肥嘟媽 寫道:
我也正經歷這個階段，路實在不易走，每天都在疑神疑鬼的情況下渡過，我不斷告訴自己，因為愛我才原諒他，接受他，讓他有機會改過，也讓我們的關係重新來過，過往的事忘記吧，但每天獨自一個人的時候，很多很多的感覺，幻想就出來了，一切負面的想法真要費很大的力勁才可壓抑著，好辛苦，見到老公，又要裝作沒事發生，有時真的很累，明明不開心又不可以認，因為認在他眼中只是撩起件事來講，惹他討厭呢，而我亦知每講一次，之前辛辛苦苦建立修補的會完全抺掉，唉，我不斷告訴自己開心，相信他，而他所做的一切及承諾能令我有信心，但，真的很無助，那天才可找回從前100%信任的老公?
Sanho 寫道:
你以前咁放心, 會唔會因為咁, 所以你老公先會以為你唔愛佢, 唔緊佢?
信心呢樣野, 冇左就冇左. 重建信心既責任係你老公度, 唔係你度.
你有冇問過你老公, 點解佢覺得你唔愛佢?
同埋想講一句: Never say never, 永遠不要對男人投100%信任票.
Funghei 寫道:
[quote]
merrybaby 寫道:
yes...你打算點?
你捨得離開佢嗎?
我以前未試過第3者呢個問題時, 我以為, 如果我老公有第2個女人, 我一定會殺死佢地2個, 就算唔殺死佢地, 我都唔會要佢, 一定會離開
但係原來, 當事情真係發生左0係自己身上
打擊很大, 心裡很痛
但係
如果你係愛一個人
你係會將愛包容佢
再俾機會佢改過
但係...如果已經係第3次....
唉
[/quote]
happybaby&mom 寫道:
merrybaby, 點解你老公會覺得你唔愛佢?乜你平時好少時問陪你老公咩?? 我覺得呢個只係佢個藉口, 唔愛佢點會同佢結婚!? 玩咩...
同埋你老公同個女人一齊做野, 咁真係好危險, 正牌佢對住個女人時間仲多過你, 一齊出去食LUNCH, 得閒又傾下計, 咁你都control 唔到wow....(我同老公之前都係同事, 然係日久生情而結婚..)
尤其如果個女人明知你老公有家室都咁做, 咁証明佢好有問題...試下得閒約你老公食lunch, 或等佢放工, 起碼比個message 個女人係你仲生'out out', 未死! :evil:
Sanho 寫道:
我覺得呢d係男人同女人既分別囉.
對男人黎講, 有個女仔好傾d, 佢唔會有咩戒心, 但到最後愈傾愈埋, 甚至有左感情, 佢果下可能先開始覺得有問題, 如果冇野stop佢(例如老婆發現), 佢會一路錯落去, 良心雖然偶然受責, 但又控制唔到自己. 到俾老婆發現, 一係逃避問題(最好兩個女人都忍到), 再唔係睇下果一刻邊個(女人/老婆)拉力大d, 咁一個家就玩完架啦, 男人始終好被動.
佢地由始至終都唔會睇得呢個問題好嚴重. 所以點解好多男人有"紅顏知己"都覺得冇問題, 因為佢地覺得都未上床. 但女人知道咁落去, 下一步就上床架啦. 所以你話100%信任男人, 我覺得好危, 因為男人標準同女人唔同, 唔check住佢, 分分鐘出事.
發表於 
返回列表
