心聲留言

收藏本版
發帖
返回列表
跳至頁

首頁
123

尾頁
   0
Ah4


大宅

積分: 1333


21#
發表於 05-5-2 16:24 |只看該作者

Re: 未 來 奶 奶 要 我 奉 子 成 婚!

我 看 過 很 多 醫 生 , 現 唯 一 的 希 望 是 做 試 管 baby, 算 是 還 有 一
私人傳訊

勤勤媽


洋房

積分: 383


22#
發表於 05-5-2 20:23 |只看該作者

Re: 未 來 奶 奶 要 我 奉 子 成 婚!

你比番d自信自己,
既然你地都鍾意bb, 又會生bb, 係咪試管bb有乜問題,
重要係你地有信心可以建立一個好既家庭, 可以愛護你既bb嗎.

"我 們 尚 未 結 婚, 不 能 做 試 管 baby, 但 未 有 baby, 他 父 母 又 不 肯 讓 我 們 結 婚"
你講真既 ? 打聽清楚d喇, 外國連代產都有, 會唔比你地做試 管 baby嗎 ? 有d難以至信
私人傳訊

JKfish


複式洋房

積分: 209


23#
發表於 05-5-4 03:29 |只看該作者

Re: 未 來 奶 奶 要 我 奉 子 成 婚!

建議您先見輔導員（明愛、突破、公教婚姻輔導會.....，搞清楚的心結先）

乜佢地好多身家，要搵承繼人？真搞笑！

生，是您一世人的責任，生不生、何時生，是您們夫婦的選擇，夾硬來，第時會有心理創傷的

您是什麼問題啊？不育都有好多種情況，夠後生、夠錢，應該都好有機會，問題是您與BF是當成第一&唯一目標，犧牲一切，在所不惜

我做過test tube baby,越早做越好（我老啦，所以唔成功）

如果bf 咁好，又唔想佢難做。
可以唔出聲在夏威夷（拉斯維加斯也可，我是夏威夷）註冊、（約HK$5000一人，機票加酒店4日3夜package,
清晨落機，即去市政府登記，翌日就可請free lance 註冊人員—市政府有人在招客的，揀個地方搞掂，第三日就可以取結婚証書回港）
咁您爸媽唔知咪唔激氣、亦唔需要令bf 難做，就可即申請做test tube baby
PM我啦


如果您倆根本想結婚，使乜要搞大個肚求未來老爺奶奶批准？結了都唔知啦。
不過免得日後相處麻煩，就考慮下吧

到時才在港搞多鋪婚禮，化暗為明，同你的老人家高興下啦

奉子成婚有好多陰影，博唔過
有結婚証書就可做test tube baby，唔好浪費時間

提您，做test tube baby的心情起伏很大（壓力、荷爾蒙影響、$）
我在瑪麗做，醫護都好好，（ 開始時唔識，幫趁老牌醫生梁X文，極度痛苦冇尊嚴）

身體要調理，中醫有效的，作息時間要調節(11pm前睡)

千萬唔好唔開心，自已難為自已

我現在冇小朋友，咪做的值得做的義工吧，
當然羨慕人家有BB，
但上天冇魚翅畀您食，可能想您食到龍蝦呢！自已搵龍蝦食羅！

祝好運

（唔好喊咯，三唔識七的人都咁惜您，幫您諗計，笑下啦）
私人傳訊

gin-mom


大宅

積分: 4628


24#
發表於 05-5-4 13:25 |只看該作者

Re: 未 來 奶 奶 要 我 奉 子 成 婚!

唔好灰心，醫生有沒有找出不育原因，有冇方法可解決, 如做手術或人工受孕, 或者可以睇下中醫, 保持心境開朗, 萬事同你男朋友傾下, 一定有解決既方法

私人傳訊

liwoodma


子爵府

積分: 13356


25#
發表於 05-5-4 14:11 |只看該作者

Re: 未 來 奶 奶 要 我 奉 子 成 婚!

點理得佢0地咁多?兩個人真心相愛就得, 無理由為0左他人而迫自己生仔ga!
[img align=left]http://www.pau.com.hk/liwood/IMG_0764.gif[/img]Liwood Ma Ma [url=liwood.pau.com.hk/gallery]MyBB Album[/url] [email protected]
私人傳訊

mother904


翡翠宮

積分: 80642

畀面勳章


26#
發表於 05-5-4 15:53 |只看該作者

Re: 未 來 奶 奶 要 我 奉 子 成 婚!

JKfish 條橋勁得！靜靜雞註冊，兩老唔知唔駛煩。唔一齊住又點奉子成婚，你bf話同你同居（其實結左婚）先，佢地冇理由say no。如果佢地講得出叫你地去開房，唔俾同居但係又要有bb，咁你都唔駛理佢地！

係羅，唔好浪費青春，註冊之後做試管嬰兒，就算唔成功都叫結左婚，唔駛等兩老批準。
日日是好日
私人傳訊

Ah4


大宅

積分: 1333


27#
發表於 05-5-4 17:14 |只看該作者

Re: 未 來 奶 奶 要 我 奉 子 成 婚!

好 多 謝 各 位
私人傳訊

雨霖鈴媽媽


別墅

積分: 894


28#
發表於 05-5-4 22:52 |只看該作者

Re: 未 來 奶 奶 要 我 奉 子 成 婚!

咁大個人,自己結左婚先都得啦~
不過你男朋友知道你咁未先,
如果佢知都仲要你,唔理佢父母的話,
我恭喜你,你搵到個好男人....
不過,我個人比較傳統,如果我做人奶奶,
我都要新抱生返至少1個,因為生bb係人生重要階段,
做女人&人地老婆唔生過,人生同家庭都好似唔多complete,
我睇discovery channel d女人做ivf都係想完成心願姐...
[size=medium]肯生bb都係一種條件,好似d女仔鍾意男仔高過佢咁,人人要求唔同~
family tree 嘛~點都要有branches架啦,
除非我有其他囝囡俾到孫我抱啦....
[size=medium]奉子成婚係醜,但都係負責任o既行為,又唔係叫佢大肚迫婚...
by the way,就算真係俾你呃到佢父母,
你成世都要俾人追問「幾時生」,你又受唔受得了先?
[size=medium]not pick on u,but the reality and tradition are like these~
:party: :-D
私人傳訊

mother904


翡翠宮

積分: 80642

畀面勳章


29#
發表於 05-5-4 23:17 |只看該作者

Re: 未 來 奶 奶 要 我 奉 子 成 婚!

雨霖鈴媽媽 寫道:
咁大個人,自己結左婚先都得啦~
不過你男朋友知道你咁未先,
如果佢知都仲要你,唔理佢父母的話,
我恭喜你,你搵到個好男人....
不過,我個人比較傳統,如果我做人奶奶,
我都要新抱生返至少1個,因為生bb係人生重要階段,
做女人&人地老婆唔生過,人生同家庭都好似唔多complete,
我睇discovery channel d女人做ivf都係想完成心願姐...
[size=medium]肯生bb都係一種條件,好似d女仔鍾意男仔高過佢咁,人人要求唔同~
family tree 嘛~點都要有branches架啦,
除非我有其他囝囡俾到孫我抱啦....
[size=medium]奉子成婚係醜,但都係負責任o既行為,又唔係叫佢大肚迫婚...
by the way,就算真係俾你呃到佢父母,
你成世都要俾人追問「幾時生」,你又受唔受得了先?
[size=medium]not pick on u,but the reality and tradition are like these~


i am sorry. i don't want to pick on you too, 但係如果後生既真心相愛，係咪為左完成老人家既心願就寧願搵第二個唔愛既人結婚？奶奶想抱孫係自己既事，新抱同個仔點諗又係佢既事！我唔係想搵交嗌，只係唔明白，係咪真係唔生bb，一個女人就真係冇佢既價值？
日日是好日
私人傳訊

雨霖鈴媽媽


別墅

積分: 894


30#
發表於 05-5-5 01:16 |只看該作者

Re: 未 來 奶 奶 要 我 奉 子 成 婚!

晌愛情o既世界好理想咁去諗的話,
我絕對認同有情人要終成眷屬...
偉大而美好的事都是我們最樂意見到的~
女人o既價值唔係全部晌生育以上,
好似dodo姐咁,佢o既成就大,都唔係生囝得返黎...
我只係講我o既睇法,同佢男朋友父母一樣,
有d人無咩大成就(事業),好似我咁,咪弄兒為樂囉...
其實我都接受到領養,畢竟咁多孤兒都需要一個家,
可惜,我隻佬自從有左親生囝之後,就打死都唔肯,
佢話男人係咁架,一旦有自己骨肉,寧願生多幾個自己囝,
都唔想幫人養囝....如果佢男朋友接受到領養都係好事...
我諗我講白d,係女人應該養小朋友,晌小朋友身上學野,
好似我咁,我生左個囝先真正學識忍耐,關懷...
亞媽話:生過bb的仔女先會知父母難做...
佢講得好岩架,我以前夠會埋怨父母對自己唔好,
但做左人媽咪,我先知有d野係好無奈,好無能為力...
當大家鬧左佢男朋友父母咁耐,又有無諗過養育之恩,
父母要用幾多心力先湊得大一隻牛b,
科學家話愛情只會維持3年,之後都係感情or親情...
一拍拖個個都諗定幾時結婚,但拖耐左咪又大把人無結...
咁不如佢地等多幾年先講結婚囉.....
:party: :-D
私人傳訊

JKfish


複式洋房

積分: 209


31#
發表於 05-5-5 02:01 |只看該作者

Re: 未 來 奶 奶 要 我 奉 子 成 婚!

雨霖鈴媽媽&各位姐妹

我會結婚，兩大原因之一都係想生仔，點知努力十年，放棄「事業」，結果都係失望的回憶。

因此，我很希望Ah4早日找幸福的路：
——結婚與否、生仔與否，都要無悔，而且好好享受自已的「選擇」，或「無可選擇」的際遇。


我坦白地跟大家分享，希望大家多的了解部份不育女子的感受，不要無意中傷害別人，或不必要地造成別人的壓力。

如果大家知道如何掌握自已表達觀點的方式，以免不必要地傷害別人，我相信世界會溝通得更好，令將要做/正在做不育治療，或做了也不成功的夫婦，會好過得多，所謂「你又受唔受得了」的壓力、痛苦與恐懼，其實就會消散許多。

如有冒犯，請各位包涵。

當然好多人唔想要小朋友，因為怕煩、擔心負擔大、想有自由，我唔係。有頭髮邊個想做禿頭？

係呀，我想生冇得生，咁點呀？
坐在家喊足一世，怨天怨地，令身邊愛我關心我的人，擔心煩惱，或者互相折磨咩？令自已變成怨婦、潑婦、瘋婆....神憎鬼厭？
結婚前，好奶奶叫大嫂試探我肯唔肯生 ; 我重話最好生夠5個添。咁一年年過去，乜醫生都睇，原因不明地冇得生，
係遺憾，但仍然要過日子，而且要更珍惜增地過得快樂、值得

如果係我老公有問題，咁唔通我唔要佢，搵過第個生咩？
如果我兩個都有問題，咁坐度互相埋怨咩？
一樣可以開心過日子。做乜要結糾纏自已complete唔complete？
梗冇咁笨！

當然好多人怕煩、擔心負擔大、想有自由，我尊重她們的選擇（是她們的生命、生活，就算係我養起佢，都冇權指手畫腳，說三道四啦！）
有人選擇不生小孩，我也覺得她對自已或從未出生小朋友係負責任——好過唔諗就亂生，生完又怨或不理死活


但我冇做媽咪，係想做做唔到、唔係唔想做。咁點呀？撞頭埋場呀？認為自已咁就inferior，低人一等呀？

我又唔會播！

我今年46歲，雖然冇我最想要的小朋友，但我都冇浪費生命，做義工都幫到好多小朋友播。
十年來，我幫手的基金會(www.xbd.org)在內地建了27間中小學，幫了許多孤兒與貧苦兒童。我覺得，我的生命，仍然有用，雖然有許多淚水，仍然充滿祝福

我努力多年，都得唔到我最想要的第一選擇，咁我咪好好地享受我其他的選擇囉

我想生，係因為我覺得生命是奇蹟，我鍾意小朋友，見到就軟曬，好想讀屎片，陪仔女玩到大，牽腸掛肚，畀佢地收服我......。不過生唔成，咪幫人地的細路。冇屎片讀，咪讀碩士囉，成日得閒就去旅行、做社會服務囉。無牽挂，咪做咩都勇往直前囉

講乜「因為生bb係人生重要階段,做女人&人地老婆唔生過,人生同家庭都好似唔多complete」或者女性天職哎。
咁我做唔到，係咪真係「好似唔多complete」？

好似話一個人冇受過教育，「好似唔多complete」？
一個人殘障咁「好似唔多complete」？
早早結婚生子，老來繼續湊孫，為家庭完全付出，沒有機會兒實現自已夢想，咁又唔complete？

乜叫做complete？或好似唔多complete？
執到到副乜牌都好，好好砌掂佢，食雞糊或爆棚，好好打完一局，咁咪complete囉。唔通大四喜、三番、爆棚、大三元都要同一鋪食就曬，先至叫complete？

我又唔覺播，咁我有一的野，又未必係其他媽咪有，總之您睇我好，我睇您好，您同情我的哀愁，我也同情您的勞累，邊種人生，都係有辣有唔辣。
有媽咪羨慕我話去旅行就行，我夠羨慕佢一返家隻B撲埋來攬到實。
不過我一定唔會話佢唔complete。人地的生命，她開心便好！

四五十年前，細路冇戴眼鏡的，四眼仔女會畀笑，弱視/大近視人地當您盲，視為殘疾、畀人笑，好多人到而家都怕戴眼鏡，但今日冇人覺得應份譏笑四眼仔女，更唔會覺得盲聾啞跛就一定廢吧？

樂施會總幹事莊陳友盲的，自力讀完大學，有自已事業，養妻活兒，對社會有貢獻，您話同好人好姐，有書唔肯讀，拍丸飲咳水、打老母的雙失青年比較，邊個唔complete？做父母，想要邊個做仔女？最好梗係仔女冇事冇幹，但呢個世界，有邊個真係樣樣齊？

以前女人冇仔生，有七出之條，係合法離婚理由
不過今日婚姻內涵變了，不一定為傳宗接代，重可以係為人生有伴終老，始愛不渝。如果一對夫婦求仁得仁，兩人要求一致，旁人不要去向跟他們說：「喂，您咁唔幸福，要咁咁咁」

我明明係相撲手的身形，唔好同我講「跳唔到撐杆跳，就體驗唔到完整的運動員滋味」
大家睇住自已的生命強項，盡力而為發揮得最好吧。生命，不是「是非題」，是「作文題」，只要用心發揮，不是只有有一種標准答案的

共勉！

好長氣。請大家原諒。
我相信大家都體諒Ah的處境，希望她開心解決難題的的，
所以可能增加人家傷痛、壓力的話，還是他日另尋話題分享更適當吧？
私人傳訊

melisa


侯爵府

積分: 20617

2025勳章 2025勳章蛇年勳章 好媽媽勳章 醒目開學勳章


32#
發表於 05-5-5 09:30 |只看該作者

Re: 未 來 奶 奶 要 我 奉 子 成 婚!

JKfish,

妳很堅強，十分佩服妳正面面對人生。

生命本是不公平的，但如果我們多珍惜自已擁有的，努力的活下去，這才是真正的人生。

生小孩是一種綠份，有與沒有，並不需自責。

假若真的很喜歡小孩子，會考慮收養嗎？
在我認識的朋友中，她們都收養了小孩，小孩跟她們生活得很開心，關系好好，妳可以考慮一下。
私人傳訊

mother904


翡翠宮

積分: 80642

畀面勳章


33#
發表於 05-5-5 10:32 |只看該作者

Re: 未 來 奶 奶 要 我 奉 子 成 婚!

我好同意JKfish的觀點，每個人都有權利同能力，將自己的生命變得更加充實同有意義，無必要糾纏係別人的眼光同期望裡面。

我bb都係試管嬰兒，所以我好明白想生但又係唔知咩事，每個月期待，每個月又失望的日子，係幾咁無助同無奈。好在我老公冇同我講「肯生bb的女人都係一種條件」，亦都冇埋怨沒有bb的家庭係唔「complete」，更加冇人同我講「你又受唔受得到」！當我知道係男方的問題時，我亦都冇同老公講同一番說話，唔會覺得佢「條件」低左而埋怨佢。同樣，我都冇同成日問我幾時生bb既奶奶講，早知就肯定你個仔有生育能力先結婚，奉子成婚都唔介意。

我想生bb唔係因為奶奶的期望，唔係覺得有bb先更加「complete」，更加唔係驚幾年後，同老公既愛情會變淡後沒有親情來維繫。我想生bb係因為我想睇住一個生命成長，我想學習點樣可以令自己為別人願意付出更多。


我好明白每個人都想別人分享自己的喜悅。正因為我做左媽咪，更加明白關懷係唔會落井下石、關懷係唔會迫人地做自己認同既事，關懷係明白每個人的能力，鼓勵別人去生活得更加好，完成自己的理想。我因為有bb，我學會慎言，唔想用自己的觀點來看別人的世界，更加唔想係有意無意之間，傷害左別人而仍然覺得自己大條道理。
日日是好日
私人傳訊

麟媽媽


王國長老

積分: 87953

好媽媽勳章 王國長老


34#
發表於 05-5-5 12:08 |只看該作者

Re: 未 來 奶 奶 要 我 奉 子 成 婚!

JKFish,
My applause

Ah4,
You will be in my prayers.
私人傳訊

雨霖鈴媽媽


別墅

積分: 894


35#
發表於 05-5-5 12:49 |只看該作者

Re: 未 來 奶 奶 要 我 奉 子 成 婚!

權利同能力係自己o既事,最簡單o既咪係佢地結左婚佢囉...
只係人地傷害佢的同時(話佢無得生)
佢亦傷害緊人地o既感情(老人家失望,母子感情受傷害)
如果不育女士夠堅強的話,唔駛理人感受架,因為人地唔理佢感受嘛,鬧返人都仲得添...不過婆媳關係嘛???
我自己無反奶奶情緒,因為唔多熟...
不過就自己黎講,生bb係一件好事,值得推介俾其他可以生的女人,如果咁橋我新抱無得生,我會接受領養...
我接受自己為人嚴格,但i am what i am....
有時候,總要迫人認命,你可以迫自己認命,
亦可以迫奶奶認命,「你新抱我係唔生,你奈我咩何?」咁囉
要兩全其美....都唔易囉..
:party: :-D
私人傳訊

麟媽媽


王國長老

積分: 87953

好媽媽勳章 王國長老


36#
發表於 05-5-5 14:53 |只看該作者

Re: 未 來 奶 奶 要 我 奉 子 成 婚!

剛剛先見到你話report說你不育….
有沒有看過中醫？我產後失調都是睇吉叔的，睇左佢好多年了。係BK都見好多人睇佢的，佢亦同我講幫過好多人有BB。
www.laufungkut.com

先不要終日以淚先面，可知心情亦是一大影響因素。要養好身子，好好保養，寒涼食品介吓口，亦唔好飲生冷野，會令子宮寒的。中醫好神奇的，我係你會積極D，保持心情開朗，可能會有轉機的。
私人傳訊

DongDongBB


男爵府

積分: 6439


37#
發表於 05-5-5 16:26 |只看該作者

Re: 未 來 奶 奶 要 我 奉 子 成 婚!

我都贊成你再找多個醫生做body check, 聽吓佢係未有一樣的結果, 同埋你個報告有冇講你不育嘅原因呢?? 有些原因是可以醫治的, 不要這麼快就灰心呀!!
私人傳訊

JKfish


複式洋房

積分: 209


38#
發表於 05-5-6 05:10 |只看該作者

Re: 未 來 奶 奶 要 我 奉 子 成 婚!

非常同意！但願母親都有這種智慧，教育兒女面對人生的如意與不如意

quote]
mother904 寫道:

我好明白每個人都想別人分享自己的喜悅。正因為我做左媽咪，更加明白關懷係唔會落井下石、關懷係唔會迫人地做自己認同既事，關懷係明白每個人的能力，鼓勵別人去生活得更加好，完成自己的理想。我因為有bb，我學會慎言，唔想用自己的觀點來看別人的世界，更加唔想係有意無意之間，傷害左別人而仍然覺得自己大條道理。[/quote]


我相信大家入呢個topic，都係想幫人鼓勵人，唔係撩交
「口益」。如果Ah4覺得今次呻下都舒服的、大家的意見可以參考下，咁我們的討論已經好有用。

大家有乜好醫生（black list 壞醫生）、藥方、生仔/調理身體心得，快快介紹畀Ah4參考吧！

我當年也得到不少朋友/陌生人指教，雖然終歸同BB冇緣分，好傷心，但係交情或深或淺者的熱心幫忙，仍使我覺得有溫暖，在最失落、最脆弱的時候，也撐得下去，真是靠這些零零碎碎的快樂與溫暖

我同Ah4談過，相信她會有智慧去尋找自已幸福的路，不會輕易畀閒言閒語打低。

唉，如果A4真是不尊重長輩，不顧老人家感受，根本不會煩惱：奶奶認命吧，您新抱係唔生，點呀？等您冇埋個仔添呀！

就係惜住老人家，唔想母子反目，才會寧願自已蝕底！就是專一，不玩弄男仔感情，也不想破壞bf 母子感情，才會為難，搞到自已傷心煩惱。（你呢個男人搞掂你阿媽，才好來搵我，不要浪費本姑娘時間，冇您，我都重有大把人排隊！）

點解自已爸媽都唔敢講，怕爸媽生奶奶氣、憎奶奶，影響親家感情，怕傷自已爸媽心吧？識得惜爸媽感受，算唔算孝順？

咁樣的女仔，做唔成你家新抱，是你家損失，不是Ah4損失！

如果投入恨抱孫的奶奶角色，當然深切了解那種冇孫抱的失望。但設身處地，畀您生多個女，係咁樣畀人嫌，您捨得踏多兩腳落個女度嗎？「您係唔多complete，唔好影響人母子感情了，冇得生，您就消失吧！」梗係求神拜佛，遍訪名醫，都想阿女有情人終成眷屬啦。

做人阿媽，梗係點犧牲自已，都想仔女快樂幸福。如果只係想自已快樂、滿意，仔女點痛苦都話之佢，一於要控制曬！呢的乜阿媽？係愛，定係操控？

可能我做得Ah4阿媽啦，我覺得呢個女好抵惜呢！

人生過了大半，我的理想，現在濃縮到得一個原則：「有能力令自已快樂，同時，讓別人也快樂」泥水佬開門，過得人，過得自已啦（係呀，我又做唔到「畀人過到，自已冇得過」——對人對已，都要公道嘛！）

唉，堅強乜鬼呀，冇膽即刻死，咪好好活囉！人生梗有高低！自已唔掂時，一樣要人扶下！人人都有弱點，好難永遠順利，得，唔好囂張、失，唔好頹廢。
古語話惻隱之心，咪今日講的設身處地，體諒人感受囉

想順手講下道德與社會文化價值觀，有永恆的元素（誠實、愛家庭、重感情、尊重生命...），千古不變，但亦有與時並進的部分，會跟社會環境改變。

越文明的社會，越寬容、越多元化。唔通現在香港，還會有老婆畀其他陌生男人坐埋身邊，就要捉老婆浸豬籠？而且法律容許、社會喝彩？
（大家日日搭地鐵返工，點止坐隔籬，分分鐘貼到實添，唉.....）

海瑞是明朝著名的清官、好官，大家聽過（海瑞罷官）。
知唔知佢孫女同人訂了婚重未過門，未來孫婿夭折，佢要孫女「守節」，關禁閉，夾生餓死孫女？
咁樣堅持原則的道德，等孫女掙番個貞節美名的家長，你會唔會咁做？捨唔捨得？

歧視單親母親/離婚女人？誰知道現在冇大清律例，「不得寵妾滅妻」，老公移情別戀，新歡唔肯做二奶，大婆都冇得做，即刻擲出街，加入單親母親/離婚女人行列！

所以唔好咁快貼人標籤，講風涼說話，世事瞬息萬變呀！

大家一齊為Ah4找解決辦法嗎吧！

共勉
私人傳訊

vickym


男爵府

積分: 8096


39#
發表於 05-5-6 09:54 |只看該作者

Re: 未 來 奶 奶 要 我 奉 子 成 婚!

JKFISH,
如果大部份都好似你咁豁達...就會冇左好多冇謂既爭拗....知足常樂....
私人傳訊

清純


複式洋房

積分: 190


40#
發表於 05-5-6 09:54 |只看該作者

Re: 未 來 奶 奶 要 我 奉 子 成 婚!

ah4:
你奶奶係咪得你老公一個仔呀？
奶奶想抱孫係正常...我同你交換奶奶咁就好喇，我奶奶只得我老公一個仔 (他有兩個家姐)，但她竟然說最好唔生(她覺生仔要用錢，她視錢如命，她怕生了要她幫忙照顧 ，因我無阿媽)..li個年代，她話最好唔好生........

我有了兩個月，給她看超聲波照片，她竟然推開我不看，掛住應酬親朋；有了bb，明知我冇阿媽幫忙，她從來沒有主動要煮野俾我食，我早了一個月生bb，bb出世後她才煮薑醋(我一口也無福消受)....也沒有主動煮野給我補，我產後入院做手術，叫她不用來看我，她男家果真一個人也沒有來...

我的仔仔也是很難有的，起初結婚前，我已很擔心是否順利有bb，因我十分愛bb，所以不敢去婚前檢查，免得結婚時唔開心，點知婚後一個月去家計會檢查，check到老公極可能不育，我當場哭了出來，想起就哭，想起就哭....不相信，不接受，繼而憤怒、...再繼而絕望.....每天都要量體溫check排oval期...check足三年.....都是我一人在辛苦，老公不太在乎似的

就在做試管嬰兒的前一個月..有了...........

但竟然除了我，似乎沒有人很雀躍...因我老公只擔心錢...我奶奶根本不想他出世.......

現在，我很少帶仔仔去見他倆老...當初懷緊孕時，我很生氣的對老公說，這個不是她孫子，出世唔駛指意認佢做祖母...

因此，我見到人地d奶奶，即使幾咁不好，至少仍愛自己的孫子........所以我概嘆...我奶奶是世上最無人性的奶奶呀.....

如果我同你奶奶交換咁多好~~~

:-( :-( :-( :-(
我是天空裡的一片雲，偶爾投影在你的波心，你不必訝異，更無須歡喜，在轉瞬間消滅了蹤影。....... 我像一片落葉，在盲目的流浪，偶而停駐，卻無法停留
私人傳訊


首頁
123

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見