少年成長今日: 0|主題: 16033

收藏本版

發帖

返回列表

跳至頁

樓主: honeysara

一言九頂十歲女仲有冇方法教? [複製鏈接]

SEricsson

男爵府

積分: 6171

大廚勳章

21^#

發表於 09-8-29 14:20 |只看該作者

小小分享....

駁嘴, 十問九唔應, 反叛, 搵人發洩.... 呢D野, 我以前都係咁... 我年輕時啦. 依家做左人阿媽, 就看見仔女係咁.

1. 子女係父母的一面鏡子. 照得清清楚楚, 永無走雞. 點解阿女係咁? 不如首先問問自己如何? 同阿女駁你嘴時, 你係咪都同佢駁過? 有無同佢講過悔氣說話? 你自己做錯野或有時閙錯阿女會唔會同佢say sorry? 有時你會唔會太沉氣? 你教佢, 佢都會覺得你煩佢?

2. 無條件的愛- 父母對子女既愛係無條件的愛, 就算佢做過咩, 點樣對自己差, 佢都係自己既仔女, 都係永不言棄, 你無得食你都會俾佢食先啦, 係咪? 但係, 仔女未必會知架喎, 講得唔好聽, 佢地會覺得應份的... 激死? 咁父母要做多一點了, 係日常生活中, 多同仔女講"我愛你". 及無論乖與否我都一樣愛你... (其實佢地聽到係會好冧!!信我, 我記得就會講) 當仔女常被愛包圍, 佢自自然然就會聽教聽話 (果日我同我仔講完 "我愛你, 因為你係我個仔", 佢成日都聽聽話話)

3. 無論阿女幾多歲, 你都要教, 亦沒有"太遲"呢個字, 正如pyjess話, 早就教得輕鬆D, 遲就會難D, 不過遲到好過無到嘛! 每天安排一段小時間(15mins) 同阿女單獨傾計, 開始時會有困難, 但習慣左, 佢會好enjoy. 有一扇溝通的窗還未關閉, 但這一扇窗有一天會關閉, 趁還是半開, 就好好把握機會, 與子女溝通, 時間唔會停留, 有一天, 你會發覺佢只對朋友講心事, 你無法走進到她的世界裏.

努力!

原帖由 honeysara 於 09-8-26 14:16 發表
亞女由細到大都好反叛又超硬頸, 永遠都唔認錯教佢真係好辛苦. 現在十歲愈來愈難教, 一不合意便駁嘴, 唔駁嘴時又十問九唔應. 佢只愛搵工人及妹妹發洩, 我試過大聲鬧, 細聲教仲打過佢但完全唔work. 我都有比社工跟, 但 ...