大仔大女媽媽會

收藏本版
發帖
返回列表
跳至頁

首頁
12

尾頁
   0
karenchan1981


男爵府

積分: 5674


21#
發表於 09-12-12 14:30 |只看該作者
收到一歲生日會參加者求助<---求助者你是否之前向財務cactiw查詢,但財務唔比你查詢??所以你要向bk"求助"????
這一個"求助"實在令一D義工媽媽心痛..
義無反顧的付出,"希生"照顧自已bb的時間去做一個生日party~得到的只有心痛..
我不是0812的...
私人傳訊

cactiw


大宅

積分: 2766


22#
發表於 09-12-12 16:38 |只看該作者
既言講到公開數目是一件正常不過之事...但如此光明正大,問心無愧之事,為什麼連公開要求者的姓名也不可呢?

我做的數目究竟是為誰做,公開給什麼人看也不清楚...對我又何嘗是一件公平的事?

個人覺得整件事之問題在於半歲的餘款和剩餘物資,本人在此聲明,在本人的管轄範圍下,一歲party之款項絕無涉及使用半歲之餘款和剩餘物資!!

一歲party中其實也見到大部份參加者都很開心...本人希望1歲party不會與半歲party再混為一談....或許我可以再清盺多一點公開那個收入的數目,足證明没有牽涉到半歲的賬務,希望大家更為放心...

income:
118大人 x $250 + 5小童 x $200 =$30522.33

p.s. 特別支出如下
退款1* (一個家庭家因白事,另找一個後備家庭代出席,所以可獲退款$500)

退款2**(一個家庭因錯記日子,當天實出席者有119人,但由於訂酒店時訂明合約人數不得少於120人,所以無論多少都得最少付120人的費用,而且其他錢亦已作預備禮物之用,所以這個家庭可獲$198退款)

這樣一條數顯然易見...我相信會計數者都會明白...公道自在人心...再有不明者可直接跟我聯係或安排退款!!!!

感謝各位的支持!!!
私人傳訊

EthanSon


男爵府

積分: 8115

畀面勳章 環保接龍勳章 陪月勳章


23#
發表於 09-12-12 20:58 |只看該作者
首先我只是路過, 八卦入黎...

看完各人的意見, 有少少感想.

第一, 顯然所有參加者肯定知道"大臣子"是搞手/義工媽媽! 即使不知cactiw是財務/義工媽媽, 有問題是否應直接跟大臣子聯絡?! 而要去到超板"求助"??? 是他覺得大臣子也幫不上? 還是另有內情???

第二, 大家只是透過BK做介面作為相互交流聯絡, 若覺得有問題, 為何不可直接提出, 要藏頭露尾, 又他人出面? 是否心中有鬼, 覺得自己的提問有問題, 不敢公開, 所以要找人出口? 其實如果只是

第三, 作為超板, 收到會員"求助", 是要挺身而出. 但超板若是中立, 為何收到"求助"時, 沒有叫"求助者"直接向搞手大臣子或其他義工媽媽提問? 到底你是否亦真正了解過事件?

[ 本帖最後由 EthanSon 於 09-12-12 21:00 編輯 ]
私人傳訊

edea


王國長老

積分: 119109

王國長老


24#
發表於 09-12-12 21:40 |只看該作者
原帖由 EthanSon 於 09-12-12 20:58 發表
第三, 作為超板, 收到會員"求助", 是要挺身而出. 但超板若是中立, 為何收到"求助"時, 沒有叫"求助者"直接向搞手大臣子或其他義工媽媽提問? 到底你是否亦真正了解過事件?


在此公開平台透明度最高的地方讓大家(有份參加的會員)都可以了解事件, 正好反映超版保持中立態度, 個別會員想了解數據但又怕正面問會得罪義工是可以理解, 反正這事不是一兩個人之間的事, 公開讓所有參與人士知道義工的各項支出亦是合理做法.

搞一個大型活動, 已不是三五知己聯誼這麼簡單, 搞手很應該主動將支出細節和各參加者交代, 雖說這並非必要, 但因為數目非小, 清楚交代後各方都可以安心. 當然, 如果搞手覺得無必要, 大家講個信字都可以, 但如果活動涉及金額不小, 收錢前最好先知會各參加者, 將不會有收支公佈, 讓他們考慮清楚才參加可以免去將來的爭執.

搞活動(尤其是人多)一定會遇上種種問題, 每搞一次, 就多一次經驗, 可以令安排更完善, 畢竟大家非專業活動搞手, 請勿動氣, 多從對方角度去感受, 體諒參加者想知道又怕捲入漩渦, 放鬆點吧.

我很相信行得正企得正就無需動氣, 因為本身光明正大, 一切坦然面對, 保持自己胸襟氣度, 不用怪別人問, 因為發問亦是溝通的一種, 坦誠相向, 一定可以換取信任和讚賞.

edea

我唔係經常上BK, 想搵我嘅朋友請email: [email protected]
私人傳訊

chillio


大宅

積分: 1601


25#
發表於 09-12-12 21:45 |只看該作者
“各位參與一歲生日會Party的義工,超版確實是收到有參加一歲生日會的會員求助,希望超版幫忙跟進一歲生日會的款項問題,所以我們才會發帖詢問相關人士.
此舉絕不是要質疑任何有份在是次生日會出力的義工們,請勿歪曲超版的原意.”
作為一歲生日會既義工, 睇到d咁既說話, 真係好嬲. 我絕對同意Bk係一個比人公開討論既平台, 我做義工, 都預咗冇可能人人都滿意, 預咗會有人批評, 但今次事件, 又是否各位義正詞嚴話既”對事唔對人”呢?
老實說,我並不認識其他半歲生日會既籌委會,大臣子亦是在半歲生日會後才認識,所以半歲生日會既是是非非, 我唔會下判斷.但一歲生日會, 是否因為大臣子都係今次既籌委會之一, 所以又要將兩個生日會相提而論? 我哋一心都係想幫手攪一個大家都可以開開心心咁同bb慶祝一歲生日既party, 估唔到最後因為另一個獨立事件, 令到今次籌委會們既操守及人格受到抹黑, 或令今次參與既家庭, 可能會受上一次生日會籌委們之爭拗既影響,而對今次籌委會既努力,不能做出公平, 客觀同理性既分析!
之前財務都交代過今次既收支, 另外我補充一下我所知既大數目支出, 有百佳禮券$50x80張=$4000, 所以各位生日既bb都有一封入面有$50百佳禮券既利是, 另外仲有10封响台前抽獎
咁餘數只剩$30522.33-$23760-$198-$4000=$2564.33, 仲有我唔確定幾$支出, 好似banner, 證件套, 小禮物, 運輸, 用品等…..我哋用咗咁既價錢, 死搵爛搵d免費既sponsor, 之前諗住等埋d相, 當所有可能開支都完成後才向各參加者滙報, 現在居然比人咁懷疑, 真係好唔開心.
如果有半歲生日會參加者懷疑我哋用咗上次既餘款, 我可以好肯定答你們冇!!d t-shirt 係大臣子親戚sponsor, 一個仙都唔使! 條圍巾同d入場抽獎, 枱獎玩具係我叫親戚公司sponsor, 亦都係免費!!所以有$$買百佳禮券封利是比bb, 貪好意頭…..又係白費心機
我要交代既係咁多, 希望今次真正出席一歲生日會既媽咪能夠對我哋今次既義工媽媽公平d.

[ 本帖最後由 chillio 於 09-12-12 21:48 編輯 ]
私人傳訊

大臣子


男爵府

積分: 7592

魅力公主 7周年華麗國民


26#
發表於 09-12-12 21:55 |只看該作者
半歲生日會的事為什麼要與一歲生日會混為一談?為什麼超版要開個post要人交數?就像已經企係另一方了...如果你翻查記錄,http://forum.baby-kingdom.com/thread-2235482-9-5.html半歲生日會報名和收錢都不是我,參加者亦不只bk會員,真的不明白你們bk為何會介入,為何不一早建議佢地報警求助?仲有一歲生日會你也翻查記錄http://forum.baby-kingdom.com/thread-2512987-2-8.html,我一早收參加者時已表明生日會是由0812mami自行攪的,參加與否,自行決定。仲有請參加者入數時已經表明所有已交之款項不會退回http://forum.baby-kingdom.com/thread-2512987-5-8.html.,為何超版又要出post來質問人呢?對我們盡心盡力的義工mami簡直是一種羞辱!亦可見是對人不對事的表現!如果他們的求助就受理,我們的回覆就不受理,那bk是一個公平討論的平台嗎?
仲有各參加生日會的mami都有我們的聯絡email,佢想查數又唔想比人知大可send email比我地,可必要勞動你地bk 超版ar?
私人傳訊

edea


王國長老

積分: 119109

王國長老


27#
發表於 09-12-12 22:06 |只看該作者
大臣子:

我下面回應已經解釋過, 不想再重覆.

為何我們今次需要介入, 正正因為事情發生在閣下任版主期間, 我們只是盡力協助提出問題的會員, 以免會員覺得他們信任親子王國的版主, 但遇事後親子王國置身事外. 若非如此, 一般情況我們不會介入會員之間的糾紛.

edea
我唔係經常上BK, 想搵我嘅朋友請email: [email protected]
私人傳訊

大臣子


男爵府

積分: 7592

魅力公主 7周年華麗國民


28#
發表於 09-12-12 22:37 |只看該作者
原帖由 edea 於 09-12-12 22:06 發表
大臣子:

我下面回應已經解釋過, 不想再重覆.

為何我們今次需要介入, 正正因為事情發生在閣下任版主期間, 我們只是盡力協助提出問題的會員, 以免會員覺得他們信任親子王國的版主, 但遇事後親子王國置身事外. 若非如 ...

你可以講清楚d嗎?
他們信任親子王國的版主?
活動的義工不只我一人,我亦不是用版主身份攪此活動,如果我一開始出攪生日會的post bk覺得有問題,點解唔介入什至警告我版主身份就不可以攪生日會,如是我一定不會出post...
但遇事後親子王國置身事外.
可以講清楚遇左什麼事嗎?如果因為半歲生日會的事就與此生日會扯上關係,顯然見出你們是對人不對事!
私人傳訊

大臣


榮譽會員

積分: 9922

母親節2025勳章 2025勳章蛇年勳章 2024年龍年勳章 2023年兔年勳章 虎到金來勳章 牛年勳章 2018母親節勳章 2018父親節勳章 2016畫展勳章 夏天玩到顛 +3金熱血 畀面勳章 BK猜猜猜慶中秋 冬日勳章 春季勳章 炎夏勳章 秋日勳章 hashtag旅遊勳章 hashtag影視迷勳章


29#
發表於 09-12-12 23:13 |只看該作者
各位:

有份幫手這次活動的義工及媽媽們, 我們經常也掛在口邊, 提配搞活動的會員, 錢銀是最敏感的事, 每次活動都應好好交待, 這是為了大家的和氣及信心, 不是因為懷疑.

因為大家也是義工, 所以大家都不會對細節有太高要求, 但經常保持帳目整理, 在有會員提問時立刻回覆, 也是需要的, 如果覺得能力有限, 我建議不要搞太大型的活動, 只招待幾個熟朋友, 相信大家也不會查帳.

現在大部份的社團都會公開財務讓各界關心人仕查證, 而剛發生半歲生日會事件, 我亦收到會員的求助, 介入這資活動,都是為個安心, 所以用一個平常心去看這個查帳的要求. 我們絕對尊重各位幫手的義工.

大臣
私人傳訊

TangMumMum


複式洋房

積分: 107


30#
發表於 09-12-13 00:24 |只看該作者
本人半歲及一歲生日會都有參加~
覺得各位義工媽咪都好用心為我地攪生日會~
大家都係想自己既仔女開心~
點解各位辛苦過後~卻要換來一場又一場的罵戰?
TO:超級版主,我們0812已經平靜了一陣子~
為何又要無風起浪呢?雖然有會員希望退款,
其實直接pm各有關人事便可~
何解要在版面上~highlight~這些post出來?
老實說,大家上黎討論區都是為仔女而來,
不是上黎你一言我一語的對罵,
大家談談仔女經就好了~
這些沒完沒了的紛爭,還是私下解決好了!
請不要post出來,像公告世人一般:
所以參加者都被騙了似的~
--作為0812媽媽的一份子,
每參加一個生日會或gathering,
大家都是交心的,大家是互信彼此的,
真的沒有想過要各義工媽媽把所有帳目交出,
因為籌備的工作真的很辛苦~
真的感謝各義工媽媽~
看到這些post...差點兒以為自己俾版主騙財似的.
說什麼餘款及剩餘物資都在版主那裡,
感覺像版主為了一己私慾而據為己有~
這個真有其事嗎?還是有人魚目混珠,混淆視聽?
身為版主,又豈會明目張膽如此這般呢 ?
要賺外快的話,大可申請另一個帳號另起爐灶,
總是覺得這是針對人而不是以事論事~
真的希望事件早一點平息,
讓大家可以平靜的暢所欲言 ^^
私人傳訊

大臣子


男爵府

積分: 7592

魅力公主 7周年華麗國民


31#
發表於 09-12-13 01:28 |只看該作者
半歲生日會中,我一直沒有多作解釋,原因其一:12月是我同bb最忙的月份,搞大型生日會,bb的生日會,聖誕party,去bb朋友仔的生日會,其二:身為版主要謹言慎行,如此沒完沒了的解釋會令原本和諧的討論區更加不平靜,7月發生的事件我諗大家都心中有數吧?身邊的mami朋友我亦勸她們不值和哪些知道所謂真相的人爭辯,公道先在人心,真相有幾多係證據?趁人地唔得閒上bk就不斷出post,斷章取義,六個月前發生的事就用這兩三天的討論去判決?如果參加者真的是針對餘款,就應該討論半歲餘款問題而不是想盡辦法將半歲生日會與一歲生日會扯上關係...我想講係...版主也是一個正常人,唔係做左版主就唔可以做義工ma?攞個心出黎仲比人質疑,比人屈,以為多人講就係真相,聽人講又係真相,以後都係同返自己班朋友仔玩好過!
私人傳訊

新抱仔


大宅

積分: 3550


32#
發表於 09-12-13 02:15 |只看該作者
好少上黎發言, 今日同寶寶開完生日會, 雖然好攰, 但今次真係想講幾句。

超版十二月十一日叫活動既義工媽媽解畫, 財政已於同一日話會今個星期內發表; 活動於十二月六日舉行, 至今只有六日, 十二月又正正係為自己寶寶攪生日會的時候, 禁忙都一個星期內發表大型活動既報告, 財政仲唔算係好好交待咩。有專業核數師既上市公司, 公開季度財務報告都要一個月啦。

我亦完全相信一歲生日會既義工媽媽係高要求同能力無限既, 如果唔係, 活動既禮物包又點會一個BK既環保袋都裝唔晒丫, 有參加者抽獎後仲要問酒店攞膠袋裝禮物添; 每日襯寶寶瞓左覺或者自己放左工, 唔休息都去搵/攞贊助, 都係因為想參加活動既所有人更加開心姐。
私人傳訊

大臣


榮譽會員

積分: 9922

母親節2025勳章 2025勳章蛇年勳章 2024年龍年勳章 2023年兔年勳章 虎到金來勳章 牛年勳章 2018母親節勳章 2018父親節勳章 2016畫展勳章 夏天玩到顛 +3金熱血 畀面勳章 BK猜猜猜慶中秋 冬日勳章 春季勳章 炎夏勳章 秋日勳章 hashtag旅遊勳章 hashtag影視迷勳章


33#
發表於 09-12-13 22:36 |只看該作者
各位:

日前出現半歲生日會財務的問題, 我們認為事件跟版主有關, 所以特別介入處理, 而日前我們再收到參加者的求助, 我們再開這個TOPIC澄清財務問題, 替部份參加了活動又擔心的媽媽澄清.

看到你們的回應, 我尊重你們的意願, 我不會再插手這事, 各位參加者如有任何問題, 可以直接向有關人仕了解.

抱歉令大家困擾.

大臣

原帖由 TangMumMum 於 09-12-13 00:24 發表
本人半歲及一歲生日會都有參加~
覺得各位義工媽咪都好用心為我地攪生日會~
大家都係想自己既仔女開心~
點解各位辛苦過後~卻要換來一場又一場的罵戰?
TO:超級版主,我們0812已經平靜了一陣子~
為何又要無風起浪呢?雖然 ...
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy