97之前雖然人工高但通脹都高,D野都幾貴。搵得果一萬幾千,咩都冇炒,平日開支加埋俾屋企都所剩無幾,買樓更係可望不可及。但係生活又真係幾愉快,至少日日可以準時放工,得閒行街又冇依家周圍都係人咁有壓迫感。基本上對生活或前景都幾樂觀,有信心覺得咩都一定會搞得掂。
依家其實生活必需品係價錢平左但質素差左,人人都好多怨氣,郁D就話投訴(其實好多人力物力就咁虛耗響處理或討論呢D無聊投訴度...),人工原地踏步但工時越來越長。行街撞口撞面都係人,如非必要都唔多想出街。
唉...唔好話我冇國家意識,我去倫敦見番D電話亭、郵筒、米字旗、事頭婆相,真係覺得異鄉反而似故鄉。
There's some good in this world, Mr Frodo. And it's worth fighting for.