30週左右出血..入院後就住到生, 不能出院..真的很危險..因有些媽咪唔知道自己是前置(而bb已經是9個月)..當出血時(已於15分鐘到達醫院,但已太遲),因流血過多, 最後只有大人能夠生存..所以要少心處理...身體及bb好緊要的..

私人傳訊

mchan

積分: 1889

33^#

發表於 05-1-10 19:06 |只看該作者

Re: 前置胎盤

我陀亞b到四個月左右, 醫生已經話我因為胎盤低, bb出世時應該要開刀。到21週早上起身去廁所發現出血, 好驚, 屋企得自己一個人(老公出咗trip), 所以即刻自己入急症, 一路喊一路同醫生講事發經過, 個急症室醫生檢查完一大輪, 話我可能係小產, 我即時喊得更厲害, 然後佢安慰我話佢個老婆都試過小產, 叫我唔好太傷心.....但我諗我還我, 佢老婆還佢老婆, 唔傷心先怪....之後佢call番我個主診醫生, 講番我嘅情況比佢知, 主診醫生話等佢檢查過先作最後決定, 到主診醫生檢查完, 話我唔係小產, 只係因為胎盤低而出血, 而且已經停咗無再流, 但要留院觀察。當時一方面好開心, 因為bb無事, 另方面好痛恨果個急症室醫生令我虛驚一場.....
自此之後, 我每隔四、五日就見紅, 一見紅就入院, 觀察幾日又出院, 前前後後住院日數超過一個月, 到31週某日因出血量過多 (好彩當日住o係醫院), 輸咗2包血都唔得, 所以醫生決定開刀, 亞b出世時只有1.72kg, 佢亦要住一個月醫院先可以番屋企。

私人傳訊

myrchan

積分: 2558

34^#

發表於 05-1-11 10:06 |只看該作者

Re: 前置胎盤

mchan，好驚呀！我個醫生又係話我胎盤低呀！我依家14.5wks咋！點算呀

私人傳訊

積分: 1500

35^#

發表於 05-1-11 10:38 |只看該作者

Re: 前置胎盤

mchan
妳都好驚險啊! 請問妳是否每次出血都幾大量, 咁咪好傷囉?有無人知點解胎盤前置出親血都會好大量, 仲要係無先兆?

myrchan
妳唔使咁驚住, 其實大部份早期check到是胎盤低的, 到後期都可以隨著子宮增大而升高. 妳現在唯有企少d, 不要操勞及千萬不要行房!等胎盤再有大d機會升高.

私人傳訊

mchan