自由講場 今日: 141 | 主題: 1348667

積分: 51912

21^#

發表於 10-6-22 19:15 |只看該作者

原帖由 nintendo 於 10-6-22 14:02 發表

有 D 人真係好在意門面功夫
我奶奶就係喇

年年母親節我地會同佢食 LUNCH
除左禮物, 一定要買札花, 等佢有得拎住黎威
佢會大大聲同 D WAITER 講 (係會所 D WAITER, 好熟的), 話係新抱送
D WAITER 又會好行貨咁話, ...

我諗我媽都係呢類人黎...

私人傳訊

21g

積分: 7450

22^#

發表於 10-6-22 19:18 |只看該作者

就住標題發表一點感想,依d節日比d商家搞到商業化晒,乜乜節,就要買花,買禮物,出去食飯,總之要消費消費,老人家睇得多聽得多左,人地有,自己無,個心可能有小小銀住咁啦

私人傳訊

積分: 51912

23^#

發表於 10-6-22 19:23 |只看該作者

原帖由 大豬既老婆 於 10-6-22 11:58 發表
只要對得住天地良心就足夠喇。唔系太過擺系心上面。

明白...但每次聽到我媽又是咁講野,嗰下真係好難受...同埋連我有無送禮物俾我老豆甚至幾時去陪老豆食飯都干涉埋講埋一份,我知佢係想教精我呀,但係對於我黎講係額外俾咗十倍壓力我响呢件事上.............原本想去多d陪老豆食飯,過時過節去陪老豆係從自己心裡面自發地想去做想氹老豆開心既事,因為我媽咁樣講,變成係一種沉重既責任,就算我點做都變得好似刻意咗咁...我係好唔鐘意呢種感覺囉.

講真唔係因為我老豆病同'嗰頭近',我至做呢d事至陪我老豆下化...?我就係覺得我媽俾咗呢d壓力我,將理所當然既事變成沉重既責任.我唔想咁.

私人傳訊

積分: 51912

24^#

發表於 10-6-22 19:27 |只看該作者

原帖由 21g 於 10-6-22 19:18 發表
就住標題發表一點感想,依d節日比d商家搞到商業化晒,乜乜節,就要買花,買禮物,出去食飯,總之要消費消費,老人家睇得多聽得多左,人地有,自己無,個心可能有小小銀住咁啦 ...

反而我老豆真係好唔着重物質呢樣野...咁多年佢都唔要求我地買野俾佢,咁當然我同我哥都會照買野俾佢,就算自己買個新枕頭都會走黎買多個好既健康枕黎俾我老豆瞓得舒服d健康d...呢d好自然既動作黎嘛...而唔會刻意囉...

相反我媽又真係幾注重物質同金錢多少...嗰下真係幾大壓力...分分鐘就算我有買野俾我媽,點知到最後我哥嗰份貴過我嗰份,我媽都有機會發作走黎發我爛渣話我俾得咁細份咁cheap話我唔重視唔鍚佢........呢下類似既事情以往唔係未發生過囉............

私人傳訊

積分: 51912

25^#

發表於 10-6-22 19:31 |只看該作者

原帖由 venlee28 於 10-6-22 14:45 發表
算啦，有買又如何，我見我爸爸鍾意四圍去，之前又試過唔見八達通，於是今個父親節我買咗隻長者八達通手錶送俾佢，諗住可以方便d，掂知佢父親節第二朝巳話我知，隻錶會收起做古董

原來佢唔鍾意隻錶面有"長者"二字，攪到係 ...

咁我都好dd...我老豆都有拎我織俾佢既溫暖牌去旅行時戴...不過平時我買親送親咩俾老豆,都多數彈多過讚,不過我又無放响心度噃...同我媽既感覺係相反...

私人傳訊

積分: 51912

26^#

發表於 10-6-22 19:36 |只看該作者

原帖由 Watt 於 10-6-22 13:29 發表
似乎你mami只係借題發揮........佢係唔開心你地o係母親節無表示啫. 咁你地旅行之前或之後, 有無"主動"同佢講過母親節快樂?

我只係從你字面睇, 你mami好似唔o係好似想你駛$, 只係想你關心吓........尤其是呢d節日 ...

我都覺得呢次我媽係借父親節我無送禮件事黎'控訴'我今年母親節無打俾佢呢件事囉...好似話報仇咁...係咁機關槍我...唉...連我自己都係人亞媽都唔記得咗已經過咗母親節啦...所以真係淨係今年無同佢講過母親節快樂囉!就咁被判死罪...lai 野...

聽日約咗佢同細佬去食晏晝飯....今日諗咗成日都掙扎緊好無唔去好...怕去咗又有一大堆說話聽,到時我又唔知又會唔會爆,走黎講埋d嘈交說話黎回我媽新一輪機關槍攻撃...家下都仲苦惱緊...

私人傳訊

積分: 51912

27^#

發表於 10-6-22 19:45 |只看該作者

原帖由 MK2006 於 10-6-22 12:15 發表
係咁架, 平時有做就覺得多餘, 浪費金錢比佢地話話話.... 一但做少次仲衰, 狂鬧....
唔介意喇~ 你已經做咗好多嘢, 對得天地良心, 開心返啦~

我覺得我之前平時做既野唔係等人讚我幾識做或有幾孝心囉,但唔讚都唔好走黎踩囉...雖則我都知佢(我媽)真係好愛我哥同真係覺得我哥係天才覺得我哥好叻...

我媽真係無句係對我正面架...例如早五六年前我同老公開舖做生意,做咗幾年,我媽唔欣賞唔正面評不特只,佢係走黎話:"你咁都做到幾年生意未執咪已經偷笑囉!"跟住我自己出黎打工,份份工都講到我又係靠運氣咁款...又係踩多我好多腳,內容我已經唔太記得,但依家我真係學番精咗,我做咩都唔會同我媽講或者傾,依家次次我媽知我做d咩工或近況多數都係我細佬話俾佢知,佢變咗唔係即時有得評我,有時間俾佢沖淡下調節下,變咗無咁易亂咁評我,但都會有少少,我都係哦咗就算...費時再回應佢,我又是聽埋d我真係好唔想聽既說話字句同評語...費時又因為我媽既唔負責任既說話又黎打沉我既生存意志啦!

私人傳訊

積分: 51912

28^#

發表於 10-6-22 19:48 |只看該作者

原帖由 kcpak 於 10-6-22 13:53 發表
下...咁我都唔識做喎~
我無買禮又無比錢只係請佢食飯
母親節仲衰..呀媽要返工,我請佢飲左杯奶茶

你就好啦...原本我都無乜野,但久唔久俾我媽咁樣刺激下,我都覺得連對家人都係一門超高深莫測既學問黎...我噚晚真係好覺得我自己完全應付應對唔黎...我都變咗自閉...唔識社交同人溝通...

私人傳訊

77777

積分: 7188

好媽媽勳章醒目開學勳章

29^#

發表於 10-6-22 21:00 |只看該作者

仔仔媽媽,

睇完咁多, 我真係有d似曾相識的感覺, 不過唔係我媽咪個邊...

我覺得您重要tum佢地, 陪佢地食飯已經做足晒做女兒要做的本份, 無論係佢地重男輕女好, 佢地係睇錢好重好....都唔係您可以控制得來....唔好咁上心啦.....有時一家人都要講緣份....

起碼, 您日日見住係您老公同仔仔, 佢地係好錫您ma...

原帖由 ~仔仔媽咪~ 於 10-6-22 18:52 發表
多謝您地呀~!至少有個地方俾我呻埋d負面野,發少少爛渣講番兩句負面說話發洩下...雖則我係一子之母,又幾廿歲人,又係教小朋友寫字講野既...但我咪又係人一個,平日玩正面開,遇上呢d不快事真係點都要留番少少位俾自己負 ...

私人傳訊

黃二少奶

積分: 67160

2025勳章 2025勳章蛇年勳章 2024年龍年勳章 2023年兔年勳章醒目開學勳章畀面勳章 BK Milk勳章

30^#

發表於 10-6-22 21:31 |只看該作者

唔好唔開心喇,做左本份就OK啦,
世事起可盡如人意丫,
我自己都唔太鍾意做呢D門面野O既人,
大家約出黎食餐飯,我而經覺得好開心,
我成日覺得關心係應該發自內心囉,
唔係靠門面功夫囉

私人傳訊

積分: 51912

31^#

發表於 10-6-22 22:08 |只看該作者

原帖由 77777 於 10-6-22 21:00 發表
仔仔媽媽,

睇完咁多, 我真係有d似曾相識的感覺, 不過唔係我媽咪個邊...

我覺得您重要tum佢地, 陪佢地食飯已經做足晒做女兒要做的本份, 無論係佢地重男輕女好, 佢地係睇錢好重好....都唔係您可以控制 ...

咁都係...咁我老公噚晚都好乖,見我咁唔開心咁勞氣,又收完我媽線後又輪到我機關槍我老公,係咁一輪咀同我老公呻,我老公又肯聽哂我講野又成晚見我又是瞓唔到都係咁好似呵BB瞓咁輕輕猛掃我背咁呵我瞓...都算係咁...

可能我又臨近M期,零舍易情緒失落D...所以至咁多負面思想湧哂出黎要呻哂出黎囉...

私人傳訊

積分: 51912

32^#

發表於 10-6-22 22:19 |只看該作者

原帖由 黃二少奶 於 10-6-22 21:31 發表
唔好唔開心喇,做左本份就OK啦,
世事起可盡如人意丫,
我自己都唔太鍾意做呢D門面野O既人,
大家約出黎食餐飯,我而經覺得好開心,
我成日覺得關心係應該發自內心囉,
唔係靠門面功夫囉 ...

我就係咁諗,始終你話我唔識做人也好,我就係唔鐘意做到咁出哂面嗰類人黎,始終唔理係關心定係感恩,我覺得你對人點都要係發自內心,就算點客氣都好都唔好咁'假'囉(唔知用咩形容詞好)!如果將呢D動作變為係責任黎,我覺得真係抖不過氣,嗰下無形既壓力實情真係好令人痛苦...做咗又好似搞到連自己都懷疑自己唔知搏乜咁,我好唔鐘意呢種感覺啦!總之明明自己想愛鍚人,但因為咁樣變成我一做咗就容易令人誤會我另有目的咁,我唔想俾人咁誤解.俾我媽噚晚講一講,我都神經質埋...不過都好彩,今晚我都有番我老豆屋企陪我老豆食飯,感覺都仲OK&正常既.

私人傳訊

積分: 51912

33^#

發表於 10-6-22 22:20 |只看該作者

好野!我媽頭先打黎話要cancel聽日晏晝飯局,呢下要等到佢去完印尼玩後至少十幾日後至再約出黎lunch...至少呢十幾日我同我媽都有充足既時間避靜同調節下,我諗十幾日後再約出黎見面應該無咁易有UN心說話聽啩...

私人傳訊

77777

積分: 7188

好媽媽勳章醒目開學勳章

34^#

發表於 10-6-22 22:37 |只看該作者

咁都唔係話無la la唔開心, 不過我初時無諗到您屋企會咁樣....

我自己另一邊我之前都要求自己做好晒自己的本份, 如果有一日真係要做到見面不相識, 我都可以無愧於心....唉, 有D野無得強求...

原帖由 ~仔仔媽咪~ 於 10-6-22 22:08 發表

咁都係...咁我老公噚晚都好乖,見我咁唔開心咁勞氣,又收完我媽線後又輪到我機關槍我老公,係咁一輪咀同我老公呻,我老公又肯聽哂我講野又成晚見我又是瞓唔到都係咁好似呵BB瞓咁輕輕猛掃我背咁呵我瞓...都算係咁...

...

私人傳訊

積分: 51912

35^#

發表於 10-6-22 22:45 |只看該作者

原帖由 77777 於 10-6-22 22:37 發表
咁都唔係話無la la唔開心, 不過我初時無諗到您屋企會咁樣....

我自己另一邊我之前都要求自己做好晒自己的本份, 如果有一日真係要做到見面不相識, 我都可以無愧於心....唉, 有D野無得強求...

...

我反而同我老公屋企人相處幾好架...所以咪就係話我初初結婚嗰陣真係好覺得我奶奶同我親過我自己亞媽囉~至少我奶奶响我大肚到坐月時都好照顧我,至少我生完瞓响醫院一個星期,我奶奶日日風雨不改日日送兩餐加湯黎醫院仲要坐埋陪我慢慢食,反之我媽就係相反啦...之後我番屋企坐月,又係我奶奶陪我坐月同煮野俾我食,我媽由我囝出世到依家呢十一年,佢黎我屋企既次數真係頂多兩次,見我囝既次數唔知有無廿次...總之個差別好大啦...

我都盡量要求自己唔好想太多,我只係想我人生簡簡單單安安穩穩啫,唔想自己咁複雜,所以呢D紛爭定係玩爭產(佢地係咁樣諗吖嘛,一蚊都係有得爭),我都唔想牽涉其中...總之都係嗰句:'四大皆空'再加多句:'我幾時都只不過係一個亳不重要亳不起眼既外人小角色而已...'我諗咁樣調節番自己角度同諗法,自己點都好過D.

私人傳訊

54heima

積分: 55644

36^#

發表於 10-6-22 22:59 |只看該作者

人年紀大左就變細路仔
我99
做好多也
目的只有一個
就是要我地註意巨

少奶奶的身份，丫頭的命...

私人傳訊

77777

積分: 7188

好媽媽勳章醒目開學勳章

37^#

發表於 10-6-22 23:06 |只看該作者

雖然您屋企D人唔錫您, 不過, 個天都比返一個錫您的人比您, 老公錫自己最緊要

我小學都有一個同學, 佢媽咪係好唔錫佢, 連過馬路都唔拖住佢, 佢又比D姐姐妹妹一齊拖佢去SOFA后面打倒佢入院, 不過佢媽咪都係閙佢, 我地個時D同學聽倒都好UP架, 佢係佢媽咪親生架, 不過后來佢又係嫁倒一個好錫佢的老公, 我地D同學都登佢開心......起碼可以過返D開心的日子....

您都係好間中見下您媽咪姐...當應酬下佢LAW....佢如果係講得唔岩聽, 左耳入, 右耳出就算LAW...始終都控制唔倒人地把口.....

原帖由 ~仔仔媽咪~ 於 10-6-22 22:45 發表

我反而同我老公屋企人相處幾好架...所以咪就係話我初初結婚嗰陣真係好覺得我奶奶同我親過我自己亞媽囉~至少我奶奶响我大肚到坐月時都好照顧我,至少我生完瞓响醫院一個星期,我奶奶日日風雨不改日日送兩餐加湯黎醫院 ...

私人傳訊

積分: 51912

38^#

發表於 10-6-22 23:13 |只看該作者

原帖由 54heima 於 10-6-22 22:59 發表
人年紀大左就變細路仔
我99
做好多也
目的只有一個
就是要我地註意巨

無奈我一好重視我媽又成日搵佢時,我媽就會'吊高黎賣'嗰隻....好似上年暑假佢番黎咁,我完全約唔到佢出黎,一係話怕曬,一係話怕多人,我話黎陪佢,佢又話攰定約咗朋友...結果除咗嗰兩餐家庭飯外,成三個月都無出黎見我...

今年我玩識做,乜都唔搵佢,等佢得閒至搵我,但之前只係唔記得打一通母親節電話,已經得到噚晚如此下場...真係...頭先佢話cancel聽日飯局時,我都專登同佢講:"係啦,不如等你番黎HK時至一次過[約埋阿哥]出黎食飯啦!"唔知係咪佢sense到D咩..佢即時話唔好喇,話我哥D時間好難夾,話唔等我哥,番黎第一時間搵我,約咗我出黎LUNCH見面先...你話,我媽係咪好飄忽好難捉摸吖...我都唔知佢對我係點...係真係要黎搵我zip時間吖...定係查實正如我之前'幻想'般,佢都仲有DD緊張重視我呢個囡...搞到連我自己都A埋...理解唔到人既諗法同情緒...好複雜好難理解.

私人傳訊