吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 噚日我仔覆診(過度活躍症),轉咗葯,個仔變咗另一個人... ...

自由講場今日: 1288|主題: 1349098

收藏本版

發帖

返回列表

跳至頁

樓主: ~仔仔媽咪~

噚日我仔覆診(過度活躍症),轉咗葯,個仔變咗另一個人... [複製鏈接]

123 4 5...23

~仔仔媽咪~

水晶宮

積分: 51912

21^#

發表於 10-1-5 11:08 |只看該作者

原帖由 webjen 於 10-1-5 10:50 發表
我有個教友個仔又係有呢個問題,佢講我知我都唔信,佢個仔好斯文,唔多講野,仲幫手係祭台做輔祭! 佢話只因有睇醫生食藥,以前未發現時有一段艱難日子!

係好苦囉!呢十年我為咗個仔D問題都傷心過無數次,個心甚至成個人都好似俾人大刀大刀咁狠狠咁割爛咁痛.

希望隻葯真係幫到佢啦,唔駛再受苦.

私人傳訊

~仔仔媽咪~

水晶宮

積分: 51912

22^#

發表於 10-1-5 11:12 |只看該作者

原帖由 starry^.^ 於 10-1-5 11:01 發表
仔仔媽媽,

慢慢嚟啦! 我初時都唔適應, 都有你既感覺. 而家阿仔每次加藥 or 轉藥, 我都會盡量慢慢去調適, 如果可以既學校一放長假期, 我會唔比藥佢食.

...

係啦,噚日見佢咁既效果,變咗另一個人,嗰刻真係個腦成日諗,究竟佢依家咁模範生既表現,係咪真係佢既'真身'黎?定只係一個假殼,唔係真正既佢呢...諗到呢度我至開始唔開心...所以呢幾日我都會好留意佢情緒同諗法,始終我係佢亞媽,都希望個仔可以做番自己而又開開心心咁生活.

我都係咁話,我都打算隻葯只限番學時至食,放假就停下休息下,等佢唔駛靠哂隻葯,可以學下靠自己去改善自己.

私人傳訊

VKwan

珍珠宮

積分: 38391

23^#

發表於 10-1-5 11:19 |只看該作者

仔仔媽咪，
見你講到食又難唔食又難，真係陰公！查實食藥要食幾耐？小朋友大左返工點算？真係冇第個辦法幫佢咩？老實講，我見你個仔係咁食藥，唔係我個仔我都覺得心痛呀！

私人傳訊

SimSim媽咪

大宅

積分: 1906

好媽媽勳章醒目開學勳章畀面勳章環保接龍勳章 BK Milk勳章

24^#

發表於 10-1-5 11:20 |只看該作者

唔該哂你呀, 仔仔媽咪, 我會試下同仔仔排期的

原帖由 ~仔仔媽咪~ 於 10-1-5 11:00 發表

查實可以去政府度排期囉,要自己先搵醫生(出面普通診所都可以架喇)睇咗囝囝先,然後要求醫生寫封信話囝囝有ADHD既徵狀,需要進一步評估(記得睇之前先問清楚醫生肯唔肯寫呢封信先),然後打去政府兒童智力測驗中心度同姑 ...

私人傳訊

VKwan

珍珠宮

積分: 38391

25^#

發表於 10-1-5 11:22 |只看該作者

原帖由 ~仔仔媽咪~ 於 10-1-5 11:12 發表

係啦,噚日見佢咁既效果,變咗另一個人,嗰刻真係個腦成日諗,究竟佢依家咁模範生既表現,係咪真係佢既'真身'黎?定只係一個假殼,唔係真正既佢呢...諗到呢度我至開始唔開心...所以呢幾日我都會好留意佢情緒同諗法,始終我 ...

呢樣野好難估計，又或者平時發作既行為表現都唔係佢既真性情，只不過佢病左控制唔到自己！

私人傳訊

Charlotte_mom

王國長老

積分: 224235

畀面勳章好媽媽勳章醒目開學勳章 2011精緻種植勳章環保接龍勳章大廚勳章王國長老 BK猜猜猜慶中秋 BK Milk勳章

26^#

發表於 10-1-5 11:22 |只看該作者

我仔見左clin psy, 話都係呢款架喇

, 不過睇黎係ad多過hd (未上小學未可以詳細定案)
我都明, 見慣佢古靈精怪, 一但佢太正經, 仲驚

私人傳訊

SimSim媽咪

大宅

積分: 1906

好媽媽勳章醒目開學勳章畀面勳章環保接龍勳章 BK Milk勳章

27^#

發表於 10-1-5 11:22 |只看該作者

Hi heichunmum,

只係評估唔包治療, 咁如果真係需要食藥咁點算??

原帖由 heichunmum 於 10-1-5 11:07 發表
我仔係去小童群益會見，１月會見醫生評估，見醫生都係１０００，不過只係評估，唔包治療

私人傳訊

starry^.^

伯爵府

積分: 18633

好媽媽勳章畀面勳章睛靈勳章

28^#

發表於 10-1-5 11:24 |只看該作者

我仔初時食ritalin都係成個人唔同咗, 睇到心都痛! 直頭覺得佢係呆, 唔會笑! 真係常識測驗攞100分都無笑過!!!!
第二年 (即係2009年9月) 醫生同佢轉咗Atomoxetine, 係就係似番個小朋友, 有番d活躍, 不過又好影響情緒, 成日都發脾氣. 普通話考試差少少滿分, 但係又唔覺得佢開心, 完全無笑!!
12月岩岩轉咗concerta, 情緒好番好多, 個人又唔會好呆. 不過仲係試藥階段.

原帖由 ~仔仔媽咪~ 於 10-1-5 11:12 發表

係啦,噚日見佢咁既效果,變咗另一個人,嗰刻真係個腦成日諗,究竟佢依家咁模範生既表現,係咪真係佢既'真身'黎?定只係一個假殼,唔係真正既佢呢...諗到呢度我至開始唔開心...所以呢幾日我都會好留意佢情緒同諗法,始終我 ...

私人傳訊

IRON

男爵府

積分: 8513

好媽媽勳章

29^#

發表於 10-1-5 11:28 |只看該作者

仔仔媽咪,

想問個藥名同藥廠名, 係我姐個女問既, 佢係美國做緊實習外科醫生, 主攻腦神經.

私人傳訊

JENNYSKY

公爵府

積分: 28918

好媽媽勳章畀面勳章

30^#

發表於 10-1-5 11:29 |只看該作者

我仔評估有adha後,一食藥都已經係食concerta,幸好對佢可以話完全無副作用~而且效果好好~

我反而慶幸佢有食藥,因為我個人認為佢食藥後表現才是佢"真我本性",未食藥時,係佢"身不由己",發揮唔到"真我"..anyway,家有adha既家長,真係要經歷好多,由誤解,到了解..再接受,當中真係痛苦經歷...但家長真係唔好逃避,發現佢有問題,真係要盡快幫忙,幫佢=幫自己~

原帖由 heichunmum 於 10-1-5 10:48 發表
我之前睇Discovery channel都布介紹呢隻藥，同利他能都係受管制精神科藥物，呢隻應該係for專注力，希望收回ａ仔散晒的心，希望佢地可以集中去做一件事，節目訪問過一個小朋友，佢已經十多歲，食藥同唔食藥真係差好遠，唔食藥其實佢自己 ...

錢多錢少，够吃就好。人醜人美，顺眼就好。
人老人少，健康就好。家窮家富，和氣就好。
老公晚歸，回來就好。老婆唠叨，顧家就好。
孩子從小，就要教好。博士也好，賣菜也好。
長大以后，乖乖就好。房屋大小，能住就好。
老板不好，能忍就好。一切烦惱，能解就好。
堅持執着，放下最好。人的一生，平安就好。

私人傳訊

~仔仔媽咪~

水晶宮

積分: 51912

31^#

發表於 10-1-5 11:31 |只看該作者

原帖由 VKwan 於 10-1-5 11:19 發表
仔仔媽咪，
見你講到食又難唔食又難，真係陰公！查實食藥要食幾耐？小朋友大左返工點算？真係冇第個辦法幫佢咩？老實講，我見你個仔係咁食藥，唔係我個仔我都覺得心痛呀！ ...

聽人講話係到個小朋友十四五歲時醫生就開始幫佢停葯囉,同埋個小朋友大個咗,ADHD既徵狀會明顯少咗減輕咗好多,同一般人無異,食葯只係等佢地唔會浪費咗自己個童年,等佢地可以學到野,大個咗可以養到自己囉.

自問我自己都有呢D問題(個仔有呢個問題後至發現自己都係),都番到工同識到好多朋友既,不過我都會覺得我番工做野(尤其文件上)會零舍大頭蝦同論盡囉!同埋就算好勤力,勤力落力到連老細都讚我好肯搏好勤力,但都只得六十至七十幾分表現,唔會叻得去邊或者好有成就好傑出嗰隻囉.至於社交,都係唔太識得社交或者睇人眉頭眼額,人地對自己不滿或者對我太熱情時,我會好不安亦會唔知點算好嗰隻...同埋我由細到大都有個專稱架!D同學同老友個個都嗌我做傻婆,所以我都覺得自己傻傻地.

私人傳訊

~仔仔媽咪~

水晶宮

積分: 51912

32^#

發表於 10-1-5 11:35 |只看該作者

原帖由 SimSim媽咪 於 10-1-5 11:20 發表
唔該哂你呀, 仔仔媽咪, 我會試下同仔仔排期的

如果可以,政府都照排住先囉!事關萬一囝囝真係ADHD,要長期覆診同食葯甚至做訓練,睇私家真係好貴同未必個個有咁既能力負擔得起架.嗰時我仔去私家度做訓練,係講緊每個月萬三蚊訓練費囉...我哥每月幾萬蚊人工,同我仔捱咗一年都give up咗,叫我DIY靠自己.

私人傳訊

~仔仔媽咪~

水晶宮

積分: 51912

33^#

發表於 10-1-5 11:36 |只看該作者

原帖由 VKwan 於 10-1-5 11:22 發表
呢樣野好難估計，又或者平時發作既行為表現都唔係佢既真性情，只不過佢病左控制唔到自己！

都明白既....

私人傳訊

~仔仔媽咪~

水晶宮

積分: 51912

34^#

發表於 10-1-5 11:38 |只看該作者

原帖由 Charlotte_mom 於 10-1-5 11:22 發表
我仔見左clin psy, 話都係呢款架喇 , 不過睇黎係ad多過hd (未上小學未可以詳細定案)
我都明, 見慣佢古靈精怪, 一但佢太正經, 仲驚

咪係~~~!平時聽慣佢搞爛GAG又煩住我要我K.O.佢,突然靚哂斯文哂,靜到連烏蠅飛過都聽到,又無機會俾我發火炳佢,嗰下真係好驚架~~~!!!噚日我全程都係咁牛咁眼望實佢,佢一唔笑即刻驚佢係咪有心事同唔開心....搞到我呢個傻媽都神經質埋一份添................="=

私人傳訊

starry^.^

伯爵府

積分: 18633

好媽媽勳章畀面勳章睛靈勳章

35^#

發表於 10-1-5 11:40 |只看該作者

仔仔媽媽,

仔仔無胃口你試吓煮多d佢喜歡食既野比佢食啦! 我今年都開始日日送午餐比阿仔食, 起碼佢肯食, 唔會瘦到得條骨. 見佢食晒餐飯, 傾第二日食乜時咪咪笑, 已經好開心好滿足既喇! ^.^

加油啦!! 我又係時候送愛心午餐喇, 我而家唔係成日都係bk遊, 你可以pm我ga! 88 ^.^

私人傳訊

~仔仔媽咪~

水晶宮

積分: 51912

36^#

發表於 10-1-5 11:41 |只看該作者

原帖由 starry^.^ 於 10-1-5 11:24 發表
我仔初時食ritalin都係成個人唔同咗, 睇到心都痛! 直頭覺得佢係呆, 唔會笑! 真係常識測驗攞100分都無笑過!!!!
第二年 (即係2009年9月) 醫生同佢轉咗Atomoxetine, 係就係似番個小朋友, 有番d活躍, 不過又好影響情緒, ...

之前我仔食ritalin就係無咩效果出到黎囉!就算剛剛九月加咗劑量,都只係剛剛好禁住佢D脾氣咋!噚日第一次食concerta就好表現成咁,連做功課都全合作又精靈,真係好有效果仲要即時生效!

私人傳訊

~仔仔媽咪~

水晶宮

積分: 51912

37^#

發表於 10-1-5 11:42 |只看該作者

原帖由 IRON 於 10-1-5 11:28 發表
仔仔媽咪,

想問個藥名同藥廠名, 係我姐個女問既, 佢係美國做緊實習外科醫生, 主攻腦神經.

你上網search 'concerta'就會搵到架喇.

私人傳訊

酸棗仁

伯爵府

積分: 15770

38^#

發表於 10-1-5 11:45 |只看該作者

仔仔媽咪,

成日見你D post 都感覺到你的苦況!

其實您仔仔昨日的反應, 可能係有好多原因綜合形成的. 當然, 最主要係新藥的反應啦; 其次, 可能會包括仔仔食咗新藥之後的心理反應, 起咗自我催眠作用. 等如, 醫生只係比病人食維他命, 但病人以為食咗藥, 結果都自己好翻嗰隻. 仲有一個唔可以忽略的, 當然係你日教夜教啦.

如果我係你, 就會出口術, 幫仔仔做行為治療; 因為就算隻藥冇喺你仔仔身上起到催眠作用, 你咁做, 都絕對係有益冇害吖.

另外, 如果有興趣的, 不妨看一些(因為好少睇晒你D論文, 唔知你有冇睇開)正宗的心理學教科書, 留意下關於 hypnosis, behaviorism, cognitive neuropsychology/ psychology, human / child development. 呢D都係有益冇害的, 希望從而幫到你仔仔啦!

私人傳訊

~仔仔媽咪~

水晶宮

積分: 51912

39^#

發表於 10-1-5 11:45 |只看該作者

原帖由 JENNYSKY 於 10-1-5 11:29 發表
我仔評估有adha後,一食藥都已經係食concerta,幸好對佢可以話完全無副作用~而且效果好好~

我反而慶幸佢有食藥,因為我個人認為佢食藥後表現才是佢"真我本性",未食藥時,係佢"身不由己",發揮唔到"真我"..anyway,家有adh ...

都係既,至少自己都少咗D壓力,無咁覺得'已經迫上絕路'既感覺,實情都係唔想個仔浪費咗自己人生啫.

暫時我仔都無任何副作用出現,噚日我係咁問佢有無唔舒服,佢都話無,希望佢可以繼續好落去同埋照樣長高長肉啦.