我囡囡 K.2 時差 d 盲......
個日延長班放學時個個都拎住個 folder, 咁成班係課室等放學時 K.3 有個男仔係度 fing 個 folder, 極之唔好彩地整中囡囡眼球.
當時無收到學校通知出事, 係到我去到學校先話我知, 我即時反應係搵私家眼科同佢睇眼, 第二日先返學校開火.
個男仔既媽咪知道件事後即刻同我一齊去睇眼科, 佢亦都承擔晒所有醫藥費, 個度都唔少錢架.
出事後我都無怪過男仔, 因為個男仔都係話大唔大, 話細唔細, 都係得個五歲, 係人放學都會好開心咁坐唔定, high 得滯整到囡囡佢都唔想.
事後我重同個位媽咪講笑 "囡囡有咩事叫你個仔娶左佢做老婆, 等我唔使煩, 廢事佢話自己樣衰左無人要".
成件事入面我只係片當值老師, 因為佢無適當處理成件事, 完全唔通知我囡囡整親隻眼, 亦都唔 call 999, 整親隻眼可大可小, 遲左去 check 有後遺症或盲左我入邊個數.
好老實, 鬧爆個家長同學生有咩用先, 小朋友開心起上黎或突然情緒到而做出危險行為我地係控制唔到, 相信做父母既都有教小朋友要禮讓唔好做危險既事, 但係咪可以 100% sure 小朋友會控制到自己先, 所以平心靜氣去處理件事, 比起咩鬧爆真係好好多架！
任何人士未經本人同意不得轉載本人所發表之文章到任何媒體 (包括報章、雜誌及網站)
各位~~~我唔會介紹補習社或興趣班, 唔使 PM 問我呀, 我係唔會覆架~~~
發表於 
返回列表
