吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 今天是最難過的情人節

夫婦情感今日: 0|主題: 42808

收藏本版

發帖

返回列表

跳至頁

樓主: 嵐嵐媽咪

今天是最難過的情人節 [複製鏈接]

嵐嵐媽咪

大宅

積分: 1308

21^#

發表於 05-2-16 23:26 |只看該作者

Re: 今天是最難過的情人節

佢今日打電話搵我 , 只是說想星期日帶2個仔女出去玩 , 會係公司睡覺唔會返屋企 , 因為我媽咪個日鬧佢間屋唔係佢既 , 佢搵既錢唔夠供樓養老婆仔女(因為我收入比佢多 , 媽咪怕我們唔夠使 , 冇收伙食費) , 我解釋佢知是因為佢先發脾氣講晒粗口話湊d仔女走 , 完全當我媽咪冇到 , 過年係度吵先甘講即 :-(
跟住我問 : 你唔返屋企 , 而家就命令我帶2個仔女出去俾你
老公 : 我有權見對仔女
我 : 如果你甘講既就搵律師來同我講 , 睇下個官點判囉
老公 : 分開冷靜下先啦 , 睇下點先啦
我 : 甘你而家意思即係分開啦 , 你唔返屋企就唔駛講野啦
我而家都唔知點 , 媽咪又係度問佢有冇搵我 , 唔使理老婆仔女啦 , 唔使解決問題啦 :cry:

私人傳訊

catz_ang

別墅

積分: 674

22^#

發表於 05-2-16 23:47 |只看該作者

Re: 今天是最難過的情人節

hello 嵐嵐媽咪,

你老公會唔會因為你搵錢多過佢,而你又為日係外家,
所以佢唔開心呢?如果因為呢個問題既話,你真係要同佢平心靜氣傾下, 或者, 你放底對仔女係媽咪度, 同你老公見下面修好關係,無冤不成夫妻,吵下咀梗有,但當有問題時,總有一方要先踏出第一步,有時, 我地做主動都無妨架, 唔好郁下又話分開呀, 分分下就黎真架喇 ,三思呀 !!無論如何,如有不快, 請盡量舒緩大家既情緒先係最緊要,你隨時上黎大家傾下計,各位都會支持你架 :wink:

私人傳訊

delislok

大宅

積分: 1207

23^#

發表於 05-2-16 23:53 |只看該作者

Re: 今天是最難過的情人節

為了對仔女, 大家忍一忍啦!!! 如果你還愛你老公, 主動D認低威啦。男人要face的。大家好返再想辨法"折磨"佢(講笑)

私人傳訊

DoReMi媽媽

象牙宮

積分: 237842

馬年勳章 2026勳章母親節2025勳章 2025勳章蛇年勳章 2018復活節勳章醒目開學勳章 15週年勳章親子王國15週年勳章

24^#

發表於 05-2-17 00:23 |只看該作者

Re: 今天是最難過的情人節

嘈起交上嚟, 真係咩說話都講得出. 我唔知佢點樣用粗口嚟鬧, 但係對一個男人而言, 話佢揾o既錢養唔起老婆仔女就真係幾hurt o架! 我覺得佢唔係因為嬲而唔返嚟, 係覺得冇面目返嚟, 一來間屋唔係佢, 二來間屋又近住你阿媽, 佢一返嚟你阿媽實知, 咁佢點返呀? 佢可能都唔知點算? 本來佢諗住借口帶小朋友出去再同你傾, 你又迫佢埋牆角, 郁吓又話揾律師, 佢咪求其應你拖住先囉. 再講就咁死死氣返嚟, 第日仲點可以喺你媽咪面前抬頭呀? 男人嚟o架! 你都想你個老公有骨氣
o架, 唔通你鈡意嗰啲俾人咁樣話完仲可以嬉皮笑臉對住你
o既男人咩. 你自己睇吓啦! 如果你仲係鈡意佢, 咪俾個機會佢同佢傾吓囉! 不過就唔好俾你媽咪插手同影響你囉, 個老公同家庭係你自己o架o麻, 由你自己決定啦.

私人傳訊

cocobaobao

別墅

積分: 686

25^#

發表於 05-2-17 02:26 |只看該作者

Re: 今天是最難過的情人節

我有個朋友,兩公婆結左婚十二年,就係因為一次吵大鑊,個老婆講左句：我要離婚！個老公應左句：好！跟住兩個重要鬥企硬,半步都唔肯讓,結果大家落唔到台,終於離婚收場！
可以事到如今,已經唔係邊個可以攞綵既時候！除非你認為面子緊要過家庭,如果唔係就要諗下點做至好,另外愚見認為最好同媽咪有個共識,如果叫到個老公番黎,佢老人家暫時唔好同佢有接觸住,你知老人家心直口快,再有衝突就有排煩！

私人傳訊

onon1022

子爵府

積分: 12600

好媽媽勳章

26^#

發表於 05-2-17 02:45 |只看該作者

Re: 今天是最難過的情人節

佢仲搵對仔女...咁即係仲有聯絡...佢想分開下冷靜既...你試下比d時間佢...兩個人諗清楚先再約出黎傾大家既需要...同埋男人好要面...你阿媽咁講...你老公就算返黎都會面阻阻...好似我老公同我阿媽咁...我老公失業而家未有野做...我阿媽講左一句野...我老公到而家仲唔開心記得...佢話佢搵到野做...我地一家三口就會搬...我老公都咁啦...何妨你老公...大家都係男人...如果你老公很返黎既話...叫你媽媽迴避下先...唔係你都有排煩...

[url=http://lilypie.com][img]

私人傳訊

KITTYMAMA

伯爵府

積分: 18057

好媽媽勳章

27^#

發表於 05-2-17 11:53 |只看該作者

Re: 今天是最難過的情人節

我媽咪個日鬧佢間屋唔係佢既 , 佢搵既錢唔夠供樓養老婆仔女

呢句說話先至係佢既致命傷. 堂堂一個大男人, 咁樣俾人睇小法, 又真係幾難落台. 所以佢先唔想返屋企, 我諗佢唔係真係想同分開既, 你千祈唔好迫佢埋牆角呀, 你又唔係真係想離婚, 俾D時間佢養下傷先啦.

私人傳訊

朱古力

男爵府

積分: 5657

28^#

發表於 05-2-17 12:27 |只看該作者

Re: 今天是最難過的情人節

嵐嵐媽咪,
其實你同你媽咪都睇唔起佢，覺得佢無用，我覺得你老公好慘呀，掉轉係你，奶奶同老公都覺得你無用，奶奶當住你面話你衰，你個心好唔好受呀！比你都走返外家喇！可況堂堂一個男人．賺得錢少唔係罪，佢又唔係唔返工等你養．
問題係你仲愛唔愛佢囉，離婚真係可以解決所有問題咩，你有無諗過你對仔女呀！我知道你好錫對仔女，佢地都想有個完整既家，有爸爸，有媽媽架．你錫佢就應該大家平心靜氣作出補救，如果盡左力都係要分開，你都唔應該唔比對仔女見爸爸，會對佢地心理好大影

私人傳訊

是是但但

水晶宮

積分: 63809

2025勳章蛇年勳章牛年勳章 2018復活節勳章

29^#

發表於 05-2-17 13:13 |只看該作者

Re: 今天是最難過的情人節

很同意DoReMi媽媽講既,其實睇你同佢既對答,你當時仲好慶,但你話離婚,叫佢搵律師,佢都只係答你大家分開下, 冷靜下。如果第二d 男人可能已經答佐「好呀!離婚咪離婚囉~」

其實你都要好好同你媽咪傾下,我相信你媽咪都唔想你地離婚收場架嘛。如果佢肯返黎,當然不是要你媽媽道歉,但起碼都唔好再俾面色佢睇同埋講d 難聽既說話。我都明,可能你地好慶,佢講粗口鬧你媽媽,不過,要將你地既關係修好,大家就要不計前嫌! 而且,你都唔好再鑲晒鋼咁喇! 你都唔俾位佢入,想好返都難啦! even係佢錯,但你都要大方d , 唔一定要你低聲下氣,但起碼都要語氣緩和點,如果唔係,真係冇計傾架喇!

Childhood is journey, not a race.

私人傳訊

waiyinmama

男爵府

積分: 6513

30^#

發表於 05-2-17 14:17 |只看該作者

Re: 今天是最難過的情人節

嵐嵐媽咪,

這次兩人有意見, 叫你媽媽千祈唔好當你先生的面出聲, 也不必因心痛你而在他面前為你說話. 我覺的這樣會讓他反感且覺得你家的事似乎你媽媽下下都要理. 我不是企在你先生那邊, 但是因他的收入比你少, 如果在你家里你媽媽的話比他更有份量, 相信他過得不自在. 如果2人有問題, 你好好口跟他談(如你還想同他一起生活), 不要斗氣, 這也不是時候, 告訴他你的想法及感覺, 也讓他說說心里話. 我覺得夫妻間的互相"礡"重, 包容及忍耐. 當然也要有技巧, 你完全可以算計他, 但不能讓他知道. 有功不要強出頭, 在不影響自己地位的情況下, 完全可以讓他領功. 有時可以當"中"贊下他的好處, 讓他也覺得自己在家中的價值.

我奶奶有一句話"男人是火, 女人是水", 當初我初結婚同先生吵架, 聽到這話反感到不得了. 但現在我有另一種體會.

這只是個人意見, 也不知道對不對, 或者你可以參考一下.

希望你們能和好如初.

waiyinmama

私人傳訊

talkative

禁止訪問

積分: 205825

畀面勳章環保接龍勳章

31^#

發表於 05-2-17 15:27 |只看該作者

Re: 今天是最難過的情人節

提示: 作者被禁止或刪除內容自動屏蔽

私人傳訊

Energy

大宅

積分: 4870

32^#

發表於 05-2-17 15:34 |只看該作者

Re: 今天是最難過的情人節

嵐嵐媽咪

同意"朱古力"所講，做人將心比己啦！
你話佢都話要同你爭對仔女，咁証明佢唔係一個不負責任o既人。除非你唔愛佢，而你又認為(係你認為咋喎)對仔女冇老豆都冇問題o既話，咁就好簡單啦。
而家香港o既經濟情況，做男人壓力好大o架，好多男人都因為咁而自卑，如果老婆唔體諒，佢地都好慘o架，佢o地又唔似我地女人咁，會向朋友傾訴，咩都收埋收埋，你同佢傾吓啦！
你同佢拍拖果時開唔開心呀?聽你所講，你條件應該都唔錯o架，咁點解當初選擇嫁俾佢呀?諗諗啦，我直覺佢唔係一個衰人，同埋，記得考慮埋，點做對仔女的影響最細，祝福你！

優秀的政治家必須是個令別人相信他有誠信的大說謊者。
麥基亞維里

私人傳訊

dummypimp

大宅

積分: 1639

33^#

發表於 05-2-17 18:42 |只看該作者

Re: 今天是最難過的情人節

好冇責任感既男人！！ :evil: :evil: 自己係男人都o甘話

私人傳訊

嵐嵐媽咪

大宅

積分: 1308

34^#

發表於 05-2-18 03:00 |只看該作者

Re: 今天是最難過的情人節

我今晚問媽咪是否有同老公講間屋唔係佢既 , 媽咪話冇 , 其實我都唔覺媽咪有甘講 , 但老公就死拗有

大家唔好誤會我同媽咪睇唔起佢 , 我之前都講過 , 生個女之前我買左層樓在老公公司附近 , 個女出世後由我姑媽在我家住幫湊 , 佢一食完飯就拍拍屁股落球場搵D波友 , 到左11:00球場燈都熄埋啦 , 就話要同朋友飲野吹水 , 成日都1:00AM幾先返 , 我就為左媽咪可以方便照顧兩個仔女及愉景灣的環境對小朋友好賣左與媽咪聯名九龍個層樓買左媽咪樓下 , 老公就唔係甘鍾意 , 成日話省錢唔返屋企 , 放假先返 , 以前屋企甘近都唔願返啦 , 所以我覺得住邊都一樣 , 唔返緊係有藉口架 :-x
我仲大壓力啦 , 白天要返工 , 夜晚要湊仔 , 教女做功課 , 佢只是每月俾d錢我 , 夠唔夠都係得甘多 , 我自己包底 , 我只是覺得既然暫時搵唔到太多錢 , 就應該俾多d時間係屋企同對仔女度 , 幫我分擔下 , 並唔係鍾意先湊去玩 , 玩得太癲夜晚哭都係搞到我 , 唔使訓咩 :-( 係佢令我覺得佢的存在與否對我影響不大 , 在不在家我一樣甘忙甘辛苦 :cry:
以上既問題我都有同佢講過 , 但都冇改善 , 令我心灰意冷 , 既然承受唔到壓力就唔應該結婚生仔啦 , 邊個會冇壓力喔 , 只是各有各的煩惱 , 我夠想日日去行街shopping同朋友玩囉 , 但唔使理屋企咩 , 所有肆好都冇啦 :cry:
我當然唔想頭家散 , 唔想仔女冇爸爸啦 :-(

私人傳訊

kityi39

別墅

積分: 647

35^#

發表於 05-2-18 04:47 |只看該作者

Re: 今天是最難過的情人節

嵐嵐媽咪,

我好明白你心情呀, 因為我都試過同老公嘈, 差 d 真係分開, 好彩無發生到, 呢件事我都覺得你無錯, 你都做哂做媽媽本份, 為左對仔女做咁多野, 不如比大家冷靜下先, 如果佢打比你, 你試下平心靜氣聽佢講, 有機會的話講出你感受, 可能佢都會覺得自己有吾岩呢, 吾好講離婚呢兩個字, 當係為左仔女再比次機會大家啦!!

私人傳訊

DoReMi媽媽

象牙宮

積分: 237842

馬年勳章 2026勳章母親節2025勳章 2025勳章蛇年勳章 2018復活節勳章醒目開學勳章 15週年勳章親子王國15週年勳章

36^#

發表於 05-2-18 11:59 |只看該作者

Re: 今天是最難過的情人節

似乎你老公心裏面有啲嘢冇講出嚟, 你知唔知佢點解唔鈡意返屋企?(間屋喺九龍o既時候)佢逃避咁啲乜嘢? 點解佢唔享受家庭生活? 有啲男人會怕有仔女, 因為仔女係一生一世, 佢哋怕承擔唔到個咁大o既責任(我老公初初都有咁o既憂慮). 佢有冇開心見誠講俾你聽佢o既感受, 其實你o既壓力部分來自你老公o既逃避, (如果佢冇逃避就可以同你分擔一部分家庭責任, 你就唔駛咁辛苦)所以一定要佢講出佢有咩憂慮同唔開心, 令到佢成日唔返屋企. 咁樣先可以對症下藥, 解決事情. :wink: