樓主, 睇住bb成長係好開心既事, 唔好唔開心啦,
我都試過聽人講由得bb咸, 唔好理佢,
1個星期唔得, 1個月一定得, 到佢習慣左咸都無人理,
就唔會再咸.......
但係我bb每次咸1個半鐘, 試左2日,
我終於都放棄, 因為bb聲都沙埋,
就好似大人喉嚨痛咁, 連飲奶都咸住,
真係好淒涼, 好心痛........
到我睇書睇到初生bb點解成日咸,
1)肚餓, 2)安全感, 3)有野令佢唔舒服(如尿濕),
咁辛苦生左bb出黎, 帶左bb黎呢個咁陌生既世界,
佢好似去左外星球咁, 唔知人地講乜,
自己又唔識表達, 最親切莫過於媽媽既擁抱,
d書話調查顯示, bb係小時候常常得到媽媽擁抱,
長大後會變得有自信, 有愛心, 對週遭事物有興趣,
相反, 小時候經常沒有人理會他的,
長大後會變得沒有自信, 冷莫, 自我中心.......
試下換個角度, 抱bb係叫bb唔使驚,
媽咪係度, 到bb1歲識行, 就唔要你抱架勒,
不過又要看牛.....
我bb係食人奶, 所以夜晚自己揍,
因為自己懶得起身喂,
所以就放係身邊, 佢一醒就食幾啖,
最後當左我係奶咀, 含住黎訓,
所以到bb4個月時, 因為我要返工,
同佢介夜奶, 但就要比工人揍過夜,
因為佢知工人無奶, 只用了幾日就介左夜奶,
不過扭訓時要用奶咀, 訓著可以除番,
介完夜奶後都係跟番我訓, 都可以一齊訓到天光.....
樓主, 其實你同62,99一齊住,
夜晚可唔可以比佢地揍埋,
就同佢地講話想介夜奶,
等佢地試下半夜3更係咁抱住黎un都好呀,
介左夜奶咪同番你訓囉.....
致於食粥, 點解食完仲要補奶?
係咪食得好少? 我bb食一碗大人飯碗粥,
再飲d湯或果汁, 都可以到下餐(每餐相隔4個鐘),
如果太飽會唔會令bb肚仔唔舒服?
如果餐之間阿b咸, 試下比d小曼頭或bb餅佢,
可以訓練手指小(機)肉, 又唔會食得佢飽,
我係bk搵到個6-12個月bb飲食時間表,
可以參考一下, 或者比你62,99睇下丫,
早上 - 奶6-7安士
早點 - 半片麵包, 果汁
正午 - 粥一碗, 湯
午點 - 奶6-7安士
晚上 - 粥一碗, 湯,
睡前 - 奶6-7安士
bk度仲有好多煲粥仔食譜, 可以去睇下架 ~
http://forum.baby-kingdom.com/forum-21-1.html
唔好意思呀, 咁長氣, 我打左成個鐘呀, sorry!
喜樂的心，便是良藥;
優傷的靈，使骨乾枯. (箴 17:22)
發表於 
返回列表
