懷孕前後 今日: 5 | 主題: 330412

積分: 13005

21^#

發表於 10-7-8 23:27 |只看該作者

love111111,
你好呀, 我有好多產婦剩餘物資
同埋好多bb 野你有冇需要呀?
我可以比你....

老虎囡2010年2月10日於嘉諾撒出世喇, 早過預產11日~ 重6.71磅

私人傳訊

juliette0711

積分: 2902

22^#

發表於 10-7-8 23:36 |只看該作者

支持!支持!唔好咁緊張,放鬆d!我地個個支持你!

私人傳訊

積分: 4190

23^#

發表於 10-7-8 23:37 |只看該作者

回覆 16# daphen1011 的文章

我係東區生,我問咗6月尾7月頭生咗既媽媽,佢地PM我話要既!!

私人傳訊

積分: 4190

24^#

發表於 10-7-8 23:49 |只看該作者

回覆 17# ferferfer 的文章

多謝妳既意見呀!

你咁講,我會諗到選擇上網搵資料會方便D,同埋係BK識到好多媽咪,add咗msn ,facebook,同交換電話號碼,絕對無問題既!

私人傳訊

FrankieFUNG

版主

積分: 38347

畀面勳章叻叻勳章有「營」勳章 wyeth冷知識勳章陪月勳章環保接龍勳章大廚勳章親子達人勳章 BK猜猜猜慶中秋 BK Milk勳章育兒性格勳章 2016畫展勳章

25^#

發表於 10-7-8 23:56 |只看該作者

原帖由 Love111111 於 10-7-8 21:31 發表

我親生果個所謂既媽,係我6歲跟佬走咗lu~

問過我後母,佢16年前懷孕係唔介口架,坐月食咩補身,佢話唔知喎!佢又係日講埋D客家粗口，我最憎架啦!我都唔放心俾佢湊,但係因為經濟問題,都會想佢幫下BB沖涼既!其他湊BB既我想 ...

對唔住，我以下講嘅野可能樓主﹠大家都覺得唔啱聽，雖然我唔知你幾歲﹠點解想要及湊個BB，但我覺得我都需要話你知.........

正如ferferfer所講“生仔既情況比你想像中複雜”.....
我話你知我係7年前已經做過一次未婚媽媽，當時我已經出黎做野，都叫做自己可以照顧到自己，但當我發現自己有左時，已經同BB爸爸分左手，由於個肚已經係28週，我根本已經冇選擇地要生個BB出黎，但我媽講到明唔可以俾個BB入門，同埋佢唔想俾街坊知道佢個女未結婚就有左BB，就送左我入母親的抉擇，話就話係果度會有人照顧我，佢可以放心，但其實佢係怕俾人講閑話......
係家舍果幾個月，我不斷感性上：諗始終都係自己BB，我要好好照顧佢，但理性話我知：雖然我可以照顧自己，但我自己要番工，身邊冇人幫到我，個BB跟住我佢個心理一定好健康，所以我最後決定將個BB交出黎俾人領養......
我仲好記得我只係見左BB 3次，第一次係佢出世果刻，之後BB訓大房由姑娘照顧；第二次係同社工接BB出院，我連抱都唔識抱，更加唔敢抱，因為真係怕自己唔捨得；最後一次係簽紙放棄之前要上去交低所有為BB預備嘅野時，果次我終於喊左出黎........
我係俾BB唯一封信上都解釋點解佢要俾人領養，我真係唔想害左佢，我寧願佢係領養家庭開心成長，起碼果個家庭係健全家庭，唔會係單親先啦！
簽完紙之後我日日都係咁喊，尤其係佢生日果日，我隔左咁多年都好唔開心，但值得開心嘅係好在我好早交個撫養權出黎，BB係未夠3個月就俾人領養左！

SORRY，好似太大段咁........但我只想你諗一諗自己係唔係有咁嘅能力呢？我依家岩岩幫我先生年初一生左個BB，係我知道有左嘅時候，我同我先生都諗左好耐，雖然話佢會幫我手，但我係未生之前果幾十週都擔心自己攪唔攪得掂，所以我都希望你諗清楚先......

[ 本帖最後由 FrankieFUNG 於 10-7-9 00:01 編輯 ]

見我在線？

但可能我已行開了！
以為我行開了？

但可能我就係望住喎！

所以

......你估我唔到！

私人傳訊

蜜棗

積分: 11426

睛靈勳章畀面勳章 BK Milk勳章

26^#

發表於 10-7-9 00:08 |只看該作者

回覆 1# FrankieFUNG 的文章

我諗樓主佢計劃好條路點行嘅!先咁問吓有咩坐月要留意.
咁當然樓主揀得呢條路,佢好明白佢要承受d咩?
總之樓主,支持你!

睇完frankieFUNG你寫呢一段,都好明白當日你嘅感受.換轉係我,我都未必決擇倒?!

爆愛車縫作

私人傳訊

積分: 4190

27^#

發表於 10-7-9 00:10 |只看該作者

回覆 18# 蜜棗的文章

我怕D水唔夠熱咋!咁我都準備定炒米先,不過有無人知,炒米可以放幾耐呀?

私人傳訊

蜜棗

積分: 11426

睛靈勳章畀面勳章 BK Milk勳章

28^#

發表於 10-7-9 00:13 |只看該作者

回覆 1# Love111111 的文章

用玻璃樽裝佢,好似..兩個月.我試過放個零兩個月都冇事.

爆愛車縫作

私人傳訊

積分: 4190

29^#

發表於 10-7-9 00:13 |只看該作者

回覆 19# PrettyBlackRose 的文章

我都係咁諗,不過 Taxi no way la!!
我住北區,醫院係東區,,好費呀!!!

私人傳訊

積分: 4190

30^#

發表於 10-7-9 00:16 |只看該作者

回覆 20# siufung 的文章

多謝妳呀！！

我就係要里Ｄ啦！！！

對我好有用架！

私人傳訊

積分: 4190

31^#

發表於 10-7-9 00:22 |只看該作者

回覆 22# juliette0711 的文章

多謝妳地呀！

好似我既情況，其實唔只我一個，大家一齊加油，永不低頭！！

我諗起細個睇過既＂阿信的故事＂

命運在我手，永不低頭
ＸＸＸＸＸＸ，不去問理由
。。。。。。。。。。。。。。

私人傳訊

namio721

複式洋房

積分: 128

32^#

發表於 10-7-9 00:22 |只看該作者

原帖由 FrankieFUNG 於 10-7-8 23:56 發表

對唔住，我以下講嘅野可能樓主﹠大家都覺得唔啱聽，雖然我唔知你幾歲﹠點解想要及湊個BB，但我覺得我都需要話你知.........

正如ferferfer所講“生仔既情況比你想像中複雜”.....
我話你知我係7年前已經做過一次未婚媽媽，當 ...

睇完我喊左出黎...

私人傳訊

積分: 4190

33^#

發表於 10-7-9 00:23 |只看該作者

回覆 28# 蜜棗的文章

Ｔhank you ~

私人傳訊

kwhyfung

男爵府

積分: 5185

34^#

發表於 10-7-9 00:36 |只看該作者

我建議你帶多一包產婦M巾，你未落得床前D阿姐會幫你一次打孖上，10條未必夠用。仲有，如果生完你同BB都冇特別問題，你要自己照顧BB幫BB餵奶，可以考慮用紗巾或tissue box既紙巾。帶一卷廁紙／tissue box去，你食完飯抹咀都要。
最好帶埋BB尿片同濕紙巾（J牌20片旅行裝），我怕你穿水先流水流到吧吧聲去唔切屈記買。仲有，要帶一套你自己出院著既衫。
可以炒定D米帶去，帶個細既暖水瓶去焗。
只要你拎到，走佬袋帶多少少野都OK （因為你去醫院同返屋企應該都係搭taxi?）

BB羊毛內衣……我個B冬天出世我都冇俾佢著過，醫院內有空調唔會太凍。個人意見係唔好俾BB著太多衫（D老人家、外人最鍾意叫你幫BB著多件衫），著慣左太多衫既BB，反而容易攝親，一著少件就冷親就係呢種。前幾日我帶我個囡（五個月大）出街，佢著住一件連身衫都出汗，o係屋企訓覺唔蓋被都得，迎面而來有個伯伯推住一個大B，個小朋友訓左覺，仲著住長袖衫，冚左兩張被。有時去茶樓見到D老人家帶個孫去，幫個孫著到紥糭咁，五月時著長衫厚棉衫加絨背心

坐月有咩真係唔做得呢？我自己幾乎將所有坐月禁忌都犯哂。一出院就沖涼洗頭（仲要係最凍既二月），冇用薑水薑皂，但就較到D水好熱同洗完頭馬上用風筒吹乾。生完唔夠一星期就日日出門吹風，因為阿B入左院照燈，戴頂帽著件羽絨就出門口，日日返到屋企下盆赤赤痛。補品冇乜食，薑醋都只食過一次，餵人奶阿B唔受得。都feel到自己個人少少虛寒架，靠炒米紅棗茶頂住。

樓主，有冇人可以煮飯你食呀？我坐月時都係得我同老公兩個人，煮焗飯加個菜就一餐啦。將D乾瑤柱洗淨浸泡放雪櫃，豬肉切片或絲醃定放冰箱，洗米煮飯時連D瑤柱水倒埋落去煮（D飯有味D），瑤柱拆絲，到出煙時就鋪埋D豬肉同瑤柱絲落去焗熟，好快就食得。（但呢種焗飯好燥熱下，坐完月再食我都頂唔順會喉嚨痛）菜你食菜心、節瓜之類正氣菜好啦。有D人話生果都寒，我就冇理咁多照食可也，不過就食未雪過既生果，否則唔夠營養俾BB。

成人每日應進食400g蔬果

私人傳訊

kwhyfung

男爵府

積分: 5185

35^#

發表於 10-7-9 00:37 |只看該作者

原帖由蜜棗於 10-7-9 00:13 發表
用玻璃樽裝佢,好似..兩個月.我試過放個零兩個月都冇事.

用存氣玻璃罐裝，兩三個月都冇事。

成人每日應進食400g蔬果

私人傳訊

積分: 4190

36^#

發表於 10-7-9 00:56 |只看該作者

回覆 25# FrankieFUNG 的文章

大家都知道抉擇時候真係好難好辛苦，好怕選擇錯誤，如果妳覺得妳做得啱既！無選擇錯既！妳就唔會係ＢＢ每年既生日，唔捨得或者難過喊咗出黎！ＢＢ唔夠３個月就有人領養，真係ＢＢ既幸福，領養既人，無錯係要經過查核，兩公婆結婚３年以上，要有經濟能力，我都有睇過保良局領養資料（因為我曾經有打算過），但係領養爸爸同媽媽係咪真係當已出，直至ＢＢ成家立室呢？無人知～當妳有第二個ＢＢ時，妳地諗要唔要好，我想問妳，妳係咪仲生活緊係妳既陰影裡面，如果係，我希望妳可以走返出黎，生活係屬於自己既生活裡面！

我明白妳係出於好意提醒我，多謝妳同我同埋大家分享妳既經歷，只要妳有咩想同大家分享（開心同唔開心），係會有好多好既聆聽者架！唔好介意個post 長定短！

我６歲時，我親生媽媽跟佬走咗！之後就同兩個細佬跟住爸爸生活，好慶幸既係，我爸爸無將我地送去孤兒院，無野係比一家人係埋一齊幸福同開心！前排，我問我爸爸：果時佢點解唔送我地去孤兒院，佢答我：果時學費平丫麻！果一刻，我感受到遺失已久既感覺，爸爸既愛，我因為單親懷孕，所以搬返黎住，之前十幾年，我都係搬咗出去住既！我爸爸無放棄我幾個，佢當時做一份保安工作，一份糧養自己同埋我地，我地依家個個都一樣大個啦！出黎做野啦！可以話我地係天生天養，我搵一份工，養自己同ＢＢ，無可能養唔到啦！我又唔係要ＬＶ，法拉利既人！無野係比得上睇住自己ＢＢ成長架！

我今年年頭足３０歲啦！

私人傳訊

蜜棗

積分: 11426

睛靈勳章畀面勳章 BK Milk勳章

37^#

發表於 10-7-9 01:04 |只看該作者

回覆 1# Love111111 的文章

睇完你咁講,好感動.你一定會係一個好媽咪.當然人人選擇唔同,但你一定要加油.我相信你今日嘅堅強,會活出將來美好嘅路!亦都會令你嘅小朋友好尊重.雖然你揀條路的確係會好辛苦,但你無因為咁而放棄你個BB!
加油!有咩需要可以同大家商量.十卜你X無限次!

爆愛車縫作

私人傳訊

kwhyfung

男爵府

積分: 5185

38^#

發表於 10-7-9 01:16 |只看該作者

原帖由 FrankieFUNG 於 10-7-8 23:56 發表

對唔住，我以下講嘅野可能樓主﹠大家都覺得唔啱聽，雖然我唔知你幾歲﹠點解想要及湊個BB，但我覺得我都需要話你知.........

正如ferferfer所講“生仔既情況比你想像中複雜”.....
我話你知我係7年前已經做過一次未婚媽媽，當 ...

我媽媽有個朋友，佢兩夫妻不育，做左幾年不育治療都無所出，最後去登記領養，排左十年（佢地話）先排到一個本地出生初生女嬰，原來初生嬰兒好搶手下（大小小D人寧願不要）。宜家個小妹妹十二歲啦，養父母對佢仲好過唔少人對親生兒女，養母辭左職做家庭主婦專心湊女，自細送佢去國際學校，打算送佢去外國讀大學。我唔係想講有條件送小朋友去讀私校就叫好，而係領養家庭對呢個得來不易既養子／養女都唔一定差，佢地好多都係做足一切教養子女既準備（不論經濟定心理上），先去迎接期待已久既寶貝。

我覺得冇得話俾人領養定自己照顧好D，呢個謎冇人有答案。但我相信，只要係為BB著想，認真徹底思考過再下既決定，就係對BB最好既。

成人每日應進食400g蔬果

私人傳訊

積分: 4190

39^#

發表於 10-7-9 01:18 |只看該作者

回覆 37# 蜜棗的文章

其實我有咁既決定,有一部份都係因為BK裡面咁多位媽咪俾我既支持，同埋宜家都有好多單親家庭，佢地既經歷俾到好多啟發我,我唔想因為自己既自由而放棄BB，我有D朋友結婚幾年,都沒有BB,想要BB既人有好多,而我覺得BB係上天賜予俾我既!我唔可以放棄!十幾年前我已經放棄咗3個啦!曾經我同一位舊男朋友一齊幾年,都諗住順其自然,有咗就結婚啦!感情都好穩定既!可惜幾年無避孕,都係無BB!宜家有啦!就要珍惜!我知我BB懂性架!我之前未決定既時候,BB會踢我個肚,好似知道我唔開心,幫我加油打氣支持我既感覺,佢生命力比我強!我感覺好幸福啦!

[ 本帖最後由 Love111111 於 10-7-9 01:41 編輯 ]

私人傳訊