吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 很心痛，仔仔被人按在地上，差點窒息！ ...

自由講場今日: 216|主題: 1348736

收藏本版

發帖

返回列表

跳至頁

樓主: 小淵媽咪

很心痛，仔仔被人按在地上，差點窒息！ [複製鏈接]

123 4 5

大頭蝦

男爵府

積分: 7342

21^#

發表於 09-11-7 23:11 |只看該作者

比著我, 我下堂會照去上, 一見到果個衰仔, 就第一時間報警, 叫警察的個衰仔 & 佢亞媽返差館, 煩下佢都好架, 唔嚇下佢兩個, 點會正視問題 ? 今次就話你個仔受害, 下次到邊個呢 ? 枉佢亞媽仲講得咁輕描淡寫

<div><a target=_blank href=http://www.pregnology.com/pregnancy/02/14/2012><img border=0 width=450 height=185 src='http://www.pregnology.com/preggoticker2/FF00CC/330000/My%20pregnancy/02/14/2012.png' alt='Pregnancy%20ticker'></a><br><a style=font-

私人傳訊

~仔仔媽咪~

水晶宮

積分: 51912

22^#

發表於 09-11-7 23:12 |只看該作者

就咁聽番樓主講,嗰位小朋友應該有過度活躍問題甚至仲有其他特殊問題,因為我囝囝都係過度活躍症既小朋友,又係衰打人嗰個.

我諗嗰位家長都清楚知道佢小朋友既情況同問題所在,只係唔向人說明咁多,始終自己個仔係加害者,作為父母都好難受都唔會好過,,,亦會覺得無助同唔知應該點做去彌補囝囝造成既過失...

或者樓主如果可以既話,都試下同呢位家長傾下偈,至少大家都知個因由,盡量減低大家既不安同傷害.淨番嗰兩堂樓主最好都係跟埋囝囝一齊上堂會好D同安全D,始終一個導師跟咁多位小朋友,仲要有個係行為情緒上有問題,又發生過咁多類似既事情,多一個大人睇住,始終會安全好多.

查實我依家唔再俾個仔去參加出面既興趣班,都係為咗避免呢D事情發生.始終我地呢類小朋友好容易會感到不安,又好衝動,雖則希望佢學會社交,但一去到多人既地方,佢嗰D衝動同唔小心好容易出事,而且又真係唔係太多人會理解到我地既難處,亦唔想自己小朋友傷害到人地,所以就算真係玩,都只限俾個仔同番有相同問題既小朋友一齊玩,每次只限一兩個小朋友同我仔玩,同埋玩既時間亦要短,呢樣我都係好後期睇一本醫生寫既書(係講過度活躍),我至知要咁安排囉.或者如果你可以同到嗰位媽咪傾,你都可以試下同佢講,再唔係都可以叫佢搵我,等我同佢同聲同氣可以傾下.始終我諗我都會明白佢既諗法同心情既.

私人傳訊

~仔仔媽咪~

水晶宮

積分: 51912

23^#

發表於 09-11-7 23:23 |只看該作者

原帖由 大頭蝦 於 09-11-7 23:11 發表
比著我, 我下堂會照去上, 一見到果個衰仔, 就第一時間報警, 叫警察的個衰仔 & 佢亞媽返差館, 煩下佢都好架, 唔嚇下佢兩個, 點會正視問題 ? 今次就話你個仔受害, 下次到邊個呢 ? 枉佢亞媽仲講得咁輕描淡寫 ...

查實唔係個媽想'輕描淡寫',而係已經唔知可以再講乜野好...講得多自己都覺得似係自辯一樣,咁係自己個仔有錯嘛,講太多又會怕被人誤解為自辯,講囝囝有咩問題引致有呢D事發生,人地又唔會理解到,,,咁我知我仔有自閉同過度活躍時,都用咗好幾年時間至叫做了解咗個仔少少...咁我又無可能要求人地聽完就要馬上理解明白到囉.

所以我諗嗰位媽咪都係咁諗,至寧願唔講,但又唔可以乜都唔講,係自己個仔衰咗,嗰下自己只可以講咪只有一聲'對唔住'囉...

實情除咗一聲道歉,仲有咩事情可以做到呢?(呢個問題我真係想問架!事關我仔咁多年都係做打人嗰個,我次次都只識得道歉,但好迷惘好內疚唔知仲可以做到D乜黎補過失/令事主一家不再憤怒同難過...自問我都唔太識社交亦唔識點應對呢樣情況)

私人傳訊

小淵媽咪

大宅

積分: 1862

24^#

發表於 09-11-7 23:55 |只看該作者

其實急証室醫生也很敷衍，摸兩下便說無事走得，好冷血。但很欣慰的遇上一位非常盡責及友善的警察，真的多謝他的幫忙。至於對方前科，並非與小兒有關，
是導師說那小朋友是很麻煩及有前科。

[ 本帖最後由小淵媽咪於 09-11-7 23:57 編輯 ]

私人傳訊

~仔仔媽咪~

水晶宮

積分: 51912

25^#

發表於 09-11-8 00:01 |只看該作者

原帖由 小淵媽咪 於 09-11-7 23:55 發表
其實急証室醫生也很敷衍，摸兩下便說無事走得，好冷血。但很欣慰的遇上一位非常盡責及友善的警察，真的多謝他的幫忙。至於對方前科，並非與小兒有關，
是導師說那小朋友是很麻煩及有前科。 ...

查實您囝囝參加嗰個係咩興趣班黎?(八卦一問)

私人傳訊

carrie618

複式洋房

積分: 433

26^#

發表於 09-11-8 00:05 |只看該作者

原帖由 小淵媽咪 於 09-11-7 23:55 發表
其實急証室醫生也很敷衍，摸兩下便說無事走得，好冷血。但很欣慰的遇上一位非常盡責及友善的警察，真的多謝他的幫忙。至於對方前科，並非與小兒有關，
是導師說那小朋友是很麻煩及有前科。 ...

去私家醫院睇,張單比佢,要佢負責,唔好比佢覺得唔關佢事咁

私人傳訊

amythepooh

水晶宮

積分: 54909

wyeth冷知識勳章好媽媽勳章醒目開學勳章畀面勳章環保接龍勳章

27^#

發表於 09-11-8 00:05 |只看該作者

原帖由 小淵媽咪 於 7/11/2009 23:55 發表
其實急証室醫生也很敷衍，摸兩下便說無事走得，好冷血。但很欣慰的遇上一位非常盡責及友善的警察，真的多謝他的幫忙。至於對方前科，並非與小兒有關，
是導師說那小朋友是很麻煩及有前科。 ...

我都是住將軍澳，之前我家人陪我都去過看急症，第一要等好耐，之後醫生好求其看就話冇事，你休息吓就ok，一些藥都沒有，我的親戚是在伊利沙伯做護士，他都話將醫院是最唔好的其中一間，好多醫生都是新仔和求其，護士都是一樣，他都話如果可以都盡量唔好去這間，去其他靈實或聯合等等

私人傳訊

小淵媽咪

大宅

積分: 1862

28^#

發表於 09-11-8 00:06 |只看該作者

我也是感那家長很無奈，所以當她強行拖着兒子道歉，我也好言相向，讚他肯認錯。但我又想自己是否太仁慈，應該駡对方呢？好像沒替兒子討回公道。

[ 本帖最後由小淵媽咪於 09-11-8 00:13 編輯 ]

私人傳訊

SmileFoReVeR

公爵府

積分: 25170

29^#

發表於 09-11-8 00:34 |只看該作者

其實我都想知自閉既人點解會打人既? 好多年前, 阿女得3歲道啦, 有一日我哋一家四口喺M記食午餐, 阿女坐我對面, 有個10/11歲既肥仔, 好大隻吓, 突然行過嚟用枝木童笛打阿女個頭, 我一手抓住個肥仔, 好惡咁問佢做乜打人(我咁大個女第一次咁惡, 好似獅子咁吼叫^~^........ 我當時真係體會到一個母親保護子女時, 真係咩嘢都做得出!), 個肥仔唔應我, 淨係同我鬥力想走, 佢好大力架, 我本來係一個無乜力氣既人(連汽水樽蓋都成日扭唔開), 都唔知邊道嚟既力, 打死都唔肯放手, 跟住M記個公關小姐同肥仔個阿媽嚟到, 佢阿媽年紀都幾大, 眼濕濕咁猛咁講對唔住, 話佢個仔係自閉, 叫我地原諒佢, 我見C6同時間已經檢查咗阿女無乜事, 我都想畀次機會佢哋, 所以放手畀佢走, 不過都有叫佢以後睇實個仔囉.......但我一直都唔明, 呢個病點解會無端端打人? (我好肯定阿女之前同個肥仔無任何接觸, 個肥仔係從後面無端端行埋嚟打人架)

[ 本帖最後由 SmileFoReVeR 於 09-11-8 00:35 編輯 ]

私人傳訊

眼超超

子爵府

積分: 12215

醒目開學勳章

30^#

發表於 09-11-8 00:38 |只看該作者

吓?!! 聽倒都心痛死.

你報咗警, 急症室應該要做驗傷報告喎. 點攪架佢地?

私人傳訊

已刪除用戶

已刪除用户

積分: 1111

31^#

發表於 09-11-8 00:38 |只看該作者

提示: 作者被禁止或刪除內容自動屏蔽

私人傳訊

conniecheung

水晶宮

積分: 67298

父親節2025勳章母親節2025勳章 2024年龍年勳章好媽媽勳章醒目開學勳章畀面勳章

32^#

發表於 09-11-8 00:41 |只看該作者

咁暴力...太過份~

私人傳訊

已刪除用戶

已刪除用户

積分: 1111

33^#

發表於 09-11-8 00:42 |只看該作者

提示: 作者被禁止或刪除內容自動屏蔽

私人傳訊

cy101

象牙宮

積分: 205492

2025勳章 2025勳章蛇年勳章 2024年龍年勳章牛年勳章 2018復活節勳章育兒性格勳章好媽媽勳章醒目開學勳章畀面勳章環保接龍勳章大廚勳章 BK Milk勳章 15週年勳章親子王國15週年勳章

34^#

發表於 09-11-8 00:48 |只看該作者

可能有D情況係個小朋友有自閉症, 佢地個世界係好自我, 社會上的rules 佢地follow唔到嫁, 亦唔關佢地父母縱容佢地, 佢地父母都要好似看牛咁看佢地, 教佢地, 行為訓練/食藥都係佢地可以改善既其中方法!!

私人傳訊

~仔仔媽咪~

水晶宮

積分: 51912

35^#

發表於 09-11-8 00:50 |只看該作者

原帖由 SmileFoReVeR 於 09-11-8 00:34 發表
其實我都想知自閉既人點解會打人既? 好多年前, 阿女得3歲道啦, 有一日我哋一家四口喺M記食午餐, 阿女坐我對面, 有個10/11歲既肥仔, 好大隻吓, 突然行過嚟用枝木童笛打阿女個頭, 我一手抓住個肥仔, 好惡咁問佢做乜打 ...

查實呢樣我自己都好想知囉!我呢十年以黎都係問呢一個問題,我仔見過既心理學家、精神科醫生同埋治療師就有以下呢幾個答案:

1. 佢地唔識表達自己,當佢想表達想講野俾人知時,發現自己講唔到表達唔到,就會好不安/激動,會發脾氣...

2. 自閉症既小朋友諗野唔識轉彎,諗野永遠只係一條直線去諗野,佢覺得嗰個人對佢唔好時,就算人地話唔係,佢地都會覺得係.

3. 自閉症既小朋友就係諗野得一條路去諗,所以淨係識得諗到自己,因為自己既感受係第一時間感受到/知道,所以只會諗到自己,唔識諗人地,所以又係唔可以用第三身/角色扮演黎令佢地明白,佢地做呢D事情,人地感受會點,,,即係你同佢講,佢打人,人地會痛,佢地係唔能夠將呢兩樣野combine埋一齊,佢地可能只會諗一句:"我好唔開心/不安"

4.自閉症既小朋友好容易感到不安,但唔識好似常人咁可以往正確途徑去solve番佢既不安,例如去人多既地方或者陌生既地方,佢地會不安,會失常...因為佢地唔知應該點做,淨係覺得自己好驚同成個人好'唔舒服'.

5. 佢地唔識睇人眉頭眼額,言行會好直接好'坦白',佢地唔知點解人會嬲同埋幾時嬲,佢地捉摸唔到其他人既感受同諗法,佢地會覺得不知所措,所以更加唔識點社交.所以你會見有好多有自閉既小朋友好鐘意呢埋响圖書館,因為嗰度淨係得佢一個人同本書,佢地至會感覺安全.

仲有好多....對上一次我又問我仔個精神科醫生,問我仔打人呢味野係關自閉嗰PART事定過度活躍事,個醫生都係答我話兩樣都關事............

私人傳訊

眼超超

子爵府

積分: 12215

醒目開學勳章

36^#

發表於 09-11-8 00:50 |只看該作者

原帖由古靈於 09-11-8 00:42 發表

我都試過，有次我同個仔去公園，果時佢得兩歲，我坐係滑梯上邊，仔仔滑下去坐住，然後有個大約4 5歲既細路走埋黎，無拉拉打我個仔幾巴，我即刻跳落去，捉住佢隻手，好大聲問佢“你做咩打人”，我好用力，未試過咁眼火爆，如果佢唔係細個，我真 ...

陰公, 小朋友無情情無做錯事比人打, 就算真係做錯都唔應該被打啦, 咁細個要面對暴力.

不過, 如果對方係真係自閉症或者其他病會打人, 咁責任係在於父母, 佢地真係時刻要避免呢d事發生.

假設發生在我身上, 我會又心痛自己小朋友被打, 又心痛有小朋友得倒呢個病, 因為我一向好同情呢d小朋友, 佢有病都唔想, 佢地父母更加心痛啦. 我諗我會接受佢地道歉, 但都要睇對方父母態度.

希望樓主可以原諒個小朋友, 但如果佢父母屋企人態度有問題, 我諗應該直接同佢地講.

私人傳訊

susi1024169

珍珠宮

積分: 42413

好媽媽勳章

37^#

發表於 09-11-8 00:52 |只看該作者

原帖由 小淵媽咪 於 09-11-7 23:55 發表
其實急証室醫生也很敷衍，摸兩下便說無事走得，好冷血。但很欣慰的遇上一位非常盡責及友善的警察，真的多謝他的幫忙。至於對方前科，並非與小兒有關，
是導師說那小朋友是很麻煩及有前科。 ...

你唔知將軍澳醫院好出名既咩?出名衰....門口成日都有死者家長申訴,果到既醫生誤診醫死人,我仔都去住過,急症室醫生敷衍到不得了,求求其其做完就算,要入院,兒科醫生又係咁,直頭覺得果度全部d醫生都好似行屍走肉咁,無靈魂嫁,講野用同一個音.....機械式點回答,完全無心醫人,講真,最好真係唔好係果到醫,轉去邊間都好過佢.......(不喜勿插)