吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 當嫁了一個妳不愛的男人...

夫婦情感今日: 3|主題: 42739

收藏本版

發帖

返回列表

跳至頁

樓主: busiuhk

當嫁了一個妳不愛的男人... [複製鏈接]

123

jerma

男爵府

積分: 8179

好媽媽勳章

21^#

發表於 10-7-21 13:29 |只看該作者

其實搵到個佢愛我，多過我愛佢咖男人係好幸福咖，點解你唔諗吓佢咖優點，而去諗係唔係咁便一世呢？

當初嫁比佢咖時候，點都有一點愛掛？

私人傳訊

LUON

大宅

積分: 3466

22^#

發表於 10-7-21 16:27 |只看該作者

係咪世界上真係無咁既事呢?
我算係一個例外吧?!
我唔係靚, D人話我順眼果隻,
我鐘意好多朋友一齊去呢度玩, 算係玩得投入同健康果隻;
我鐘意D靚既野, in既野,
我同所有女人一樣, 鐘意靚仔,
鐘意比人錫, 喜歡戀愛的感覺!
總括來說, 我比上不足, 比下有餘啦!

所以初初識我老公時,
唔鐘意佢,
佢著衫好老土,
係果隻70年代Feel,
講野好悶, 好多理論(需然我都係, 但兩個多理論既人走埋一齊真係會死得好快)!
佢係高廋形, 高係好, 不過太廋,
5呎10吋得135磅!
好鬼慳家, 有潔癖!

我當時點解揀佢做男友?
係因為我反正無拖拍,
而佢又係果隻會結婚既男人,
而我唔想再玩啦!
想嫁人(中女個個都係咁諗!)

但我同自己講,
嫁得人就預左退出呢個多資多彩既世界,
於是乎, 我開始催眠自己,
叫自己愛上佢!

喂! 係咪只係係我身上WORK架?
我真係愛上左佢wor!
佢好多我當時睇覺得係好唔鐘意既野,
而家都竟然順眼晒wor?
而事實證明, 佢真係做老公既材料,
仲係好老公!

奇實, 男人, 個個都差唔多,
我相信, 我唔嫁佢,
嫁第二個我都會咁愛,
因為一個人的內在美,
係會越來越靚,
只要你揀佢時係睇佢既人品性格內涵,
長期下來一定有可觀的回報!

愛, 係可以一點一滴咁去製造出黎架!

奇實, 取著我果個先係最幸福, 呵呵!
(唔好意思, 離題萬丈, 仲自讚自彈!
恕罪!恕罪!)

私人傳訊

Wishhavebb

大宅

積分: 2477

23^#

發表於 10-7-21 17:52 |只看該作者

nil

deleted.

[ 本帖最後由 Wishhavebb 於 10-7-21 18:02 編輯 ]

私人傳訊

busiuhk

大宅

積分: 1090

24^#

發表於 10-7-22 00:05 |只看該作者

當初同佢一齊, 都知佢唔識tum我, 佢成日話個D tum你既人係會欺騙你的, 可能因為我上一段關係係比對方欺騙, 所以就相信佢這番話...

和他一起, 沒有很甜蜜的感覺, 可能佢覺得對你好, 就係帶你去食餐好既...

從前拍過兩次拖, 第一個男朋友時, 我當時只係中四五, 乜都唔識, 但係好記得佢同我講過佢做每件事都要令我開心, 基本上佢真係做到, 只係當時我們因一些誤會而分手, 我感到他一直很愛我, 但只是我不太愛他... 即使若干年後我和第二個男友分手, 我們重遇, 他亦不計較地關心我....

第二個男友, 我想是我一生中最愛, 但亦最令我傷心, 至今我亦不能忘記他... 他帶給我很多回憶, 他有很多情話, 和他一起很甜蜜, 至今我仍相信他是真的, 只是後來他移情別戀... 和他分開已十年了, 但我心仍記掛著初戀的感覺...

和老公由好朋友化為情侶, 他沒有情話, 拍拖時還會討好你, 但結婚後, 很多時會和我爭論, 他是喜歡說道理, 講原則, 和他一起很累... 我也多次提出此問題, 他從不覺我們的婚姻有問題, 他很滿足於現狀...

雖然我們感情很淡, 我自問也做好妻子和媽媽的責任, 只是當他怪責我做得不夠(照顧屋企) 或不斷講道理時, 我覺得好煩, 好煩, 就會想, 我一生便是如此了... 就算以前的男朋友, 他們做每件事都會令我開心...

[ 本帖最後由 busiuhk 於 10-7-22 00:07 編輯 ]

私人傳訊

emum

複式洋房

積分: 146

25^#

發表於 10-7-22 02:16 |只看該作者

I think man is 80% is same!!!

原帖由 busiuhk 於 10-7-22 00:05 發表
當初同佢一齊, 都知佢唔識tum我, 佢成日話個D tum你既人係會欺騙你的, 可能因為我上一段關係係比對方欺騙, 所以就相信佢這番話...

和他一起, 沒有很甜蜜的感覺, 可能佢覺得對你好, 就係帶你去食餐好既...

從前拍過 ...

:-D ;-) :-P :-)

私人傳訊

noelching39

子爵府

積分: 14677

26^#

發表於 10-7-22 07:54 |只看該作者

我和你剛相反，初初只有少少愛我老公，經過 18 年磨合，現在好愛佢，因為真係見到佢為我地付出好多，佢同樣唔會 tum 我，絕對唔會有情話。
我成日同我仔講笑：「你唔好同我爭老公呀！你爸爸淨係鍾意我 ga je」

私人傳訊

等運到

大宅

積分: 3197

好媽媽勳章

27^#

發表於 10-7-22 09:29 |只看該作者

原帖由 EVA222 於 10-7-21 11:41 發表
回想番以前,曾有兩個男友,我都無愛過,就算是現在老公,只認為他是好男人,有個伴而矣,我感受到他很愛我,其實我最愛是自己.

好有同感..

唸返我個EX....其實我都唔系好愛佢, 而而家老公佢好顧家,對阿囡又好,很愛我地,雖然我都愛佢, 但對比起來講, 我會較愛自己一點.

私人傳訊

LUON

大宅

積分: 3466

28^#

發表於 10-7-22 11:09 |只看該作者

原帖由 busiuhk 於 10-7-22 00:05 發表
當初同佢一齊, 都知佢唔識tum我, 佢成日話個D tum你既人係會欺騙你的, 可能因為我上一段關係係比對方欺騙, 所以就相信佢這番話...

和他一起, 沒有很甜蜜的感覺, 可能佢覺得對你好, 就係帶你去食餐好既...

從前拍過 ...

講真, 睇你寫既野就覺得你唔識從錯誤中得教訓,
世上有邊個女人唔係死係個男人講情話手上?
我講係死呀!
你最愛果個男人咪就係情話綿綿,
不過結果就係佢移情別戀LOR!
除非你超靚+超有錢,
否則, 呢種男人係永遠鎖唔住架!
就算比你仲係同最愛果個男人一齊,
我好肯定, 結左婚生埋仔之後,
佢同你而家既老公係無分別,
唯一有既, 係佢既情話綿綿同緊弟二個女人講,
而你就會比而家仲痛苦!

人呀!
最可怕既就係唔知足同唔懂珍惜自己所擁有的!

私人傳訊

unicath

男爵府

積分: 5995

好媽媽勳章

29^#

發表於 10-7-22 11:14 |只看該作者

原帖由 jojo_yin 於 10-7-21 11:31 發表
試問有幾多個女人能夠嫁俾一生中最愛既男人？我覺得唔多囉~
能夠做得成夫妻，多少都有D緣份。

唯有係咁諗架jei
真係冇乜幾個可以嫁俾一生中最愛,即使眼前果位唔係最愛既,可能反而係最適合你架呢......不如慢慢將佢變成你最愛果位啦~相處耐左,始終都會有感情,有感情分架ma~~

私人傳訊

LUON

大宅

積分: 3466

30^#

發表於 10-7-22 11:21 |只看該作者

原帖由 noelching39 於 10-7-22 07:54 發表
我和你剛相反，初初只有少少愛我老公，經過 18 年磨合，現在好愛佢，因為真係見到佢為我地付出好多，佢同樣唔會 tum 我，絕對唔會有情話。
我成日同我仔講笑：「你唔好同我爭老公呀！你爸爸淨係鍾意我 ga je」 ...

我同你一樣, 係越來越愛佢!
當然, 鬧交時就想打獲金既佢,
但有邊對父妻鬧交時會好開心!
我老公對我無情話架,
咁我講LOR!
我成日同佢講,話嫁到比佢我真係好鬼幸福,
訓覺時會攬住佢話我掛住佢!
佢會笑下, 話你知嫁我好咩!
好又成日同我鬧交?!
如果比其他人, 真係咩心情都無晒!
但我明白佢, 奇實佢內心不知幾受,
但要佢講D好肉麻既野,
佢又做唔到! 所以我習慣佢既回答,
只要知道佢個心其實有我就得啦!

我地都係大人, 無錯, 溝通係要用口,
要講出黎, 但有D野,
有D感情事, 唔係下下都講得出,
心領神會更長久, 更有深度!

私人傳訊

ndw

子爵府

積分: 13839

31^#

發表於 10-7-22 13:43 |只看該作者

原帖由 busiuhk 於 10-7-22 00:05 發表
...第二個男友, 我想是我一生中最愛, 但亦最令我傷心, 至今我亦不能忘記他... 他帶給我很多回憶, 他有很多情話, 和他一起很甜蜜, 至今我仍相信他是真的, 只是後來他移情別戀... 和他分開已十年了, 但我心仍記掛著初戀的感覺...
...

從前拍過 ...

好明白你Lee個感受，感情，經驗。我也有此雷同，是對我在另一個標題裡發表的 X 君。

拿拿拿，唔好報串給我老公聽啊！

我從結婚起就一直在學習去愛我唯一的老公。我老公都覺得他自己有我做老婆而感謝神！我都是一樣因神給了他給我做老公而感謝神！

加油啦！提議你也嘗試學習去愛你現在的老公。

[ 本帖最後由 ndw 於 10-7-22 13:44 編輯 ]

私人傳訊

suetying1210

複式洋房

積分: 164

32^#

發表於 10-7-22 14:37 |只看該作者

我同我而家既老公岩岩結婚冇幾耐, 之前拍拖一齊左3年, 呢3年間經歷左好多野, 佢係一個好專一既人,唔係有錢,唔會比物質既野我(但係我都唔追求物質既野), 唔係沙沙滾果d, 我地曾經講過要一齊比心機返工賺錢, 一齊儲錢之後會結婚~ 但係當時既我係一個好懶既女仔... 份份工都做唔長, 成日辭工...但又隔幾個月什至半年先做另一份工, 長此落去, 佢當然唔會想繼續同我一齊, 期間佢媽咪又好不幸有CANCER要做大手術, 我呢3年都係一直住o係佢屋企~ 果時佢叫我返自己屋企住一排先(因為佢阿婆係好迷信既人, 覺得係因為我住左o係度佢阿媽先有呢個病,) 當時我唔肯, 因為我想成日都同佢一齊, 跟住鬧鬧下, 佢就話同我分手~

其實主要原因係我自己當時好懶成日唔願返工, 加上佢本身好大男人, 小小事都好易發脾氣~ 所以分左手;

呢次係最傷心既一次~因為我真係好愛佢~但又好憎自己果時成日都咁懶唔肯同佢一齊比心機返工賺錢儲錢...分左手之後~我以為佢鍾意左第2個女仔,次次一諗到呢度更加傷心同後悔~! 同佢分左手2個月之後, 我好快同左第2個男仔一齊, 但係我好清楚知道自己一d都唔鍾意佢, 只係為左想忘記EX, 原來同一個自己唔鍾意既人一齊, 真係唔會開心, 我有試過叫自己忘記EX, 嘗試同另一個有新開始, 但結果係忘記唔到!

我同EX分開左之後既第3個月, 我同佢講(sms)我想擰返留o係佢屋企既野, 仲有同我個EX講左, 如無意外, 我會同而家呢個BF遲d會結婚, 我想睇下佢有咩反應, 佢覆返我, 仲恭喜我, 仲話希望我會開心同幸福;

之後就o係佢覆返我果一晚 , 由我地分手到果時佢第一次打比我, 佢岩岩收工,問我得唔得閒出黎一齊食飯, 果一刻我已經知道其實佢係放唔低我, 之後佢同我表明,好想同我o係返一齊重新開始, 我當時真係好開心, 但都有猶豫過, 究竟我要選擇愛情定係麵包... 最後我都係決定左同返EX一齊;

可能真係要分開過先知, 邊一個先係自己既最愛...

我同佢而家相處同以前感覺唔同左, 係開心左好多~ 我都睇得出佢為左我~ 佢改變左自己唔少(最緊要係d脾氣),

o係我有左BB呢大半年, 佢都好比心機返工, 叫我唔洗搵工住好好地休息等BB出世,

我覺得當初如果同佢冇真正分開過, 可能到左而家只會愈黎愈唔開心,

我地而家都學識體諒對方, 同埋互相遷就對方, 其實有BB係我同老公意料之外既事, 老實講我o地都知道將來既路會好難行~生兒育女唔係妯路仔玩泥沙咁簡單, 但係我同我老公有信心會俾到BB開心同幸福.

而我自己都好慶幸遇到一直對自己咁好既人,仲可以同佢結婚生仔過人世, 將來會發生d咩冇人知, 但呢一刻我真係覺得自己好幸福,
如果當初我冇選擇同返佢一齊,我一定會後悔一世,
我最後可以同自己最愛既人一齊,已經心滿意足再冇遺憾了.

祝所有BK媽咪都幸福快樂

私人傳訊

mrmaozi

大宅

積分: 1484

33^#

發表於 10-7-22 16:06 |只看該作者

搵一個愛你多過你愛他的人..會過得倖福一點...我地多多小小都有一個最愛的人..但果個人未必能成為自己的丈伕....但身邊那位愛妳多的人...會炤顧你愛護妳..那不是很倖福嗎?!

私人傳訊

peace_lin

別墅

積分: 634

34^#

發表於 10-7-22 20:07 |只看該作者

我好有同感, 我上呢個網想開個topic睇吓有冇人同我一樣, 嫁左比個我唔愛的人, 你有冇小朋友?我有個仔, 當初有左而結婚, 我好愛小朋友, 所以有左時好開心, 好多野都蒙蔽左, 佢可以即刻同我結婚, 佢係好男人, 好老公好爸爸, 但我地其實好唔夾, 佢一d笑都唔識講, 我真係好無奈, 回想結婚當日我都唔開心, 我失左理志同佢結婚生仔, 明知自己唔愛佢, 因我不斷同自己講嫁比佢是冇錯的, 佢的確係好好先生, 我以為自己可以對佢一世, 但而家我真係好辛苦, 對住佢樣樣都唔順眼, 我唔知可以挨到幾時, 我都係咁諗, 自己咁就一世.
嫁個佢愛你多過你愛的當然幸福, 但我地既問題係已經唔愛佢...

私人傳訊

peace_lin

別墅

積分: 634

35^#

發表於 10-7-22 21:20 |只看該作者

原帖由 LUON 於 10-7-21 16:27 發表
係咪世界上真係無咁既事呢?
我算係一個例外吧?!
我唔係靚, D人話我順眼果隻,
我鐘意好多朋友一齊去呢度玩, 算係玩得投入同健康果隻;
我鐘意D靚既野, in既野,
我同所有女人一樣, 鐘意靚仔,
鐘意比人錫, 喜歡戀愛的感 ...

我催眠自己要愛上佢, 我揀佢時都因為佢既人品, 學歷, 工作, 但點解仔都生埋, 我都係愛唔到佢, 當初的少少中意都冇埋, 我都唔知點走下去, 好痛苦, 見到人地一雙一對好美滿, 自己表面係, 內裹卻不快樂.

私人傳訊

LUON

大宅

積分: 3466

36^#

發表於 10-7-22 22:31 |只看該作者

to peace_lin,
我只可以咁講,資源錯配!你去問下bk老公有婚外情既媽媽,佢地好多都嫁到自己既最愛架! 而佢地有婚外情既老公而家都搵到最愛!無言!

婚姻係要經營架,比你嫁到個最愛,但大家唔識相處,唔識體諒,日子耐左痛苦更多!

嫁到好老公本來就係你同仔女既福氣,但似乎你唔配得擁有!

唉!你問點解仔都生埋, 你都係愛唔到佢,用另一個角度睇,我老公都有好多野無對我做,無對我甜言密語,成日好多理論。但我想佢攬下我,閉咀一會兒,我試左好多方法,終於比我搵到一個時段,係佢會relex既,我就主動攬住佢,做我想佢做既野,滿足我好多時得唔到既野!
我既方法只岩我同我老公,但每對夫妻都一定有一個岩佢地既方法。
你要坐係度成世自怨自艾,定同佢離婚搵過件所謂最愛,定係現成既材料當中找答案呢?

私人傳訊

busiuhk

大宅

積分: 1090

37^#

發表於 10-7-23 00:05 |只看該作者

我諗大家都無諗住離婚, 只是心裡覺得有點遺憾, 當夫婦間有衝突時, 這點遺憾便令自己自怨...

在感情上我不能欺騙自己, 在理智上我努力做好我的本份... 身邊既人都覺得我遷就我老公, 因為他容易大脾氣.... 拍拖時他會遷就我, 但結婚後他會和我爭論...

或許大家都變了...

不能改變當初的選擇, 但又沒有改善現在關係的動力, 正是現在的內心衝突...

好友最近和男友分手, 原因是彼此不能溝通, 感覺不到愛意的交流, 即是對方再好條件, 她也懸崖立馬, 或許她比我聰明...

說出來, 只是覺得希望有人聆聽, 也給自己一個抒緩的空間, 講真, 我沒有勇氣作甚麼大的轉變...

私人傳訊

pigpigpat

大宅

積分: 2706

好媽媽勳章

38^#

發表於 10-7-23 00:43 |只看該作者

好感觸好無奈

我好想改變現狀
但我唔可以為左成就一個自己
而"曦牲"一個家
最後我揀左保持現況

珍惜生命 ~~ 上帝還讓你活著就肯定有祂的安排

私人傳訊

strawberry16

大宅

積分: 2054

39^#

發表於 10-7-23 01:08 |只看該作者

最愛他是因為得不到, 有遺憾
他愛您就不會移情別戀~~

您對愛情存有太多幻想，睇得電視劇太多了。

原帖由 busiuhk 於 10-7-22 00:05 發表
第二個男友, 我想是我一生中最愛, 但亦最令我傷心, 至今我亦不能忘記他... 他帶給我很多回憶, 他有很多情話, 和他一起很甜蜜, 至今我仍相信他是真的, 只是後來他移情別戀... 和他分開已十年了, 但我心仍記掛著初戀的感覺...

從前拍過 ...