原帖由 KiuShaBB 於 10-3-23 12:53 發表
Do媽, 你對中藥好在行呀.
我聽你話, 飲咗2日板藍根, 星期日中午瞓咗2粒鐘, 而家無事喇.
不過我仲有啲板斧可能啱各位小朋友用, 就如小朋友腹瀉(而家最容易就係感冒菌入腸), 當然要睇醫生, 醫生通常都會話由得佢疴清啲菌, 但疴到咁上下只得水時(相信啲菌都清得七七八八), 都唔會結返硬便便, 仍然腹瀉, 但只疴水, 我就會用茨實淮山煲水, 等啲茨實淮山煲出味時(啲水會見到灰色), 就落米煲粥, 如果唔想食茨實淮山可落米前撈起啲料, 小朋友食多2餐哩啲粥, 啲便便就會靚返晒, 同止疴. 以前我囝囝就試過腹瀉入院吊水, 出院後又再腹瀉, 醫生又再叫佢入院(除咗吊水似乎冇乜嘢做到), 我唔想, 返屋企諗起BB時煲茨實淮山水佢飲啲便便就會硬, 就試下用茨實淮山水煲粥俾囝囝食, 點知食咗2餐就真係止疴, 仲結返靚便便, 之後我都有教身邊朋友咁做, 個個都work的.
另外, 就係生眼瘡, 當發覺眨眼時或捽眼時有不尋常的痛(其實都係熱氣), 可能係生眼瘡先兆, 我會用滾熱水開金銀花燻眼, 置金銀花於杯內, 倒入滾熱水(因為要煙燻)約杯容量2/3, 用煙燻眼約15分鈡, 翌日早上會發現有眼膠, 眼痛就會不藥而癒, 唔會生眼瘡, 唔駛揾醫生割, 不過對小朋友要小心行事(大人也可以的), 嗰時我2個3, 4歲已同佢哋整, 但要喺旁邊按實隻杯, 怕渌親佢哋. 小小資料, 希望大家啱用.
發表於 
)
返回列表
