跳至

首頁

尾頁
   0


大宅

積分: 1571


21#
發表於 05-3-9 16:57 |只看該作者

Re: 有冇10媽媽搵緊工?

pluie,

睇到你的行動真係叫人拍掌, 我都試過反問返見我果位姐姐, 因為佢曾經追問我"你係咪真係唔要BB住, 你唔會厄我呵", 大佬大姐我係要厄你你都吹我唔賬啦, 你問我會唔會厄你呢D問題真係好大問題囉.


大宅

積分: 2679


22#
發表於 05-3-9 17:24 |只看該作者

Re: 有冇10媽媽搵緊工?

lss,

你果時果位姐姐真騎呢! 你應該答佢"梗係, 你間公司咁體恤員工, 我梗以事業為重格!"


大宅

積分: 1571


23#
發表於 05-3-9 17:34 |只看該作者

Re: 有冇10媽媽搵緊工?

pluie,
再騎里都有, 佢最後又請左我, 不過我做左3日就頂唔住果陣油味(印刷公司)日日都頭痛咪走囉, 我走果時老細同佢都問番我係咪人工問題可以加返比我, 佢地覺得我果3日都做得幾好喎.


王國長老

積分: 144526

2026勳章 2025中秋節勳章 父親節2025勳章 母親節2025勳章 2025勳章蛇年勳章 2024年龍年勳章 2023年兔年勳章 虎到金來勳章 牛年勳章 玩具勳章 畀面勳章 叻叻勳章 有「營」勳章 趣教勳章 好媽媽勳章 醒目開學勳章 2011至尊種植勳章 環保接龍勳章 大廚勳章 wyeth冷知識勳章 睛靈勳章 王國長老 遊學勳章 BK猜猜猜慶中秋 冬日勳章 春季勳章 炎夏勳章 秋日勳章 hashtag影視迷勳章


24#
發表於 05-3-9 19:30 |只看該作者

Re: 有冇10媽媽搵緊工?

聽大家吐咁多苦水, 咁我都算好好彩~~~

我放緊產假去見依家份工, 上到去都係擺明車馬話要湊BB所以要quit之前份cheap兜政府合約工!! 呢間公司話無所謂, 仲會好體裇俾你攞假去同BB打針呀, 覆診呀咁O添... 依家返O左個零月, 日日都可以準時5點半收工... 係試過一日做到6點咋 (已經叫OT O左)

所以我依家好心足~~~

            


大宅

積分: 3535

好媽媽勳章


25#
發表於 05-3-9 23:17 |只看該作者

Re: 有冇10媽媽搵緊工?

我之前做果份工係contract, 果陣我份約係8月尾完, 而我預產期10月27日, 其實我做得contractor而又有咗bb, 我都預咗冇得續約, 但我個team manager同我講話冇問題, 佢o地應該會同我續約, 等我鬼死咁開心, 點知到我差不多完contract時, 佢話都係等我生咗之後先再傾. 嘩! 我聽完之後, 火都嚟! 你咁大間公司咁唔講信用.

我果陣9月1日就開始放假, 個肚又大, 唔敢周圍去, 悶到死, 12月尾我開始搵工, 1月尾有個offer, 但我又嫌人工少, 冇take到呢個offer, 點知原來我做開果行o的人工真係少咗, 份工你唔做, 大把人等住做, 到咗2月可以搵嘅工而又有得in嘅又唔多, 我都開始心急同後悔! 早知唔理好醜, take咗個offer先啦!

我今朝去見一份工, 係下午巳有offer, 仲可以fight到比原本傾開o的人工多10%, 好開心呀, 終於搵到工, 唔使日日係屋企唔知做mug好.

希望各位未搵到工嘅媽咪繼續努力, 早日搵到工!


大宅

積分: 2290


26#
發表於 05-3-10 13:58 |只看該作者

Re: 有冇10媽媽搵緊工?

不過人地問到唔答係咪唔係咁好呢? 因為佢地都有權知嘛...當然如果係歧視, 係佢地唔岩啦.
咁人地搵工仲會有乜條件呢? 例如地點呀. 人工呀...


男爵府

積分: 6353

育兒性格勳章


27#
發表於 05-3-10 14:32 |只看該作者

Re: 有冇10媽媽搵緊工?

我就覺得好難証明人地因為你有個BB要揍而唔請你囉。

官字2個口,老闆有3個口架。佢一定唔會話呢個原因唔請你,會話你有另一d 野唔合乎佢地要求,所以唔請,又或者另外有更適合人選..... 都係任佢up架咋。


侯爵府

積分: 21021


28#
發表於 05-3-10 14:48 |只看該作者

Re: 有冇10媽媽搵緊工?

同同:
唔好咁灰心, 我現在雖然有工返, 但做得極度唔開心, 有諗過辭職, 而自從呢件事後, 我懂'敬業樂業', 至少每個月準時出糧先, 但為了霖霖就頂硬上, 頂得幾耐得幾耐.
我都唔介意講你聽, 我同老公都係中五畢業, 我得中文, 數學&中史合格, 老公都係咁上下, 但考試唔代表一個人唔識做野, 係o的公司執著要全科合格, 佢唔請我地咪佢地走寶o羅, 係咪? 未搵到期間, 咪當係同BB多o的接觸, 因為返工後親子時間就少了.


大宅

積分: 2679


29#
發表於 05-3-10 14:53 |只看該作者

Re: 有冇10媽媽搵緊工?

ok,

唔係架, 僱主響未請個僱員之前係冇權知架, 因為根本上呢d information 係唔應該問架, 請左就可以問. 除非份工真係有必要知道... 有咩工呢? umm... 我估... 例如好命婆囉... 一定要係單身囉. 咁你interview 好命婆時咪可以問佢結左婚未囉.


大宅

積分: 2167


30#
發表於 05-3-10 15:59 |只看該作者

Re: 有冇10媽媽搵緊工?

見有10月媽搵緊工, 又咁岩見其他媽咪post左呢d網址出黎, 應該會幫到你地(不過你地可能巳經試過晒)

招職
https://www.jiujik.com/jslogin.php?sURL=%2Fjschginfo.php%3Fpop%3D2&servername=
逢 星期二、五 地鐵部免費派發

Recruit
http://www.recruit.com.hk/big5/jobseeker/index.jsp?lang=big5
逢 星期二、五 7十一 及報攤免費派發

Job Markethttp://www.jobmarket.com.hk/job/quick_search.cfm?lang=zh
逢星期五 隨 星島日報 附送

Classified Post
http://www.classifiedpost.com/jssearch.php?lcid=HK.EN
逢星期五 隨 South China Morning Post 附送

JobsDB
http://www.jobsdb.com/HK/EN/V6/JS/JobSearch/JobSearch.asp
網站每日更新

明報 Jump
http://jump.mingpao.com/cfm/openfile.cfm
逢星期五 隨 明報 附送

政 府 職 位 空 缺 查 詢 系 統
http://hkucsb.hku.hk:8080/advertsys/allvacancyC.html

勞工處
http://www.jobs.gov.hk/big5/default.asp
網站每日更新


大宅

積分: 2697


31#
發表於 05-3-11 08:49 |只看該作者

Re: 有冇10媽媽搵緊工?

我都想搵份5日工, 搵到既話一定笑爆咀, 不過好似好難咁~~

ISS
你個間咩野公司黎咖, 重請唔請人呀?


別墅

積分: 762


32#
發表於 05-3-11 10:40 |只看該作者

Re: 有冇10媽媽搵緊工?

我都想轉工呀~
因為係e間公司做左成兩年幾都未加過人工~
老世話本o黎上年加但因我大左肚所以唔加住
因為我座月唔駛返工都係出緊公司糧...........
激死我!!
按圖可以進入小世世的網站o(≧v≦)o


大宅

積分: 1571


33#
發表於 05-3-11 10:50 |只看該作者

Re: 有冇10媽媽搵緊工?

盈b媽,
我一共見左6份工, 3份係返5.5日, 但係另外3份係返5日(其中兩份係美國公司), 所以對我黎講個比率係50%可以擺脫星期六返工呢個宿命. 間公司係美國公司Regional HQ, 我未返工唔知佢仲會唔會有opening, 有的話通知你啊.


大宅

積分: 2697


34#
發表於 05-3-11 13:35 |只看該作者

Re: 有冇10媽媽搵緊工?

iss
THX~~ 期待5日工中~~


大宅

積分: 2290


35#
發表於 05-3-11 15:57 |只看該作者

Re: 有冇10媽媽搵緊工?

pluie,
乜唔使講佢地知架. 雖然係可以唔講住, 但怕唔怕第時工作上有麻煩呢! 你都知啦, 我地仲有個小朋友.


大宅

積分: 2679


36#
發表於 05-3-11 16:06 |只看該作者

Re: 有冇10媽媽搵緊工?

ok,

未請既時候唔駛講, 請左之後就可以講. 至於會唔會有麻煩應該係見工時你會評估自己handle 唔handle 到, 而唔係由個僱主去評估囉... 而且, 有小朋友唔代表唔可以OT, 單身既又唔代表肯同你OT 喎.


大宅

積分: 4407


37#
發表於 05-3-13 00:31 |只看該作者

Re: 有冇10媽媽搵緊工?

我都係正在找緊新工....我在而家的公司做左4年...冇加人工不特子....仲越來越多野做....你辛苦, 努力咁同佢做野...D老細覺得係應份咁....仲要服侍埋佢全家人......
做野做到冇咩新意...too boring


大宅

積分: 2768


38#
發表於 05-3-13 01:07 |只看該作者

Re: 有冇10媽媽搵緊工?

我以前係做秘書gar,做咗5年幾,後來轉咗做保險,到依家又5年幾,點解嗰陣會唔做嗰份秘書(其實都幾好pay gar,每年尾有花紅&雙糧,依家都仲係),原因係我根本唔鍾意做文職,加上之前個同事生完bb之後返工嘅第二日,老細話佢之前嘅工作能力低,要佢自動減人工,或者自動離職,最後個同事就喊住咁走咗),就係咁我就開始覺得有危機感同開始步儲轉行,到依家都覺得無決定錯,起碼大肚之後唔使成日驚老細乍型話我請假多,因為我都係同自己打工啫,其實我都真係請咗好多假,响bb出世前我放咗半年假(頭3個月尾3個月),但我都有去見客gar,有時仲會因為大住個肚而著數d tim.

其實我講咁多係因為我知道無乜工可以好似呢份工咁自由,例如:如果bb到第時返學嗰陣,老師一個電話打嚟話你個小朋友病咗,要你接佢,而老細又唔准你早走,唔通quit咗份工咩?!

講咗咁耐係因為我依家要請人,份工真係幾好gar,仲可以兼顧埋屋企,考過中五會考就得,有無人會有興趣呀,pm我丫. :wink:
沈師奶


別墅

積分: 762


39#
發表於 05-3-13 02:25 |只看該作者

Re: 有冇10媽媽搵緊工?

shirleyshek 寫道:
我都係正在找緊新工....我在而家的公司做左4年...冇加人工不特子....仲越來越多野做....你辛苦, 努力咁同佢做野...D老細覺得係應份咁....仲要服侍埋佢全家人......
做野做到冇咩新意...too boring

shirleyshek ,
你好勁呀~可以忍4年!!我就唔得...可能係我人工真係太低所以我接受唔倒la......其實e兩年幾我真係好認真咁做e份工有時自已連星期日都會返公司做野...(得我一個人返)...因為我覺得只要我努力公司一定會知道.......但.....我o既想法係錯........ :cry: 有時會好唔開心....其他同事嘿嘿哈哈係公司玩下又一日....自已又多野做到死><~覺得好唔公平!!
(講左出o黎舒服好多)
按圖可以進入小世世的網站o(≧v≦)o


男爵府

積分: 6151


40#
發表於 05-3-13 03:03 |只看該作者

Re: 有冇10媽媽搵緊工?


首頁

尾頁

跳至
Presslogic Logo
Baby Kingdom Logo