吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 想撈月的老公

夫婦情感今日: 1|主題: 42770

收藏本版

發帖

返回列表

跳至頁

樓主: mrs.mug

想撈月的老公 [複製鏈接]

bebedog

複式洋房

積分: 264

21^#

發表於 09-7-26 10:07 |只看該作者

我個C6都系失業成年,1年前搵工都要求好高,
又話俾人見到好無面, 但我就從來無迫過佢, 因為佢自尊心好強,
但佢搵左好耐都無野做,自己咪驚,也開始失去信心,
而家佢由文職轉左技術,
人工仲比以前少左三份一,
假期又少,又辛苦,佢對面對現實去做.
開始返工時,佢都好唔開心,
做左兩個月, 而家有返D信心,開心返,
做人有返D信心…
凡事先要踏出第一步..

私人傳訊

明日

民房

積分: 19

22^#

發表於 09-7-26 13:39 |只看該作者

我都好想死.我老公一樣唔肯面對現實.已經失業5個月,唔係炎lee様就炎個樣

私人傳訊

Nancy20090615

瑪瑙宮

積分: 137554

23^#

發表於 09-7-26 13:43 |只看該作者

我另外識一個社工, 而家在親戚的舖頭幫頭幫尾, 都係咁做啦. 年紀, 選擇少. 我都預備第日無文職做, 去做收銀, 快餐架, o係戲院賣飛都幾好鴉, 但唔係您話做就有得做呢.

無錢重講咩尊嚴.

私人傳訊

mclam

水晶宮

積分: 71818

畀面勳章環保接龍勳章

24^#

發表於 09-7-26 15:04 |只看該作者

唉, 我老公都搵得唔多, 每個月都"萬萬緊"

, 以前我有野做, 生活好過d

, 因為要湊女

, 成十年冇做野, 我d 私己錢已經洗晒

, 每個月剩係靠老公份家用, 如果有乜突發事要洗錢, 真係頭都暈埋

, 我老公個細佬就財源滾滾來, 有車又有樓收租,

同阿媽一條腸出, 點解兩兄弟既命格爭咁遠?!

我都唔敢諗將來, 正所謂"做一日和尚敲一日鐘"

, 我祈求上天千其唔好有事要我洗錢

, 我真係攪唔掂, 爽c !!

謀事在人，成事在天，個天先係最終揸"fit"人！！

你恨的人，來生不會再見，所以別在他身上浪費時間；你愛的人，來生也不會再見，所以今生要好好對他。

私人傳訊

hanbb

伯爵府

積分: 16230

25^#

發表於 09-7-26 16:13 |只看該作者

原帖由 mrs.mug 於 09-7-25 10:48 發表
我成日圈報紙上有關搵工的新聞比佢睇, 有同佢講request 18k係超現實 - 講真, 佢之前的工都未試過去到 18k呀, 我真係覺得佢有妄想症.

馬死落地行, 係佢同我講得最多的話. 但係, 點解落地行呢, 可以 cut 的, 都已經 c ...

之前的工無一份可以搵到18k , 咁佢request 新工有18k, 我完全唔覺得佢真係想搵工囉, 我覺得係想佢自己搵唔到工多d.
佢又唔係另有進修增值, 憑咩幫自己無拿拿加人工??

樓主, 開唔到源就節流, 炒工人你又覺得唔得, 咁你先節你老公的$$$, 月尾同佢計數, 話以後都無錢俾到佢, 唔係唔想俾, 係真係無, 一二百都唔應該俾, 最好你條數係負的, 再減屋企開支, 即係唔好買咁多糧食在家, 唔好等你老公在家食住得咁安樂......

私人傳訊

ABBC

子爵府

積分: 13533

26^#

發表於 09-7-26 17:06 |只看該作者

樓主~我係你就唔迫個c6再搵工喇再係咁,因為我睇你c6都係唔方係想去搵工~~!馬死落地行架喇~我係你就迫佢湊囡就真~!!如果唔想湊囡就搵工架喇~!二揀一囉叫佢~!不過樓主~你咁堅持俾埋個工人個老公洗都唔係辦法囉~!唯一可行既方法就係炒左個工人先~養一個工人至少都要差唔多四千啦~多四千就差好遠架喇~你咁樣只會令到個老公唔去做野~認為你搞得掂~加上個囡又唔使佢睇~我阿哥之前都係咁,個老婆俾錢我阿媽睇~佢就用哂我阿媽儲既錢~加上我又無做野~無俾錢我阿媽~佢先肯死死氣返工咋~呢個情況都係維持左一年喇~~!所以你自己要狠心d呀

私人傳訊

Nancy20090615

瑪瑙宮

積分: 137554

27^#

發表於 09-7-26 17:39 |只看該作者

係呀, 我屋企搵唔多, 最近 99 中左風, 每單位要夾, 先嘔 1 萬, 遲下唔够要再侵落個 pool 度. 我都希望無其他突發野, 唔係搞唔掂呀.

原帖由 mclam 於 09-7-26 15:04 發表
唉, 我老公都搵得唔多, 每個月都"萬萬緊" , 以前我有野做, 生活好過d , 因為要湊女 , 成十年冇做野, 我d 私己錢已經洗晒 , 每個月剩係靠老公份家用, 如果有乜突發事要洗錢, 真係頭都 ...

私人傳訊

mrs.mug

洋房

積分: 55

28^#

發表於 09-7-27 08:55 |只看該作者

我都係咁諗......

但係, 炒左工人, 搵自己的細路黎較飛, 我唔敢博. 細路唔跟佢好閒, 若果真係冇姐姐起度, 迫住都要跟架喇. 但佢真係無常識好大意, 呢下至驚, 整親的女, 您劏左佢都補唔返啦. 我真係唔敢博.

唯一敢博的, 係我自己唔做, 一家大細去羅綜援囉......講細咋, 我做唔出. 我依家份工, 做左成十年, 老板好同事好, 點捨得唔做. 而且十年年資, 人工都叫幾好, 出去搵過份, 一定無咁多.

原帖由 hanbb 於 09-7-26 16:13 發表

之前的工無一份可以搵到18k , 咁佢request 新工有18k, 我完全唔覺得佢真係想搵工囉, 我覺得係想佢自己搵唔到工多d.
佢又唔係另有進修增值, 憑咩幫自己無拿拿加人工??

樓主, 開唔到源就節流, 炒工人你又覺得唔 ...

私人傳訊

莎莎莉莉

伯爵府

積分: 17389

好媽媽勳章

29^#

發表於 09-7-27 09:32 |只看該作者

原帖由 mclam 於 09-7-26 15:04 發表
唉, 我老公都搵得唔多, 每個月都"萬萬緊" , 以前我有野做, 生活好過d , 因為要湊女 , 成十年冇做野, 我d 私己錢已經洗晒 , 每個月剩係靠老公份家用, 如果有乜突發事要洗錢, 真係頭都 ...

唉, 兩兄弟唔同路, 我覺得係性格決定命運囉...
我老公好彩仲有份工搵到萬幾蚊, 但係, 佢經常都怨天尤人, 又話公司無發展, 好悶, 又做左十幾年都只係得萬幾蚊, 好低人工, 人地出面d佢個位, 個個都過兩萬有突...

但佢又唔諗下自己: 無學位, 做左十幾年, 基本無乜大 project要做, 又唔駛head人, 又唔駛直接同老細deal .
英文又唔好, 果時老細本想帶佢去新加坡見下總公司d老闆, 佢又話唔去.....

叫佢進修(佢做電腦), 又話無用. 但公司又無機會俾佢practise, 我想佢去進修, 都係想佢出面識下人, 了解下多d人地公司發生緊乜野事. 唔好做井底之蛙.

叫佢轉公司, 佢又懶, 一方面不滿自己公司, 另方面又驚去到人地公司唔習慣, 特別係, 依家公司問責文化咁勁, 佢依家係自己果間, 自己做自己野都無人理...佢點會適應....

於是, 繼續每天怨天怨地, 話搵得少....

依家, 我既人工多過佢唔少, 家庭開支都係我佔多d....

但係, 佢對於家務湊仔每樣野都唔理唔識唔學唔做....乜都係旨意我同工人, 佢自己一日到黑就係打電話同呢個呻呢樣呻果樣...浪費時間...

尋晚叫佢同個仔沖涼, 佢行來行去, 要我三催四請先去開水. 開到d水多得滯, 居然用隻用來拖地既桶係個盆度畢番d水出來~~只可以話, 連衛生常識都無~~根本無可能旨意佢湊仔!

又唔識教仔, 夜晚永遠望住電視, 個仔叫佢陪睇書, no way, 問佢十句, 個c6都唔會應個仔一句...

根本, 呢d係一個人做人態度既問題

做野唔積極, 只會怨人地, 唔會反思下係咪自己有問題, 呢d男人.....